Episodes
-
EP45 - 《離開以後，割捨之前 07》流散者嘅內部分裂
「當你BBQ嘅時候，唔會話有屋企人打俾你話，你做咩BBQ呀？做咩唔做啲有用啲嘅野呀？佢呢個情況係啱啱調翻轉，就係佢打俾你話，你唔好BBQ喇，你知唔知你個BBQ好政治呀？」 －－－－－ 《離開以後，割捨之前》系列 一連幾個禮拜，我地睇吓別人嘅故事，別人嘅離開，別人嘅回望，別人嘅反動， 以及無分彼此嘅愛與痛。 by Kennedy、梓明 參考： Moss, Dana M. 2021. The Arab Spring Abroad: Diaspora Activism against Authoritarian Regimes. Cambridge, United Kingdom ; New...
-
EP44 - 《離開以後，割捨之前 06》寂靜嘅恐懼
「如果我係一個極權，我要鞏固自己權勢，或者我要打壓異見者，噉我有啲咩方法可以做到呢？」 －－－－－ 《離開以後，割捨之前》系列 一連幾個禮拜，我地睇吓別人嘅故事，別人嘅離開，別人嘅回望，別人嘅反動， 以及無分彼此嘅愛與痛。 by Kennedy、梓明 參考： Moss, Dana M. 2021. The Arab Spring Abroad: Diaspora Activism against Authoritarian Regimes. Cambridge, United Kingdom ; New York, NY: Cambridge University Press....
-
EP43 - 《離開以後，割捨之前 05》發動人民戰爭
「你可以一方面慨嘆一個人好易搞彎個歷史，你都可以慨嘆歷史好易畀人搞彎。」 －－－－－ 《離開以後，割捨之前》系列 一連幾個禮拜，我地睇吓別人嘅故事，別人嘅離開，別人嘅回望，別人嘅反動， 以及無分彼此嘅愛與痛。 by Kennedy、梓明 參考： Moss, Dana M. 2021. The Arab Spring Abroad: Diaspora Activism against Authoritarian Regimes. Cambridge, United Kingdom ; New York, NY: Cambridge University Press. [YouTube &...
-
EP42 - 《離開以後，割捨之前 04》用恐懼征服人民
「佢有自己嘅一世人去玩呢個政權，然之後你就畀佢玩玩足一世。」 －－－－－ 《離開以後，割捨之前》系列 一連幾個禮拜，我地睇吓別人嘅故事，別人嘅離開，別人嘅回望，別人嘅反動， 以及無分彼此嘅愛與痛。 by Kennedy、梓明 參考： Moss, Dana M. 2021. The Arab Spring Abroad: Diaspora Activism against Authoritarian Regimes. Cambridge, United Kingdom ; New York, NY: Cambridge University Press. [YouTube &…
more -
EP41 - 《離開以後，割捨之前 03》推翻皇朝以後嘅惡夢
「推翻強權之後，係咪就代表開心自由？大結局BBQ YEAH?」 －－－－－ 《離開以後，割捨之前》系列 一連幾個禮拜，我地睇吓別人嘅故事，別人嘅離開，別人嘅回望，別人嘅反動， 以及無分彼此嘅愛與痛。 by Kennedy、梓明 參考： Moss, Dana M. 2021. The Arab Spring Abroad: Diaspora Activism against Authoritarian Regimes. Cambridge, United Kingdom ; New York, NY: Cambridge University Press. [YouTube &…
more -
EP40 - 《離開以後，割捨之前 02》遠距離嘅聯繫
「當你identify你自己為嗰個地方嘅一份子嘅時候，然後，你訓住喺張床嘅嗰一刻，你就會覺得，我唔deserve呢張床。」 －－－－－ 《離開以後，割捨之前》系列 一連幾個禮拜，我地睇吓別人嘅故事，別人嘅離開，別人嘅回望，別人嘅反動， 以及無分彼此嘅愛與痛。 by Kennedy、梓明 參考： Moss, Dana M. 2021. The Arab Spring Abroad: Diaspora Activism against Authoritarian Regimes. Cambridge, United Kingdom ; New York, NY: Cambridge...
-
EP39 - 《離開以後，割捨之前 01》阿拉伯之春
《離開以後，割捨之前》系列 一連幾個禮拜，我地睇吓別人嘅故事，別人嘅離開，別人嘅回望，別人嘅反動， 以及無分彼此嘅愛與痛。 by Kennedy、梓明 參考： Moss, Dana M. 2021. The Arab Spring Abroad: Diaspora Activism against Authoritarian Regimes. Cambridge, United Kingdom ; New York, NY: Cambridge University Press. [YouTube & Podcast 同步更新]
-
EP38 - 偏見係咪有知識論上可指責嘅地方？
當我地指控一個人有偏見，我地係道德上指控緊人（例如呢個人好萌塞，唔公允地看待相左嘅意見），定係知識論上指控緊人（例如呢個人係犯上咗認知上嘅缺失，從而得到偏頗而唔真實嘅認知）？ 作者認為當一個人保有佢嘅偏見嘅時候，就算面對新證據都唔修正佢嘅睇法既時候，佢都冇犯上認知上嘅缺失。我地應該如何不帶偏見地看待「偏見」呢？ by 梓明、Tony （今次條聲有少少技術問題，背景有沙沙聲，唔好意思。） 參考： Begby, Endre. 2013. 'The Epistemology of Prejudice,' Thought 2:90-99.
-
EP37 - 你食咗「唔知乜野」定「乜野乜野」呀？
疑問詞唔一定用作疑問，仲可以有好多意思。今次我地討論粵語裡面兩個非疑問用法嘅疑問詞：「唔知乜野」同「乜野乜野」。大家從下面呢組data估唔估到今集內容呢？ （％表示部分人接受此句子；＃表示句子合法但不適切） （1）阿明食咗乜野。 （2）阿明冇食乜野。 （3）阿明乜野都食。 （4）％阿明好似食咗乜野。 （5）阿明好似食咗一樣野。 （6）阿明好似食咗唔知乜野。 （7）阿明好似食咗乜野乜野喎。 （8）＃阿明好似食咗唔知乜野，即係魚柳包。 （9）＃從前，有一個男仔，叫阿明，佢食咗乜野乜野。 （10）阿明冇交唔知邊份功課 （11）阿明冇買邊本邊本書喎 （另外感謝Oscar帶領我進入疑問詞嘅研究。）...
-
EP36 - 彰顯咗信者嘅能力先叫做知識
如果話，射手射中紅心唔代表就係優秀，佢要射中紅心嘅同時要彰顯到佢作為射手嘅能力，噉先至算係優秀。將呢個比喻套用到知識嘅討論上面，就係信者相信真嘅事情唔代表就係知識，佢要相信真嘅事情嘅同時要彰顯到佢作為信者嘅能力，噉先至算係知識。 我討論吓呢一種講法，對於我地討論過好多次嘅Gettier's problem有咩啟示。 註1：入面提到嘅 triple A 指以下呢三樣野： Accuracy（≈準確度） Adroitness（≈技巧性） Aptness（≈適當性） 註2：入面輕輕提到嘅一種關於J, T, B 三者之間嘅兩種關係（非原文所載）。 Theory 1: J + T +...
-
EP35 - 我地係咪仲要透過因果關係去睇物質？
今次講 Omega-3，但唔係講 Omega-3 點好點好，而係著眼於一個退一步嘅問題：當我地討論物質嘅時候，可唔可以唔著眼喺物質有咩「用」，而將物質放返喺物質同其他野嘅關係上面。成日將物質獨立出黎再討論，係咪就真係可以確切了解到物質嘅本質？ by 梓明、Kimberly 參考： Abrahamsson, Sebastian , Filippo Bertoni, Annemarie Mol, and Rebeca Ibanez Martin. 2015. Living with omega-3: new materialism and enduring concerns....
-
EP34 - 語言學點睇「將來」？
當我地用廣東話講「將來（嘅事件）」嘅時候，一般會用個「會」字（例如（1）（2）），但係有啲時候個「會」又唔係必須，有啲冇「會」嘅句子係可以講到「將來（嘅事件）」（例如（3））。噉會唔會有一個聽唔到嘅「會」字呢？但個問題係，唔係每個冇「會」字嘅句子都可以順利表達到將來（例如（4））。 我地傾吓一個喺句子入面聽唔到嘅「PLAN」字，然後呢個講法可以點樣解釋下面呢啲句子嘅唔同judgement。 Data set: 語境：香港男子個人花劍隊勝出準決賽之後。（＃號標示句子意思有啲怪，唔自然。） (1) 香港隊會對意大利隊 (2) 香港隊會打贏意大利隊 (3) 香港隊（聽日）對意大利隊 (4)...
-
EP33 - 知識係原生而家唔係衍生
一般認為「知識」(K) 係一個衍生嘅概念，即 Justified true beliefs (JTB)，但呢種講法自「葛梯爾問題」 (Gettier's problem) 以來備受質疑。為咗解決知識定義問題，一方面有人嘗試重新定義「知識」，另一方面有人提出一種相反嘅立場：會唔會「知識」就係全等於「證據」(E) ？會唔會「知識」並唔係「被衍生物」，而係「原生物」？ 今次我地試吓離開「 E > K」嘅世界，睇吓「E = K」嘅世界係點樣。 1. E > K: 由 Evidence 衍生出 Knowledge /Justified beliefs 2. E = K: 由...
-
EP32 - 如果遠離註定愧疚
凡離開都會將記憶封存，因為自此遠離永恆變幻嘅當下。每個離人都帶住自己嘅回憶，自己嘅想像，遠去。依附於想像嘅愧疚，或者喺離開一刻被各種大道理壓抑到渺小。日後仍願意遠望、回望嘅人，似乎就係由渺小嘅事情連結起黎。 by 梓明、Kennedy 參考： Wong, K. C. P. (2021). From helmets to face masks: How collective emotions sustain diaspora mobilization from homeland uprising to global pandemic among the Hong Kongers.…
more -
EP31 - 知識似金字塔定木筏？
知識之間嘅連結，係似金字塔噉，層層遞進，有所謂一個終極嘅根基（例如老子嘅「道」，宗教嘅「上帝至善」」），抑或係似一隻木筏噉，只係環環相扣而唔互相衝突，並無一個所謂嘅根基，所謂「真／啱」只係因為諧協？ 我地討論吓存在於我地腦海入海嘅知識，究竟係有點樣樣嘅結構，知識同知識嘅相互關係又係點樣。 by 梓明、Tony 參考： Sosa, Ernest. 1980. The Raft and the Pyramid - coherence versus Foundations in the theory of knowledge. Mildest Studies in Philosophy...
-
EP30 - 跨境打壓打出嘅漣漪
當異見者離開咗家鄉，當本地嘅法律無辦法合法地延伸到境外嘅時候，跨境打壓、長臂政治天生就標示住一種天生嘅不正當性。面對張牙舞爪嘅政權，有人後退，有人企得更前，仲有更多嘅人看在眼內。 我地今次討論跨境打壓點樣影響利比亞同敘利亞嘅流散者。如果打壓作為一種發展嘅階段而非故事嘅終結，四濺嘅水花，會打出點樣樣嘅漣漪？ by 梓明、Kennedy 參考： Moss, Dana M. 2016. "Transnational repression, diaspora mobilization, and the case of the Arab Spring". Social Problems…
more -
EP29 - 人類學視覺下嘅生物醫學
將「生物醫學」嘅概念拎去一個陌生嘅地方（加納），盡力避開所有嘅前設，從受訪者嘅經驗、故事，去理解「生物醫學」喺當地有點樣嘅含義。 今次我地小心翼翼噉睇吓加納嘅「生物醫學」，比起好迅速噉掌握加納嘅情況，更接近刻意放慢並珍視人嘅經驗。 by 梓明、Kimberly 參考： 浜田 明範。2015，『薬剤と健康保険の人類学――ガーナ南部における生物医療をめぐって』（藥劑與健康保險的人類學——加納南部的生物醫學）風響社。
-
EP28 - 侮辱人嘅說話有冇真偽可言？
侮辱人嘅說話，有侮辱嘅含義，亦都有佢字面嘅含義。其中一種講法認為侮辱人嘅說話（例如對於種族嘅歧視字眼），都可以換成一個中性嘅字眼，而唔改變句子嘅真偽。作者Ralph DiFranco提出並唔係所有侮辱人嘅說話都有呢種特性。 今次我地討論一個好細好細嘅問題，但似乎牽涉到真偽嘅事情，喺哲學嘅世界都係大事。 by 梓明、Tony 參考： DiFranco, Ralph. 2015. "Do Racists Speak Truly? On the truth-conditional content of slurs". Thought 4: 28-37.
-
EP27 - 流散中嘅你、我、以及他者
我地首先學識睇見對方，繼而有能力回看自己，呢種你你我我嘅互動，已經唔容易。流散者所面對嘅處境，喺世界嘅大舞台上，唔止係你你我我，好多時都延伸到睇得見或睇唔見嘅「他者」身上。 今次我地簡單傾吓美國911事件，點樣促使喺美國嘅巴基斯坦人，面對更複雜嘅處境問題，喺你、我嘅考慮之外，仲要加上「他者」（中東政治）。呢種「他者」視覺，可能好煩，但亦都提醒我地遠離以自己為中心嘅思考習慣。 by 梓明、Kennedy 參考： Shams, Tahseen (2020) Here, there, and elsewhere: The making of immigrant identities in a...
-
EP26 - 粵文：我手寫我心（嘉賓：阿擇）
由細到大，書面語、口語都有明顯嘅區別。我地既可以有一套規範嘅書面語，亦可以有另一套書寫口語嘅方法。無關優劣，我手寫我心本身就係一件難得嘅事。 今次我地邀請到阿擇黎分享關於粵文嘅諗法，傾吓粵文喺現今社會嘅發展同埋應用。 by 劉擇明（香港教育大學）、梓明 參考： Snow, Don. 2013. "Towards a theory of vernacularisation: insights from written Chinese vernaculars". Journal of Multilingual and Multicultural Development 34(6):597-610.
-
EP25 - 關於工作（下）：勤勞嘅小蜜蜂
從前我地分享蜜蜂嘅蜂蜜，然後予取予求，到後來蜜蜂專職為杏仁授粉，成為咗大規模「移動勞工」。養蜂嘅人會提前叫醒冬眠嘅蜜蜂，甚至喺蜜蜂冬眠嘅時候直接全批換掉。當蜜蜂嘅生命被工業化，我地點樣面對蜜蜂，又點樣面對自己。 工作？勤勞？生命？ by 梓明、Kimberly 參考： Kosek, Jake. 2019. "Industrial Materials: Labor, Landscapes, and the Industrial Honeybee," In How Nature Works: Rethinking Labor on a Troubled Planet, edited by...
-
EP24 - 遊戲人生
「遊戲」嘅定義係乜野？或者問「遊戲」有冇一個定義，有冇一種普通特質？有一種講法認法冇，所有遊戲都只有「家族相似性」（例如維根史坦）。但如果冇，我地又點樣可以理解「遊戲」嘅意思？點樣知道「遊戲」係「遊戲」？ 我地討論作者釐清「遊戲」定義嘅嘗試，最後講到「人生如遊戲」嘅諗法點樣成為人生苦悶嘅一種慰藉。 by 梓明、Tony 參考： Suits, Bernard. 1978. The Grasshopper - Games, Life and Utopia. University of Toronto Press.
-
EP23 - 出走以後嘅聲音
動亂令人流散，流散嘅人去咗邊、做緊乜、做到乜。比起直接討論充滿對立意味嘅「國際戰線」，我地試吓跟住作者「聽吓」唔地同方嘅流散者（利比亞、敘利亞、也門）喺唔同地方嘅聲音，作者稱之為 Voice After Exit 。 by 梓明、（好耐冇見嘅）Kennedy 參考： Moss, Dana M. 2020. Voice After Exit: Explaining Diaspora Mobilization for the Arab Spring. Social Forces 98(4) 1669–1694.
-
EP22 - 病危嘅倉鼠與存在嘅含糊性
一隻倉鼠病危，修辭上我地可以話呢隻倉鼠嘅存在好似已經變得含糊，正如有時都聽到人講，一隻腳已經踩咗入鬼門關，肚餓到就黎消失，等等。但如果我地好認真去看待「存在」呢個概念，承認「一樣存在物嘅存在係含糊嘅」呢件事，會導致「存在物可以擁有不存在嘅特性」，從而衍生出「存在物可以不存在」嘅矛盾。 我地討論吓點樣疏理呢個思路，睇吓一隻病危嘅倉鼠係對於「存在」帶黎乜野啟示。 （更正：入面講錯有啲「菌類」並無細胞核，實際上係「藻類」，參見：「原核藻類／原核生物」。） by 梓明、Tony 參考： Hawley, Katherine. 2002. Vagueness and existence....
-
EP21 - 關於工作（上）：創造？勞動？就業？社畜？
工作係乜野？人會工作，蜜蜂有冇工作？一切係工作，係創造，定係勞動？我嘅工作，榮光係咪只歸於我一個？如果我係一個農夫，我嘅土地係咪我嘅同事？ 我地討論關於工作嘅唔同面向，後半講一個養豬嘅案例，睇下高度嘅控制入面點樣同時蘊含結構性嘅脆弱。 by 梓明、Kimberly 參考： Besky, Sarah and Alex Blanchette. 2019. "Introduction: The Fragility of Work," In How Nature Works: Rethinking Labor on a Troubled Planet, pp.1-19. Univeristy…
more -
EP20 - 筆記簿算唔算你個腦嘅延伸？
你用黎聽podcast嘅耳機，算唔算係你對耳仔嘅延伸？你用黎記野嘅筆記簿，又算唔算係你個腦嘅延伸？計數機呢？電話呢？我地所謂嘅思考，我地嘅所謂嘅心靈，係咪全部都老老實實噉存在喺我地身體入面，定抑或，我地思考嘅延伸，早已經無遠弗屆？ 我地討論一個已經唔再新嘅講法，extended mind，以及一個思考可以離開身體嘅世界。 by 梓明、Tony 參考： Clark, Andy & David Chalmers. 1998. The extended mind. Analysis 58(1):7-19.
-
EP19 - 氣候轉變一直望住我地
幻想氣候轉變一直係一個獨立嘅個體，一直存在，後來終於得到人類對氣候轉變作為事實嘅承認，同時人類都承認咗自己嘅角色，並且體現喺拒絕一支飲管、開少一個鐘冷氣、買有能源標籤嘅電器上面。凡事種種，可以話係氣候轉變嘅具現進程終於延伸到人類身上，但與此同時，人嘅能動嘅空間亦都越黎越有限。 我地討論一個好古老嘅問題，但希望可以走一個遠路，從對面諗翻返黎，睇下點樣Thinking Like a Climate。 by 梓明、Kimberly 參考： Knox, Hannah. 2015. Thinking like a climate. Distinktion: Journal of Social...
-
EP18 - 如果知識有定義
大草原上，你望到遠方有隻羊，然後你指住嗰度話：「嗰度有隻羊。」如果事實上嗰度真係有隻羊，咁「嗰度有隻羊」似乎就可以稱為（你嘅）知識。但如果實際上你指住嘅只係一舊似羊嘅石（即係你睇錯），咁明顯你就唔再擁有「嗰度有隻羊」嘅知識。又但係，如果咁啱舊石後面真係有隻羊呢？你算唔算擁有知識呢？ 我地討論好出名嘅Gettier problem（葛梯爾問題），睇吓點樣釐定知識的定義。 by 梓明、Tony 參考： Gettier, Edmund. 1963. Is Justified True Belief Knowledge? Analysis 23:121-123
-
EP17 - 物質所見證嘅真相
無論係閉路電視上嘅磷質烙印，樹木嘅分枝，無人機嘅嘈音，定係油污所折射嘅倒影，全部都訴說住好多往事，好多過去。關於呢個世界嘅物質，有好多我地無法盡知，但仍然有好多，冇被充份聆聽嘅聲音。真相就算沉沒，仍然會被見證。不妄信，並仍然相信真相可以接近。 我地討論人以外嘅世界，關於物質嘅見證角色。 by 梓明、Kimberly 參考： Schuppli, Susan. 2020. Material Witness - Media, Forensics, Evidence. Cambridge, MA: MIT Press.
-
EP16 - 點解單有機會率不足以致信
想像一百個人行入電器鋪，每人拎走咗一部電視機，收銀員發現淨係得一個人有俾錢，然後假設我地捉到呢一百個人嘅其中一個，喺冇其他資訊嘅情況底下，我地有冇理由指控呢個人偷竊？呢個「99％機會係偷竊」嘅證據，究竟足唔足以支撐偷竊嘅講法呢？相比起「有一個目擊者話佢見住呢個人偷電視機」，邊一種證據強啲呢？之但係呢個目擊者，會唔會都有機會認錯、睇錯、記錯，而呢個錯誤嘅機會率係咪又比99％細呢？ by 梓明、Tony 參考： Smith, Martin. 2018. When Does Evidence Suffice for Conviction. Mind 127(508):1193–1218.
-
EP15 - 當我地成為化學物嘅一部分
生活充斥住化學物，佢地唔單止存在，仲會佔據，並且隨時喺我地嘅生活顯現。思考化學物唔係科學家嘅專利。化學物之於生活，冇人可以獨善其身。你吸入嘅一啖渾濁嘅空氣，可能係吸入咗一連串不公義嘅關係。我地討論對於生活上嘅化學物嘅一個人文面向。 by 梓明、Kimberly 參考： [1] Murphy, Michelle. 2006. "Introduction," In Sick Building Syndrome and the Problem of Uncertainty: Environmental Politics, Technoscience, and Women Workersm,...
-
EP14 - 龜、阿基里斯、同埋推論之不可能
話說一隻龜同阿基里斯賽跑，雖然阿基里斯贏咗，但係隻龜同佢講，超越我理應係唔可能嘅。我地講一篇一百年前嘅文章，全長兩頁半紙，文章作者亦都係《愛麗絲夢遊仙境》嘅作者。 by 梓明、Tony 參考： Carroll, Lewis. 1895[1995 reprint]. What the tortoise said to Achilles. Mind 104: 691-693.
-
EP13 - 知識會唔會因為環境改變而改變？
問答遊戲節目入面，同一個問題，答啱有一蚊同答啱有一萬蚊，會唔會影響你作答時候嘅信心？如果你係知道答案，獎品大小理論上係咪唔會影響作答信心？如果信心會動搖，係咪即係話你突然變得唔肯定問題嘅答案？但明明你係知道答案！所以「知識」，究竟應該係一種唔會（輕易）改變嘅野丫，定係一種會因為客觀環境改變而改變嘅野呢？ by 梓明、Tony 參考： DeRose, Keith. 1992. Contextualism and Knowledge Attributions. Philosophy and Phenomenological Research, Vol. 52, No. 4, pp....
-
EP12 - 以數字為名嘅創傷
關於造成傷害嘅事，關於傷痛嘅質地，關於傷痛同我地之間嘅連結，關於同一族群共同面對嘅情緒，關於傷害來源，關於228。陪伴、聆聽、同行、加油。 by 梓明、Kennedy 參考： Alexander, Jeffrey C . 2012. Trauma: A Social Theory. UK: Polity. pp. 1–30.
-
EP11 - 講大話衰啲定誤導人衰啲？
厄人係衰，但點樣厄人會衰啲？如果你一定要厄人，你會想用真話厄人，定用假話厄人？如果你一定要俾人厄，你希望對方係用真話厄你，定用假話厄你？我地認真傾吓「講大話」同「誤導」嘅分別，比較吓呢兩個行為點樣有唔同嘅道德責任。 by 梓明、Tony －－－－－ 參考： Webber, Jonathan. 2013. Liar! Analysis 73: 651–9 Rees, Clea F. 2014. Better lie! Analysis 74:59-64.
-
EP10 - 你嘅信任係咪值得信任？
每一場信任都有佢自己產生嘅基礎，大至政府每日公佈嘅肺炎確診數字，小至你面前飲緊嘅樽裝水，都有佢地自己嘅信任鏈。當社會越黎越複雜，資訊越黎越泛濫，要仔細驗證我地所相信嘅每一件事情幾乎唔可能；同時要暫停我地對所有事情嘅信任亦都唔實際。洪流入面，我地對唔同事情所形成嘅信任究竟有幾值得我地自己信任？ by 梓明、Kennedy 參考： Giddens, Anthony. 1991. The Consequences of Modernity. Polity Press.
-
EP09 - 係危係機定係只係機會率？
關於危機，最直觀嘅理解係指一啲唔好嘅事情發生嘅機會率，而個問題就係，係咪呢個定義就足以解釋晒唔同場合嘅危機呢？如果唔得，係咩情況之下唔得呢？同埋喺機會率以外又差啲乜野？我地睇下一個對於危機嘅pluralist account，即係危機並唔係單由機會率構成，入面仲包括咗其他元素。 by 梓明、Tony －－－－－ 參考： Ebert, Philip, Martin Smith and Ian Durbach (2019) Varieties of Risk. Philosophy and Phenomenological Research. 1-24.
-
EP08 - 或者我地都係流散嘅人
「流散者」係一個淒美嘅字，淒係因為睇唔清眼前路，美係因為永遠惦記身後身。流散嘅人遠離並且回望，凡再冇辦法接近嘅，都可能造就流散嘅意識，可以係對於國家、對於民族、甚至係過去嘅時間或者空間。當家非家，國非國，時不我與，此時此刻嘅你，又係咪一個流散嘅人？ by 梓明、Kennedy －－－－－ 參考： Brubaker, Rogers. 2005. The "diaspora" diaspora, Ethnic and Racial Studies, 28:1, 1-19.
-
EP07 - 講時間嘅本質要講音樂？
對於時間嘅本質大致有兩種睇法，一種係「時空論」(Spacetime Thesis)，強調時間同空間嘅相似性，大致可以理解為「時間係空間向下一個維度嘅延伸」；另一種係「時間的動態理論」(The Dynamimc Theory of Time)，強調時間同空間嘅差異，當中包括「時間不可逆轉」，即時間有既定方向性，而空間就冇。喺呢個咁大嘅爭論入面，我地睇吓一個黎自「音樂」同埋「美學價值」嘅論據，點樣支持後一種講法。 by 梓明、Tony －－－－－ 參考： Markosian, Ned. 2020. Sideways music. Analysis 80(1): 51-59.
-
EP06 - 我係乜乜人我自豪？
除咗「我係香港人」之外，其實仲有好多「我係乜乜人」嘅講法。隨住唔同地方嘅地區報紙湧現，「地名＋人」呢個組合越黎越唔空洞，屯門人、沙田人、黃大仙人、大埔人。同時當每個「乜乜人」都係特別嘅時候，會唔會跌入一種「所有野都特別變相就係所有野都唔特別」嘅迷路？ 我地討論連結，尤其係同地方嘅連結，並且介紹咗一篇關心「身份之外」嘅文章。 by 梓明、Kennedy －－－－－ 參考： Brubaker, Rogers & Cooper, Frederick. 2000. "Beyond 'identity'". Theory and Society 29(1):1-47.
-
EP05 - 你講緊嘅係藉口、理由、定係excuse
如果你遲到，有人指責你，話「你做乜遲到」，喺呢個你需要解釋你嘅行為嘅時候，俾一個點樣嘅解釋先可以安撫到對方？如果話係因為遇到交通意外，呢個係藉口、理由、定係excuse？如果話係因為塞車，呢個又係藉口、理由、定係excuse？唔同嘅解釋其實展現咗我地對「責任何在」嘅潛在理解。 我地講吓呢幾種「解釋」嘅下位分類，討論 The power of excuses。 by 梓明、Tony 參考： Sliwa, Pauline. 2019. The power of excuses. Philosophy & Public Affairs 47(1):37-71.
-
EP04 - 標籤唔好得黎又好常見
生活上有好多標籤，我地明知標籤唔好但冇辦法完全避免。如果標籤嘅本質係分類，咁點解標籤總有非常唔好嘅含義？如果標籤無可避免，我地又有點樣活喺一個充滿標籤嘅世界？我地輕輕講咗兩本書嘅睇法，討論咗標籤嘅意思同埋標籤嘅不定性。我地提及咗好多唔同嘅標籤，有啲標籤甚至係帶有歧視成份，但既然呢啲都係生活入面會出現嘅標籤，無理由避而不談。 by 梓明、Kennedy 參考： Lemert, Edwin M. 1951. Social pathology; A systematic approach to the theory of sociopathic behavior. New York:...
-
EP03 - 刑罰裡面有運氣成份
想像有兩個殺手，各自去槍殺一個目標。殺手A成功咗，而殺手B因為一個天降嘅花樽擋咗粒子彈而失咗手。假設兩個人比人拉咗之後，一個告「謀殺」，判囚終身；另一個告「意圖謀殺」，判監五年。然後殺手A唔憤氣咁話：「殺手B唔洗判終身係咪純粹因為佢運氣好？我地動機一樣，對社會嘅威脅又一樣，咁樣判公平咩？」 我地討論一篇1989年嘅文章，講及刑罰裡面係有運氣成份。最後我地提到，就算有運氣成份，刑罰仍然都可以係公義嘅。 by 梓明、Tony 參考：David, Lewis. 1989. "The Punishment that Leaves Something to Chance", Philosophy...
-
EP02 - 陌生人未必真係好陌生
「陌生人」成日都有一種負面嘅聯想，但其實我地每日都會遇到好多陌生人，巴士司機、麵包鋪嘅收銀員、搭地鐵坐隔離嘅學生，等等。有啲陌生人好似特別陌生，又有啲好熟悉嘅人可以感覺好陌生，甚至同一個人喺唔同時候可以既陌生又唔陌生。「陌生」其實係一種點樣嘅概念？「陌生」條線應該點樣畫？ 我地討論一篇比較舊嘅短文，睇下「陌生」嘅下位分類，最後我地提到「陌生可能黎自一種想像嘅落差」。 by 梓明、Kennedy 參考：Simmel, Georg. 1908. "The stranger", in Kurt Wolff’s collection of Simmel’s texts (The…
more -
EP01 - 有冇得愛得好有理由
「點解愛一個人」有時係一個好難答嘅問題。如果答一種特質，例如溫柔、例如對我好，會衍生一個問題：「咁如果有其他人一樣溫柔，或者一樣對我好，我係咪就應該要愛晒全部？」有冇辦法修正呢種答案，從而愛得好有理由？又或者會唔會個問題本身就有一種錯誤嘅前設，可能愛根本就係冇理由？ 我地討論一篇2015年嘅文章，最後講到「愛一個人最大嘅理由可能就係因為你係你」。 by 梓明、Tony 參考：Naar, Hichem. 2015. “Subject-relative reasons for love“. Ratio XXX 2, 197-214.
We're indexing this podcast's transcripts for the first time — this can take a minute or two. We'll show results as soon as they're ready.
No matches for "" in this podcast's transcripts.
No topics indexed yet for this podcast.
Loading reviews...
Loading similar podcasts...
Frequently Asked Questions
How many episodes does 齋聊 have?
齋聊 currently has 45 episodes available on PodParley. New episodes are automatically indexed when they're published to the podcast feed.
What is 齋聊 about?
天南地北但不失方向
How often does 齋聊 release new episodes?
齋聊 has 45 episodes. Check the episode list to see recent publication dates and frequency.
Where can I listen to 齋聊?
You can listen to 齋聊 on PodParley by clicking any episode. We provide an embedded audio player for direct listening, and you can also subscribe via your preferred podcast app using the RSS feed.
Who hosts 齋聊?
齋聊 is created and hosted by 梓明、Tony、Kennedy、Kimberly.
URL copied to clipboard!