ཕ་ཡུལ་གླེང་སྟེགས། - ཨ་རིའི་རླུང་འཕྲིན་ཁང་།

༄༅། །ང་ཚོའི་མཐོང་ཐོས་བྱུང་བའི་བོད་ཀྱི་ལོ་རྒྱུས་ལ་དྲན་གསོའི་ལས་རིམ་ནང་འདི་གའི་ལས་བྱེད་ཚེ་བརྟན་ཆོས་སྒྲོན་ལགས་ལྷན་དུ་རྒྱ་ནག་གིས་བོད་ལ་བཙན་འཛུལ་བྱས་པའི་སྔ་རྗེས་ཀྱི་ཁོང་གི་ཁྱིམ་ཚང་གི་གནས་སྟངས་སྐོར་གླེང་མོལ་ཞུས་པའི་དུམ་བུ་དང་པོ་དེ་གསན་རོགས་གནང་།

༄༅།།དེ་རིང་གི་ཕ་ཡུལ་གླེང་སྟེགས་ནང་བོད་ཀྱི་བླ་ན་མེད་པའི་དབུ་ཁྲིད་༧གོང་ས་སྐྱབས་མགོན་ཏཱ་ལའི་བླ་མ་མཆོག་གིས་༡༩༥༩་ལོའི་གསུམ་པའི་ཚེས་༡༠་ཉིན་གྱི་རང་དབང་སྒེར་ལངས་དང་། གནས་ཚུལ་དེ་བྱུང་རབས་སོགས་ཀྱི་ཐད་ཕྱི་ལོ་༡༩༩༩་ལོར་འདི་ག་ཨ་རིའི་རླུང་འཕྲིན་ཁང་ལ་ཆེད་དུ་བཀའ་ལན་གནང་བ་ཞིག་རྒྱང་སྲིང་ཞུ་རྒྱུ་ཡིན།

དེ་རིང་གི་ཕ་ཡུལ་གླེང་སྟེགས་ནང་རྒྱ་ནག་གི་ཝུ་ཧན་གྲོང་ཁྱེར་ནས་བྱུང་བའི་རིམས་ནད་དེ་རྒྱལ་སྤྱིའི་སྟེང་ཁྱབ་ནས་འཛམ་གླིང་ཡོངས་སུ་དོ་སྣང་བྱ་དགོས་པའི་ཚད་ལ་སླེབས་པ་དང་། རྒྱ་ནག་ནང་ལོགས་ཀྱི་རིམས་ནད་ཀྱི་གནས་སྟངས། འཛམ་གླིང་ཡོངས་ལ་ཐེབས་པའི་ཤུགས་རྐྱེན་ཐད། འདི་ག་ཨ་རིའི་རླུང་འཕྲིན་ཁང་གི་བོད་སྐད་སྡེ་ཚན་གྱི་རྩོམ་སྒྲིག་འགན་འཛིན་ཚེ་བརྟན་དབང་ཕྱུག་ལགས་དང་བགྲོ་གླེང་ཞུས་པ་ཡིན།

དེ་རིང་གི་ཕ་ཡུལ་གླེང་སྟེགས་ནང་དུ་དབུས་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེངྒེ་ལ་ཕྱི་ལོ་༢༠༢༠་ལོའི་ལས་འཆར་ཁག་དང་བོད་རྒྱའི་འབྲེལ་མོལ། ཝུ་ཧན་གྱི་ནད་དུག་ཐད་ལ་བློ་འཚབ་ཅི་ཡོད་སོགས་སོགས་བཅར་འདྲི་ཞུས་པ་ཞིག་རྒྱང་སྲིང་ཞུ་རྒྱུ་ཡིན།

དེ་རིང་གི་ཕ་ཡུལ་གླེང་སྟེགས་ལ་བོད་ཀྱི་ཆབ་སྲིད་བཙོན་པ་ཟུར་པ་མགོ་ལོག་འཇིགས་མེད་ལགས་བདུན་ཕྲག་སྔོན་མར་ཨ་རིའི་རྒྱལ་ས་ཝ་ཤིང་ཊོན་དུ་ཚོགས་པའི་ཨ་རིའི་རྒྱལ་ཡོངས་སྨོན་ལམ་གསོལ་སྟོན་ལ་མཉམ་ཞུགས་གནང་བའི་ཐད་བགྲོ་གླེང་ཞུས་པ་ཞིག་གསན་རོགས་གནང་།

དེ་རིང་གི་ཕ་ཡུལ་གླེང་སྟེགས་ནང་དེང་སྐབས་རྒྱ་ནག་ཏུ་ཁྱབ་གདལ་འགྲོ་བཞིན་པའི་ཏོག་དབྱིབས་ནད་དུག་གི་གློ་ཚད་རིམས་ནད་འོག་འཆི་སྐྱོན་དང་ནད་དུག་ཕོག་པའི་མིའི་གྲངས་འབོར་འཕར་བཞིན་པ་དང་ཡང་ནད་ཡམས་དེས་རྒྱ་ནག་གི་སྤྱི་ཚོགས་ཁྲོད་དཀའ་ངལ་འདྲ་མིན་བཟོ་བཞིན་པ་སོགས་ཀྱི་ཐད། འདི་ག་ཨ་རིའི་རླུང་འཕྲིན་ཁང་གི་བོད་སྐད་སྡེ་ཚན་གྱི་རྩོམ་སྒྲིག་པ་ཚེ་བརྟན་དབང་ཕྱུག་ལགས་དང་བགྲོ་གླེང་ཞུ་རྒྱུ་ཡིན།

དེ་རིང་གི་ཕ་ཡུལ་གླེང་སྟེགས་ནི་དེང་སྐབས་རྒྱ་ནག་ལ་ཁྱབ་གདལ་འགྲོ་བཞིན་པའི་གློ་ཚད་རིམས་ནད་དེས་རྒྱ་ནག་དང་འཛམ་གླིང་སྤྱི་ལ་ཉེན་ཁ་གང་འདྲ་ཞིག་བཟོ་བཞིན་ཡོད་མེད་དང་། བོད་མཐོ་སྒང་དུ་ནད་ཡམས་དེས་ཉེན་ཁ་གང་འདྲ་ཞིག་བཟོ་བཞིན་པའི་ཐད་ཡིན།

དེ་རིང་གི་ཕ་ཡུལ་གླེང་སྟེགས་ལས་རིམ་ནང་དུ་བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་གིས་ཉེ་ཆར་གནས་མཆོག་རྡོ་རྗེ་གདན་དུ་མང་ཚོགས་ལ་མཇལ་ཁ་དང་བཀའ་སློབ་སྩལ་བའི་སྐབས་སུ་བོད་ཀྱི་སྐད་ཡིག་དེ་ནི་བོད་མི་རིགས་ཀྱི་སྤོབས་པ་ཞིག་ཡིན་པ་དང་བོད་རིགས་ཚོས་བོད་ཀྱི་སྐད་ཡིག་ལ་དོ་སྣང་དང་སློབ་སྦྱོང་བྱ་རྒྱུ་གལ་ཆེན་ཡིན་ཞེས་བཀའ་སློབ་རིམ་པ་ཞིག་སྩལ་བ་ཁག་ཅིག་ངོ་སྤྲོད་ཞུ་ཡི་ཡིན།

དེ་རིང་གི་ཕ་ཡུལ་གླེང་སྟེགས་ནང་གཟའ་སྤེན་པའི་ཉིན་གྱི་ཐེ་ཝན་གྱི་སྲིད་འཛིན་འོས་བསྡུ་ཆེན་མོའི་མཇུག་འབྲས་དང་། འོས་བསྡུ་གྲུབ་པའི་རྗེས་ཀྱི་དཀའ་ངལ་ལ་མཉམ་དུ་གདོང་ལེན་བྱེད་སྟངས་བཅས་ཀྱི་ཐད་ཐེ་ཝན་དུ་གནས་སྡོད་ཐེ་བོད་འགྲོ་བ་མིའི་ཐོབ་ཐང་འབྲེལ་མཐུད་ཁང་གི་འགན་འཛིན་བཀྲ་ཤིས་ཚེ་རིང་ལགས་དང་བགྲོ་གླེང་ཞུ་རྒྱུ་ཡིན།

དེ་རིང་གི་ཕ་ཡུལ་གླེང་སྟེགས་ནང་བོད་ཀྱི་བླ་ན་མེད་པའི་དབུ་ཁྲིད་༧གོང་ས་སྐྱབས་མགོན་ཏཱ་ལའི་བླ་མ་མཆོག་གིས་གནས་མཆོག་རྡོ་རྗེ་གདན་དུ་གནང་བའི་འཇམ་དབྱངས་ཆོས་སྐོར་གྱི་གསུང་ཆོས་ལེགས་པར་གྲུབ་རྗེས་ཨོ་སི་ཀྲོལ་ལི་ཡའི་ནང་གི་འབྱུང་བ་མེ་ཡི་འཇིག་པ་སོགས་རང་བྱུང་གནོད་འཚེའི་སྐོར་ལ་ཐུགས་ཕམ་དང་སྨོན་ལམ་མཛད་པའི་ཐད་བགྲོ་གླེང་ཞུ་རྒྱུ་ཡིན།

དེ་རིང་གི་ཕ་ཡུལ་གླེང་སྟེགས་ནང་དུ་རྒྱ་ནག་གིས་བོད་ཀྱི་མཐའ་མཚམས་ས་ཁུལ་དུ་རྒྱལ་སྲུང་གྲོང་སྡེ་བརྒྱ་ཕྲག་མང་པོ་འཛུགས་སྐྲུན་བྱས་ནས་ཕྱི་ལོགས་ཀྱི་ཤུགས་རྐྱེན་འགོག་ཐབས་ཀྱི་འབད་བརྩོན་བྱེད་བཞིན་པའི་སྙན་ཐོ་འདོན་མཁན་རྒྱལ་སྤྱིའི་བོད་དོན་ལས་འགུལ་ཁང་གི་འགན་འཛིན་གཞོན་པ་བུ་ཆུང་ཚེ་རིང་ལགས་གདན་འདྲེན་ཞུས་ནས་བགྲོ་གླེང་ཞུས་པ་ཞིག་གསན་རོགས་གནང་།

དེ་རིང་གི་ཕ་ཡུལ་གླེང་སྟེགས་ནང་དུ་རྒྱལ་སྤྱིའི་དགེ་ལྡན་ལྷན་ཚོགས་དང་གདན་ས་ཆེན་པོ་འབྲས་སྤུངས་དང་དགའ་ལྡན་བཅས་ཐུན་མོང་གིས་བོད་ཀྱི་བླ་ན་མེད་པའི་དབུ་ཁྲིད་སྤྱིར་ནོར་༧གོང་ས་སྐྱབས་མགོན་ཏཱ་ལའི་བླ་མ་མཆོག་ལ་བརྟན་བཞུགས་བསྟར་འབུལ་ཞུས་པའི་སྐབས་སུ་༧གོང་ས་མཆོག་གིས་བཀའ་སློབ་བསྩལ་བའི་ནང་གི་ཚན་པ་འགའ་ཞིག་འབུལ་རྒྱུ་ཡིན།

༧གོང་ས་སྐྱབས་མགོན་ཏཱ་ལའི་བླ་མ་མཆོག་གིས་རྒྱ་གར་ལྷོ་ཕྱོགས་ཁུལ་དུ་མཛད་འཆར་མང་པོ་ཞིག་བསྐྱངས་འཆར་ཡོད་པ་ལྟར། འབྲས་སྤུངས་སྒོ་མང་གྲྭ་ཚང་དུ་ཆོས་ར་གསར་པ་དབུ་འབྱེད་དང་། ཨེ་མོ་རི་དང་བོད་ཀྱི་ཚན་རིག་ལས་རིམ་ཚུགས་ནས་ལོ་དྲུག་འཁོར་བའི་མཛད་སྒོར་དབུ་བཞུགས་མཛད་རྒྱུ་ཡིན་པའི་ཐད། རྒྱ་གར་ལྷོ་ཕྱོགས་མོན་གྷོ་ཁུལ་དུ་ཡོད་པའི་འབྲས་སྤུངས་སྒོ་མང་གྲྭ་ཚང་གི་མཁན་པོ་མངའ་རིས་ཀླུ་འཁྱིལ་དགེ་བཤེས་ལྷ་རམས་པ་བློ་བཟང་རྒྱལ་མཚན་ལགས་གདན་འདྲེན་ཞུས་ཡོད།

ཕྱི་ཟླ་༡༡་པའི་ཚེས་༢༦་ཉིན་གྱི་བོད་ནང་གི་ཕྱི་དྲོའི་ཆུ་ཚོད་བཞི་བ་ཡོལ་ཙམ་དུ་རང་ལོ་༢༤་ལ་སོན་པའི་ཡོན་ཏན་ལགས་ཀྱིས་བོད་མདོ་སྨད་རྔ་པའི་རྨེའུ་རུ་མ་ཡུལ་ཚོ་དང་ཐག་ཉེའི་གྲོང་བར་དུ་རང་ལུས་མེར་སྲེག་བཏང་ནས་རྒྱ་ནག་གཞུང་གིས་བོད་ལ་འཛིན་པའི་སྲིད་ཇུས་ལ་ངོ་རྒོལ་བྱས་པའི་གནས་ཚུལ་དང་། དེ་རིང་གཟའ་ཟླ་བའི་ཉིན་བཞུགས་སྒར་དྷ་རམ་ས་ལར་བོད་མིའི་སྒྲིག་འཛུགས་ཀྱི་ཆོས་རིག་ལས་ཁུངས་ཀྱི་གོ་སྒྲིག་འོག་གདུང་སེམས་མཉམ་སྐྱེའི་མཆོད་འབུལ་སྨོན་ལམ་ཚོགས་པའི་ཐད་བགྲོ་གླེང་ཞུ་རྒྱུ་ཡིན།

དེ་རིང་གི་ཕ་ཡུལ་གླེང་སྟེགས་ནང་ཁ་སང་གཟའ་ཉི་མའི་ཉིན་གྱི་ཧོང་ཀོང་གི་ས་ཁུལ་གྲོས་ཚོགས་འཐུས་མི་འོས་བསྡུའི་མཇུག་འབྲས་དང་། འདས་པའི་ཟླ་བ་ཁ་ཤས་རིང་གི་དམངས་གཙོའི་ལས་འགུལ། པེ་ཅིང་གཞུང་ལ་དགའ་ཞེན་བྱེད་མཁན་གྱི་ཆབ་སྲིད་ཕྱོགས་ཁག་གི་འོས་མི་རྣམས་ལ་ཕམ་ཁ་ཆེན་པོ་བྱུང་བར་རྒྱ་ནག་དབུས་གཞུང་གིས་རྣམ་འགྱུར་ག་འདྲ་ཞིག་སྟོན་སྲིད་པ་སོགས་ཀྱི་ཐད་ཕ་ཡུལ་གླེང་སྟེགས་ནང་འདི་ག་ཨ་རིའི་རླུང་འཕྲིན་ཁང་གི་རྩོམ་སྒྲིག་པ་ཚེ་བརྟན་དབང་ཕྱུག་ལགས་གདན་འདྲེན་ཞུས་ཡོད།

དེ་རིང་གི་ཕ་ཡུལ་གླེང་སྟེགས་ནང་དུ་ཨ་རིའི་གསར་ཤོག་གྲགས་ཅན་ནེའུ་ཡོག་དུས་བབ་སྟེང་ཤོག་གྲངས་༤༠༠་ལྷག་ཡོད་པའི་རྒྱ་ནག་གཞུང་གི་ནང་ཁུལ་གྱི་ཡིག་ཆ་ཞིག་འགྲེམ་སྤེལ་བྱས་ཏེ་རྒྱ་ནག་གི་འགོ་ཁྲིད་ཞིས་ཅིན་ཕིང་དང་། ཞིན་ཅང་ས་གནས་ཀྱི་འགོ་ཁྲིད་ཚོས་ཡུ་གུར་བ་སོགས་ལ་ཆེད་དུ་དམིགས་ཏེ་བཙུགས་པའི་སློབ་གསོ་སྦྱོང་བརྡར་ར་བའི་ཐད་ཀྱི་གཏམ་བཤད་ནང་དོན་སོགས་གནས་ཚུལ་མང་པོ་ཞིག་འཁོད་ཡོད་པའི་ཐད། ཨ་རིའི་རླུང་འཕྲིན་ཁང་གི་རྩོམ་སྒྲིག་པ་ཚེ་བརྟན་དབང་ཕྱུག་ལགས་དང་བགྲོ་གླེང་ཞུ་རྒྱུ་ཡིན།

དེ་རིང་གི་ཕ་ཡུལ་གླེང་སྟེགས་ནང་བོད་ཀྱི་བླ་ན་མེད་པའི་དབུ་ཁྲིད་༧གོང་ས་སྐྱབས་མགོན་ཏཱ་ལའི་བླ་མ་མཆོག་གིས་དེ་རིང་གཟའ་ཟླ་བའི་ཉིན་ནས་ཉིན་གསུམ་རིང་བཞུགས་སྒར་དྷ་རམ་ས་ལར་ཀོ་རི་ཡའི་དད་ལྡན་ཆོས་ཞུ་བས་ཇི་ལྟར་གསོལ་བ་བཏབ་པ་ལྟར་གསུང་ཆོས་གནང་བཞིན་པ་ལྟར་གསུང་ཆོས་ཀྱི་ཉིན་དང་པོར་ཆོས་ཞུ་བ་རྣམས་ལ་བསྩལ་བའི་བཀའ་སློབ་ཀྱི་ནང་དོན་གནད་བསྡུས་ངོ་སྤྲོད་ཞུ་རྒྱུ་ཡིན།

དེ་རིང་གི་ཕ་ཡུལ་གླེང་སྟེགས་ནང་དུ་རྒྱ་ནག་གི་སྲིད་འཛིན་ཞིས་ཅིན་ ཕིང་གཟའ་སྤེན་པའི་ཉིན་བལ་ཡུལ་ལ་འཚམས་གཟིགས་སུ་ཕེབས་ནས་རྒྱལ་ཁབ་གཉིས་ཀྱིས་གྲོས་མོལ་བྱས་པའི་ནང་དོན་ཁག་དང་། འཚམས་གཟིགས་འདིའི་སྐབས་སུ་བལ་ཡུལ་དུ་གནས་འཁོད་བོད་པ་ཚོར་དམ་དྲག་བྱས་པ་སོགས་ལ་བལ་ཡུལ་དུ་གནས་འཁོད་པ་བསྟན་འཛིན་ལགས་སུ་བགྲོ་གླེང་ཞུས་པ་ཡིན།

ཕ་ཡུལ་གླེང་སྟེགས་ལས་རིམ་ནང་ཁ་སང་གཟའ་ཉི་མའི་ཉིན་ཏེ་ཕྱི་ལོ་ ༢༠༡༩ ཟླ་ ༡༠ ཚེས་ ༦ ཉིན་བཞུགས་སྒར་དྷ་རམ་ས་ལ་ཐེག་ཆེན་ཆོས་གླིང་གཙུག་ལག་ཁང་དུ་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གིས་དམིགས་བསལ་ཚོགས་ཆེན་ཐེངས་གསུམ་པའི་ཚོགས་བཅར་བ་དང་གཞུང་ཞབས་སྲི་ཞུ་བ་རྣམས་ལ་བཀའ་སློབ་བཀའ་དྲིན་སྩལ་བའི་ནང་དོན་གཙོ་བོ་ཁག་ཅིག་ངོ་སྤྲོད་ཞུ་རྒྱུ་ཡིན།།

ཕ་ཡུལ་གླེང་སྟེགས་ནང་ཕྱི་ལོ་ ༢༠༡༩ ཟླ་ ༩ ཚེས་ ༡༣ ཉིན་སྤྱི་ནོར་༸གོང་ས་༸སྐྱབས་མགོན་༸རྒྱལ་དབང་སྐུ་ཕྲེང་བཅུ་བཞི་པ་ཆེན་པོ་མཆོག་བསྟན་འགྲོ་སྤྱི་དང་བྱེ་བྲག་བོད་ཁ་བ་གངས་ཅན་པའི་ལྗོངས་ཀྱི་མགོན་དཔུང་དམ་པར་ཞབས་པད་མི་འགྱུར་རྡོ་རྗེ་ཆོས་བདུན་གྱི་ངོ་བོར་བརྟན་ཅིང། ཐུགས་ཀྱི་བཞེད་དགོངས་མཐའ་དག་གེགས་མེད་ལྷུན་གྱིས་འགྲུབ་ཆེད་ཚོགས་པ་ལྔ་དང་སྒེར་པ་བཅས་ནས་བརྟན་བཞུགས་བསྟར་འབུལ་ཞུས་པའི་སྐབས་༧གོང་ས་མཆོག་གི་གསུང་བཤད་ཀྱི་དུམ་བུ་ཁག་ཅིག་ཟུར་བཏོན་ཞུས་པ་ཞིག་གསན་རོགས་གནང་།

དེ་རིང་གི་ཕ་ཡུལ་གླེང་སྟེགས་ནང་རྒྱ་ནག་གཞུང་གིས་སྤྱི་ཚོགས་འབྲེལ་མཐུད་དྲ་རྒྱ་དང་དམིགས་བསལ་སྒོས་སྐད་འཕྲིན་ཚོགས་པ་ཁག་ལ་བཙོན་འཇུག་ཁྲིམས་ཐག་གཅོད་པ་སོགས་ཀྱི་དམ་དྲག་བྱ་རྒྱུའི་གསལ་བསྒྲགས་སྤེལ་བའི་ཐད་ བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གི་ཉམས་ཞིབ་པ་པདྨ་རྒྱལ་ལགས་དང་བགྲོ་གླེང་ཞུས་པ་ཡིན།།

དེ་རིང་གི་ཕ་ཡུལ་གླེང་སྟེགས་ལས་རིམ་ནང་དུ་ཉེ་ཆར་སྐྱབས་རྗེ་ཡོངས་འཛིན་གླིང་མཆོག་སྤྲུལ་རིན་པོ་ཆེར་བཅར་འདྲི་ཁག་ཅིག་ཞུས་པའི་ཁོངས་ནས་བོད་ནང་གི་གནས་སྟངས་དང་བོད་པའི་མཐུན་སྒྲིལ་རྡོག་རྩ་གཅིག་སྒྲིལ། དེ་བཞིན་རྒྱ་ནག་གཞུང་གིས་༧གོང་ས་མཆོག་གི་སྐུའི་ཡང་སྲིད་ཀྱི་ཐད་པ་ཐེ་བྱུས་བྱེད་བཞིན་པ་སོགས་ལ་དགོངས་ཚུལ་ཞུས་པ་ཁག་ཟུར་འདོན་གྱིས་རྒྱང་སྲིང་ཞུ་ཡི་ཡིན།

དེ་རིང་གི་ཕ་ཡུལ་གླེང་སྟེགས་ནང་དགའ་ལྡན་ཕོ་བྲང་གི་དྲུང་ཆེ་རྔ་བ་ཚེ་རྒྱམ་ལགས་ཀྱིས་ལྔ་དང་ལྔ་བཅུའི་གཞོན་སྐྱེས་ཚོགས་འདུ་ཐེངས་གཉིས་པའི་སྟེང་བོད་དང་རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་འབྲེལ་ལམ་སྲ་བརྟན་དང་དོན་ཕན་ལྡན་པའི་གྲོས་མོལ་བསྐྲུན་ཐབས་ཞེས་པའི་བརྗོད་གཞིའི་སྟེང་གནང་བའི་གཏམ་བཤད་ནང་དོན་ངོ་སྤྲོད་ཞུ་རྒྱུ་ཡིན།།

ཡ་ཆེན་སྒར་དུ་རྒྱ་ནག་གཞུང་གིས་གྲྭ་བཙུན་ཕྱིར་འཕུད་གཏོང་བའི་ལས་གཞི་ལག་བསྟར་དང་ཆོས་སྒར་ཕྱི་ནང་གང་སར་གྲྭ་བཙུན་ཚོར་དམ་དྲག་བྱེད་བཞིན་པའི་སྐོར་དང་བོད་ཆོལ་ཁ་གསུམ་གྱི་གྲྭ་བཙུན་ཚོའི་སྒྲུབ་པ་ཉམས་ལེན་གྱི་བསྟི་གནས་ཆེ་ཤོས་ཡིན་པའི་ཡ་ཆེན་ཨྱོན་བསམ་གཏན་གླིང་ཆོས་སྒར་གྱི་ལོ་རྒྱུས་སོགས་ཀྱི་སྐོར་ལ་བགྲོ་གླེང་ཞུ་རྒྱུ་ཡིན།

བོད་ནང་གི་དགོང་མོའི་ཆུ་ཚོད་བཅུ་དང་ཕྱེད་ཀ་ནས་བཅུ་གཅིག་པའི་བར་རྒྱང་སྲིང་བྱེད་པ་ཡིན། དེ་རིང་གི་ཕ་ཡུལ་གླེང་སྟེགས་ནང་རྒྱ་ནག་གཞུང་གིས་དངུལ་གྱི་བསླུ་བྲིད་སོགས་ལ་བརྟེན་ནས་དྲྭ་ལམ་དུ་བསམ་ཚུལ་འདྲ་མིན་བརྗོད་མཁན་ལ་བཀག་སྡོམ་དང་། འཕྲིན་གཏོང་དང་བརྒྱུད་བསྐུར་སོགས་ལ་དམ་དྲག་ནན་མོ་བྱེད་བཞིན་པའི་ཐད། བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གི་ཉམས་ཞིབ་པ་པདྨ་རྒྱལ་ལགས་དང་བགྲོ་གླེང་ཞུས་པ་ཡིན།།

དེ་རིང་གི་ཕ་ཡུལ་གླེང་སྟེགས་ནང་དུ་མདོ་སྨད་རེབ་གོང་གི་ལྷ་བཟོའི་སྡེ་བ་སེངྒེ་གཤོང་གི་ཐང་ག་ཁྲི་ཕྲག་གཅིག་བཤམས་སྟོན་དང་། ལྷ་བཟོ་སྟོང་ཕྲག་ལྷག་གིས་མཉམ་དུ་ཐང་ག་བཞེངས་བྱས་ནས་འཛམ་གླིང་གི་སྐད་གྲགས་ཆེ་བའི་གྷི་ཎི་སིའི་ཟིན་ཐོར་འཁོད་པའི་ཐད་དུ་རྒྱ་གར་དུ་ཡོད་པའི་དགའ་ལྡན་བྱང་རྩེ་གྲྭ་ཚང་གི་དགེ་འདུན་པ་བློ་བཟང་ཕུན་ཚོགས་ལགས་གདན་འདྲེན་ཞུས་ནས་བགྲོ་གླེང་ཞུས་ཡོད།།

རྒྱ་ནག་གཞུང་གིས་བོད་ནང་སྤེལ་བཞིན་པའི་ནག་སེལ་ངན་འཇོམས་ཟེར་བའི་ཆབ་སྲིད་ལས་འགུལ་ནང་བོད་མི་མང་པོ་བཀག་སྐྱིལ་བྱས་དང་བྱེད་བཞིན་པ་དང་། བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གིས་ལས་འགུལ་དེ་མཚམས་འཇོག་དང་བཀག་སྐྱིལ་བྱས་པ་རྣམས་གློད་གྲོལ་གཏོང་དགོས་ཞེས་འབོད་སྐུལ་བརྒྱབ་ཡོད་པའི་ཐད་བགྲོ་བཞུགས་སྒར་དྷ་རམ་ས་ལ་ནས་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་བསྟི་གནས་ཁང་གི་ཉམས་ཞིབ་པ་པདྨ་རྒྱལ་ལགས་དང་བགྲོ་གླེང་ཞུས་པ་ཞིག་གསན་རོགས་གནང་།

དེ་རིང་གི་ཕ་ཡུལ་གླེང་སྟེགས་ཀྱི་བགྲོ་གླེང་ལས་རིམ་དེ་འགོ་འཛུགས་རྒྱུ་ཡིན། ཧོང་ཀོང་མི་མང་གིས་ངོ་རྒོལ་ཤུགས་ཆེན་བྱས་ནས་ཧོང་ཀོང་གཞུང་གིས་མི་མང་གི་མངོན་འདོད་ལ་བསྟུན་དགོས་བྱུང་ཞིང་། རྒྱ་ནག་གཞུང་གི་ཆབ་སྲིད་ཀྱིས་ཧོང་ཀོང་གི་མ་འོངས་པའི་མདུན་ལམ་ལ་ཤུགས་རྐྱེན་གང་འདྲ་ཞིག་ཐེབས་སྲིད་མིན་ཐད་དུ་འདི་ག་ཨ་རིའི་རླུང་འཕྲིན་ཁང་གི་བོད་སྐད་སྡེ་ཚན་གྱི་རྩོམ་སྒྲིག་པ་ཚེ་བརྟན་དབང་ཕྱུག་ལགས་དང་བགྲོ་གླེང་ཞུས་པ་ཡིན།།

དེ་རིང་གི་ཕ་ཡུལ་གླེང་སྟེགས་ནང་ཁ་སང་གཟའ་ཉི་མའི་ཉིན་ཧོང་ཀོང་དུ་མི་ས་ཡ་གཉིས་ཙམ་གྱིས་རྔམ་སྟོན་ཁྲོམ་སྐོར་བྱས་ནས་ཁྲིམས་བྱོལ་བ་རྒྱ་ནག་ཏུ་རྩིས་སྤྲོད་བྱ་རྒྱུའི་ཁྲིམས་འཆར་ལ་ངོ་རྒོལ་བྱས་ཡོད་པའི་ཐད་བགྲོ་གླེང་ཞུ་རྒྱུ་ཡིན།

ཧོང་ཀོང་ནང་ཉེས་ཅན་པ་རྩིས་སྤྲོད་ཁྲིམས་འཆར་ལ་ངོ་རྒོལ།

གྲོས་ཚོགས་གོང་མའི་འཐུས་མིས་ཆོས་དད་རང་དབང་ཚོགས་གཙོར་ཞུ་འབོད།

རྣམ་རྒྱལ་གྲྭ་ཚང་ཕན་བདེ་ལེགས་བཤད་གླིང་གི་ཤེས་ཡོན་ལྷན་ཚོགས་ཀྱིས་གོ་སྒྲིག་ཞུས་པ་ལྟར་ཕྱི་ཟླ་༥་ཚེས་༥་ཉིན་བཞུགས་སྒར་རྡ་རམ་ས་ལའི་དུས་འཁོར་ལྷ་ཁང་དུ་རྒྱལ་སྤྱིའི་རྗེ་ཙོང་ཁ་པའི་ལོར་སྲུང་བརྩི་ཞུ་བའི་ལས་རིམ་གྲས་སུ་གོ་སྒྲིག་ཞུས་པའི་འཇམ་མགོན་བླ་མ་ཙོང་ཁ་པ་ཆེན་པོ་སྐུ་མྱ་ངན་ལས་འདས་ནས་མི་ལོ་ཧྲིལ་པོ་༦༠༠་འཁོར་བའི་བཀའ་དྲིན་རྗེས་དྲན་དང་འབྲེལ་ནས་དཔལ་དུས་ཀྱི་འཁོར་ལོའི་རིས་མེད་མཁས་པའི་བགྲོ་གླེང་ཆེན་མོར་སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་དབུ་བཞུགས་ཀྱིས་བཀའ་སློབ།

ཟླ་བཞི་བའི་ཚེས་༢༥་ཉིན་བྱེས་ཀྱི་གདན་ས་བཀྲ་ཤིས་ལྷུན་པོ་རུ་ཀུན་གཟིགས་པཎ་ཆེན་སྐུ་ཕྲེང་བཅུ་གཅིག་པ་༧རྗེ་བཙུན་བསྟན་འཛིན་དགེ་འདུན་ཡེ་ཤེས་འཕྲིན་ལས་ཕུན་ཚོགས་དཔལ་བཟང་པོ་མཆོག་དགུང་གྲངས་༣༠་ལ་ཕེབས་པའི་འཁྲུངས་སྐར་སྲུང་བརྩི་གཟབ་རྒྱས་གནང་བ་སོགས་ཀྱི་ཐད། རྒྱ་གར་ལྷོ་ཕྱོགས་སུ་ཡོད་པའི་བཀྲ་ཤིས་ལྷུན་པོ་ནས་༸པཎ་ཆེན་ཨེར་ཏེ་ནི་ཞབས་ཞུ་ལས་དོན་ལྟེ་གནས་ཁང་གི་འགན་འཛིན་རྒན་བློ་བཟང་རྡོ་རྗེ་ལགས་དང་བགྲོ་གླེང་ཞུས་པ་ཡིན།།

ཕ་ཡུལ་གླེང་སྟེགས་སུ་བོད་མདོ་སྨད་རེབ་གོང་གི་ཧོར་རྒྱ་སྡེ་བའི་ཁ་མགོ་བའི་ཁོངས་ནས་མི་༩་ལ་ནག་སེལ་གཤེད་བཅོམ་གྱི་ལས་འགུལ་ནང་དུ་ཁྲིམས་འགལ་ཚོགས་པའི་ཁོངས་མི་ཡིན་པའི་ནང་ཉེས་བཙུགས་ནས་ཁྲིམས་ཐག་བཅད་པའི་ཐད་དུ་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གི་ཉམས་ཞིབ་པ་པདྨ་རྒྱལ་ལགས་སུ་བགྲོ་གླེང་ཞུས་ཡོད།།

ཨ་རིའི་རླུང་འཕྲིན་ཁང་གི་ཕ་ཡུལ་གླེང་སྟེགས་ནི་གཟའ་ཟླ་བའི་ཉིན་བོད་ནང་གི་དགོང་མོའི་ཆུ་ཚོད་བཅུ་དང་ཕྱེད་ཀ་ནས་བཅུ་གཅིག་པའི་བར་རྒྱང་སྲིང་བྱེད་པ་ཡིན། དེ་རིང་གི་ཕ་ཡུལ་གླེང་སྟེགས་ནང་རྒྱ་ནག་གི་ས་ཁུལ་ཁ་ཤས་ཤིག་ཏུ་མིས་བཟོས་རྣམ་དཔྱོད་འཕྲུལ་ཆས་བཀོལ་ཏེ་ཞིན་ཅང་ཡུ་གུར་བ་རྣམས་ངོས་འཛིན་བྱེད་པའི་ལག་རྩལ་བེད་སྤྱོད་ཀྱི་ཐད། ཨ་རིའི་ནེའུ་ཡོག་དུས་བབ་སྟེང་བཀོད་པའི་རྩོམ་ཡིག་དང་འབྲེལ་འདི་ག་ཨ་རིའི་རླུང་འཕྲིན་ཁང་གི་རྩོམ་སྒྲིག་པ་ཚེ་བརྟན་དབང་ཕྱུག་ལགས་དང་བགྲོ་གླེང་ཞུས་པ་ཡིན།།

ཕ་ཡུལ་གླེང་སྟེགས་ནང་བོད་རང་སྐྱོང་ལྗོངས་ཀྱི་འགོ་ཁྲིད་ཟུར་པ་ཁྲེན་ཆོན་ཀོ་ཡིས་ཤིན་ཅང་ས་ཁུལ་དུ་ཡུ་གུར་བ་རྣམས་ལ་སྤྱི་ཚོགས་སྟངས་འཛིན་བྱེད་ཕྱོགས་ཀྱི་ཉམས་མྱོང་དེ་རྒྱ་ནག་གི་ས་ཁུལ་གཞན་དུའང་ཁྱབ་སྤེལ་གཏོང་བཞིན་པའི་ཐད། འདི་ག་ཨ་རིའི་རླུང་འཕྲིན་ཁང་གི་རྩོམ་སྒྲིག་པ་ཚེ་བརྟན་དབང་ཕྱུག་ལགས་དང་བགྲོ་གླེང་ཞུས་པ་ཡིན།།

དེ་རིང་གི་ཕ་ཡུལ་གླེང་སྟེགས་ལས་རིམ་ནང་དུ་རྒྱ་ནག་གཞུང་གིས་ཕྱི་ཟླ་གསུམ་པའི་ཚེས་༢༧ཉིན་ཁ་བྱང་ལ་སླབས་ཆེན་གྱི་ཏོལ་བརྒལ། བོད་ལྗོངས་སུ་དམངས་གཙོའི་བཅོས་སྒྱུར་བྱས་སྟེ་ལོ་༦༠ ཞུ་བུའི་རྒྱབ་ཤ་དཀར་པོའི་སྙན་ཐོ་ཞིག་བཏོན་པའི་ཐད་ལ་བགྲོ་གླེང་ཞུ་རྒྱ་ཡིན།

དེ་རིང་གི་ཕ་ཡུལ་གླེང་སྟེགས་ནང་རྒྱ་ནག་གིས་བོད་ལ་དབང་སྒྱུར་བྱས་ནས་ལོ་ངོ་༦༠ཕྱིན་པ་དེས་བོད་མི་རིགས་དང་རྒྱལ་རབས་ལོ་རྒྱུས་ཐོག་དུས་ཚོད་གང་འདྲ་ཞིག་མཚོན་མིན་དང་མི་ལོ་དྲུག་ཅུའི་རིང་རྒྱ་ནག་གི་ཆབ་སྲིད་ཀྱི་ལས་འགུལ་འདྲ་མིན་འོག་བོད་མིར་དཀའ་སྡུག་དང་།  ཡང་དྲག་གནོན་འོག་མི་རིགས་ཀྱི་ངོ་བོ་སྲུང་སྐྱོབ་ཐད་གཞིས་ལུས་བོད་མིའི་སེམས་ཤུགས་སོགས་༦༠རིང་བོད་ནང་གི་གནས་སྟངས་ཐད་ལ་བགྲོ་གླེང་ཞུས་པ་ཞིག་རྒྱང་སྲིང་ཞུ་རྒྱུ་ཡིན།

དེ་རིང་གི་ཕ་ཡུལ་གླེང་སྟེགས་ནང་དུ་བོད་ཀྱི་བླ་ན་མེད་པའི་དབུ་ཁྲིད་༧གོང་ས་སྐྱབས་མགོན་ཏཱ་ལའི་བླ་མ་མཆོག་གིས་གསུམ་བཅུ་དུས་དྲན་ཐེངས་དྲུག་ཅུ་པའི་ཉིན་མོར་བཞུགས་སྒར་དྷ་རམ་ས་ལའི་ཕོ་བྲང་དུ་རྒྱ་རིགས་མང་གཙོ་དོན་གཉེར་བ་ཁག་ཅིག་ལ་བཀའ་མོལ་གནང་བ་དང་། རྒྱ་རིགས་ཁག་ཅིག་གིས་བཞུགས་སྒར་དུ་གསར་འགོད་གསལ་བསྒྲགས་སྤེལ་བའི་ཐད་དུ་བགྲོ་གླེང་ཞུ་རྒྱུ་ཡིན།

དེ་རིང་གི་ཕ་ཡུལ་གླེང་སྟེགས་ནང་དུ་གཟའ་ཉི་མའི་ཉིན་པེ་ཅིང་དུ་འགོ་ཚུགས་པའི་རྒྱ་ནག་གི་མི་དམངས་ཆབ་སྲིད་གྲོས་མོལ་ཚོགས་ཆེན་སྟེང་དུ་སྲིད་གྲོས་ཀྱི་ཀྲུའུ་ཞི་༼འགོ་ཁྲིད་༽ཝང་དབྱང་གིས་ཕུལ་བའི་སྙན་ཞུའི་ཐད་དུ་བགྲོ་གླེང་ཞུ་རྒྱུ་ཡིན།།

དེ་རིང་གི་ཕ་ཡུལ་གླེང་སྟེགས་ནང་དུ་རྒྱ་ནག་གཞུང་གིས་བོད་ཀྱི་ས་ཁུལ་དུ་ངལ་རྩོལ་སྒྱུར་བཀོད་ར་བའམ། བཀག་སྐྱིལ་ཁང་གསར་པ་རྒྱག་བཞིན་པ་འཁོར་སྐར་གྱིས་སྒྲོན་པའི་འདྲ་པར་ལ་དབྱེ་ཞིབ་བྱས་ནས་ཤེས་རྟོགས་བྱུང་ཡོད་ཅིང་། བཀག་སྐྱིལ་ཁང་དེ་དག་གི་དམིགས་ཡུལ་ཅི་ཡིན་སོགས་ཀྱི་ཐད་དུ་བགྲོ་གླེང་ཞུ་རྒྱུ་ཡིན།། བགྲོ་གླེང་དེའི་ནང་དུ་བོད་ཀྱི་སྲིད་བྱུས་ཉམས་ཞིབ་ཁང་གི་འགན་འཛིན་གཞོན་པ་བསྟན་འཛིན་ལེགས་བཤད་ལགས་གདན་འདྲེན་ཞུས་ཡོད།།

དེ་རིང་གི་ཕ་ཡུལ་གླེང་སྟེགས་ལས་རིམ་ནང་དུ་ཉེ་ཆར་བོད་རང་སྐྱོང་ལྗོངས་སུ་འགྲེམ་སྤེལ་བྱས་པའི་ལེའུ་བཞི་ཅན་གྱི་བོད་ལྗོངས་ཀྱིས་ཕྱོགས་ཡོངས་ནས་ཏང་ནན་སྐྱོང་ཟེར་བའི་བརྙན་འཕྲིན་ཆེད་སྒྲིག་ལས་རིམ་ཞིག་ཡོད་པ་དེའི་ནང་དོན་གྱི་ཐད་རྒྱ་ནག་ཉམས་ཞིབ་པ་ཀུན་དགའ་བཀྲ་ཤིས་ལགས་སུ་བགྲོ་གླེང་ཞུ་རྒྱུ་ཡིན།

༄༅།། གཟའ་འཁོར་འདིའི་ལས་རིམ་ལ་བོད་ཀྱི་སྤྱི་ཚོགས་འཕྲོད་བསྟེན་དྲྭ་བ་གསར་འཛུགས་པ་དང་དྲྭ་གནས་འདིའི་འགན་འཛིན་སྒོ་དམར་སངས་རྒྱས་བཀྲ་ཤིས་ལ་ལོ་གསར་སྐབས་སུ་བོད་པ་ཚོས་རང་དང་བཟའ་མི་རྣམས། དེ་བཞིན་སྤྱི་ཚོགས་ཀྱི་འཕྲོད་སྟེན་ཐད་དུ་དོ་སྣང་དང་ཡིད་གཟབ་བྱ་དགོས་པ་ཅི་ཞིག་ཡོད་པའི་ཐད་ལ་གླེང་མོལ་ཞུ་ཡི་ཡིན།།

ཀུན་གཟིགས་པཎ་ཆེན་རིན་པོ་ཆེ་སྐུ་ཕྲེང་བཅུ་པ་མཆོག་སྐུ་གཤེགས་ནས་ལོ་༣༠་འཁོར་བའི་རྗེས་དྲན་བགྲོ་གླེང་ཚོགས་འདུ་ཞིག་གཟའ་སྤེན་པའི་ཉིན་ཨ་རིའི་གྲོང་ཁྱེར་ཆེན་པོ་ནེའུ་ཡོག་ཏུ་འཚོགས་པའི་ཐད་བྱང་ཨ་རིའི་པཎ་ཆེན་སྐུ་ཕྲེང་བཅུ་པའི་རྗེས་དྲན་ཚོགས་ཆུང་གི་གསར་ལམ་འབྲེལ་མཐུད་པ་ཀ་བཙན་བླ་མ་སྐྱབས་ལགས་གདན་འདྲེན་ཞུས་ཡོད།།

འགྲོ་བ་མིའི་ཐོབ་ཐང་ལྟ་རྟོག་ཚོགས་པས་༢༠༡༨་ལོར་འཛམ་གླིང་ཡོངས་སུ་འགྲོ་བ་མིའི་ཐོབ་ཐང་གི་གནས་སྟངས་གང་འདྲ་ཞིག་བྱུང་ཡོད་མེད་ཀྱི་ལོ་འཁོར་སྙན་ཐོ་ཞིག་སྤེལ་ཡོད་པར་མ་ཟད། བོད་ནང་དུ་ཆོས་ལུགས་དད་མོས་རང་དབང་དང་བརྡ་འཕྲིན་སོགས་ཀྱི་ཐད་དུ་སྔར་ལས་ལྷག་པའི་དམ་དྲག་བྱེད་བཞིན་འདུག་ཅེས་བཀོད་པའི་སྙན་ཐོ་ཞིག་བཏོན་ཡོད་པའི་ནང་དོན་ཁག་ཅིག་ངོ་སྤྲོད་ཞུ་རྒྱུ་ཡིན།།

བོད་རང་སྐྱོང་ལྗོངས་མཐོ་རིམ་མི་དམངས་ཁྲིམས་ཁང་གི་ལས་དོན་སྙན་སྒྲོན་ནང་དུ་༢༠༡༨་ལོར་གྱོད་དོན་ཁྲི་གསུམ་ལྷག་ལ་ཞིབ་བཤེར་བྱས་པ་དང་། དེའི་ཁྲོད་དུ་རྒྱལ་ཁབ་ཁ་བྲལ་ལ་སྐུལ་སློང་བྱས་པ་དང་། རྒྱལ་ཁབ་ཀྱི་བདེ་འཇགས་ལ་གནོད་པའི་ལས་དོན་ལ་དཔལ་འབྱོར་རོགས་སྐྱོར་བྱེད་མཁན་ཟེར་བའི་དོན་རྐྱེན་༢༥་བྱུང་བའི་མི་༢༥་ལ་ཁྲིམས་ཐག་བཅད་པ་ཡིན་ཞེས་བརྗོད་ཡོད་པའི་ཐད་ དྷ་རམ་ས་ལར་རྟེན་གཞི་བྱས་ཡོད་པའི་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གི་འགན་འཛིན་ཚེ་རིང་མཚོ་མོ་ལགས་

སྨོན་ལམ་བོད་ཀྱི་བརྡ་འཕྲིན་ཞིབ་འཇུག་ཁང་གིས་བདུན་ཕྲག་སྔོན་མར་གནས་མཆོག་རྡོ་རྗེ་གདན་དུ་བླ་ཆེན་ཁག་དང་མཁས་མང་ལྷན་འཛོམས་ཤིག་གི་ཐོག་ཏུ་སྨོན་ལམ་ཚིག་མཛོད་ཆེན་མོ་ཐོན་རིམ་གཉིས་པ་དབུ་འབྱེད་དང་། དེའི་གོང་དུ་བོད་ཀྱི་ཚིག་མཛོད་རིག་པའི་དཔེ་དེབ་འགྲེམ་སྤེལ་བྱས་ཡོད་པ་བཅས་ལ་སྨོན་ལམ་བོད་ཀྱི་བརྡ་འཕྲིན་ཞིབ་འཇུག་ཁང་གི་འགན་འཛིན་སེར་སྨད་དགེ་བཤེས་བློ་བཟང་སྨོན་ལམ་ལགས་སུ་བགྲོ་གླེང་ཞུས་ཡོད།།

ཨ་རིའི་སྲིད་འཛིན་ཌོ་ནོལ་ཊམ་གྱིས་བོད་ལ་འགྲོ་སྐྱོད་ཐོབ་ཐང་འདྲ་མཉམ་གྱི་ཁྲིམས་འཆར་ལ་མཚན་རྟགས་བཀོད་ནས་ཨ་རིའི་ཁྲིམས་གསར་པ་ཞིག་གཏན་འབེབ་བྱས་པར་བརྟེན། ཨ་རིའི་གཞུང་ཕྱོགས་མི་སྣ་དང་གསར་འགོད་པ་སོགས་བོད་ལ་འགྲོ་སྐྱོད་བྱེད་པར་ཨ་རིའི་གཞུང་གིས་ཇི་ལྟར་ཁྲིམས་ཡིག་འདི་རྒྱབ་རྟེན་བྱེད་སྲིད་པ་དང་། ཨ་རིའི་ནང་གི་བོད་པ་ཚོས་གོ་སྐབས་ཅི་ཞིག་དམ་འཛིན་བྱེད་ཐུབ་མིན་ཐད་དུ་རྒྱལ་སྤྱིའི་བོད་དོན་ལས་འགུལ་ཁང་གི་འབྲེལ་མཐུད་འགན་འཛིན་པ་བསྟན་ཆོས་རྒྱ་མཚོ་ལགས་སུ་བགྲོ་གླེང་ཞུས་ཡོད།།

ཨ་རིའི་གྲོས་ཚོགས་ཀྱིས་བོད་ལ་འགྲོ་སྐྱོད་འདྲ་མཉམ་གྱི་ཁྲིམས་འཆར་ལ་རྒྱབ་སྐྱོར་གྱི་གྲོས་ཆོད་བཞག་པར་ངོ་རྒོལ་དང་ཁྲིམས་འཆར་དེ་ཉིད་ཕྱིར་འཐེན་བྱ་དགོས་ལུགས་བརྗོད་ཡོད་པར་རྒྱལ་སྤྱིའི་བོད་དོན་ལས་འགུལ་ཁང་གིས་ལན་འདེབས་གནང་བའི་སྐོར། རྒྱལ་སྤྱིའི་བོད་དོན་ལས་འགུལ་ཁང་གི་འགན་འཛིན་གཞོན་པ་བུ་ཆུང་ཚེ་རིང་ལགས་སུ་བགྲོ་གླེང་ཞུ་རྒྱུ་ཡིན།