Wat ek geleer het oor verhoudings op die plaas’ – Yolandi Marais

Yolandi Marais het op ’n plaas grootgeword, werk as konsultant elke dag met boere en het ook vanjaar met ’n boer getrou. Sy vertel oor wat sy tot dusver geleer het oor verhoudings, verantwoordelikheide, vrou-wees en vreugdes op die plaas. Johan Beukes en Yolandi Marais van Dunamus Agri Advisory Services gesels in dié Bly Boer-episode oor boerdery in Suid-Afrika, met ’n spesifieke fokus op die menslike en verhoudingsaspekte daarvan. In die episode sal jy meer hoor oor: • Hoe boervroue ’n kritieke rol speel in die ondersteuning van hul mans en die volhoubaarheid van boerderye; • Die verwoestende impak van ’n brand; • Die sielkundige uitdaging om hulp te aanvaar as ’n trotse boer; • Die integrasie van aangetroude familielede in die boerdery; en • Hoe om konflik te hanteer en gemeenskaplike doelwitte te bereik.