عبرني

الحلقة دي احنا حاولنا نركز اكتر مع الناس الكاريزما ونكشفهم بس يارب متطلعش واحد منهم يا عزيزي/عزيزتي.. وان كان تعالى صلح نفسك معانا

الحلقة دي احنا حاولنا للمرة المليون نقدر قيمة العادي والرحرحة وانك مش في سباق عشان تلحق توصل لحاجة .. بس يا دوب تعمل حاجة تشربها وتلحق تسمعنا

الواحد قدر المستطاع بيحاول يتجنب كم المختلين الى ممكن يكون يعرفهم .. ماذا لو هما الى متمسكين بيك وبحياتك؟

اهلا بيكم في حلقة جديدة مع راس السنة .. بس المرادي ركزنا مع السنة الجديدة مش مع اختها بس استأذنكم بصوا عليها من منظوري انا المرادي

كل واحد مننا عنده ماضي بيخاف منه وعنده ماضي بيحبه وماضي بيخاف ينساه وماضي هيموت وينساه بس ايا كان كلنا عندنا هذا السبب والموقف الى بنفتكر فيه ونقول..حبيبي كان هنا

الالجورزم بمعناه البرمجي هو طريقة حل ثابتة لكل المشاكل بنظام وترتيب بس الالجورزم حاليا هو السبب فكل المشاكل والتوهان على السوشيال ميديا..ممكن نحاول نفهم سوا ازاي ممكن نتعامل معاه

الحياة محتاج تتزق شوية وعشان ده يحصل محتاجين ناس تزق الحياة معانا بس عمرنا مهنقدر نطلب بس فالحلقة دي ممكن نعلمهم بصورة غير مباشرة ازاي ممكن يساعدونا في كدا

مؤخرا الشباب الصغير بدأ ياخد مكان مش مكانه ووقت مش وقته..مش مدي نفسه الفرصة انو يكبر ولا مدي فرصة للكبار يساعدوه عشان كدا محتاجين نسأل نفسنا هي ليه قلبت عيال ؟!

الجدعنة ميزة مهمة جدا تكون موجودة فيك ومش شرط انك تكون جدع بس مع الناس لازم تكون جدع مع نفسك الاول عشان كدا لازم تتجدعن مع البشمهندس / محمود التحفة

التعويض هو استبدال شئ ب شئ احسن او احنا بنكون فاكرين انه احسن لو عاوزين تعرفوا معنى التعويض فعلا اسمعوا الحلقة مع اهم ضيفة فالموسم/ المدام

للسنة التالتة على التوالى بنقدر نتجمع مع بعض ونعمل ملخص للسنة الي فاتت ونفتكر من السنة الى قبلها احنا كنا فين وبقينا فين ونفسنا فايه ف 2025 الى نتمنى انها ترحمنا شوية

الحلقة دي اتكلمنا مع الذ ثنائي ممكن تتكلموا معاهم..اتنين من عالمين مختلفين وهنعرف منهم ازاى عرفوا يلاقوا طريقة كل واحد يقرب للتاني بطريقته الشخصية مع دكتور - محمد مدحت (سامبا) وحرمه السيدة- رويدا ازار

مكنش ينفع نبدأ الموسم الخامس باول حلقة افضل من كلام عن الواسطة بس المرادي واسطة المشاعر..اسمعوا معانا عشان نعرف سوا ازاى ممكن نتعامل معاها

كل واحد فينا عنده حياته و عمره الى نادرا ما بيفتكر تفاصيله و بيفتكر عاشه ازاي ولازم يجي عليه وقت ويفتكر هو فين وبقا فين عشان يفتكر انو بيتطور وعمره بيزيد سنة جديدة فيها مخاوف اكتر وطموحات اكتر... تعالو نراجع عشريناتنا مع بعض

ستة على ستة هو رمز للنظر الاصح والقوة البصرية بس هل عمرنا فكرنا لو مكنتش ستة على ستة احنا وضعنا ايه؟! اسمع معانا الحلقة عشان تفهم موقفك ايه من المثالية

كل واحد فينا في حياته بيسعى على قد ميقدر انو يكون منظم ومرتب وعامل نظام لكل كبيرة وصغيرة .. بس فاغلب الاوقات بنضبش يعني بنمشي من غير خطط بس الحقيقة ان ده هو خطة ربنا لينا .. حلقة جديدة عن السفر والغربة مع البشمهندس محمد البطاط

فكرة التقييم او التصحيح هي فكرة بتدخل دماغ كل واحد فينا مع كل مرة بنسعى فيها اننا نعمل الحاجة صح.. بس لازم نعترف اننا ف طريقنا للصح اوقات بنغلط تعالى معانا نعرف ازاي ممكن نتجنب الغلط ده

أصولها او عدلها او ختمتها هي مصطلحات كلها بتعبر عن النهاية.. لكن هل النهاية دي مفروضة ولا من اختيارنا ده الى هتعرفوه لما تسمعوا الحلقة

الوقت هو الحاجة ااوحيدة الى عمرنا ما هنقدر نتحكم فيها بس الى نقدر عليه اننا نستغل كل لحظة لا نندم على الى فات ولا نغرق في الي جي..هنتكلم عن التوقيتات في حياتنا مع عثمان وتاج وفايد

ما بين التخاذل والتنازل بحر واسع جدا من القرارات الغلط والتسرع..اسمع الحلقة عشان تعرف ازاي ممكن تتجنب الوقوع فالغلطين

كل واحد مننا بيبقى محتاج الشخص الى يبين قدامه اقصى مراحل صياحه ويشتكيله سمينا هذا الشخص لالي واشتكيناله من المقارنة الظالمة الغير مفيدة بينا وبين الناس فاجدد سهراتنا الرمضانية

الحلقة دي هي تصبيرة او حلقة اكسترا بنوصل بيها الى اتقطع بين المواسم و بنتمنى فيها نكون بروزنا الى محتاج يتبروز وقدرنا الى محتاج يتقدر ويتحط فمكانه الطبيعي شاركونا ايه اكتر حاجة حاسين انها محتاجة تتبروز

كل واحد فينا عنده نوايا كتير بيقول منها احيانا كتير بس الاهم انو بيخفي اكتر ممكن نفهم مع بعض اكتر عن النوايا مع صاحب النية الطيبة | احمد هشام

حرف الجيم من الحروف المميزة الى بتدل على حاجات كتير فشخصية الي بيتكلم وبيئته ونشأته وممكن نقول كمان طريقته مع غيره ف يلا بينا نعرف اكتر عن حرف الجيم

من ساعة مافهمنا يعني ايه توكسيك واحنا بنستغلها اسوأ استغلال..تعالى سوا نعرف امتى نقول ان هي دي التكسكة

كل واحد فينا بيدور على الوسطية والاعتدال في حياته بس بيخبط بين كونه بيحب كذا اوي وعمره ما هيحب كذا ابدا فهل يا ترى هتعرف الاجابة في الحلقة ؟

الدفاتر بتتفتح وتتقفل كل سنة وجه وقتنا السنادي نقفلها ونجهز دفاترنا الجديدة..كل سنة وانتم طيبين وكل سنة وكل اهلنا ف غزة والسودان مرتاحين

كل واحد فينا حاسس انو بقى طبيبه النفسي وممكن طبيب غيره كمان خلي ندى تحكيلنا ازاي ممكن نشخّص من خلال التجربة وازاي نطلب المساعدة من حد

ناس كتير بتعرض حاجات اكتر وتفهمنا ان ده المثالي والصح لعمل اي حاجة زودوا الاختيارات صحيح بس علوا معاها المعايير ممكن نتكلم بشكل لطيف ظريف ازاي نحافظ على معاييرنا

كل واحد فينا عنده المتاهة الخاصة بيه مسموح لك انك تتوه جوا بس مينصحش تتوه برا يلا نعرف ممكن نعمل كدا ازاي

لما بتحس انك شايف كل حاجة محتاج حد يفكرك انك لسه مش شايف حاجة ويحط ايدك على نقط التصحيح فيها ف ايه رأيك

الناس نوعين نوع عازم ونوع معزوم وحق كل واحد من حقه يغير تصنيفه وقت ما يحب يا ترى انتو اي نوع فيهم…عازم او معزوم؟

"كانت نقصاك" اد ايه كان بيفرق معاك تسمع الجملة دي ايا كان من مين..احنا جايين نقعد معاك ونعرفك ان القعدة كانت نقصاك

كل واحد فينا بيوحشه اوقات شخصيته العشوائية الى على الله و فنفس الوقت بيوحشه يكون مرتب منظم عارف اوله من اخره تعالى معانا نعمل التوازن ده ومتكونش هلهلي!

الروقان لغة مهمة جدا من لغات التعبير عشان توصل لازم نعرف ازاي نتحكم فيها وننميها مع اكتر بني ادم رايق بس هو عصبي دلوقتي

الكومفورت زون شئ خطير وتركاية جامدة جدا تستحق الساعة ونص رغي في وجود الشباب الستة

المجهود الذهني والنفسي بيكون اضعاف المجهود البدني فالتعب والقلق وعشان كدا هننظم مجهودنا سوا عشان ميضعش

بكل بساطة بنتكلم عن البساطة من غير تعقيد من غير ضغط من غير معايير نو احكام نو كومبلكس بس حب الى تحبه

الحصاد النهاية الختام اخر كلمة واخر مرة اخر طلة واخر ريكورد بنضحك عشان عيشنا ومش بنعيط عشان خلصت الحمد لله ومتنسوش تقلبوا انتو كمان فدفاتركم

لما جيت ارجع حبيت يكون الرجوع خفيف ولطيف وعشان يكون كدا كان لازم انبه على كل الناس ايه هي اكبر الاسباب الي بتخلي وجودنا وحياتنا خفيفة ولطيفة 

الحكم يا بابا في الكورة بس غير كدا يا تقول رأيك بادب يا تيجي تسمع وتتعلم ازاي تقوله

الهزار من اهم وسائل دعم النفسية بس الي بيزيد عن حده بيتقلب ضده وعشان كدا هنخف عشم ونزود مراعاة للناس 

علاقاتنا الاجتماعية زي علاقة الاسنان بالظبط اي تسوس فيها ممكن يسمع في الباقي واوقات بتحتاج تشيل التسوس ده من جذوره فا يا ترى ايه رأي دكتور الاسنان في كدا؟

احنا مش عايشين فالدنيا لوحدنا معانا ناس غيرنا وجب علينا نحترمهم من غير توكسستي ولا ان سيكيورتيز ف يلا نعرف ازاى مع اتنين من اهم المحللين فالبلد

اول حلقة هي عبارة عن دوشة في دماغ اغلبنا بنطلع من موضوع نخش فالتاني ولينا مليون رأي ومليون سؤال بس واحدة واحدة فالاخر هتهدى وتبدأ ترتب دماغك على مقاسك