ਤਿੰਨ ਦਿਨਾਂ ਦੀ ਚਾਈਲਡਕੇਅਰ ਸਬਸਿਡੀ ਹੋਈ ਲਾਗੂ, ਪਰ ਕੀ ਇਹ ਪਰਿਵਾਰਾਂ ਲਈ ਲਾਹੇਵੰਦ ਸਾਬਤ ਹੋਵੇਗੀ?

ਚਾਈਲਡਕੇਅਰ ਵਿੱਚ ਬੱਚੇ ਭੇਜਣ ਵਾਲੇ ਮਾਪਿਆਂ ਲਈ ਹੁਣ ਹਫ਼ਤੇ ਦੇ ਤਿੰਨ ਦਿਨਾਂ ਲਈ 90 ਫ਼ੀਸਦੀ ਸਬਸਿਡੀ ਦੀ ਗਾਰੰਟੀ ਦਿੱਤੀ ਜਾ ਰਹੀ ਹੈ, ਅਤੇ ਇਸ ਲਈ ਕਿਸੇ ਵੀ ਯੋਗਤਾ ਟੈਸਟ ਨੂੰ ਪੂਰਾ ਕਰਨ ਦੀ ਲੋੜ ਨਹੀਂ ਹੋਵੇਗੀ। ਇਹ ਸਬਸਿਡੀ ਅਗਲੇ ਚਾਰ ਸਾਲਾਂ ਵਿੱਚ ਲਗਭਗ $430 ਮਿਲੀਅਨ ਦੀ ਲਾਗਤ ਪਾਵੇਗੀ, ਪਰ ਸਰਕਾਰ ਦਾ ਕਹਿਣਾ ਹੈ ਕਿ ਇਸ ਨਾਲ ਲੱਖਾਂ ਪਰਿਵਾਰਾਂ ਨੂੰ ਫ਼ਾਇਦਾ ਹੋਵੇਗਾ। ਪਰ ਕਈ ਪਰਿਵਾਰਾਂ ਦਾ ਦਾਅਵਾ ਹੈ ਕਿ ਆਪਣੀ ਪਸੰਦ ਦੀ ਚਾਈਲਡਕੇਅਰ ਸੇਵਾ ਵਿੱਚ ਬੱਚੇ ਦਾ ਦਾਖਲਾ ਮਿਲਣਾ ਇੱਕ ਚੁਣੌਤੀ ਹੈ ਜਿਸ ਵਿੱਚ ਇਸ ਨਵੀਂ ਸਬਸਿਡੀ ਰਾਹੀਂ ਵੀ ਰਾਹਤ ਨਹੀਂ ਮਿਲੇਗੀ।