إيمباكت ماستري - إتقان التأثير (مع وليد ابراهيم)

مش لازم عمرك يضيع في استعجال نتايج طبيعتها في كون ربنا انها بتاخد وقت. ومش لازم تطول الوقت ده على نفسك وأنت بتحاول تجيب النتايج دي عن طريق التجربة والخطأ. اتعلم تستمتع بالرحلات الطويلة وبكل خطوة فيها. ووفر وقت وتفادى مشاعر صعبة وأنت بتتعلم لوحدك

مهارة أساسية حياتية لازم تتعلم تطبقها كل يوم في حياتك أكثر من مرة

لو إنت زي أغلب الناس الرائعين اللي بشتغل معاهم، أكيد بيعدي عليك أوقات بتحس فيها إنك عاوز تعمل حاجة أكبر أو تحقق نجاح من نوع مختلف عن اللي أنت بتحققه دلوقت: تشارك علمك وتسيب آثر، تبني مشروعك الخاص، وتعيش حياة أقرب لقلبك ولمعنى وجودك. بس خلينا نكون واقعيين... الطريق للنجاح ممكن يكون مُربِك. الدنيا مليانة معلومات، أدوات، استراتيجيات، وقوائم مهام لا تنتهي “لازم تعمل محتوى وتصوره وتمنتجه وتعمل ويبسايت وإعلانات وتطلع لايف وتتعلم تدير بيزنس و ………” سهل جدًا تتجمّد مكانك من كتر التفكير. أنا ضاع من عمري أوقات كتيييييير في الحالة دي. لكن الأخبار الكويسة اللي جاي أقولهالك النهاردة بعد 27 سنة في عالم البيزنس و49 سنة في الحياة إنها مش لازم تتعاش كده والله العظيم. في أسرار وسنن للحياة دي تخلينا نعيشها بشكل مختلف لكن مش كتير بنتعرض للمعلومات دي ولا بنتعرف عليها. ويمكن كمان لما تمر قدام عنينا بنكون مسحولين في الدنيا ومابنسمعهاش ولا ناخد بالنا منها. بعد ما تسمع البودكاست حابب أقرأ تعليقك من هنا  

الاشارة القوية مقارنة ب الضوضاء او الدوشة