閒置中 Liber Podcast by 本土研究社
by 本土研究社 Liber Research Community
《閒置中 Liber Podcast》係由本土研究社嘅一班研究員製作。平時攰攰地個陣，停一停將平日關注嘅唔同議題沈澱同累積，研究以外同大家深度講解研究背後嘅心路歷程，破除迷思同發掘新諗法，提著亂世之中唔好閒置自己，仍然關注香港身邊事物嘅朋友記著follow我哋，想聽啲咩都歡迎PM同我哋講！研究員：劍青、Brian、Sunny、Cody、Emily and moreFacebook: https://www.facebook.com/localresearch/IG: https://www.instagram.com/liberresearch/YT: https://www.youtube.com/@liberresearch支持本土研究社: https://liber-research.com/support-us-2-2/#閒置中 #本土研究社 #本研Podcast #LiberPodcast
Episodes
-
【馬年賀年特輯】
研又過研～ 閒置中祝各位新研快樂 今集特備節目未必有以往集數嘅研究含量，但依然有一大堆研究員(5個) 嘅聲音陪大家過新年，順便分享一下近來研究社嘅種種～ 拜年難以避免會有無聊嘅時候， 歡迎重溫過往集數，再次同我哋一齊深入探討各種社會議題～ 研究員：Brian、戴安、Emily、Cyrus、劍
-
EP250 閒置終 - 閒置中最終章
閒置中迎來第250集，我哋正式宣布閒置中要結束啦，感謝5年嚟無論係持續收聽或者係間唔中收聽閒置中嘅聽眾，有大家嘅關注同支持令閒置中成為咗長壽節目之一~ 喺最後一集，研究員同大家分享做podcast嘅種種，多謝大家嘅陪伴，我哋後會有期。 研究員：劍、Brian、Emily
-
EP249 遷村中 - 推土機下如何留得住田園風光？
近來多條市區古村被拆，見到新聞描述村民嘅處境通常都要各散東西，甚至安置未有着落已經被突襲封村，其實又可唔可以避免到暴力拆村嘅發生呢？睇返過往文獻記錄受發展影響嘅拆村故事，原來有唔少搬村嘅例子可以保留到完整嘅村落，過程中政府會考慮村民嘅意願，甚至考慮埋村民日後嘅生計。呢種種又會唔會喺將來北都發展時，安置受影響嘅新界非原居民村可以參考嘅方式？今集閒置中，同大家講搬村。 研究員：劍、Brian、Emily
-
EP248 運吉中 - 市區私人「吉」地可以如何好好運用？
地價低迷下，政府賣地滯銷、私人重建停滯，市區似乎都遍布唔少閒置緊嘅土地，但原來有唔少吉地都唔係近年先閒置，隨時凋空咗喺度十幾廿年。研究員近日就嘗試搵下有幾多呢類私人吉地，快手盤點下已經數到十幾廿塊，幾乎市區內區區都有。呢類土地除咗吉咗係度，係咪就因為屬於私人性質，就無辦法可以好好利用。定其實政府都可以透過唔同途徑，將佢哋嘅土地價值體現出嚟，例如係用嚟做公園或者市集？今集閒置中就同大家傾下如何好好運用呢啲市區吉地。 研究員：劍、Brian、Sunny
-
EP247 爛咀中 - 橋咀珊瑚仲有冇得救？
西貢橋咀喺十一假期單日4000遊人登島，有珊瑚被踩，有海星被捉，生態熱點慘遭浩劫，事後大家發現，原來橋咀部分地方竟然不屬保護區範圍。要救橋咀，或者避免下一個郊野勝景淪為第二個橋咀，仲有冇其他辦法？喺香港搞生態旅遊，如何做到長做長有？今集閒置中，研究員同大家討論，香港郊野仲有冇得救。 研究員：Brian、戴安、Cyrus
-
EP246 田野中 - 喺市區竟然仲有真農地？
幾星期前研究員實地考察發現，香港市區竟然仲有好幾幅農地。呢啲隱藏喺城市邊緣既農地，其實對於城市人有咩價值?喺高密度發展嘅香港，市區農田又有冇發展嘅空間？今集閒置中，同大家討論香港市區農田嘅過去、現在、同未來。 研究員：Brian, Cyrus 嘉賓：Will
-
EP245 暴風中 - 樺加沙襲港實時災害地圖
超強颱風樺加沙襲港，邊區受災最嚴重？喺打風期間，研究員推出咗《樺加沙災情實時地圖》，實時上網收料，同時邀請公眾報料，再將各種災情用地圖方式呈現。研究員今集節目同大家分享下，製作公眾參與嘅實時災害地圖嘅價值同作用。 研究員：劍、Brian、Emily
-
EP244 嚴打中 - 如果政府嚴打套丁 或能避免公屋母子墮樓案？
政府嚴打公屋濫用，天水圍兩母子因被收樓不堪壓力輕生，傳媒揭發原來事主因無辜被捲入套丁案，結果唔知情下持有土地，觸發房署收樓。而無人從事非法套丁的話，兩母子就唔會俾人利用，所以如果政府肯將打擊公屋濫用嘅心機，放喺打擊丁屋濫用度，令成條套丁產業鏈瓦解，呢件不幸事件就未必會發生。 劍、Brian、Sunny
-
EP243 維修中 - 要培養維修意識都要有政策支持？
一件物品壞咗爛咗，你有幾可攞去維修？唔貴可能你直接拋棄佢，可能係你根本冇諗過有得整，又或者唔知揾邊個整，喺呢個時候，你可以選擇打開本研嘅香港維修地圖，地圖為你搜羅過百間維修舖頭，涵蓋9大類別，包括傢俬古董、時尚配件、電器電子產品、戶外運動用品、個人用品、生活器材、鐘錶、藝術品、樂器，總有一種貼合你嘅需要。 今集閒置中，研究員分享各種維修嘅方式，再講到循環經濟同埋有關維修嘅政策，希望下次有樣野壞咗嘅時候，我地都會諗起有維修呢個選擇。 研究員：Brian, Sunny, Emily
-
EP242 借傘中 - 香港原來仲有地方可以借一借遮？
近月雨季來臨，天文台時不時就懸掛暴雨信號，一旦外出唔記得帶遮，就真係「揦」手唔成勢，以前例如係麥當勞、7-11都有得借遮，依家都無咗，其實仲有邊啲地方可以借？今日研究員同大家分享下全港可以借遮嘅熱點，再闊啲咁去探討下喺香港推動資源共享嘅可能性。 研究員：Brian, Sunny, Emily
-
EP241 再生中 - 政府近年推太陽能發電有幾落力？
政府目標喺2035年前要將太陽能發電比例升至1-2%，雖然睇落好似唔多，但依家其實連0.5%都無，嚟緊私人安裝太陽能板嘅趨勢，亦可能會因「上網電價計劃」退場而急跌，究竟政府喺滿足呢個目標上有幾俾力呢？研究員請嚟自由環境記者梁錫嵐，嚟同我哋討論一番，究竟政府依家自己嘅主要建築有幾多有安裝太陽能系統，而香港要提升可再生能源又有咩障礙？今集閒置中同大家淺入深出。 研究員：Brian、Sunny 嘉賓：Selena (Freelance環保記者)
-
EP240 承傳中 - 民間視覺看香港非物質遺產
近年非物質文化遺產即係非遺得到關注，連快餐店都推出焗豬百販非遺餐，除咗蛋撻、奶茶之外，香港原來仲有220個非遺主要項目，唔少人可能聽都未聽過。如果唔想呢啲文化遺產以後只可以喺博物館見到，承傳下一代好重要，但承傳嘅第一步係認識同接觸。 研究員今集會同大家將220項香港非遺，重新分類同介紹，幫助大家一起去保存香港的軟實力。 研究員：劍、Brian、戴安
-
EP239 內熱中 - 香港暑熱城市熱島中有島?
香港酷熱天氣漸變日常，但有沒有想過，酷熱問題唔單只發生戶外? 近日由低碳想創坊同葵涌劏房關注組合力做的調查發佈，深入探索左酷熱問題唔單只發生於白日與街頭，其實室內酷熱同熱夜更是少人留意的問題。今次請到低碳想創坊研究員上來一齊分享，傾下： - 一般講城市有熱島效應，但其實熱島中還有熱島? - 唔經唔覺酷熱已經走進大家屋企，邊啲社群最受影響? - 問題好似愈積愈難攪，究竟有乜策略可以超前部署? 持續的酷熱都需要持續的研究，先會有更完善既酷熱管治及可持續既城市未來，今集閒置中，同大家淺入深出傾下呢個熱話。 研究員：劍 嘉賓：Chung、歡 (@低碳想創坊)
-
EP238 活化中 - 拆樓重建以外的可能
唐樓是香港獨有的都市景觀，見證住一代又一代人嘅生活痕跡。但隨着歲月流逝，唔少唐樓逐漸老化失修，而一直以來，拆卸重建似乎就係唐樓難逃的命運。但拆真係唯一選擇嗎？可唔可以在保護舊區面貌之餘，為唐樓注入新生命？其實，坊間早已有不少活化的成功例子，將一些唐樓變成民宿、咖啡店和展覽空間。究竟佢哋點樣做到呢？這些成功例子，又為香港的都市更新提供咗咩新啟示？ 今集《閒置中》，帶你睇唐樓「起死回生術」。 研究員：劍、Cyrus
-
EP237 垂死中 - 垂直綠化同日常有咩關係？
原來綠化同城市空間密度有關，係先決條件令發展商起多幾層樓？ 植物頻繁枯死或種假花假綠，都係為咗湊數？ 颱風引發盆「災」事件，發現牆身植物都有安全隱患？ 垂直綠化之外，仲有幾多設施設計離譜只為湊數？ 要做到可持續嘅垂直綠化又可唔可能？ 街上見到一幅幅垂死嘅垂直綠化植物，除咗觀感唔好，原來仲有好多方面或多或少影響緊我地嘅生活。今集《閒置中》，同你深入淺出講垂直綠化。 研究員：劍、Emily
-
EP236 車始中 - 網約車時代終於降臨
網約車進軍香港市場超過10年，當全球各地不少城市已經迎合全球大勢為其立法規管，但香港要拖到2025年先有第一個規管框架，背後當然有股既得利益影響。但的士業亦唔係鐵板一塊，唔少司機已經用app接單，傳統的士業同網約車嘅分野變得模糊。隨著網約車時代終於來臨，未來呢個行業會點演化？今集閒置中研究員同大家探討下。 研究員：劍、Brian
-
EP235 趁墟中 - 天未光就出現嘅墟市有咩社區功能？
原來香港有好多天未光先會出現嘅檔攤市集，已經存在咗喺呢個城市好多年，幾乎全港18區，過往都有呢堆天光墟市嘅相關紀錄。雖則近年似乎好多都已經沒落、息微，但其實仲有唔少近年仍然活躍。究竟呢類墟市有冇任何社區功能，對於香港嘅發展而言，佢哋係咪真係一啲價值都冇呢？今集閒置中，同大家傾吓呢類墟市嘅獨特性，同埋相關嘅經歷。 研究員：劍、Brian、Sunny
-
EP234 無營中 - 究竟香港啲豪華露營有幾豪華？
疫情期間好多人都對露營活動趨之若霧，而當時唔同私人營地都大行其道，露營農莊、露營車、印第安式露營帳篷等等，唔少都標榜自己係豪華露營，價格上同樣係豪華級數。但疫後大家唔再困喺香港入面，外地亦有唔少露營或度假嘅選擇，似乎好多昔日嘅營地都已經做唔落去，結業潮係咪已經蔓延到鄉郊？呢個現象又對香港嚟緊嘅生態旅遊政策有咩啟示？今集閒置中，同大家由本地露營講到點樣嘅生態旅遊先係理想嘅模式。 研究員：劍、Brian、Sunny
-
EP233 商宿中 - 究竟准許商廈改做學生宿舍係咪會「推冧」樓價？
近日政府宣布容許酒店、商廈毋須任何規劃程序就能改裝成學生宿舍，有指相關做法可能會推冧樓價。究竟呢項政策原意係想做啲咩，香港學生宿舍短缺問題又有幾嚴重？今集閒置中，同大家一齊發掘下香港商業地嘅現況同出路，探討呢項政策係咪真係可以解決到宿位不足嘅問題。 研究員：劍、Brian、Sunny
-
EP232 吔粥中 - 究竟全港仲剩低幾多間傳統老粥舖？
香港人病咗要戒口，白底紅字招牌嘅傳統粥店，往往價廉物美，係病人嘅恩物。但近年餐飲業界寒冬，都牽連唔少老店結業，究竟香港仲有幾多間傳統粥店，佢哋又有無咩獨特性，係連鎖粥店食唔到嘅呢？今日閒置中，請嚟有本研foodie之稱嘅戴安，同大家一齊分享食粥嘅經驗，探討地道基層粥舖，係咪都應該作為宣傳本地特色嘅旅遊景點。 研究員：Brian、Sunny 嘉賓：戴安 (本研foodie)
-
EP231 申訴中 - 申公署下架報告背後意味著啲乜？
近日申公署將3年前嘅所有報告喺網站下架，話因為報告已過時，廢時整慢部電腦，要睇就親自到相關部門借閱，荒謬到令人質疑究竟背後有咩真正原由。有記者到申公署要求閱覽報告目錄，但都被拒，喺民間協力下，研究員亦整理好政府不願公開嘅目錄，究竟當中又有啲咩有趣嘅調查報告？今集閒置中，就同大家分析一下，申公署下架報告背後其實意味著啲乜？ 研究員：Brian、Sunny、Emily
-
EP230 凌食中 - 夜經濟少咗係社會進步嘅象徵？
近年成日聽見要「夜繽紛」，究竟依家香港夜經濟有無復甦到呢？夜媽媽走落條街度，又有幾多嘢好食？研究員今次同大家從「凌晨食肆」嘅角度，嚟探討香港夜間活力嘅議題，發現的確好多本身開得夜嘅餐廳，都已經因為唔同原因而早收咗，究竟夜經濟少咗，係社會進步嘅象徵，定意味一個城市變得無咁宜居？今集閒置中，同大家講飲講食，同時認真討論城市變化嘅議題。 研究員：劍、Brian、Sunny
-
EP229 迫壩中 - 五一假期東壩遊記
五一假期，西貢東壩人山人海，萬宜水庫變身「萬人水庫」，呢種以量取勝嘅所謂「生態旅遊」／「深度遊」究竟有幾可持續？「無處不旅遊」同網絡打卡文化下，東壩被逼爆只係個開始，政府打算喺南大嶼、尖鼻咀、白泥、南丫島發展「生態旅遊」，甚至加入地產元素，徹底顛覆香港人對生態旅遊嘅想像。今集《閒置中》邀請咗綠色和平嘅代表同大家分析下當中隱憂。 研究員：Brian 嘉賓：涼 (綠色和平項目主任)
-
EP228 跟機中 - 香港機場價格保證做水魚?
機場買貴野好似係常識，但係唔係一定係咁？ 近日研究員實測左香港機管局運行左上廿年既「機場市區價價保證」機制，同大家探討，今時今日機場商鋪點樣貴法？公營機構當中又有咩角色？當旅客係水魚對未來發展「機場城市」又有咩啟示？今集閒置中同大家傾下。 研究完：劍、Brian 嘉賓：研究辛 戴安
-
EP227 屯爆中 - 將香港增長人口塞入屯門合唔合理？
屯門樓盤不斷落成，政府今季繼續推售屯門住宅地，勢將進一步逼爆屯門。當區交通社區配套一直都被批評跟唔上人口增長，嚟緊可見將再起多超過4萬伙住宅，即係分分鐘再多十幾萬人。究竟屯門區係咪真係能夠承載到咁多人？今集閒置中，請嚟從小就成長於屯門嘅荼毒室成員Alex，一齊分享佢觀察到嘅社區轉變，進一步探討香港規劃上嘅地區不公義問題! 研究員：Brian、Sunny 嘉賓：Alex (荼毒室成員)
-
EP226 迷圖中 - 香港圖書館係咪真係夠用？
驟眼睇好似每區都有圖書館，但原來仲有好多社區爭取興建同擴建多年都仲未成功。究竟香港嘅圖書館夠唔夠多，普遍分館又夠唔夠大嚟承載多元嘅社區功能？而現況又係香港人越嚟越少去圖書館，定係圖書館發展緩慢吸引唔到人呢？今集閒置中，研究員由香港唔同社區圖書館講起，再比較世界各地公共圖書館系統同制度，一齊討論要搞好圖書館、推廣閱讀風氣仲有咩可以做。 研究員：Sunny, Emily
-
EP225 搵料中 - 民間資料庫承載緊啲乜嘢社會功能？
財經資料庫網站Webb-site創辦人David Webb因病宣布結束運作Webb-site，其實呢類非官方資料庫，係香港仍然有唔少，除咗關心財經，亦有唔少關注環境、城市精神健康、交通、土地議題等嘅有心人，營運緊唔同類型嘅民間資料庫。我哋本研都係其中一份子，雖則前排因經費問題，暫時要將本研地理資訊地圖下架，但相信好快有方法重現大家眼前。而今日我哋亦請嚟咗有份製作香港工業傷亡意外資料庫，工權會《工殤地圖》嘅小飛嚟傾下計。今集閒置中，同大家一齊分享下，究竟製作一個資料庫，心路歷程會係點，同埋有咩困難同挑戰呢。 研究員：Brian、Sunny 嘉賓：小飛 (工業傷亡權益會幹事)
-
EP224重商中 - 商廈空置但政府仲有海量商業地可以點搞？
近年不斷有報導描述香港各級寫字樓嘅空置慘況，喺可見嘅將來似乎都難以消化過量嘅供應。但睇返政府2017年相關嘅顧問研究報告，當時竟然估算香港將會出現極大量嘅商廈短缺。或者正正係因為呢類估算，至令到今日商廈過量嘅問題。究竟香港仲有幾多可建商廈嘅商業地剩，而呢啲土地作商業用途，又會唔會可以有更多發展上嘅想像，令到未來不致於浪費大量土地？今集閒置中，同大家討論下究竟香港仲可唔可以有其他經濟商業模式。 研究員：劍、Brian、Sunny
-
EP223 超渡中 - 起完無耐就面臨清拆嘅過渡屋為誰過渡？
政府提供嘅2萬個過渡屋單位，超過一半都係喺新界鄉郊地區，過去成日被批評選址偏遠，而近日更有過渡屋項目，因為位處於新發展區內，而引起隨時面臨遷拆嘅問題。研究員發現總共有4間過渡屋項目，近4千伙單位面臨相同處境。究竟呢啲過渡屋，喺房屋安置嘅政策上，有幾重要，又同時幾受忽視呢？而眾多由地產商借地而建嘅過渡屋，究竟本質上真係為咗輪候公屋嘅居民過渡，抑或係為咗地產商能夠藉地皮做過住宅用途，而方便之後改劃成私人樓而過渡呢？今集閒置中，就同大家剖析下呢類過渡屋面臨嘅災劫。 研究員：劍、Brian、Sunny
-
EP222 奀支中 - 生產者責任制為何得返一毫?
唔知大家有冇買玻璃瓶裝牛奶嘅習慣呢？喝完飲品後可以去便利店按返個瓶，攞返$1呢個做法鼓勵大家回收再用玻璃瓶，從而減少廢物。政府就膠瓶同紙包飲品都建議推行類似政策，叫「生產者責任制」，每個膠瓶同紙包飲品回贈一毫子。究竟淨係得一毫子鼓唔鼓勵到大家回收呢？今集《閒置中》同大家討論都市廢物嘅問題。 嘉賓：綠惜地球助理環境事務經理 Steven 研究員：劍、Brian
-
EP221 運動中 - 點解香港康體設施永遠都唔夠？
想打波但又book唔到場相信已經係香港市民嘅日常體驗，但原來香港仲有一堆規劃中嘅體育設施，等咗好多年仲未起好。當中唔少已經拖咗20幾年，到底當中有咩原因令市民遲遲都打唔到羽毛球？今集閒置中由地區體育設施規劃出發，去到觀察啟德體育園嘅落成，分析香港體育發展到底行緊咩方向，未來體育要普及化係咪困難重重？ 研究員：Cody、Brian
-
EP 220 荷留中 - 香港可以從荷蘭學到啲咩？
近年香港同其他城市一齊面對土地不足、房屋短缺、過度旅遊嘅問題。就填海議題上不時引用荷蘭例子作為辯護，究竟填海係咪靈丹妙藥？有研究員到荷蘭留學，走訪當地了解荷蘭點樣應對以上嘅問題，再反思。喺今集閒置中，分享佢嘅所見所聞。 研究員：劍、Echo、Cody
-
EP 219 寶島中 - 香港海島—隱藏喺寶盒嘅珍寶？
政府喺新嘅旅遊發展藍圖入邊，提到要開發海島旅遊，將呢啲隱藏喺寶盒入面嘅海島珍寶公諸於世，但究竟呢啲海島係咪真係一直遠離市民生活，尚待開發嘅土地？抑或係本身已經具備好多價值，只係從來無被政府納入發展藍圖入邊，就被判斷為無用盡呢啲生態資源嘅潛力？閒置中今集同大家一齊傾下香港二百幾個海島，分享下研究員曾經喺荒島經歷過嘅獨特體驗，並講述下個別島嶼曾經被唔同人使用過嘅故事。 研究員：劍、Brian、Sunny
-
EP 218 頭赤中 - 政府財赤下邊幾方面最頭赤？
政府連續三年千億財赤，究竟意味着啲乜？有人話係結構性問題，但政府仍然堅持話只係周期性，捱多一排，過多幾年就會情況逆轉。但政府唔夠錢，最首當其衝嘅似乎係一啲討論緊要削減嘅民生開支。究竟財赤對於普羅大眾有咩影響，今日閑置中研究完就同大家一齊分析一下，睇睇亞洲財赤第一嘅香港，而家處於一個乜野嘅處境？ 研究員：劍、Brian、Sunny
-
EP 217 覓食中 - 點解熟食中心越嚟越少？
熟食市場作為香港美食天堂嘅重要象徵，一直都係各大美食專頁嘅常客，更係唔少電影嘅取景場地，但點解近年嚟食環不斷關閉熟食市場？唔通香港人已經唔再中意美食？定原來又係地租經濟下嘅犧牲品？今集閒置中同大家深入淺出，探討下食環嘅管理思維，思考下熟食市場喺2025年嘅地區經濟仲扮演緊咩角色。 研究員：劍、Cody
-
EP 216 回顧中 - 2024本土研究回顧
嚟到閒置中喺2024年嘅最後一集，我地率先回顧過去一年研究社做過嘅大小事，究竟邊個議題係本年度最受歡迎又引起到最多嘅討論？今年研究社做咗啲咩新嘗試呢？再回顧2024年嘅香港，我地會用咗邊隻字嚟形容今年城市經歷緊嘅嘢？同埋對研究社喺2025年嘅展望。 今集閒置中同大家講2024，同埋祝大家happy new year! 研究員：劍、Cody、Emily
-
EP 215 城債中 - 基建債認購不足有咩啟示？
政府前排發基建債，竟然第一次出現認購不足嘅情況，之前話想俾公眾喺推動基建發展上有參與感，但究竟發債同投資者參與係有咩關係，如果係咁認購不足係咪即係意味大眾都唔想參與？今集閒置中，想同大家傾下呢啲借債問題，分析一下究竟政府係咪真係借債度日，普遍評論又點樣理解發債呢回事，基建債背後又有無啲鬼鼠嘢應該要知架呢？利申本研無持有任何債券。 研究完：劍、Sunny
-
EP 214 碰虹中 - 彩虹邨只有全邨重建一個選擇？
彩虹邨重建作為今年香港城市發展最重要嘅議題之一，由公佈嘅時候就已經引起公眾關注。當新聞關心要去到2048年先完成重建，其實仲有一班人思考緊有無其他可能性。今集閒置中邀請咗Kongcept共同創辦人以及保育彩虹邨發起人—Don。深入淺出同大家講下彩虹邨獨有嘅社區面貌同對公屋保育議題嘅重要。 嘉賓：Kongcept共同創辦人&保育彩虹邨發起人 Don 研究完：劍、Cody
-
EP 213 失寵中 - 香港有幾多隻數據上睇唔見嘅貓狗？
近年香港生育率低咗，睇落就多咗人養貓養狗，如果睇返貓狗糧入口同獸醫數量數據，會見到近十幾年都有好明顯嘅上升趨勢。但究竟有無一條實數，話俾我哋知而家我哋其實照顧緊幾多隻貓狗，而當政府依家不時都講緊要推出啲寵物友善政策時，又有無基礎去決定邊度起寵物公園，又或者邊條線要有寵物車箱呢，研究員睇返統計署數據，發現原來成6年無更新。條數似乎亦唔太可靠。究竟香港仲有幾多喺數據上睇唔見嘅貓狗？今日閒置中，同大家一齊去nan2下啲貓狗數據！ 研究員：劍、Sunny、Emily
-
【閒閒哋】深港河套區
斥資上千億發展河套區計劃，近日政府亦公佈發展網要勾勒當中創科發展內容，然而香港邊陲的河套區為何空置多年至今，過往投射過多少種城市發展想像? 河套計劃又會為香港引向一個怎樣的未來? 研究員：劍青
-
EP 212 重塑中 - 公共空間被重塑，還是被充數？
上年有份叫重塑香港公共空間可行性研究嘅顧問報告，回應2030+倡議將全港休憩用地供應由原本嘅人均2平方米增加至不少於3.5平方米，報告建議重新定義休憩用地嘅計算方式去追新嘅標準。咁究竟8成嘅增幅點體現喺日常生活之中？當休憩用地都被重新定義嘅時候，就算數字上多咗，實際上用到嘅公共空間又會係多咗定少咗呢？ 今集閒置中同大家講公共空間。 研究員：劍、Brian、Emily
-
【閒閒哋】牛潭尾大學城
北都大學城選址元朗牛潭尾山谷，將會為區內漁農社區改頭換面，除左透視了大學產業在未來香港城市發展的角色，對原有牛潭尾的鄉郊環境究竟會帶來怎樣的影響? 研究員：劍
-
EP 211 商劏中 - 劏場嘅出現係回應緊咩社會需求？
過去有唔少商場被收購，將入面嘅舖位劏細出售，操刀者賺到盤滿缽滿，但近年呢啲劏場水靜鵝飛，啲舖位經歷大幅貶值，究竟呢啲舖場依家係咩狀況，呢啲空間分割經濟學，又係因為咩原因曾經咁盛行，喺佢作為唔少炒賣投資者過往生財嘅工具之外，社會其實有無付出到一啲額外成本，去幫佢哋埋單呢？今集閒置中就同大家一齊分享一下唔同有關劏場嘅觀察。 研究員：劍、Sunny、Emily
-
EP 210 焚城中－當棕地成為災難電影題材
香港經常被視為「福地」，但咁密集嘅城市其實危機四伏，隨時成為災難嘅溫床。適逢號稱香港首部災難片即將上映，題材同新界棕地息息相關，今集《閒置中》有新電影《焚城》編劇Wong Wing 嚟同大家分享棕地／回收場議題點樣啟發咗編劇團隊；Wong Wing 亦會同大家淺談下今時今日喺香港拍一套電影，尤其係災難片，有幾困難同會遇到咩挑戰。 研究完：劍、Brian 嘉賓：《焚城》編劇Wong Wing
-
EP209 花申中 - 花墟社區需要你嘅參與！
花墟重建項目密鑼緊鼓咁行緊城規程序，而加已走入申述階段，申述期截至今個月23號，急需聚集大家嘅力量去表達意見！ 花墟一眾商户居民發起關注組，密切關注重建嘅事態發展，今集閒置中請嚟花墟重建關注組支援者Charlie，同研究員討論2024年嘅社區參與模式，暢談做社區project嘅經歷同理解。 收聽緊podcast嘅大家可以喺資訊欄㩒入申述平台提交你嘅寶貴意見，關注埋花墟重建關注組@fm_concerngrp 獲得更加多有關花墟重建嘅資訊~ 嘉賓：花墟重建關注組支援者 Charlie 研究員：劍、Emily 申述平台： https://shorturl.at/Y1WdT…
more -
EP208 簡樸中—2024施政報告簡樸解讀！
今年施政報告終於出爐，全城都討論緊的士司機點用阿拉伯語講唔過海。喺咁多政策修辭之下，施政報告仲有咩重點值得關注？為劏房正名嘅簡樸房到底有幾唔簡單？研究員用人話同你深入淺出，睇睇今次施政報告最大贏家喺邊個，拆解報告對城市發展有咩影響！ 研究員：Cody、劍、Brian
-
EP207 諮詢中 — 顧問研究，研究顧問
大型城市發展項目經常都有專業顧問嘅身影，被聘請做地區研究、可行性研究等等，對公共政策、城市發展舉足輕重嘅工作。當顧問套上專業形象，其實令普羅大眾難以了解佢嘅職能同權力，甚至係同政府之間嘅神秘關係，而呢一種模糊不清嘅關係又會衍生咩問題價得我哋去關注？ 今集閒置中同大家淺入深出講顧問，聽完之後記得要睇埋我哋最近有關顧問建港嘅研究文章啊！ 研究員：劍、Cody、Emily #本土研究社 #LiberResearchCommunity
-
EP206 幸福中—改善公屋屋邨設計=住得幸福？
近日房委會推出「幸福設計」指引，作為日後興建同翻新公屋嘅參考同設計依據，仲搵咗幾個屋邨嚟做試點。究竟呢啲幸福指引又會為公屋居民帶嚟幾多幸福感？今日閒置中，首先會同大家講下呢個指引係啲乜，再暢談研究員點睇住屋上咩叫幸福，之後同大家分享實地考察究竟見到啲乜，最後拆解一下究竟呢份指引嘅設計，背後仲意味住啲咩！ 研究員：Brian、Sunny、Emily
-
EP205 新居中 — 新居屋呎價究竟有幾可負擔
政府過去成日推廣置業階梯，想人透過買樓一步一步向上爬，作為置業階梯重要一環嘅居屋，前排定價竟然減到得返七折，同私樓價又近一步，究竟居屋折扣彈性嘅背後意味着啲咩嘢？喺而家樓價大跌嘅情況下，其實仲有冇人肯去買居屋？ 今集由置業階梯從頭講起，講吓居屋政策嘅目的，同埋折扣係點定出嚟，依家居屋嘅價錢公眾又有幾負擔得起呢？閒置中同大家淺入深出，具體咁分析分析！ 研究員：劍，Sunny
-
EP204 芬享中 - 香港從最幸福嘅城市學到啲咩？
近年，增加市民幸福感成為咗政府施政嘅一大重點，房委會仲推出咗幸福感設計指引，講到明係以人為本，居民齊齊變幸福。但當幸福變成一堆嘅指引，居民真係會幸福？研究員走入最幸福嘅國家 - 芬蘭。喺當地首都赫爾辛基睇下要建立一個幸福城市背後到底有咩秘密。閒置中，深入北歐小國，睇下幸福原來講個「信」字。 研究完：劍青、Cody #芬蘭 #赫爾辛基 #Helsinki #幸福 #城市
About this show
《閒置中 Liber Podcast》係由本土研究社嘅一班研究員製作。平時攰攰地個陣，停一停將平日關注嘅唔同議題沈澱同累積，研究以外同大家深度講解研究背後嘅心路歷程，破除迷思同發掘新諗法，提著亂世之中唔好閒置自己，仍然關注香港身邊事物嘅朋友記著follow我哋，想聽啲咩都歡迎PM同我哋講！研究員：劍青、Brian、Sunny、Cody、Emily and moreFacebook: https://www.facebook.com/localresearch/IG: https://www.instagram.com/liberresearch/YT: https://www.youtube.com/@liberresearch支持本土研究社: https://liber-research.com/support-us-2-2/#閒置中 #本土研究社 #本研Podcast #LiberPodcast
Hosted by
本土研究社 Liber Research Community
Categories