Vit nerta við at vera foreldur anno 2024

Hvat inniber tað at vera foreldur anno 2024? Hvussu hevur foreldraskapur broytt seg gjøgnum árini? Kann man siga, hvat eitt gott foreldur er? Nert ikki við er aftur og í dag nerta vit við at vera foreldur anno 2024. Kann tað passa? Nert ikki við vendir nú aftur úr dvala aftaná eitt ár við háskúlaferð og øðrum verkætlanum. Og vit hava glett okkum sum smábørn. Í fyrsta parti av øðrum umfari av nert ikki við, nerta vit við at vera foreldur anno 2024. Vit hoyra søguna hjá 3 ymiskum foreldrum um, hvussu tey uppliva tað at vera foreldur í dag. Persónligu sjónarmiðini eru Annika S. Vang, sammóðir, Eivind Eysturoy, pápi, ið hevur tikið longri barsil við sínum børnum, og Bergljót Debes Hentze, mamma og omma. Síðani tosa vit við Eriku Anne Hayfield, PhD og lektari í samfelagsvísindum, um hvussu foreldraskapur hevur broytt seg gjøgnum árini og avbjóðingarnar við at vera foreldur í dag. Vertir eru Anna Joensen-Næs og sálarfrøðingur Bjørt Lind.