Trina á Sandi - einkja í tjóðskaparstríði (1:2)

Hon hevði kanska størri týdning fyri okkara tjóðskaparanda og sjálvbjargnisstarv enn nakar annar, segði Jóannes Patursson um Trinu á Sandi, tá hann umrøddi føringafelagstíðina á tingi í 1923. Áhugin var stórur fyri máli, mentan og politikki á føroyskari grund, eins og fyri Grundtvík og háskúlarørsluni í heiminum har hon vaks upp. Hon giftist til Havnar á ungum árum, men sat einkja við fimm børnum longu, tá hon var 31 ár. Heima hjá henni hittust oddafólkini í tjóðskaparrørsluni fram til aldarskiftið 1900. Magni Arge hevur skrivað og lagt til rættis.