ຮຽນ-ພາສາອັງກິດ - ສຽງອາເມຣິກາ ວີໂອເອ

Smuggle ແມ່ນຄໍາກິລິຍາ, ໃນຕົວຢ່າງນີ້ to smuggle ແປວ່າ ການຍົກຍ້າຍໃຜຜູ້ນຶ່ງ ຫຼື ຍົກຍ້າຍບາງສິ່ງບາງຢ່າງ ຈາກປະເທດນຶ່ງ ໄປສູ່ອີກປະເທດອື່ນຢ່າງບໍ່ຖືກຕ້ອງຕາມກົດໝາຍ

Exoplanets ແມ່ນບັນດາດາວເຄາະທີ່ໝູນອ້ອມຮອບດາວດວງອື່ນໆ ທີ່ບໍ່ແມ່ນດວງຕາເວັນ

Decisive ແມ່ນຄໍາຄຸນນາມ ມີຄວາມໝາຍໃນລັກສະນະທີ່ວ່າ ແນ່ນອນ ແລະຊີ້ຂາດ, ໃນຕົວຢ່າງນີ້ໝາຍເຖິງ ໄຊຊະນະແບບຊີ້ຂາດ ຫຼື ການຫະທໍາໃດນຶ່ງ ແມ່ນບໍ່ມີຂໍ້ສົງໄສໃດໆ

ໃນຕົວຢ່າງນີ້ Gentrify ແມ່ນການປັບປຸງບໍລິເວນທີ່ທຸກຍາກ ໃຫ້ເປັນທີ່ດຶງດູດໃຈຄົນທີ່ມີເງິນເຂົ້າມາ

ແມ່ນຄໍາຄຸນສັບ, ເປັນບາງສິ່ງທີ່ອະທິບາຍເຖິງ ຄວາມໂດດເດັ່ນ ແລະ ງົດງາມ ສາມາດສະແດງ ເຖິງຄວາມແຈ້ງສະຫວ່າງ ແລະເຕັມໄປດ້ວຍແສງສະຫວ່າງ

Misogyny ແມ່ນຄໍານາມ, ໝາຍຄວາມວ່າ ເປັນຄວາມຄຽດຊັງ ຫຼື ເປັນໂຣກຊະນິດນຶ່ງທີ່ຄຽດຊັງຕໍ່ແມ່ຍິງ ແລະເດັກຍິງ

Witch Hunt ແມ່ນຄໍານາມ, ໃນຕົວຢ່າງນີ້, ມັນໝາຍເຖິງການໂຄສະນາຫາສຽງທີ່ບໍ່ຍຸຕິທໍາ ໂດຍຝ່າຍນຶ່ງ ເພື່ອຕໍ່ຕ້ານຄູ່ແຂ່ງທາງການເມືອງຂອງຕົນ.

ໃນຄໍານາມ Inevitable ໝາຍເຖິງສິ່ງທີ່ຫຼີກລ້ຽງບໍ່ໄດ້, ໃນຄໍາຄຸນສັບ ໝາຍເຖິງບາງສິ່ງແມ່ນຈະເກີດຂຶ້ນຢ່າງແນ່ນອນ, ມັນບໍ່ສາມາດ ຫຼີກລ່ຽງໄດ້

Denuclearization ແມ່ນການເຄື່ອນຍ້າຍອາວຸດນິວເຄລຍອອກຈາກສະຖານທີ່ນຶ່ງ ຫຼື ບໍ່ໃຫ້ມີອາວຸດດັ່ງກ່າວນັ້ນເລີຍ ໂດຍສະເພາະແລ້ວ ແມ່ນປົດອາວຸດນິວເຄລຍອອກຈາກປະເທດໃດນຶ່ງ

Debris ແມ່ນຄໍານາມ ໝາຍເຖິງສິ່ງທີ່ຫຼົງເຫຼືອ, ສາມາດລວມມີຊິ້ນສ່ວນນ້ອຍໆຂອງຂີ້ເຫຍື້ອ ຫຼື ວັດຖຸໃດນຶ່ງ ທີ່ຖືກປະຖິ້ມແລ້ວ

Nostalgia ແມ່ນຄໍານາມ ແປວ່າ ໂຣກແຫ່ງຄວາມຄິດຮອດ ເຊັ່ນ: ຄິດເຖິງຄວາມຫຼັງ ຫຼື ຄວາມອາໄລອາວອນເລື້ອງໃນອະດີດ

Chronic ແມ່ນພົວພັນກັບບາງສິ່ງທີ່ເກີດຂຶ້ນຊໍ້າແລ້ວຊໍ້າອີກ ເປັນໄລຍະເວລາທີ່ຍາວນານຫຼາຍປີ, ຕົວຢ່າງ ການເຈັບເປັນທີ່ຍາວນານ ຫຼື ເປັນບໍ່ເຊົາຈັກເທື່ອ

To encourage ແມ່ນເພື່ອເຮັດໃຫ້ໃຜຜູ້ນຶ່ງ ຢາກເຮັດອັນໃດອັນນຶ່ງຫຼາຍຂຶ້ນ, ເມື່ອທ່ານສະໜັບສະໜຸນຄົນອື່ນໆ, ໝາຍຄວາມວ່າ ທ່ານໃຫ້ຄວາມຫວັງພວກເຂົາເຈົ້າ ຫຼື ໃຫ້ກໍາລັງໃຈພວກເຂົາເຈົ້າ

Impact ຍັງແມ່ນການກະທໍາ ຫຼື ກຳລັງຜັກດັນຂອງສິ່ງນຶ່ງ ກະທົບໃສ່ອີກສິ່ງນຶ່ງ, ການມີຜົນກະທົບ ແມ່ນການໄດ້ຮັບຜົນທີ່ຮຸນແຮງ ແລະມີລັກສະນະທີ່ບໍ່ດີ ຈາກບາງສິ່ງ ຫຼື ຈາກບາງຄົນ

ໃນບົດຮຽນນີ້, dissent ແມ່ນຄວາມບໍ່ເຫັນດີຂອງສັງຄົມ ກັບຄວາມຄິດເຫັນ, ການຕັດສິນໃຈ ຫຼື ການຈັດຕັ້ງຄວາມເຊື່ອຂອງທາງການ