中山台語禮拜讚美20171224【冬天的玫瑰】聖歌隊

冬天的玫瑰 The Winter Rose by Joseph M. Martin with Narration by Pamela Martin 聖誕節清唱劇 台語翻譯:陳茂生 冬天的玫瑰 朗誦:當地上受著冰冷的冬天蓋住之時,有一蕾無瑕疵之玫瑰花開了。佇歹的環境中,它的美麗卻佇花瓣一片一片展開之時顯現出來。冬天的玫瑰出世了,就如此,花園可得重建。 歌詞:佇恬靜冬天之暗冥,星辰燦爛滿天,天頂花園之玫瑰,上帝愛疼顯示。世間萬物今睏靜靜,玫瑰花開佇暗冥。許如完全且美麗,眾天歡喜無比。眾天使注目觀看奇妙美麗情景。博士牧者相聚集,俯拜天賜光明。美麗充滿𪜶心中,親像貴氣香水。今佇寒冷之冬天,玫瑰花為咱開。上帝為它來編刺,咱著記佇心裡。愛疼重建美花園,冬天玫瑰今出世。 期待的呼求 朗誦:以色列的聖使曾講:雨與雪欲從天降落來,𪜶欲潤澤全地,使花草茁芽。恁欲親像受潤澤的花園。恁的救世主就是沙崙的玫瑰花,欲臨到錫安。凡若等候祂者,攏欲得著福氣。 歌詞:請來,請來,救世主。和平親像應允之翅降臨。希望親像清早之聲音。喜樂親像聖神之風吹來。主愛疼,欲降臨。請來耶穌,來。請來,請來,救世主。和平坐佇天使翅膀降臨。希望親像暗冥之聲音。喜樂親像春天玫瑰花開。主愛疼,欲降臨。請來耶穌,請來。請來,請來,救世主。請來耶穌,請來。 女高音獨唱:鄭麗華 一切山谷 朗誦:諸個山谷攏欲填互它淀,大小的山頭攏欲掘互它低;春天欲將冬天趕走,花園就欲歡喜快樂,親像此蕾玫瑰花,欲開出上帝的莊嚴與榮光。 歌詞:諸個山谷攏欲填淀,大山小山欲掘低。諸個山谷攏欲填淀,堪硈者攏欲修平。著吹哨角,因為上帝之榮光的確顯現。喔,請來,以馬內利,救贖以色列眾子兒,𪜶受遷徙失志傷心,舉頭盼望聖子降臨,歡喜,歡喜!以馬內利, 以色列啊,主欲來臨,歡喜!諸個山谷攏欲填淀,大山小山欲掘低。諸個山谷攏欲填淀,堪硈者攏欲修平。著吹哨角,因為上帝之榮光的確顯現。上帝榮光顯現。 懷念之歌 朗誦:佇非常寒冷的冬天,冷風吹恰譁譁吼,地面硬恰親像鐵仔,水結冰比石頭較硬。就佇古早古早之時…… 歌詞:小小馬廄至極卑微,佇古早時,上帝聖子謙卑出世,佇古早時。天使滿天通冥吟詩,燦爛滿天,快樂歌聲響遍眾天,古早之時。小小嬰兒臥佇馬槽,先知讖語,上帝聖子猶原生份,佇古早時。小小馬廄至極卑微,真愛啟示,上 帝聖子謙卑出世,佇古早時。 女高音獨唱:王純婷 男中音獨唱:曾弘君 玫瑰搖籃曲 朗誦:小小嬰兒,就是彼位應允咱者,今受交託佇馬利亞與約瑟懷中。𪜶用充滿奇妙的心,開始此個神聖的責任。 歌詞:小漢耶穌雙手抱,小漢耶穌聖羊羔,著闔祢目睭。小漢耶穌寶貝子,天使吟詩真好聽。我愛惦佇祢身邊,歸冥睏靜靜。至聖耶穌聖禮物,呣免驚聽我吟詩。安心睏靜靜。靜靜睏佇我胸前,歸冥睏靜靜。我今回想天使顯現彼一日,充滿奧妙屬天權威,純全器具主備辦,來置寶貴花蕾。小漢耶穌聖嬰兒,世間到時會知:天賜神蹟就是祢,只有主會造玫瑰。靜靜好睏。 女中音獨唱:邱淑媛 男中音獨唱:鍾信榮 在猶太地之山坡上 朗誦:耶穌的出世充滿戲劇性的對比:這位聖嬰兒,基督,從榮耀的天庭降臨。出世佇貧窮的木匠家庭。祂雖然掌管宇宙,總是無人給祂遮身之所在,祂今臥佇馬槽裡。活命之餅……今睏佇飼料槽裡。雖然眾人久久等候祂,總是祂之出世,若無天使歌聲之傳報及顧羊者熱心鬥相報,祂之出世,可能真少人能知。那些顧羊者看著天使唱歌的情景,𪜶真著驚。佇燦爛之光明中,眾天使所吟屬天之詩歌,是一種呼召人,歡喜之聲,𪜶之翅股振動,發出感動人之節奏。受到天使歌聲之吸引,顧羊者就心肝歡喜,受引導,快樂去到馬廄之所在。無打算之中間……這些顧羊者續趒跳,進入去上帝之羊羔出世之所在。 跳到真光之中 歌詞:榮光上帝,榮光上帝,Gloria,Gloria。牧者起來!時已經到,著出大聲吟講。耶穌出世佇伯利恆,全地迎接君王。起來,今有一粒星欲導恁經過黑暗冥。來跟隨天使翅股出大聲,跳到真光所在,著跳,跳,到真光所在!榮光上帝。伯利恆啊!時已經到。開恁心門給救主。你豈會拒絕君王?祂豈會受忽略?彌賽亞今冥欲降臨,豈可錯失神蹟!喔,恁豈會聽天使唱歌,跳到真光所在,著跳,跳,到真光所在? Gloria,Gloria,歸佇至高!Gloria,Gloria,哈利路亞!到真光所在。Glo-ria,Gloria,榮光上帝!眾人起來,時已經到,著放落艱苦著磨。救主叫恁與祂歡喜躍跳,呼召恁佇祂來活。眾人起來,愛疼之歌,今冥的等候恁。著來迎接清早啟明星,跳到真光所在,著跳,跳,Gloria,Gloria,跳,跳,到真光所在! 喔,請看玫瑰花開 歌詞:喔,請看玫瑰花開,出自幼芷新枝!主從耶西來出世,讖語出自先知。美麗燦爛花蕾,經過寒冷黑暗冥,為世人今大開。以賽亞曾受交待,我心內之玫瑰,馬利亞注神看它,老母慈愛包圍。經過久長暗冥。救主從她來出世,上帝愛疼明示。 朗誦:看啊!冬天已經過去了,大雨也停了。再一次,此蕾冬天的玫瑰花,開佇咱受祝福的心田。聖神欲從天頂傾福氣給咱,他之香味充滿佇咱心內。今花園已經得到重建啦!著歡喜快樂;因為唱歌的節期已經到了! 歌詞:玫瑰真溫柔芬芳,甜蜜充滿穹蒼。榮光燦爛真奇妙,全地黑暗擦消。人子,卻是上帝,救咱脫離重罪過,使咱出死入活。哈利路亞,唱哈利路亞! 全劇朗誦:張幸助