Timor nia kor naroman iha selebrasaun dia de Portugal iha Melbourne

Tinan-tinan, komunidade lingua Portuguese ka CPLP iha Melbourne, Australia komemora dia de Portugal liu husi festival ne'ebe membru nasaun CPLP sira mai hatudu no fahe sira nian kultura, hahan, arte no musika iha merkado Victoria, Melbourne. Ba komunidade Timor-oan sira iha Melbourne, ne'ebe reprezenta husi sira nia Asosiasaun Timorense iha Victoria (Timorese Association of Victoria) ida ne'e oportunidade diak atu mai hatudu sira nia kultura no tradisaun úniku liu husi produtu Tais, dansa, musika no mos fahe informasaun kona-ba asosiasaun ne'e rasik.