الخلاصة .. طريق السعادة وراحة البال .. مع دكتور ذكري سليمان

تخلص نهائياً من وسواس وفوبيا الخوف من الموت 👌

أرشيف المخاوف | دكتور ذكري سليمان

افهم كيف تتكون وتكونت أفكارك ومعتقداتك ومفاهيمك

سلسلة حلقات جديدة من توعية بعنوان ( الخُلاصة ) الصحة النفسية مرتبطة إرتباط وثيق بالصحة الجسمانية وتنعكس عليها ... زعلان ، أرفان ، قلقان ، متوتر ، خايف ، مكتئب ، عصبي ، خلقك ضيق وملكش طولة بال ، مبتعرفش تنام بالليل من كتر التفكير ، شايل الدنيا فوق دماغك ، مش طايئق نفسك ولا طايئق اللي حواليك حاسس إنك ماشي فى حياتك اللي مش على مزاجك غصب عنك ، مبقتش عاجب اللي حواليك ، وأحياناً مبتبقاش حتى عاجب نفسك ، أرفان من ناس كتير حواليك منهم اللي أرفينك ، ومنهم اللي كارهينك ، ومنهم اللي مركزين فى حياتك أكتر ما انت نفسك مركز فى حياتك. كل ما تروح لدكتور يقولك ابعد عن القلق والتوتر لإنهم السبب فى جزء كبير من المشاكل اللي عندك ، مشاكل زي إيه : زي القولون العصبي ، والتهابات وقرح بالجهاز الهضمي ، واضطرابات بالهرمونات ، وارتفاع ضغط الدم ، وارتفاع نسبة السكر والكوليسترول ، وأمراض القلب والأوعية الدموية إيه ... معقول كل ده ممكن يبقى بسبب القلق والتوتر والزعل ؟ .... لأ ... كل ده جزء من المشاكل الجسمانية فقط ، ده غير المشاكل النفسية الكتير اللي بتحصلنا بسبب القلق والتوتر والزعل واللي من أهمهما الأكتئاب اللي بقى مرض العصر كلام الدكاترة جميل والنصيحة أجمل والنتائح هايلة لو قدرت فعلاً تحققها ، ولكن لإنك مش عارف إزاي تتخلص من كل ده ، فهتفضل تعاني من كل المشاكل النفسية والجسدية اللي بتشتكي منها ، وبردو هتفضل تسمع نفس النصيحة كل مرة ( ابعد عن القلق والتوتر ) ، لدرجة انك للأسف فكرت قبل كده أو بدأت فعلاً تلجأ لإستعمال أدوية مهدئة . بتسأل إزاي اتخلص من كل ده ... مش عارف ... قالولك اعمل بس ما حدش قالك إيه هي الطريقة المفاجأة ... مش انت لوحدك اللي كده !! ومين مننا مش بيعاني من كل ده اليومين دول ؟ لكن المفاجأة الأكبر إن كل مشاكلك دي بإذن الله ليها حلول ، وهو ده اللي هنتكلم فيه فى سلسلة جديدة من حلقات توعية بعنوان ( الخلاصة ). خلاصة الخبرة ، خلاصة التجارب ، خلاصة العلم ،خلاصة مرمطة السنين ، الخلاصة علشان تعيش بالك مرتاح هنقول كلام هتسمعه لأول مرة عن صحتك النفسية هنتكلم بمنتهى الجرأة والصراحة فى مواضيع كتير مبنعرفش نتكلم فيها مع حد وأحيانا مبنعرفش نتكلم فيها حتى مع نفسنا أسلوب تفكيرك هيتغير .. رؤيتك لنفسك هتتغير .. رؤيتك للي حواليك هتتغير هنتعلم إزاي إننا ... ولا نتلسع من الشوربة ، ولا ننفخ في الزبادي هتلاقي نفسك بإذن الله بمزاجك وغصب عن اللي حواليك عايش مرتاح و بالك رايئق . أنا مش معايا عصايا سحرية هتحققلك كل ده من غير أي مجهود منك ، احنا هنمشي فى طريق مع بعض وفى كل حلقة هنقول نصائح تلتزم بيها ، وكل ما هتلتزم أكتر .. كل ما هتكون النتيجة أفضل وأسرع. يسعدنا متابعتك الكريمة في ( الخُلاصة ) ربنا ينفع بينا ويجعلنا عند حُسن ظن الجميع ربنا يحفظنا ويحفظ أولادنا ويبارك فيهم ربنا يحفظ مصر مع خالص تحياتي دكتور / ذكري سليمان