Uxía celebra 40 anos de carreira este domingo en Narón co espectáculo "Será por flores", un xardín de música e poesía

Uxía, unha das grandes voces da música galega, chega este domingo dia 23 ao Pazo da Cultura de Narón coa súa xira Será por flores, que celebra os 40 anos de carreira da artista. Máis que un concerto, este espectáculo é unha viaxe ás súas raíces, ás composicións propias e ás músicas que a inspiraron, cunha posta en escena coidada que transforma o escenario nun xardín sensorial de música e poesía. A dirección musical corre a cargo de Pablo Novoa, acompañado de Sérgio Tannus, Santi Cribeiro e Isaac Palacín, entre outros. O espectáculo inclúe invitadas especiais que marcaron a súa traxectoria, como Maria Manuela ou Carla Romalde. Uxía repasa os fitos máis emblemáticos da súa carreira, desde Enredadas e Mulleres a viva voz ata proxectos con NARF ou Malvela, combinando tradición, modernidade e compromiso coa memoria histórica. Unha noite de emocións e celebración que o público non pode perder