تدفع اشتراك الجيم وما بتلتزم.. ليش؟! | باسل قطامش | 218

زي ما بتلتزم بالجيم.. بتلتزم بحياتك! في هذه الحلقة، بنحكي عن واحد من أكثر القرارات اللي بنأجلها دايمًا: قرار إنك تبدأ بالرياضة وتلتزم فيها، بنستضيف المدرّب الرياضي ومؤسس نادي "بالفت" باسل قطامش، اللي بيكسر معنا الصورة اللي بتبيعها السوشيال ميديا عن الرياضة، وبيقول إلنا بصراحة: اللي بتشوفه على إنستغرام مش حقيقي، الواحد بيصوّر أحسن أسبوعين بحياته وبينشرهم على طول السنة، فلما تقارن جسمك فيه بتنكسر وبتقعد بالبيت. باسل بيحكيلنا إنه أكبر مشكلة بالأندية اليوم مش إنه الناس ما بتسجّل، بالعكس بتسجّل بحماس، بس بعد أسبوع بتختفي، من كل 1000 مشترك، 800 منهم بيدفعوا فلوسهم وما بيروحوا للنادي تاني، السبب؟ مش الكسل بس، السبب توقعات كاذبة، وغياب إحساس إنه في حدا مهتم فيك، وفكرة إنك لازم تتحوّل لبطل بشهرين. بنفكّك معه ليش الرياضة لعبة طويلة المدى، وليش أول 90 يوم بالنادي هم الأهم سيكولوجيًا، وكيف إنه الالتزام بالجيم بيعلّمك تلتزم بحياتك كلها. وبنربط الحكي بالواقع اللي عايشينه: في بلد فيها حواجز وحروب وقلق يومي، بتصير الرياضة مش رفاهية، بتصير ضرورة. باسل بيحكي إلنا كيف في ناس بتضل ساعتين على الحاجز عشان توصل النادي، وكيف صار النادي مساحة الناس بتفرّغ فيها غضبها وتشحن من جديد عشان تكمّل. لأنه إذا ما كنّا أقوياء بأجسامنا، رح ننكسر بأول ضغطة. 🎯 نناقش في هذا الحوار: 📍 ليش بندفع اشتراك الجيم وبنختفي بعد أسبوع.📍 كذبة السوشيال ميديا وكيف بتخلّينا نحبط قبل ما نبدأ.📍 سرّ التدريب الجماعي وليش بيخلّيك تكمّل لما تحبّ تستسلم.📍 الرياضة في زمن الحرب: كيف بيصير الجيم وسيلة صمود.📍 المدرّب اللي بيفهمك مش بس اللي بيعدّ لك التمارين. 💥 ونتوقف عند بعض الأسئلة: 🔍 ليش بنحمّس حالنا أسبوع وبنطفي بعدها؟🔍 شو اللي بتشوفه على إنستغرام وبيخلّيك تحس إنه فات الأوان عليك؟🔍 كيف بتحس إنك مش لحالك لما تتدرّب وسط مجموعة؟🔍 ليش الرياضة صارت مساحة نجاة لكثير من الناس بهالأيام؟🔍 شو اللي بيخلّي الواحد يتدرّب 10 سنين بدون ما يوقف؟ 🎙 الضيف: باسل قطامش مدرّب ورياضي ومؤسس نادي بال-فت، حاصل على درجة الماجستير في العلاج الرياضي من جامعة ليدز بيكيت في بريطانيا، ودرجة البكالوريوس في التربية الرياضية من الجامعة الأردنية، يمتلك خبرة واسعة وعميقة في مجال التدريب الرياضي والتأهيل البدني للأطفال واليافعين والكبار، ينصبّ تركيزه على تقديم نهج شمولي للصحة والأداء الرياضي، مدعوماً بشهادات متخصصة في التغذية ورفع الأثقال والإسعاف الأولي وغيرها. 🧭 المحاور: أحمد البيقاويمدوّن ومحاور #بودكاست_تقارب، يعمل في إدارة الإعلام والمحتوى، وساهم في تأسيس مبادرات إعلامية فلسطينية. 🎙 بودكاست تقارببرنامج فلسطيني حواري يقدّمه أحمد البيقاوي، يهدف إلى تعزيز معرفتنا حول فلسطين وتوثيق الرواية الفلسطينية. 📌شاركونا مقترحاتكم للضيوف والمواضيع: https://forms.gle/ezsHseCs3rxzLFNp6 📌لمزيد من التفاصيل حول كواليس هذه الحلقة وحلقات أخرى، وصناعة الإعلام وتقارب بشكل خاص، اشتركوا بالنشرة البريدية:  نشرة بودكات تقارب📌 لدعم استمرار حوارات بودكاست تقارب: Get more from Taqarob Podcast | بودكاست تقارب on Patreon 👇 تابع بودكاست تقارب 👇👉 Facebook: بودكاست تقارب👉 Instagram: بودكاست تقارب (@taqarobpodcast)👉X / Twitter: بودكاست تقارب (@taqarobpodcast) on X👉 Telegram: أحمد البيقاوي👉 TikTok: taqarobpodcast on TikTok👉 Whatsapp: بودكاست تقاربSee omnystudio.com/listener for privacy information.