Xosé Ramón Girón, Presidente de FEAFES Galicia, fala de 'Saúde Mental e Exclusión Social' no Sombreiro

Este sábado no Sombreiro de Merlín continuamos coa nosa colaboración con FEAFES Galicia, e recibimos nos nosos estudios de Radio Obradoiro a Xosé Ramón Girón, Presidente da Federación en Galicia. Con el falaremos de "Saúde mental e Exclusión social", reflexionando sobre tres puntos fundamentais: a intervención coa xente de rúa, o mundo penitenciario, e os adultos dependentes. Falaremos tamén do programa de "Apoio e acompañmento para persoas con Enfermidade Mental e Sen Fogar", e do "Programa para a Atención Integral a Persoas con Enfermidade mental en Centros Penitenciarios" (PAIEM), da Fundación Barrié. O doutor Xosé Ramón Girón detallará para nós toda a información de primeira man sobre estes temas da actualidade social, neste marco de colaboración entre FEAFES Galicia e o Sombreiro de Merlin.