വെളിച്ചം റമദാൻ 2025 - Intro

വെളിച്ചം റമദാൻ 2025റമദാൻ - പുണ്യങ്ങൾ പൂത്തുലയുന്നപൂവഴികളിലൂടെ പരമോന്നതൻ്റെ പ്രീതി നേടി റയ്യാനിലൂടെ പറുദീസയണയാൻ കാത്തിരിക്കുന്ന മാസമാണ്…പാപങ്ങളെയെല്ലാം പാതിവഴിയിൽ പറഞ്ഞയച്ച് പുണ്യങ്ങളെ പൂർണ്ണമായും പുണർന്നുള്ള പവിത്ര പ്രയാണമാണത്…..11 മാസം നടന്ന വഴികളെക്കുറിച്ചുള്ള ആലോചനയും ഇനി നടക്കേണ്ടയിടങ്ങളെക്കുറിച്ചുള്ള ചിന്തയും പരിശുദ്ധ മാസത്തെ കർമ്മനിരതമാക്കുന്നു…കനവും കാമ്പുമുള്ള കതിരുകൾ കൊയ്യണമെങ്കിൽ കളകളൊഴിവാക്കി കൃഷിയിറക്കണം….കഴിഞ്ഞകാലങ്ങളിലെ ഇരുട്ടുകളെ കുഴിച്ച് ‌മൂടുന്നതിനൊപ്പം വരും കാലങ്ങളിൽ വടവൃക്ഷമായി വളരേണ്ട പുണ്യങ്ങളുടെ വേരുകൾക്ക് വെള്ളവും വെളിച്ചവും നൽകണം….മനസ്സിനും മനുഷ്യനും ലഭിക്കുന്ന വെളിച്ചമാണ് ഖുർആൻ….പകുത്തെടുക്കേണ്ടതും പകർന്ന് നൽകേണ്ടതുമാണ് വെളിച്ചം….വിളിയാളം കേട്ട് ചെന്ന മൂസ (അ) വെളിച്ചത്തെയല്ലേ ദർശിക്കുന്നത്….പിന്തിരിഞ്ഞോടിയ വഴികളിലേക്ക് തിരികെ വരാനും ഭീരുവായിരുന്നിടത്ത് ധീരനാകാനും മൂസാ(അ) പ്രവാചകന് പ്രചോദനമായത് ആ വെളിച്ചമായിരുന്നു…അകങ്ങളിലെ അന്ധകാരത്തിൻ്റെ ആഴങ്ങളിൽ ഖുർആൻ വെളിച്ചം നടത്തുന്ന വിസ്ഫോടനങ്ങൾ വാക്കുകളുടെ വിവരണങ്ങൾക്കപ്പുറമാണ്..അനീതിയുടെ അതിർ വരമ്പുകളിൽ അക്രമത്തിൻ്റെ കൊടിനാട്ടിയവർ നീതിയുടെ കാവൽക്കാരായതിൻ്റെ കഥ വെളിച്ചം നിറഞ്ഞു പെയ്തതിൻ്റെ ചരിത്രമാണ്….ദൈവമല്ല; ശാസ്ത്രമാണ് സത്യം എന്നുരിയാടിയവർ ഒരു വെള്ളത്തുള്ളിയുടെ വളർച്ചയുടെ പരിണാമം പഠിച്ച് സത്യദൈവത്തിലേക്കെത്തിയതിൻ്റെ ചരിത്രം കൂടി വെളിച്ചം പങ്ക് വെക്കുന്നുണ്ട് ; പേര് കീത് മോർ…വെളിച്ചം മുന്നിലിങ്ങനെ വിശാലമായി വിതറിയിട്ടും, വിരോധം കൊണ്ടും അധികാര വിധേയത്വം കൊണ്ടും വെളിച്ചത്തെ വലിച്ചെറിഞ്ഞ വലീദിൻ്റെ കഥ പറയുന്നുണ്ട് സൂറ: ഫുസ്വിലത്….തനിക്ക് ലഭിച്ച വഹ്‌യ് കൊണ്ടും വേദം കൊണ്ടും പ്രജകൾക്ക് നീതിയുടെ വെളിച്ചം നൽകിയ ദാവൂദ് നബിയുടെ കഥയെഴുതുന്നുണ്ട് സൂറ: അശ്ശൂറ….ഈ റമദ്വാനിൽ വെളിച്ചത്തിൻ്റെ വാതായനങ്ങൾ തുറക്കുന്നത് ഈ രണ്ട് അധ്യായങ്ങളുമായാണ്….https://www.instagram.com/reel/DGk8445smTL/?utm_source=ig_web_copy_link&igsh=MzRlODBiNWFlZA==https://velichamsaudionline.com/2025/02/27/vr25_video/  Hosted on Acast. See acast.com/privacy for more information.