PODCAST · leisure
加一加一妍究所
by 阿妍加一
-早晨！歡迎返到嚟加一加一妍究所📻我哋係阿妍同加一🙋🏻♀️🙋🏽♀️ -🍻乜都研究下分享下 我哋有故事要講比大家知📈返工無聊咪聽下囉-🎧隔個禮拜三準時出新集 🤝🏻都有可能不定期更新🪖輕鬆不負責任討論 鐘意嘅記得留個5星review 或者 IG: plus1research 留個comment--Hosting provided by SoundOn
Episodes
-
E.p. 38 《大濛》大時代裏的小故事
唔知大家多唔多睇台灣嘅電影呢？今集想同大家分享一套以台灣白色恐怖時期為背景，講述當時人民嘅生活同社會風氣嘅電影。 - 《大濛》唔只係一部歷史電影，亦都係一部關於記憶、自由同人性嘅電影。真正值得珍惜嘅，唔只係和平嘅表面，而係我地點樣喺理解歷史之後，繼續保有同理心同勇氣 。 - 電影裏嘅霧，唔只係天氣嘅霧，更似係一層歷史嘅遮蔽，令真相、記憶同身份都變得模糊 。但電影提醒我地：霧雖然會遮住前路，但人心嘅光，仍然可以穿透它。 -- Hosting provided by SoundOn
-
E.p. 37 天機不可洩漏？
好耐冇見啦大家，今集想同大家分享一個令人不寒而慄嘅節目—天機試煉場 - 呢個節目主要係介紹唔同嘅靈性工作者，透過唔同嘅比賽項目，搵出占卜同預言最準確嘅人。除咗想同大家分享呢一個節目嘅內容，亦都想同大家討論一下，到底人嘅命運係咪可以被預測嘅呢？人嘅命運又可唔可以改變呢？ -- Hosting provided by SoundOn
-
E.p. 36 阿妍加一大總結
- 又嚟到2025嘅最後一日啦。每年到最後一日，好多人都會互相問：「你今年過成點呀？」「對出年有咩期望呀？」其實答案點都冇所謂，最緊要你肯認真咁回望同接納自己🧠可能你今年學識咗點樣放低、點樣照顧自己、或者只係學識咗「頂到就頂，多謝自己冇放棄」，呢啲都係值得畀個like自己👍🏻 - 希望大家2026都順順利利幸幸福福開開心心❤️ -- Hosting provided by SoundOn
-
E.p. 35 去芬蘭exchange揾到人生motto：精彩人生
相信大家大學嘅時候其中一個想做嘅事情就係exchange！但係如果中學就已經有呢一個機會大家又會唔會去做呢？ - 今集我地好榮幸請到一位嘉賓去分享佢中學去芬蘭交流嘅經歷！Jenny喺中學嘅時候選擇停學一年去芬蘭升學，而佢嘅經歷就令佢揾到人生嘅座右銘同方向！想知道更多呢一個特別嘅經歷就快啲嚟聽啦！ -- Hosting provided by SoundOn
-
E.p. 34 虛假的真人show
如果有一日大家發現自己生活緊嘅世界係虛假嘅，身邊嘅朋友，同事，父母，就連路上嘅陌生人都係演員，大家會有咩感受呢，今日想同大家介紹一套電影叫《真人show》，而家仲會討論呢套戲背後嘅意義。 呢套戲嘅主角叫Truman ，其實係true man嘅諧音，佢喺一個廠景生活咗30年，俾全世界嘅觀眾直播睇住佢每一日嘅生活。當佢發現佢生活嘅呢一個世界原來係虛構嘅，到底佢有冇勇氣離開呢一個「完美」嘅世界，進入真實嘅世界呢？ Truman “Good morning, and in case I don’t see ya, good afternoon , good evening and good...
-
E.p. 33 奇幻黑客事件 - 未解之謎
好耐冇見啦大家！我地翻嚟啦！2025年已經過咗一半唔知大家過得順唔順利啦？首先恭喜大家捱過世界末日我地再次可以見面啦！🥳 如果有一日大家睇睇下電視，突然有個古怪嘅人帶住面具出現，大家會諗咩呢？👻今次就想同大家分享一個故事，呢個故事叫 Max Headroom Broadcast Signal Intrusion. 係一個又神秘又搞笑嘅黑客故事！希望大家聽完之後睇電視唔好驚啦！ 呢條link大家可以聽完再㩒入去睇：https://youtu.be/jjeUuakHsLw?si=Y8flG_gJdSKdfzBl -- Hosting provided by SoundOn
-
E.p. 32 00後整頓職場
好耐冇見啦大家！我地翻嚟啦！冇見大家嘅呢段時間我地都好努力做一個社畜，而做一個社畜當然會遇到好多問題。今集就想同大家講下00後如何整頓職場！好多人或者會對00後有好多負面印象，例如懶惰，自我，冇禮貌等等…而喺職場上嘅00後更加係唔聽話。 - 所以作為翻緊工嘅00後，就想同大家分享下我地翻工嘅一啲心態，對住上一輩一啲規則或者思想有咩應對嘅方法！不過我相信無論係咩年紀嘅人，大家都只係一個打工仔，喺公司做嘅事，發生嘅事，收工就忘記佢啦！記住公司嘅事無須上心，只要做好本分就好了！ -- Hosting provided by SoundOn
-
E.p. 31 加一加一妍究所2024總結 + 阿妍加一2024 on9事
- 嚟到2024嘅最後一日啦！唔知今年大家過成點呢？每年嘅最後好多人同會問身邊嘅人今年過成點呀？對下年有咩期望呀？我記得曾經有人答過：「不過不失啦！因為一年咁長總會有啲好嘅事同唔好嘅事㗎嘛！」一年咁長，總會有開心嘅事，亦都會有唔如意嘅事情，但點都好大家都已經好叻咁捱過咗啦👏🏻希望大家嘅2025都順利平安渡過 - 今集主要係總結下我地channel 2024 嘅事件，同2025嘅發展方向同展望！之後就會分享我地自己2024發生嘅on9 事同個人期望！俾大家笑一笑輕鬆一下！ - 我地2025見啦！🥰 -- Hosting provided by SoundOn
-
E.p. 30 點解破地獄要狂轉圈？破地獄係做畀先人睇？生人都有好多地獄要破！
- 唔知大家最近有冇睇破地獄呢？好多人睇完都俾入面嘅內容感動到。但係今日係想同大家介紹下破地獄呢一個職業！唔知大家知唔知道破地獄嘅意義係咩呢？而破地獄個儀式又係點嘅？究竟係咪每個人都要破地獄？破地獄轉圈係咪會轉到暈？想知道更多關於破地獄呢個職業嘅大家就要嚟聽下今集啦！ - 希望大家透過呢一集可以了解到更多關於破地獄嘅呢個職業，亦都希望大家好好珍惜身邊嘅人，就好似喺戲入面所講 「有機會來到這個世界已經賺了，何必介懷甚麼時候下車，不如好好欣賞沿途的風景。」 -- Hosting provided by SoundOn
-
E.p. 29 《遺憾修正萬事屋》你有想修正的遺憾嗎？
- 活到而家呢一刻，你心入面最大嘅遺憾係咩呢？如果有一個機會俾你去改寫你一個嘅遺憾，你會選擇咩呢？今日呢一集係想同大家分享一本書《遺憾修正萬事屋》 - 呢間萬事屋有一位遺憾修正師，每一晚都會有一位客人，嚟到呢度嘅人都係命中注定，都係被一個遺憾嘅痛苦籠罩住。每個人只有一次修正遺憾嘅機會 會者定離，喺呢度，去者更是從來不返。 - 修正後亦無圓滿結局，遺憾必定與你共存，折磨一生。人生來去匆匆，冇少少嘅遺憾，又何來刻骨銘心呢？...
-
E.p. 28 人間煉獄🔥韓國最悲慘的地鐵意外
：「我要先去天國了，你要好好照顧自己。」 - 大家有冇諗過，如果有一日你收到身邊嘅親人，朋友，或者另一半 send呢個訊息俾你，你會點呢？ - 今日想同大家講一單韓國史上發生過最悲慘嘅地鐵意外，大部分死者連容貌都不能辨認。而佢地臨死之前寄出嘅訊息，就成為咗佢哋留起呢個世界上嘅最後遺言😞見到佢地嘅訊息到令人痛心疾首。亦都希望藉住呢一個機會俾大家思考下如果自己臨死前會想同身邊嘅人講啲咩？希望大家都可以珍惜同身邊嘅人相處嘅時光 -- Hosting provided by SoundOn
-
E.p. 27 性工作之禁忌？效法荷蘭？不專業通識議題之性工作應否合法化
又係續邪惡妍究所嘅討論，性工作者係70年代連環殺手最喜歡嘅target，但竟然因為敢怒不敢言而錯過捉到兇手嘅機會，佢哋不敢言嘅原因竟然係因為出庭作證會比人告賣淫，你又覺得點幫佢哋？效法荷蘭有冇用？ -- Hosting provided by SoundOn
-
E.p. 26 倒數與死神見面的日子？
為自己嘅死亡定下日子？今集想同大家討論下最近討論得好熱烈嘅depression問題😞究竟喺網上見到呢啲問題嘅大家會選擇點樣去回應呢？每個人都有自己嘅選擇，但係希望呢個世界能夠多啲善意，少啲批評❤️唔開心嘅大家記住要揾人幫手！今集我地都會分享一啲emo嘅時候聽嘅歌，希望可以陪大家共渡emo嘅時候！ -- Hosting provided by SoundOn
-
E.p. 25 動力！儀式感！跨出樽頸位之兩大法則！
最近好頹？咩都做得唔夠好？唔知要做啲咩先可以改變現況？想改變又無從入手？大家遇到問題就⼀齊解決！ Let’s get productive with Ah Yin and Ka 1! -- Hosting provided by SoundOn
-
E.p. 24 齊來睇奧運
又嚟到四年一度嘅奧運會！每到呢個時候，睇奧運就變咗大家茶餘飯後嘅活動🏠仲記得東京奧運，各位香港人喺商場為香港運動員打氣加油嘅嗰種熱血❤️雖然今年巴黎奧運因為時差嘅問題，好多賽事都係喺半夜進行🥹但係仍然有好多香港人即使第二日要返工，都會起身支持香港運動員！ - 今集就想同大家輕鬆討論吓我地鍾意嘅項目同埋運動員，亦都希望大家除咗喺奧運嘅時候，平時都多多關注同支持香港運動員❤️ -- Hosting provided by SoundOn
-
E.p. 23 你的腦朋友🫂情緒健康
唔知大家睇咗 Inside Out 2 未呢？未睇嘅都唔洗驚，我地係唔會劇透㗎！佢入面嘅情緒角色同意義都好值得探討❤️最令人難忘嘅一句，亦都係我地想同大家講嘅一句—「我們愛你，包括所有凌亂不堪、美麗的一切」🫂真正愛你，重視你嘅人會包容你所有嘅情緒同思想，所以唔需要為自己有唔好嘅情緒而內疚，因為冇情緒係唔好的❤️ 今集我地會透過 Inside Out 嘅角色同大家分析下唔同情緒，同佢入面想帶出嘅一啲訊息！ -- Hosting provided by SoundOn
-
E.p. 22 公平審判？
今集拖咗好耐但終於up到出口🤓 有人話，扮病咪唔使負責囉，咁殺咗人，扮病係咪都可以射波？如果真係病呢？仲要病到自己都唔知自己做過咩呢？你又點睇？ 假如你屋企人朋友係患有多重人格障礙，而佢又冇能力決定點治療，你會抹殺佢所有傷痛嘅記憶，定係迫佢要面對過去？ 歡迎大家一齊討論吓🫡 -- Hosting provided by SoundOn
-
E.p. 21 何方神聖？香港邪教
E.p. 21 何方神聖？香港邪教 相信大家都有拜神嘅經歷，無論你有冇信仰，當遇到有啲咩阻滯嘅時候都會去拜一拜，祈求一切順利🙏🏻今日就想同大家講下香港嘅邪教—青龍教💀究竟佢係點樣成為香港第一大邪教？點樣令咁多貌美如花嘅「青龍女」心甘命抵咁為佢賣命？而當中又用咗咩手段令咁多人入教但又唔可以脫教？最後都會同大家用心理學角度去分析下點解明知係邪教，但都仲係有咁多人信嘅呢？🤔 今集我地錄錄下仲要行雷閃電，嚇親我地😂 -- Hosting provided by SoundOn
-
E.p. 20 來自未來的人？預測地球的命運：世界末日🌍
大家有冇諗過我地身邊日見夜見嘅人其實係來自未來🛸一直以來都有唔少預測世界末日嘅預言，例如聖經，山海經，2012瑪雅預言等，雖然地球尚未毁滅，但係人類對地球嘅未來嘅不安同擔憂從來都未消失過😔今集就同大家探討下世界末日論🌍想知自己嘅命運同未來就快啲嚟聽下啦！ -- Hosting provided by SoundOn
-
E.p. 19 情愛網想症 - 經常沉船可能係病？ff太多無法抽離？遇上老女人性癖？
如果你經常對上司，醫生，明星有莫名嘅執着，覺得對方就係你嘅真命天子，幻想對方成為你嘅伴侶，又或者你成日覺得，對方可能鐘意自己ff太多，可能係個病🥲 今集會講情愛妄想症 - Erotomania，會講下同交友app有咩關係，如果你試過交友app同人傾幾日就沉船，對方做啲咩，你都覺得佢係秘密示意緊佢都鐘意你，就要黎聽下啦😬 呢度想補充番podcast冇講嘅一點👉🏻電影《幻愛》男主角患有情愛妄想症，佢幻想女主角(佢嘅心理治療師)經常有意無意咁示愛，由醫生病人變到曖昧不明，最後變做佢女朋友，但其實所有野都係佢單方面嘅幻想😮💨 我哋ig係plus1research 歡迎一齊討論吓啦…
more -
E.p. 18 I like to movie movie
唔知大家最中意嘅電影係咩呢？今集我地同大家分享咗我地最深刻或者最中意嘅戲📽️同埋探討下大家中意喺屋企睇戲定戲院睇戲呢？ 俾大家估下我地介紹嘅電影🤭 🇲🇽👦🏽🎸 🇰🇷👨👩👧👦🍕🏠 想知答案就嚟聽我地個podcast啦 -- Hosting provided by SoundOn
-
E.p. 17 本土文化：香港電影業的人生
香港電影經歷過高低起伏，興盛與衰退，但係香港電影陪住香港人一代又一代嘅成長，印證住香港一步一步嘅發展🎬由最佳拍擋到最近嘅九龍城寨之圍城，可以見到香港電影業嘅變化🎞️見證住舊演員同新演員嘅交替，令香港電影業永垂不朽❤️因為香港導演，演員同各位幕後人員嘅付出，令香港嘅電影業不斷進步，所以希望大家都會繼續支持由香港人製作香港人出演嘅電影🥰 今集我地簡單介紹咗香港電影業嘅歷史同王家衛導演，有興趣嘅大家快啲嚟聽下啦！聽完我地嘅podcast，就快啲去重温香港嘅電影啦🎥 -- Hosting provided by SoundOn
-
E.p. 16 初嘗新潮流 - Threads如何成為市場新趨勢？嘩眾取寵搏得一like?
如果你仲用緊IG冇用過threads???咁你就太outdated啦！Threads雖然曾經有一刻處於低迷狀態，你以為就冇人會再用？NoNo，今次Threads嘅風潮絕對吾係空穴來風，而係有備而來，今集會講下Threads係如何做未來市場新趨勢，做緊小品牌嘅你又如何好好利用今次嘅機會🫡 仲有點解大家咁鐘意起threads咩都講得，但起ig就會收收埋埋淨係for close frd? 十分感謝聽眾今集嘅idea🫶🏻歡迎大家比啲意見我哋🫶🏻 -- Hosting provided by SoundOn
-
E.p. 15 人生交叉點？DSE的考驗
相信大部分嘅聽眾都經歷過考公開試，每年到咗四五月呢個時候又會喺電台聽到令大家個心離一離嘅音樂——綠袖子😂然後又會感歎一下又一年啦！雖然當時考DSE係一件好緊張好大壓力嘅事，但係而家諗翻起會覺得係一段美好嘅回憶，因為係你不顧一切，向住自己唯一嘅目標全力奮鬥嘅日子☀️就算結果不如預期，但係你都會為曾經搏盡無悔嘅自己感到驕傲❤️ 今集同大家分享下我地準備DSE嘅過程同心情，仲有放榜之後嘅準備！雖然大家而家已經考完DSE，但係希望今集我地嘅建議可以幫到大家少少☺️亦都希望同考完DSE已經有一段日子嘅大家懷緬下過去，重回當時咁純粹咁青春嘅時光🔥 -- Hosting provided by...
-
E.p. 14 走塑合法化
環保係啲老土野，但係你又係咪識講吾識做呢？衣家迫到埋身，吾到你吾做啦！今集就黎講下呢個走塑policy嘅問題(or 有用嘅地方😬)，呢個又諷刺又77地又求其地冇經大腦思考過嘅policy，係咪有符合sustainable嘅goal？等深受困擾嘅我哋同大家討論下 Ig 👉🏻plus1research -- Hosting provided by SoundOn
-
E.p. 13 櫻花妹就係吃香啲？港女日本妹の大比拼
論外表，論性格，論衣着，就係隔離飯香，十個港男，九個幻想同日本妹XXYY😮💨點解港女點比都係輸蝕過日本妹？ 今集講吓點解日本妹就係正啲，港女又有咩優勝之處可以扳回一成，港男究竟鐘意人哋啲咩？ 今集仲有日本妹第一身視角（阿妍三位日本朋友），講吓作為萬千寵愛嘅女仔，日本生活有咩麻煩事🤫 快啲入嚟聽！ -- Hosting provided by SoundOn
-
E.p. 12 不能說的秘密？粗口文化
今集我地邀請咗講粗口多過食飯嘅So sir (feat. so_nice1031)同我地合作😙同大家討論下唔同程度嘅粗口，點樣先可以講粗口講得好聽啲？粗口都有個level表？講粗口又代唔代表人品唔好？我地仲會同大家分享我地因為喺唔適當嘅時候講咗粗口而引起嘅尷尬事😂 - 今集真係笑到停唔到😂第一次出兒童不宜嘅內容❗️歡迎大家同我地分享你地講粗口嘅趣事 -- Hosting provided by SoundOn
-
E.p. 11.2 我的童年時代
一位哲學家索倫·齊克果曾經講過：童年就好似係一個人在倒退的同時思量著一片美麗嘅地區，只有在景色開始消失嘅嗰一刻，嗰一瞬間，先會真正體會到佢嘅美麗❤️好多人都話幸運的人用童年治癒一生，不幸的人用一生治癒童年🌈但無論過去現在嘅生活係點，希望大家都可以喺不久嘅將來，同朋友舉杯暢飲笑住回首過去的點點滴滴❤️ - 今集同大家分享咗我地細個睇嘅卡通片同趣事，仲同大家玩咗個小遊戲😚聽歌曲詞猜歌😂想聽我地美妙嘅歌聲就記住留意星期三正片啦！ - ❗️❗️❗️由於猜歌環節太搞笑，正片放唔哂，所以出一集冇剪足本版！星期五12:00 p.m. Youtuve上映！大家敬請留意！ -- Hosting...
-
E.p. 11.1 想當年
唔知大家細個有冇食過薯片叔叔？有冇睇過彩雲國物語？有冇玩過阿Sue小遊戲？有嘅話你地就係同我地有同一個童年啦🤫今集同大家分享下我地嘅同年回憶，相信同我地有相同回憶嘅你地都會好有共鳴😜聽完你地就會知道我地係咩年代🤭歡迎大家聽完之後同我地分享你地嘅童年！ -- Hosting provided by SoundOn
-
E.p. 10 述情障礙 - 誰是惡魔？
如果我叫你解釋乜嘢係焦慮，擔心，興奮，幸福，憤怒，你可能諗一陣就答到我，但呢個世界係有人，連開心唔開心咁簡單嘅情緒都冇辦法感知，變成typical社會入面嘅「怪人」，呢個係一個不歸納於精神障礙嘅人格障礙 - 述情障礙 因發病而精神失控為抗辯理由，對受害者/其家屬係不公平嘅對待，定係對精神病犯人嘅慣性容忍？對精神病患者嘅關注，要係適可而止，定係密切留意？ 歡迎聽完今集一齊討論下，雖然有啲sensitive (under呢個較封閉嘅社會)，都希望raise up多啲呢啲問題公開討論 -- Hosting provided by SoundOn
-
Special E.p. 來回天堂又折返人間
祝大家復活節快樂🐣唔知大家知唔知復活節嘅由來係咩呢？而復活兔同復活蛋又同復活節有咩關係呢？究竟地獄有冇得搭lift？如果同朋友去咗唔同層嘅地獄要點見面呢？🤔今集同大家輕鬆討論生與死🤝🏻仲有一個通識問題❗️想知嘅就入嚟聽下啦 -- Hosting provided by SoundOn
-
E.p. 9 骨子裏的惡人 - 超雄綜合症
世上有冇絕對嘅善良？如果一生做好事，但內心邪惡念頭蠢蠢欲動，仲叫唔叫做善良？點解有人肯捨生救人，點解有人係天生殺人犯？係咪真係有惡魔基因？究竟係人性本善，定人性本惡？歡迎大家留言留低你嘅諗法💭 講超雄綜合症例子👉🏻韓國真人綜藝節目 《我金子般的孩子》 我講套戲👉🏻 the bad seed *唔關超雄綜合症，但算係人性本惡定人性本善（成長環境/家庭）不錯嘅例子 -- Hosting provided by SoundOn
-
E.p. 8.2 社畜人生
有得揀邊個想做社畜😔但係好現實地，做自己想做嘅嘢係需要一筆唔少嘅錢💵喺咁辛苦嘅翻工路上最慶幸嘅係有真心待你嘅老細，有互相扶持傾計嘅同事，有雖然喺唔同地方工作但每日互相鼓勵分享日常嘅朋友❤️希望我地今集嘅分享同故事可以俾到大家少少鼓勵，或者成為你今日翻工嘅小小開心同樂趣🤝🏻我地一齊加油吧！ 最尾有我地嘅真情剖白，希望可以俾啲動力大家捱過翻工嘅每一日😉 -- Hosting provided by SoundOn
-
E.p. 8.1 新鮮社畜
相信大家作為新鮮社畜都會遇到好多問題同煩惱，我地都同大家一樣啱啱晉升為社畜！喺今集我地會同大家分享我地翻工遇到嘅奇人奇事😳同新人職場生存之道！大家聽完可以估下我地係做咩工嘅呢🤭各位聽眾嘅翻工奇趣事都會出現！想知嘅就快啲入嚟聽下啦！ -- Hosting provided by SoundOn
-
E.p. 7.2 醉街損友👯♀️
酒，吾一定要飲，仲可以同大家講，想問吓大家，覺得飲酒之後嘅行為可唔可以自己控制？究竟係醉翁之意不在酒，定係純粹釋放內心吾同嘅一面？點解飲完酒有人會家暴，有人會訓覺？歡迎大家留言留低你嘅諗法💭 今集除咗繼續搞笑，都想用吓腦，諗吓點解借酒可以消愁，借醉可以行凶？雖然冇比到個答案大家，或者係冇答案，純粹思考下🤓 -- Hosting provided by SoundOn
-
E.p. 7.1 酒仙啦🍻
Long time no c bro! 今集想同大家爆料兩位主持人(身邊嘅人)飲酒嘅有趣事，我哋會分享吓第一次飲酒點樣先醉mk同毀三觀嘅經歷🍻 仲會講吓身邊有咩笑左19幾年嘅飲酒搞笑事 除咗爆料，就係得罪人🤓仲有啲唔出得街嘅嘢睇吓大家識唔識do🤪 快啲入嚟一齊笑啦！ -- Hosting provided by SoundOn
-
E.p. 6.2 「夢」想成真
夢境可以預知未來？夢境同現實一樣？阿妍可以控制自己個夢？大家想唔想擁有超能力，同阿妍一樣可以喺個夢入面隨心所欲？想嘅話就快嚟入嚟聽下啦！ 今集仲有特別嘉賓首次登場！就係阿妍嘅外賣仔分享佢喺月黑風高嘅夜晚搭上前往流浮山嘅小巴～欲知後事如何，就㩒入嚟啦！ -- Hosting provided by SoundOn
-
E.p. 6.1 日有所思 夜有所夢？
歡迎嚟到第六集嘅加一加一妍究所！ 相信大家每晚都會發夢，雖然未必個個夢都會記得，但係總會記得一啲好深刻嘅夢💭可能係你地嘅夢想，可能係你地中意嘅人或者事，甚至係一啲好天馬行空嘅故事或者惡夢🧠而發夢可能代表住你個心真正諗嘅嘢❤️ 但係大家又知唔知點解會發夢同幾時會發夢呢？想知道我地曾經發過嘅夢就快啲嚟聽下啦！ -- Hosting provided by SoundOn
-
Special E.p. 龍重呈獻：龍年高升 畫龍點睛🐉
新年到啦！歡迎嚟到加一加一妍究所嘅新年特輯！ 祝大家新年快樂，心想事成！新年拜年嘅時候一定好多時都尷尷尬尬冇咩做，喺呢個時候就要嚟聽下我地嘅新年特輯！ 想知道我地新年嘅趣事，仲有即興祝賀接龍就快啲嚟聽下啦！再祝大家喺新嘅一年幸福快樂，喜愛的都可以手到拿來！ -- Hosting provided by SoundOn
-
E.p. 5.2 單身即地獄也在PUA? PUA迷術騙財騙色？
早晨啊大家！歡迎嚟到第5集下半集！ 警告‼️今集會爆雷！未睇單身即地獄第三季又吾想知劇情嘅你，可以先行告退啦～或者skip頭一part😂 今集會用單身即地獄同tinder詐騙案做PUA嘅例子，點解佢哋可以迷到啲囡囡死心塌地架！激氣！記得一齊入嚟聽，順便妍究下解決方法啦！ -- Hosting provided by SoundOn
-
E.p. 5.1 沉船的你醒醒啊！你正在被PUA!
早晨！歡迎嚟到第五集嘅加一加一妍究所，今集都會分上下兩集，因為阿妍太多口水，要語重心長咁同大家拆解PUA😮💨 今集會同大家拆解PUA嘅5個stage，如果自問沉緊船嘅你想清醒下，又或者想知自己有冇中PUA嘅圈套，又或者自己有冇唔小心PUA咗你嘅另一半，快啲入嚟妍究下啦！ -- Hosting provided by SoundOn
-
E.p. 4 ❤️理測驗
歡迎嚟到第四集嘅加一加一妍究所！ 今集我地會同大家討論下唔同類型嘅心理測驗同埋我地對心理測驗嘅睇法。想更了解自己內心嘅大家，想同我地一齊做心理測驗嘅大家，就快啲入嚟聽下啦！ 大家快啲準備好紙同筆同我地一齊做心理測驗啦！ -- Hosting provided by SoundOn
-
E.p. 3.2 心想事成要訣大公開：吸引力法則、頻率、中庸之道方為大道！
歡迎返到嚟第三集嘅下半集！ 今集繼續傾下吸引力法則同頻率嘅陰謀論，仲有坊間唔同派別之學說。講咗咁耐，當然唔少得，點樣先可以善用吸引力法則幫助自己達到目標啦！阿妍私人提供咗連加一都話真人真事有用嘅方法比大家！ 今集會有啲實驗嘅圖片，仲有音樂俾大家聽吓，可以reference番我哋嘅Ig: plus1research -- Hosting provided by SoundOn
-
E.p. 3.1 心想事成要訣大公開：吸引力法則、頻率、2024達成那個不可能的目標吧！
新年快樂啊大家！歡迎嚟到第三集嘅加一加一妍究所，新一年為大家送上阿妍期待好耐嘅話題 - 吸引力法則與頻率，希望大家上完阿妍lecture之後可以同我一齊新年行好運，心想又事成，想拍拖嘅拍拖，想加人工嘅加人工，想知點樣好運自然來，快啲入嚟聽！想知點利用宇宙法則達成自己願望，就拎定note入嚟啦！ 一樣啦，都係太多口水要分兩集，下集仲精彩，有啲小實驗同大家挽，請期待！ -- Hosting provided by SoundOn
-
E.p. 2.2 港女行: 甘苦與共
歡迎嚟到第二集嘅加一加一妍究所 嚟到下集，我哋會同大家分享去旅行嘅趣事同鬧交嘅故事，仲有同朋友去旅行嘅意義究竟係啲咩呢？我哋仲會分享我哋一齊去旅行嘅故事，想知道我哋去旅行發生咗啲咩奇幻嘅故事就快啲嚟聽下啦！ -- Hosting provided by SoundOn
-
E.p. 2.1 港女行: 劫後餘生
歡迎嚟到第二集嘅加一加一妍究所 今次同大家分享同朋友去旅行嘅大小之事，探討下去旅行嘅意義同點解啲人成日都話去完旅行會絕交？？🤔 因為太長所以我哋分咗兩集！ 而今集就分享我哋去旅行劫後餘生嘅故事，想知我哋點解連去旅行都搞成咁，點喺饑寒交迫，經歷生死後，重見光明就快啲嚟聽下啦！ -- Hosting provided by SoundOn
-
E.p.1 剩誕禮物
歡迎嚟到第一集嘅加一加一妍究所🫶🏻 今集要同大家妍究妍究送禮物嘅禮儀🎁，想分享下我哋收過同送過嘅奇怪聖誕交換禮物，又想講下究竟送禮有咩criteria，順便一齊討論，禮物嘅心意定係價錢重⁉️❣️ 想知我哋有咩見解，冇咩緊要嘢做嘅你，就快啲入嚟聽下啦🙋🏻♀️🙋🏽♀️ 今次係我哋嘅第一次錄音同edit，遇上大量嘅technical issues 同場地問題，希望大家見諒，俾多次機會我哋🤝🏻🤝🏻 -- Hosting provided by SoundOn
We're indexing this podcast's transcripts for the first time — this can take a minute or two. We'll show results as soon as they're ready.
No matches for "" in this podcast's transcripts.
No topics indexed yet for this podcast.
Loading reviews...
ABOUT THIS SHOW
-早晨！歡迎返到嚟加一加一妍究所📻我哋係阿妍同加一🙋🏻♀️🙋🏽♀️ -🍻乜都研究下分享下 我哋有故事要講比大家知📈返工無聊咪聽下囉-🎧隔個禮拜三準時出新集 🤝🏻都有可能不定期更新🪖輕鬆不負責任討論 鐘意嘅記得留個5星review 或者 IG: plus1research 留個comment--Hosting provided by SoundOn
HOSTED BY
阿妍加一
CATEGORIES
Loading similar podcasts...
Frequently Asked Questions
How many episodes does 加一加一妍究所 have?
加一加一妍究所 currently has 47 episodes available on PodParley. New episodes are automatically indexed when they're published to the podcast feed.
What is 加一加一妍究所 about?
-早晨！歡迎返到嚟加一加一妍究所📻我哋係阿妍同加一🙋🏻♀️🙋🏽♀️ -🍻乜都研究下分享下 我哋有故事要講比大家知📈返工無聊咪聽下囉-🎧隔個禮拜三準時出新集 🤝🏻都有可能不定期更新🪖輕鬆不負責任討論 鐘意嘅記得留個5星review 或者 IG: plus1research 留個comment--Hosting provided by SoundOn
How often does 加一加一妍究所 release new episodes?
加一加一妍究所 has 47 episodes. Check the episode list to see recent publication dates and frequency.
Where can I listen to 加一加一妍究所?
You can listen to 加一加一妍究所 on PodParley by clicking any episode. We provide an embedded audio player for direct listening, and you can also subscribe via your preferred podcast app using the RSS feed.
Who hosts 加一加一妍究所?
加一加一妍究所 is created and hosted by 阿妍加一.
URL copied to clipboard!