ولو آية

ليس أعظم من وصف الله سبحانه وتعالَى لأخلاق الرسول عليه الصلاة والسلام بأنّها "خلق عظيم". خاتمة.

درجة البرّ من أعلى الدرجات. اننا نكون من عباد الله الأبرار. والوصول ليها ربنا وضّحه لنا كيفيته في القرآن: لن تنالوا البرّ حتى تنفقوا مما تحبّون. نسجت امرأة بردة للرسول عليه الصلاة والسلام وادتها له هدية. يادوب لبسها وخرج، شافه واحد من الصحابة وطلبها. تخيل لو انت في الموقف ده. هدية معمولة لك مخصوص. وحد طلبها اول ما لبستها. هتديها له؟

ايه المهر الي دفعه سيدنا عليّ بن أبي طالب عشان يتزوج بنت رسول الله صلى الله عليه وسلّم ورئيس الدولة؟

شاب يطلب من الرسول عليه الصلاة والسلام انه يدي له الإذن في الزنا! شوف ازاي الرسول تعامل مع الموقف.

الرسول عليه الصلاة والسلام كان بيحب الهزار. ودي صور من مداعبته لأصحابه. تعالوا نتعلّم ايه الي ممكن يضمن لنا بيت في وسط الجنّة!

مشهد مؤثّر من حياة الرسول عليه الصلاة والسلام لما فاطمة بنته اتخانقت مع زوجها: عليّ بن أبي طالب. تعالوا نسمع تعامل النبيّ الحكيم في مثل هذ االموقف، عس أن نتأسّى به.

في الموقف ده الرسول عليه الصلاة والسلام يكرر أمره للصحابة ٣ مرات ومحدش يستجيب! لحد ما أشارت عليه زوجته أم سلمة بفكرة هتخليهم كلهم يستجيبوا ويلتزموا بالأمر.

ازاي كان الرسول عليه الصلاة والسلام بيشجع المؤمنين انهم يعملوا تصرّف معيّن. مكنش بيأمرهم بالتصرف بس كدة. كان بيعمل حاجة تانية مهمة أوي ممكن تغيب عن قادة كتير بيحاولوا يأثروا في النّاس ومش بيوصلوا لنتيجة. لأنهم مش بيستخدموا المفتاح.

ايه العمل الي له ثواب الجهاد في سبيل الله؟ بل قد يكون له الأولوية كمان في بعض الأحيان.

الرسول عليه الصلاة والسلام مرّ بأزمات شديدة جدًا في سبيل الرسالة الي هو مؤمن بيها. منها الموقف الصعب ده، لما كان كلّ الناس الي بيقابلوه بيحدفوه بالطوب .. تعالى نشوف ازاي اتعامل معهم، خصوصًا انه كان قادر ينتقم منهم وياخد حقه بالقوّة.

ازاي كان الرسول عليه الصلاة والسلام بيتعامل مع الأطفال الي بيعدوا في المسجد من بين المصلّين، ويبكوا، ويعملوا دوشة؟!

في الموقف ده بيبان معنى التسليم لله بعد الأخذ بجميع الأسباب. لما يتعرّض الرسول عليه الصلاة والسلام للخطر الشديد.

كام حد ظلمنا قبل كدة فا استحلّينا اننا نظلمه وقررنا نعامله بالمثل وبررنا لنفسنا انه هو ظالم ويستاهل؟ في المشهد ده الرسول عليه الصلاة والسلام بيعلّمنا ان ده مش من هديه ولا دي أخلاق المسلمين.

مشهد بيورينا قد ايه الرسول عليه الصلاة والسلام بيحبّ زوجته خديجة، وبيجبر بخاطر بنته زينب. درس مهم في الحب والوفاء والتعامل مع ذوي الأرحام.

تخيل انك ماشي في الشارع ووقفك شخص وشدّك من الجاكت بتاعك بقوّة شديدة وقال لك: هات فلوس! الموقف ده حصل بالضبط مع الرسول عليه الصلاة والسلام. تعالى نشوف ردّ فعله كان إيه؟

أحد الصحابة سأل الرسول عليه الصلاة والسلام نفس السؤال ٣ مرات عشان يردّ عليه. ويردّ الرسول عليه الصلاة والسلام عشان يفهّمه عواقب الجواب، وانه الأفضل انه ميديلوش إجابة عن هذا السؤال. هنتعلم في الموقف ده اننا ناخد بالنا امتى نسأل، وامتى نجيب، وامتى نسكت.

الرسول عليه الصلاة والسلام يُبشّر كعب بن مالك ان اليوم ده هو "خير يوم مرّ عليك منذ ولدتك أمُّك" .. تعالوا نعرف ايه الي حصل وليه ده أحسن يوم في حياة كعب بن مالك

درس مهم في المبادرة في هذا المشهد من حياة الرسول عليه الصلاة والسلام .. ايه الي دفعه انه يقوم مسرعًا بعد الصلاة ويتخطى رقاب الناس عشان يلحق يدخل حجرته؟ يا ترى كان بيدور على ايه عليه الصلاة والسلام؟

في المشهد ده الرسول عليه الصلاة والسلام بيظهر في موضع ضعف .. ويقول بوضوح لزوجته انه خايف. مش مكسوف منها ومش خايف تحكم عليه. واسمع كمان ردّها الجميل عليه.

مشهد بيوضح قيمة الكلمة عند الرسول عليه الصلاة والسلام. وان العهد حتى لو مع الكفار، ضروري نلتزم بيه فوق أي مصلحة تانية.

كان بيعمل إيه رسول الله صلى الله عليه وسلّم إذا وجد طعامًا لا يحبّه؟

مشهد دخول البيت مشهد متكرر في حياتنا كلّ يوم. بس بيعدّي علينا من غير ما ناخد بالنا من تفصيلة مهمّة. تعالوا نشوف الرسول عليه الصلاة والسلام ازاي بيحيّي بنته لما تدخل عليه المكان الي هو فيه.

الأنصار بعد توزيع الغنائم ولما لقوا الرسول عليه الصلاة والسلام لم يعطهم منها شيئًا زعلوا وبدأ الموقف ده يعمل بلبلة ما بينهم. فا يبعتوا مندوب منهم وهو سعد بن عبادة رئيس الخزرج للرسول عليه الصلاة والسلام يستفسر منه ليه مداهمش منها. درس عظيم في جبر الخاطر وفي التواصل مع النّاس في هذا المشهد من حياة الرسول عليه الصلاة والسلام.

بعد عشر سنين من الدعوة وعشر سنين من خذلان قومه له، يتّجه الرسول عليه الصلاة والسلام للطائف يمكن يلاقي حد يسمعه هناك. ولكن المفاجأة انهم يكذّبوه ويطردوه. تعالى نتعلّم ازاي نتعامل مع الخذلان وكسر الخاطر. وازاي نخاطب ربنا في مثل هذا الموقف.

هنتعلّم في المشهد ده أحد ملامح حُسن العشرة من أحسن الناس خُلُقًا: الرسول عليه الصلاة والسلام.

هنتعلم من الرسول عليه الصلاة والسلام في هذا المشهد تطييب خاطر البسطاء من الناس، وجمال الإحسان في الرّدّ.

ازاي يبدأ الرسول عليه الصلاة والسلام دعوة قومه إلى الإسلام وازاي هيقول لهم انه رسول؟ هنتعلم في المشهد ده درس في التواصل الفعّال من الرسول عليه الصلاة والسلام.

رجل يشرب الخمر ويؤتى به، فلعنه أحد المسلمين. فانظر كيف تصرّف رسول الله صلى الله عليه وسلم.

في الموقف ده يُسأل الرسول عليه الصلاة والسلام ليه تقوم الليل لحد ما تتورّم قدماك؟ ليه تتعب نفسك كل ده؟ ألم يغفر اللهُ لك ما تقدّم من ذنبك وما تأخر؟ تعالوا نشوف الرسول هيردّ يقول إيه.

في الحلقة دي هنتكلم عن قصّة اختيار زيد بن حارثة للرسول عليه الصلاة والسلام، وكانت القصة دي قبل البعثة. هنشوف فيها ازاي كان مؤثر في الدايرة بتاعته حتى قبل البعثة. عليه الصلاة والسلام.