瞓前傾一餐

（呢兩個禮拜返咗香港同病咗，呢集病勢回歸！請無視我的鼻涕聲）今集內容大綱：「三十而立」呢四個字，以前覺得好遙遠，到自己真正踏入或者接近呢個關口，先發現其實好平淡，但今集傾到有鼻涕有淚。今集傾下 30 歲心身前後嘅改變。呢幾年開始，新陳代謝慢咗、身體機能變差，心態同人際關係都有大轉變。身邊嘅朋友好似越行越疏遠，大家各有各忙，想搵個真正深交、講心事嘅對象變得更難，有種孤獨感。另外分享我哋點樣規劃嚟緊自己嘅人生目標同生涯規劃。後半段我哋返返去香港嘅荒謬日常。唔知係咪大家壓力都太大，喺香港出街好似隨時都會遇到精神有問題嘅人？今集我會分享自己遇過「白咭」嘅經歷，當中有一次仲差啲出事！

今集內容大綱：點解大家都係貓，但性格可以差咁遠？前半段分享我哋身邊兩隻貓主子嘅可愛事蹟～下半段分享係threads睇到近排出軌熱門話題，順便分享我哋身邊有人都有發生過同樣事情，及我哋一對現時愛情觀小見解！另外誠意邀請零數聽眾留個言，傾下計～ 順便話我知對於阿Boo想分享美食，有冇人有興趣知？

你有冇試過，朋友喊住同你講佢個 Ex 有幾咁衰、幾咁渣，你幫手鬧埋一份，點知轉個頭佢哋竟然大復合，而你變成佢嘅「挑撥離間者」？除咗分享人際關係嘅翻車現場，後半段我哋仲會傾下「約會 NG 位」。第一次見面，有啲行為真係一秒扣分！

返工已經夠攰，如果仲要對住一啲「唔夾」甚至係「惡頂」嘅同事，專搵氣場弱的阿Boo嚟恰？今集想同大家圍爐呻下，順便分享下我係唔同職場一直遇到瘟神，最後由阿飽總結出嚟嘅一套「防小人」心得。