Zanafilla 5 — Çfarë do të thotë vija jote?

Në varrezat e vjetra shihet shpesh një gur i thjeshtë me dy data dhe një vijë mes tyre: 1890 – 1965. Dikush e ka thënë bukur: gjithë jeta jote është ajo vija e vogël në mes. Zanafilla 5 është kapitulli i vijave në mes: «jetoi... i lindën bij... dhe vdiq» — po çfarë ndodhi në vijë? Për shtatë emra, teksti hesht. Për njërin thotë gjithçka: eci me Perëndinë. Kjo është pyetja e kapitullit për secilin nga ne: çfarë do të thotë vija jote?Së pari — ecja me Perëndinë është përditshmëri, jo heroizëm. Enoku nuk ndërtoi arkë, nuk ndau det, nuk mundi gjigantë — thjesht eci, treqind vjet, mes fëmijëve dhe punës. Besnikëria e përditshme e padukshme: lutja e mëngjesit, Fjala e përditshme, bindja në gjërat e vogla. Perëndia e vlerësoi aq sa e mori pranë vetes. Mos e nënvlerëso ecjen e thjeshtë.Së dyti — Kujto Fundin Jeto me Urtësi.  Edhe për ne një ditë do të thuhet: “Dhe vdiq.”Prandaj Moisiu lutet: “Na mëso të numërojmë ditët tona.” Psalmi 90:11Kur e kujtojmë fundin, jetojmë më me urtësi sot.Çfarë do të kishte vërtet rëndësi sot, po ta shihje ditën nga fundi? Së treti — trashëgimia jote është shëmbëlltyra që përcjell. Adami i la Sethit shëmbëlltyrën e vet — dhe secili prej nesh u lë fëmijëve e brezave pas nesh diçka nga vetja: besim ose cinizëm, ecje me Perëndinë ose largësi prej Tij. Lameku i linjës së Sethit i la djalit një emër shprese; Lameku i linjës së Kainit u la grave një këngë hakmarrjeje. Çfarë po u lëmë ne atyre që vijnë pas?Së katërti — mos e ngatërro gjatësinë e jetës me kuptimin e saj. Metushelahu jetoi 969 vjet dhe teksti nuk thotë asgjë tjetër për të; Enoku jetoi «vetëm» 365 — më pak se të gjithë në kapitull — dhe jeta e tij ndriçon mijëvjeçarët. Nuk ka rëndësi sa gjatë zgjat vija; ka rëndësi me kë e ecën atë.Së pesti — duro me durimin e Perëndisë. Sa kohë që Metushelahu jetonte, përmbytja priste — 969 vjet hir para gjykimit. Nëse pyet «pse Perëndia nuk vepron kundër së keqes?», Zanafilla 5 përgjigjet: sepse po pret të kthehen edhe të tjerë (2 Pjetrit 3:9). Dhe nëse pret që dikush i afërt të kthehet — vazhdo të lutesh; Perëndia numëron vite durimi më shumë se ne.