Trúboðsfélagið gefur honum fínan vindlakassa

Reykvíkingar dagsins í dag ljá Reykvíkingum frá árinu 1918 rödd sína og lesa valda texta frá því ári. Ingunn Jónsdóttir er safnafræðingur og starfar sem sviðsstjóri miðlunar á Þjóðminjasafni Íslands. Í þessum þætti les hún úr bréfi sem Guðrún Lárusdóttir skrifaði móður sinni Kirstínu Katrínu Pétursdóttur Guðjohnsen í maí 1918. Guðrún var rithöfundur og bæjarfulltrúi í Reykjavík og varð síðar þingkona. Hún var önnur íslenska konan sem kosin var á þing. R1918 er samstarfsverkefni Listahátíðar í Reykjavík, Landsbókasafnsins og RÚV. Textavinna: Landsbókasafn Íslands-Háskólabókasafn og Bjarni Jónsson. Tónlist: Úlfur Eldjárn. Samsetning: Þorgerður E. Sigurðardóttir.