Vit nerta við vinarbond

Í dag nerta vit við vinarbond. Vit nerta við, í hvønn mun tað hevur týdning fyri okkum at hoyra til og at kenna okkum sædd. Vit hoyra um tey fánaðu vinarbondini, ið settu síni spor. Síðani hugleiða vit um einsemi, og um man kann kenna seg einsamallan, hóast man hevur vinfólk kring seg. Vit tosa við Oddfríð Marna Rasmussen og Femju Poulsen um teirra upplivingar við vinarbondum og felagsskapum. Vit hoyra um alt frá einum fánaðum vinarbandi, har ið Femja sat eftir við spurninginum: "hvat er galið við mær?", til hvussu týdningarmikið tað hevur verið hjá Oddfríði at finna frið í einseminum. Til fakliga sjónarmiðið greiðir Ivonna A. S. Johansen, námsfrøðingur, frá um góðu ávirkanina, ið vinir og felagsskapir hava á okkara heilsu sum heild, og hvussu vit heilt frá tá vit eru smábørn hava ein tørv á at hoyra til. Vertir eru Anna Joensen-Næs og sálarfrøðingur Bjørt Lind.