"Tele Tele" in Berom- Cocin Katolika na St. Finbarr Jos, Carol(Hausa)".3gp(

"Tele Tele"(In Berom ) - St. Finbarr's Catholic Church Jos, Carol(English)".3gp // 1 KƆRINTƆS 15.  - Séne Kristi yi e reku1Di in, à begwa, me simo na me to bare a yin na Yɛgɛt Yat de ma kana shara a yin. Yin a sey yɛ̄, ko yin a sé tumal gak e de raà yɛ̄. 2A sé yi na Yɛgɛt Yat o de be sey neken min, ka sede yin e re nuyel na kaba na gap há de ma shara a yin. Ka ano wɛt, ka sêy tsak o min ha sé yapyi zɔng. 3Yaga há de ma sey raane, e hɛ de ma to nɔng in arɔng, yaga e hɛ de ha dal mwa na nerey. Há ma het ngan: Kristi a ku yaga banɛn mot tyɛng na pyɛ de bà jɛk e Bwok-basa Dagwi. 4Ba lɛrɛ hɛ e sak, ko ba to sene hɛ tuk hê tat tyɛng na pyɛ de bà jɛk e Bwok-basa Dagwi. 5Ko a dura tó mɛ na Kefas, ko a to dura a betom mɛ kuru na vɛ beba tó mɛ arɔng. 6E bama mo, a dura a begwa bemat-raa de ba dal naga betungun (500) tó mɛ e jeng jining. Bwarwey mɛn ba rɔngɔl na neken a remo, mwa ano de behak mɛn ba ga kushu. 7Ano arɔng, a dura tó mɛ na Yakɔp, ko e bama mo, na mwa betom mɛ. 8E yɛnɛ mo mwa, a de dura a me tó mɛ arɔng, me de ma sé sede hwey de ba tɔ̀ hɛ e jeng o wɛt. 9Yaga e me de ma radɛ me bwang betom Yɛsu mo mwa. Ma ka vey na be yang me, à tom mɛ wɛt, yaga ma kana tak a bemât ekilisiyâ Dagwi reyɔm. 10Ko a sé yi na nerat de Dagwi a dura a me de ma sé yerê mwat de ma sé a remo. Ko nerat de a dura a me mo ná sè yapyi wɛt. Ná tɛ̀, ma ra fwom na gap hom na me dal mɛ̀ bwang mɛn mwa. Ko á sè e me de ma ra ano wɛt, á sè e nerât Dagwi de na sé na me. 11Yaga ano, kɛ a sé e me de ma shara Yɛgɛt Yat o kɛ e yɛn, mwa gwining o. A sé e pyɛ ma yemo de wot a shara yɛ, ko e yɛ de yin a sey tsak o na yɛ.