واش إنستغرام كيفرض علينا معايير الجمال؟ الضغط، المقارنة، وهاجس الجسم المثالي

إيمان لورديشي أخصائية تغذية و مدربة رياضية.في هاد الحلقة من بودكاست Hiya Maghribia، ناقشنا مع المدربة إيمان واحد من المواضيع اللي كيشغل بال بزاف ديال النساء، وهو تأثير وسائل التواصل الاجتماعي، وبالخصوص إنستغرام، على تصورهم للجسم ديالهم. في عالم مملوء بالصور المثالية، الفلاتر، والإشهارات اللي كتوعد بنتائج سريعة، كيولي من السهل جدا الواحد يحس بالضغط والمقارنة، وهاد الشي كيمكن يكون عندو تأثير نفسي كبير.في هاد النقاش العميق، غادي نكتاشفو الأخطاء اللي كيديروها بزاف ديال النساء فطريقهم للوصول للجسم اللي بغاو، وكيفاش يمكن الواحد يتعامل مع الضغط ديال المقارنة، وكيفية إيجاد التوازن بين الطموح للحصول على جسم صحي وبين تقبل الذات. المدربة إيمان غادي تشارك معانا تجربتها ونصائحها حول الحميات القاسية، العادات الصحية اللي كتعطي نتائج حقيقية على المدى البعيد، والدور ديال العائلة والصديقات في دعم النساء باش يكون عندهم ثقة في نفسهم بلا ما يحسو بالضغط ديال المعايير المفروضة عليهم من المجتمع.غادي نهضرو كذلك على التأثير ديال الفوتوشوب والفلاتر على تصورات الجمال، وكيفاش بعض المؤثرات كيروجو لصورة غير واقعية للجسم المثالي، مقابل الدور الإيجابي اللي يمكن يكون عندهم فخلق وعي جديد حول تقبل الجسم والاهتمام بالصحة الداخلية قبل الشكل الخارجي. المدربة إيمان غادي تجاوب كذلك على واحد من أكثر الأسئلة المطروحة: كيفاش الواحد يقدر يلقى الحافز باش يبدأ حياة صحية بدون ما يحس براسو مضطر يتبع المعايير اللي كيشوفها فالسوشيال ميديا؟#رياضة#تغذية#المغربAbonnez-vous à notre chaîne sur YouTube : https://bit.ly/2UDicWwEn DIRECT - Suivez L'ODJ TV ici : https://bit.ly/3mrgSBENotre Web Radio en streaming : https://www.lodj.ma/webradioNotre site Live TV 24H/7J: https://www.lodj.ma/tvRejoignez nous sur Facebook : / lodjmaroc Suivez nous sur Twitter : / lodjma L'ODJ Média : https://www.lodj.ma/Groupe de presse Arrissala Maroc : https://www.arrissala.maHébergé par Ausha. Visitez ausha.co/politique-de-confidentialite pour plus d'informations.