Радыё Свабода / Радыё Свабодная Эўропа

У Варшаве беларуса зьбілі пасьля заўвагі пра сабак і патрабавалі «валіць дадому» праз акцэнт у польскай мове. ЗША рыхтуюць новае вызваленьне беларускіх палітвязьняў? У Кыргызстане знайшлі целы альпіністаў, сярод якіх могуць быць беларусы. А зь Беларусі высылаюць больш за дзесяць польскіх сьвятароў. У «ПіКу Свабоды» з Ганнай Соўсь расказваем пра падзеі 17 жніўня і тлумачым, што яны значаць.

Першая беларуска зьявілася на вокладцы амэрыканскага часопісу Time. Чаму беларусы па-рознаму ставяцца да тэнісісткі Арыны Сабаленкі? Як захаваць для нашчадкаў спадчыну выбітных беларусаў, якія пайшлі з жыцьця гэтым летам? У выніковым «ПіКу Свабоды» з Ганнай Соўсь падсумоўваем падзеі тыдня з палітычным аглядальнікам інфармацыйнага агенцтва «Позірк» Аляксандрам Класкоўскім. У нашым эфіры інтэрвію з новай кіраўніцай місіі беларускіх дэмакратычных сілаў ва Ўкраіне Вольгай Зазулінскай, былой кіраўніцай Сьвятланай Шацілінай і выканаўцай абавязкаў прадстаўніцы Аб’яднанага пераходнага кабінэту ў сацыяльных пытаньнях Юліяй Міцкевіч.

У «ПіКуСвабоды” мы апавядаем пра навіны 13 жніўня і тлумачым, што яны значаць.

Міколу Статкевічу сёньня 70 гадоў. Згадаем, як палітвязьня віншавалі з народзінамі за кратамі — салютамі ля Магілёўскай турмы і акцыяй «Неба для Статкевіча». Памёр легендарны трэнэр беларускіх фрыстайлістаў Мікалай Казека, якога адхілілі ад працы за пазыцыю ў 2020 годзе. У Латвіі пасьля выяўленьня тунэлю на мяжы зь Беларусьсю пачалі апэрацыю «Пярэварацень». А ў Эўропе сёньня назіраюць адно з самых відовішчных сонечных зацьменьняў за апошнія 25 гадоў. Што ўбачаць беларусы? У “ПіКу Свабоды” з Ганнай Соўсь — навіны 12 жніўня.

На 80-м годзе жыцьця памёр беларускі палітык і грамадзкі дзеяч Аляксандар Мілінкевіч. Спэцыяльны выпуск «ПіКа Свабоды» мы прысьвяцілі Аляксандру Мілінкевічу, ягонаму жыцьцю і ролі ў найноўшай гісторыі Беларусі. У эфіры шмат архіўных відэа з Мілінкевічам, галасы ягоных блізкіх, сяброў, паплечнікаў, палітыкаў і грамадзкіх дзеячоў. Вядучая Ганна Соўсь разам з палітычным аглядальнікам Віталём Цыганковым падсумоўваюць спадчыну і значэньне Аляксандра Мілінкевіча для Беларусі.

Украіна ўмацоўвае абарону Чарнобыльскай зоны, а ў Беларусі працягваюць фармаваць дэсантна-штурмавую брыгаду ля ўкраінскай мяжы. У Беларусі пашырылі пералік спэцыяльнасьцяў для вайсковага ўліку жанчын. На волю выйшаў дзіцячы хірург Андрэй Любецкі. Што стаіць за зьменай кіраўніцы беларускай дэмакратычнай місіі ва Ўкраіне? І чаму Бабарыка лічыць, што ён нікому не патрэбны? У «ПіКу Свабоды» з Ганнай Соўсь расказваем пра падзеі 10 жніўня і патлумачым, што яны значаць.

Сёньня ў выпуску “ПіКа Свабоды” — пра тое, што адбываецца з Беларусьсю праз шэсьць гадоў пасьля падзей 2020 году. Ці здолеў рэжым канчаткова ўтрымаць кантроль, ці беларускае грамадзтва ўсё яшчэ чакае пераменаў? Глядзіце размову з палітолягам Паўлам Вусавым. Павал Латушка ў Варшаве прадставіў доказы ўдзелу Аляксандра Лукашэнкі ў вайне Расеі супраць Украіны. Якія факты сабрала беларуская дэмакратычная супольнасьць і што яны могуць зьмяніць? Таксама раскажам пра вялікае інтэрвію Міколы Статкевіча пасьля вызваленьня.

У Беларусі моцная сьпёка: тэмпэратура набліжаецца да +40 градусаў, а ўзровень вады ў рэках падае. Што рабіць, калі стала блага праз гарачыню? Ці пагражае сьпёка вадаёмам і Астравецкай АЭС? Як Мікола Статкевіч адмовіўся пакідаць Беларусь і што яшчэ ён расказаў у інтэрвію нямецкай газэце ZEIT? Чаму Сьвятлана Ціханоўская не змагла адкрыць рахунак у польскім банку і колькі беларусаў сутыкаюцца з праблемай пратэрмінаваных пашпартоў? Пра гэта і іншыя падзеі 6 жніўня – у «ПіКу Свабоды» з Ганнай Соўсь.

Падзеі 5 жніўня – у «ПіКу Свабоды» з Ганнай Соўсь.

У «ПіКу Свабоды» Дзьмітры Гурневіч і экспэрты расказваюць пра падзеі 3 жніўня і тлумачаць, што яны значаць. Як дармаедаў у Беларусі прымушаюць працаваць на ўборачнай. Чаму Латвія закрыла адзіны пераход на мяжы зь Беларусьсю. Горадня аднаўляецца пасьля патопу на выходныя. Што там сталася. Рэпрэсіі ў Беларусі не спыніліся – яны проста сталі менш прыкметнымі. Памерла Мая Кляшторная, дачка рэпрэсаванага паэта Тодара Кляшторнага. 100 гадоў таму нарадзіўся Алесь Адамовіч, гуманіст, пацыфіст, вялікі беларус XX стагодзьдзя.

Вынікі тыдня ў праграме «ПіК Свабоды» падводзяць палітоляг і гісторык Роза Турарбекава, эканаміст, прэзыдэнт базаванага ва Ўкраіне Міжнароднага інстытуту Свабоды Яраслаў Раманчук і палітоляг, прадстаўнік Беларускага дэмакратычнага форуму Дзьмітры Балкунец.

Ганна Соўсь расказвае пра падзеі 30 ліпеня і тлумачыць, што яны азначаюць.

Падзеі 29 ліпеня – у «ПіКу Свабоды» з Ганнай Ермаковіч.

Расказваем з Ганнай Соўсь пра навіны 28 ліпеня і тлумачым, што яны значаць.

У «ПіКу Свабоды» з Ганнай Соўсь расказваем пра навіны 27 ліпеня.

У «ПіКу Свабоды» Дзьмітры Гурневіч і экспэрты расказваюць пра падзеі 6 ліпеня і тлумачаць, што яны значаць.

Чаму ўлады па-рознаму адрэагавалі на ўдары дронаў па беларускіх аўтобусах? Якія прыватныя і палітычныя вынікі паездкі Лукашэнкі ў Расею, Кітай, Інданэзію і М'янму? Як афіцыйны Менск будзе рэагаваць на новыя ўльтыматумы Зяленскага? Як падзеі Другой сусьветнай вайны на тэрыторыі Беларусі пераклікаюцца з паўнамаштабнай вайной Расеі супраць Украіны? У «ПіКу Свабоды» з Ганнай Соўсь падсумоўваем падзеі тыдня разам з палітычным аналітыкам Арцёмам Шрайбманам і гісторыкам і пісьменьнікам Сяргеем Абламейкам.

У «ПіКу Свабоды» Дзьмітры Гурневіч і экспэрты расказваюць пра падзеі 2 ліпеня і тлумачаць, што яны значаць.

Аляксандар Лукашэнка падпісаў указ аб памілаваньні 32 чалавек. Ад сёньня беларускія банкі патрабуюць геалякацыю, калі вы хочаце карыстацца іх мабільнымі праграмамі. Ці купіць Інданэзія беларускі калійны камбінат?

Лукашэнка прыляцеў у Пэкін ня толькі на перамовы, але на выпускны сына Мікаля, і ўжо ёсьць пытаньні, ці законна ён скарыстаўся дзяржаўным самалётам дзеля сямейнай падзеі. Беларусь склікала Раду бясьпекі ААН праз удар па аўтобусе з дзецьмі пад Бранскам. А ў краіне тым часам — гістарычная сьпёка: у Пінску зафіксавалі абсалютны тэмпэратурны рэкорд за 145 гадоў назіраньняў. У «ПіКу Свабоды» з Ганнай Соўсь расказваем пра галоўныя падзеі 30 чэрвеня і тлумачым, што яны значаць.

Лукашэнка нечакана паляцеў у Кітай да Сі Цзіньпіна пасьля двухдзённых перамоваў з Пуціным на Валдаі. Пра што насамрэч дамовіліся? Ці не дамовіліся? Эўропу накрыла рэкордная сьпёка – і Беларусь у зоне небясьпекі. Ёсьць першыя ахвяры. Раскажам пра тых, каму найцяжэй – сотні палітвязьняў за кратамі ў гэтую сьпёку. І прыемная навіна: беларускія жанчыны ўпершыню пераплылі Ля-Манш. У "ПіКу Свабоды" з Ганнай Соўсь расказваем пра падзеі 29 чэрвеня і тлумачым, што яны значаць.

У “ПіКу Свабоды” мы падсумоўваем галоўныя падзеі тыдня і тлумачым, што яны значаць. Сёньня мы пагаворым пра тое, ці дацісьне Пуцін Лукашэнку, каб Беларусь мацней дапамагала ў вайне супраць Украіны? Як Віктар Шэйман пашырае сваю бізнэс-імпэрыю. У Беларусі зьявілася новая кампанія, якая мае права гандляваць зброяй і зьвязаная яна з былымі сілавікамі. Пагаворым пра зьнікненьне Анатоля Котава. Ягоны блізкі калега Аляксандар Апейкін лічыць, што расьсьледаваньне БРЦ гэта ўсяго некалькі адсоткаў ад праўды, што насамрэч сталася з былым чыноўнікам.

Зяленскі кажа, што Лукашэнка выканаў ультыматум. Але Украіна рыхтуецца да новага фронту з боку Беларусі і эвакуюе памежныя вёскі. На Горадзеншчыне праводзяць мабілізацыйныя вучэньні. Палітвязень, былы добраахвотнік Верамейчык, верагодна, перанёс інфаркт за кратамі. У Беларусі зноў гараць аўтобусы. У «ПіКу Свабоды» з Ганнай Соўсь мы расказваем пра падзеі 25 чэрвеня і тлумачым, што яны значаць.

Калі Беларусь больш актыўна не далучыцца да вайны ва Ўкраіне, Расея пагражае абмежаваць фінансавую падтрымку, – піша Wall Street Journal. За 3 дні да заканчэньня ўльтыматуму Зяленскага галоўнакамандуючы арміі Беларусі едзе ў доўгатэрміновую камандзіроўку. Чаму ў Беларусі даражэе бэнзін і ці ўратуе беларускае паліва Расею. Усё менш выпускнікоў выбірае беларускую мову на цэнтральным тэставаньні. Як ратавацца ад сьпякоты? У «ПіКу Свабоды» мы расказваем пра галоўныя падзеі дня і тлумачым, што яны значаць.

За тры дні да заканчэньня ўльтыматуму Ўкраіны Аляксандр Лукашэнка заклікаў жыхароў Гомельшчыны захоўваць спакой і абвясьціў аб доўгай замежнай камандзіроўцы – з сустрэчай з Уладзімірам Пуціным. У выпуску таксама: адказ Польшчы на пытаньне пра візавыя запрашэньні для сваякоў беларусаў у эміграцыі, чаканьні ад новага візыту спэцпасланьніка Трампа Джона Коўла ў Менск і навіны пра вясельле першай ракеткі сьвету Арыны Сабаленкі.

Якім будзе адказ Лукашэнкі на ўльтыматум Зяленскага? Ці пяройдзе канфлікт у ваенную фазу, ці застанецца ў межах палітычнага ціску і кулюарнай дыпляматыі? У спэцыяльным выпуску «ПіКа Свабоды« абмяркоўваюць палітычны аналітык з Кіева Ўладзімер Фясенка і беларускі палітычны аналітык Юры Дракахруст, кіраўнік Кіраўнік агенцтва эўраатлянтычнага супрацоўніцтва Валер Кавалеўскі, прадстаўнік Аб’яднанага пераходнага пераходнага кабінэту ў абароне і нацыянальнай бясьпецы, былы намесьнік камандзіра палка Каліноўскага Вадзім Кабанчук, сьпікер Каардынацыйнай рады Арцём Брухан.

Як поўнамаштабная вайна прыйшла ў беларускія дамы? Што стаіць за атакай на аўтобус зь беларускімі дзецьмі на Браншчыне? Хто найбольш выйграў ад падпісаньня пагадненьня паміж Іранам і ЗША і ці змогуць улады Беларусі спрычыніцца да праграмаў аднаўленьня Ірану? Чаму беларусы страцілі доступ да сучасных заходніх лекаў? У «ПіКу Свабоды» падсумоўваем падзеі тыдня з палітолягам і гісторыкам Розай Турарбекавай, палітычным аналітыкам з Украіны Ігарам Тышкевічам і прадстаўніком Аб’яднанага пераходнага кабінэту доктарам Станіславам Салаўём.

Хто ўцягвае Беларусь у вайну? Што адбываецца пасьля інцыдэнту з аўтобусам у Бранскай вобласьці? Як была арганізавана спэцапэрацыя па выкраданьні былога беларускага чыноўніка Анатоля Котава. Найбуйнейшая атака дронаў на Маскву. Чаму ў Беларусі самая высокая ў рэгіёне сьмяротнасьць ад сардэчных хваробаў? Гісторыя беларускі, якая празь дзесяцігодзьдзі знайшла італьянскую сям’ю, што калісьці прыняла яе пасьля Чарнобылю. У «ПіКу Свабоды» з Ганнай Соўсь расказваем пра падзеі 18-га чэрвеня і тлумачым, што яны значаць.

Аўтобус зь беларускімі дзецьмі трапіў пад удар дрона ў расейскай прыфрантавой зоне. Адна жанчына загінула, Украіна адмаўляе сваю датычнасць да атакі. У «ПіКу Свабоды» мы расказваем пра галоўныя падзеі 17-га чэрвеня і тлумачым, што яны значаць.

Лукашэнка заявіў, што Беларусь «як на далоні» для ваенных удараў Украіны і стрымана прабачыўся перад Зяленскім. У Польшчы забілі мастака, які маляваў карыкатуры на Пуціна, Кадырава і Лукашэнку. Па гэтай справе ўжо затрымалі двух грамадзян Беларусі. Як тэлефонныя махляры падманваюць беларусаў, прыкідваючыся сілавікамі і што рабіць, каб ня стаць ахвярай падману. Што такое балотны футбол, міжнародны турнір па якім хутка пачнецца ў Беларусі. Пра гэта ды іншае ў «ПіК Свабоды. Навіны».

Ці спынены працэс вызваленьня палітвязьняў? Адказвае дарадца амэрыканскага прэзыдэнта Джон Коўл. Расея будуе дронавыя комплексы каля мяжы зь Беларусьсю. Чаму гэта небясьпечна для беларусаў? Украіна распрацавала танную альтэрнатыву ракетам Patriot. Каму пачынаць баяцца? На самым стратэгічным заводзе сілавікі правяраюць каля 400 працаўнікоў. Навошта? Гэтыя і іншыя навіны 10 чэрвеня ў «ПіКу Свабоды».

Што будзе са справай супраць рэжыму Лукашэнкі ў Міжнародным крымінальным судзе пасьля адхіленьня ад пасады пракурора. На блогера Ігара Лосіка ў сацсетцы Threads за некалькі дзён падпісалася 800 ботаў. Затрымалі падазраванага ў масавым атручваньні дзяцей у Барысаве. У «ПіКу Свабоды» з Ганнай Соўсь апавядаем пра навіны 9 чэрвеня. І тлумачым, што яны значаць.

Гендырэктарка «Камволя» наракае, што беларусы мала працуюць, а трэба як эфіёпы. Дактары адрэагавалі на прапанову Лукашэнкі вярнуцца, каб выносіць сьмецьце. Як адраджалі Савецкі Саюз на канцэрце Макса Каржа ў Стамбуле. Ці абмяжуюць продаж бэнзіну ў Беларусі, пакуль у расейцаў дэфіцыт паліва праз атакі ўкраінцаў па НПЗ. З Ганнай Соўсь апавядаем пра навіны 8 чэрвеня. І тлумачым, што яны значаць.

Чаму Зяленскі згадвае Беларусь у лісьце да Пуціна? Ці пачаў Эўразьвяз перамовы з афіцыйным Менскам? Што азначае для Беларусі разьмяшчэньне ядзернай зброі ў Літве? Што стаіць за вучэньнямі сілавікоў па ўсёй Беларусі? За што насамрэч арыштоўвалі Хлястова? У «ПіКу Свабоды» падсумоўваем падзеі тыдня. У эфіры палітычны аглядальнік Юры Дракахруст, літоўскі вайсковы экспэрт Дарус Антанайціс, прадстаўнік BelPOL Уладзімер Жыгар і музыказнаўца Аляксандар Чарнуха.

«ПіК Свабоды» зь Дзьмітрыем Гурневічам пра галоўныя падзеі чацьвярга, 4 чэрвеня. Ці сапраўды ў Менску адбыліся закрытыя кантакты з удзелам французскай выведкі і што гэта можа азначаць для Беларусі і адносінаў з ЭЗ? У Беларусь прыезаў расейскі алігарх беларускага паходжаньня Дзьмітрый Мазепін, які ў 2020 заклікаў Лукашэнку да дыялёгу з народам. У Беларусі працягваюцца вучэньні сілавікоў па падаўленьні масавых беспарадкаў — з выкарыстаньнем зброі і сцэнарамі 2020 года.

«ПіК Свабоды» зь Дзьмітрыем Гурневічам пра галоўныя падзеі серады, 3 чэрвеня. Расейскі дрон упаў у Слуцку ўсяго за 100 кілямэтраў ад Менску. Што вядома пра палёты бесьпілётнікаў над Беларусьсю і чаму ў неба паднімалася беларуская авіяцыя? Камэнтуе прадстаўнік BELPOL Матвей Купрэйчык. Дзе зьнік спэцпасланьнік Дональда Трампа Джон Коўл і чаму ягоны візыт у Менск дагэтуль не адбыўся? Камэнтуе палітоляг Аляксандар Фрыдман. Сьвятлана Ціханоўская сустрэлася ў Лёндане з прэм'ер-міністрам Вялікай Брытаніі Кірам Стармэрам. Пра што ішла размова і якіх вынікаў чакае беларускі бок? Адказвае дарадца Ціханоўскай Дзяніс Кучынскі.

Чым валодае Курманбек Бакіеў у Беларусі. Па вяртаньні з Польшчы арыштавалі былога супрацоўніка КДБ. Лукашэнку ўцягнулі ў канфлікт паміж Пуціным і Пашыньянам. Беларуская чыгунка шукае рабочых у Нэпале і Пакістане. Жорсткая атака расейцаў на Кіеў і Дняпро Апавядаем пра навіны 2 чэрвеня. І тлумачым, што яны значаць.

Мы пачынаем новы фармат «ПіКа Свабоды». Расказваем пра галоўныя навіны дня і тлумачым, што яны значаць. Ад панядзелка да чацьвярга глядзіце ўвечары выпуск навінаў. У пятніцу падводзім вынікі тыдня. Новыя цэны і новыя грошы: што зьмянілася ў Беларусі з 1 чэрвеня. Скандалы сярод добраахвотнікаў, нэрвовая рэакцыя Лукашэнкі – наступствы візыту Ціханоўскай у Кіеў. Праз увядзеньне абавязковага падатку на жывёлаў гаспадары масава ўсыпляюць сабакаў. Кіроўца аўтадома «Краіны для жыцьця» на волі пасьля 6 гадоў турмы.

Лукашэнка справаздачыцца Пуціну ў Астане і чытае лекцыі пра штучны інтэлект. Пашыньян жорстка адказвае Лукашэнку. Дэталі аўдыенцыі Бяляцкага ў папы рымскага. Саша Філіпенка пра візыт у Кіеў і жарты для Зяленскага. Невядомыя факты пра справу Бабарыкі. Усё больш беларусаў едзе вучыцца ў Расею. Падсумоўваем падзеі тыдня разам з палітычным аглядальнікам інфармацыйнага агенцтва «Позірк» Аляксандрам Класкоўскім, нобэлеўскім ляўрэатам Алесем Бяляцкім, пісьменьнікам Сашам Філіпенкам, прадстаўніцай «Хрысьціянскай візіі» Наталкай Васілевіч, экспэртам у навуцы, адукацыі і інавацыях Андрэем Лаўрухіным і літаратаркай Сабінай Брыло.

Чатыры гады беларуская апазыцыя намагалася зладзіць сустрэчу з Уладзімерам Зяленскім у Кіеве. І вось яна адбылася. Але што далей? Ці ўдасца вырашыць праблемы беларусаў, якія жывуць ва Ўкраіне, беларускіх добраахвотнікаў, і што гэты візыт дасьць беларускім дэмакратычным сілам. У «ПіКу Свабоды» прымаюць удзел беларускі добраахвотнік ва Ўкраіне Мікіта Забуга і Аляксей Францкевіч, кіраўнік грамадзкага аб'яднаньня «Беларуская грамада Украіны».

Прэзыдэнт Францыі Эманюэль Макрон засьцерагае Аляксандра Лукашэнку ад далейшага ўцягваньня Беларусі ў вайну. Сьвятлана Ціханоўская сёньня ў Кіеве на запрашэньне прэзыдэнта Ўкраіны Ўладзіміра Зяленскага. Што адбываецца і наколькі сур’ёзная ваенная пагроза для беларусаў? Пра гэта ў ПіКу Свабоды кажуць: з Кіева — Павал Латушка, намесьнік кіраўніцы Аб’яднанага пераходнага кабінэту, з Бэрліну — Аляксандар Фрыдман, палітоляг і гісторык, і са Страсбуру — Яўген Крыжаноўскі, доктар паліталёгіі, дасьледчык Страсбурскага ўнівэрсытэту.

Падсумоўваем галоўныя падзеі тыдня. У Беларусі і Расеі завяршыліся ядзерныя вучэньні – з імітацыяй пускаў ядзернай зброі. Што гэта значыць насамрэч? Аналізуе Валер Кавалеўскі. Таксама абмяркоўваем сытуацыю вакол беларускага калію: ЗША просяць суседзяў Беларусі разблякаваць гэтае пытаньне. Навошта гэта Вашынгтону? Камэнтуе Уладзімер Жыгар. На выбарах у Каардынацыйную раду перамагла кааліцыя Паўла Латушкі і руху «За свабоду». Што далей, тлумачыць Юры Губарэвіч. І напрыканцы – што вядома пра затрыманьне сьпевака Аляксея Хлястова ў Менску.

Беларускія і расейская войскі на тэрыторыі Беларусі трэніруюцца наносіць ядзерны ўдар. Напярэдадні Зяленскі заявіў, што Расея зноў плянуе ўдары па Ўкраіне з Беларусі. Як пратэстанцкія вернікі і прапаведнікі ўспрынялі малітву за Лукашэнку і Пуціна на «Фэстывалі надзеі» з удзелам духоўнага дарадцы Трампа Франкліна Грэма. У «ПіКу Свабоды» бяруць удзел украінскі палітоляг Яўген Магда, а таксама пратэстанцкі прапаведнік Сяргей Мельянец і пратэстанцкі вернік Анатоль Шырвель.

Фрэнклін Грэм будзе маліцца за Лукашэнку. Якая місія пратэстанцкага прапаведніка ў Менску? Калі будуць вызваляць палітвязьняў? Што трэба ведаць беларусам пра хантавірус і наравірус? У «ПіКу Свабоды» падсумоўваем асноўныя падзеі тыдня з палітолягам і гісторыкам Аляксандрам Фрыдманам. У эфіры таксама прадстаўніца «Хрысьціянскай візіі» Натальля Васілевіч і мікрабіёляг Вікторыя Дароніна. Сярод іншых тэмаў: вынікі выбараў у Каардынацыйную Раду, падрыхтоўка Лукашэнкі да вайны, прапановы беларусам ад Бабарыкі.

11 траўня 2026 году ўвечары пачынаюцца выбары ў Каардынацыйную раду – орган, які беларускія дэмсілы называюць альтэрнатыўным парлямэнтам Беларусі. Галасаваньне адбываецца онлайн, але яшчэ да яго старту выбары аказаліся ў цэнтры спрэчак: праз пытаньні бясьпекі, даверу да сыстэмы вэрыфікацыі і праз сумневы, ці патрэбная КР беларусам у 2026 годзе. Ці застаецца яна палітычным прадстаўніцтвам беларусаў, ці паступова ператвараецца ў структуру для саміх палітыкаў? Пра гэта ў «ПіКу Свабоды» дыскутуюць былы сябра КР Аляксандар Кныровіч і кіраўніца выбарчай камісіі КР Алена Прыходзька.

Пасьля 5 гадоў зьняволеньня вызвалілі палітвязьня Анджэя Пачобута, журналіста і актывіста польскай меншасьці ў Беларусі. Абмен у фармаце «пяць на пяць» адбыўся на польска-беларускай мяжы. Польскі бок перадаў афіцыйнаму Менску людзей, якія працавалі для спэцслужбаў Беларусі і Расеі. Госьці “ПіКа Свабоды” – галоўная рэдактарка праекту Plan B Вольга Лойка і палітычны аглядальнік Радыё Свабода Валер Карбалевіч.

Як па эканоміцы і па ўладах Беларусі можа ўдарыць вайна на Блізкім Усходзе? Што будзе рабіць новая партыя Бабарыкі? Ці засталіся ў беларусаў, якім пагражае арышт, магчымасьці выехаць з краіны? Знайшлі раней невядомы асобнік кнігі Францішка Скарыны. Чаму гэта сэнсацыя? Пра ўсё гэта мы пагутарым у сёньняшнім «ПіКу Свабоды», у якім возьмуць ўдзел кіраўнік Агенцтва эўраатлянтычнага супрацоўніцтва Валер Кавалеўскі, эканамічны аглядальнік Андрэй Махоўскі, прадстаўнік ініцыятывы BelPol Уладзімер Жыгар, палітычны аглядальнік Віталь Цыганкоў, прадстаўнік фонду BySol Зьміцер Ягораў і выкладчык Карлавага ўнівэрсытэту Аляксандар Паршанкоў.

Вашынгтон без гарантый: як вайна з Іранам астуджвае Менск? Вайна і «вялікая зьдзелка»: ці абваліцца дыялёг Менску з ЗША? Чым скасаваньне санкцыяў ЭЗ 10 гадоў таму адрозьніваецца ад цяперашняга скасаваньня амэрыканскіх санкцыяў? На гэтыя пытаньні ў праграме «Палітыка зь Юрыем Дракахрустам» адказвае палітычны аналітык Арцём Шрайбман.

У інтэрвію «Люстэрку» Уладзімер Зяленскі вызначыў новую палітыку адносна Беларусі. Ці можа Ўкраіна пачаць баявыя дзеяньні супраць суагрэсара? Чаго ў Кіеве чакаюць ад супрацы зь Ціханоўскай? Абмяркоўваем у праграме «Палітыка зь Юрыем Дракахрустам» з былым амбасадарам Украіны ў Беларусі Ігарам Кізімам

Каму і на што беларусы гатовыя даваць грошы? Гэтыя пытаньні абмяркоўваюць былыя палітвязьні Павал Севярынец і Юрась Зянковіч, кіраўнік каманды збораў фонду BySol Аляксандар Кухта, прадстаўніца праваабарончага цэнтру “Вясна” Сьвятлана Галаўнёва і стваральнік ініцыятывы BelAid Андрэй Стрыжак.