Actos Culturales en Noreña

Audio de la charra que'l 27-6-2016 se cellebró na Casa Cultura entamada pol Ayuntamientu cola organización asturiana XEGA. Julio Alonso, ex cordinador y miembru fundador de XEGA foi l'encargáu de conferenciar a los presentes sobre la llucha pola igualdá del movimientu LGTB, faciendo un repasu históricu. L?Alcaldesa de Noreña, Amparo Antuña presidió y presentó l'actu.

Audio de l'actividá entamada pola asociación cultural InfoNoreña que se desenrrolló el vienres 24-6-2016 na Casa Cultura de Noreña. L'aldesa de Noreña, Amparo Antuña, abrió l'actividá que cuntó cola participación del hestoriador noreñés Pelayo Menor-Corroto, que repasó les fontes d'estudiu esistentes, el grupu de recreación La Guardia, que desplicó característiques militares tanto de los vikingos como del reinu asturianu asina como les batalles, y tamién la xente d' hidromiel Helheim que colaboró con una degustación de los sos productos que fusionó la organización con unos quesos asturianos. Más de sesenta persones participaron nesti esitosu averamientu a la edá media asturiana.

Audio de la presentación na Casa de Cultura de Noreña, el xueves 9 de xunu, de la guía de Noreña incluida en la colección "Asturias, concejo a concejo", del Real Instituto de Estudios Asturianos (RIDEA). Participaron en el acto los cuatro autores, los historiadores Carlos González Cuesta y José Antonio Leirado, la historiadora del Arte Bárbara Barreiro y el xeólogu Andrés González Quirós. acompañaron a los autores el director del RIDEA, Ramón Rodríguez; el subdirector y responsable de la coleición, Andrés Martínez Vega, y l'alcaldesa de Noreña, Amparo Antuña.

Audio completu de la presentación de la 8ª edición del certame de cantares de chigre de Noreña "Prohibío cantar...desentonáu" que entama la Banda Gaites Villa y Condáu de Noreña y que esti añu tuvo dedicáu a Chema Fombona. Na presentación, que se desenrróllo nun Salón d'Actos de la Casa Cultura abarrotáu, actuaron la Banda Gaites, el grupu gallegu Rebilir y la Rondalla de Noreña. Intervinieron Chus Solis, direutor y presidente de la Banda Gaites, y l'alcaldesa Amparo Antuña

Audio de la charra que l'Asociación Cultural InfoNoreña entamó el vienres 12 de febreru, nel Salón d'Actos de la Casa Cultura "Severo Ochoa" de Noreña, sobre la situación de crisis humanitaria que se vive en Lesbos (Grecia) cola arribada de persones refuxaes y del llabor del voluntariáu qu'elli trabaya solidariamente. Anabel Montes Mier, socorrista asturiana, cuntó la so esperiencia como voluntaria en Proactiva Open Arms, una ONG que trabaya faciendo llabores de salvamentu na mar. Foto: Samuel Monte-Arrieta

Audio completu de la presentación del llibru "Luchadores del Ocaso. Represión, guerrilla y violencia política en la Asturias de posguerra (1937-1952)" y homenaxe a Manuel Vega Forcelledo, vecín de Noreña, fináu l'añu pasáu y que fuere enllace de la guerrilla y militante antifacista. L'actu fízose na Casa la Cultura de Noreña el vienres 15 de xineru de 2016 y nél intervinieron l'hestoriador noreñés Benjamín Gutierrez Huerta, director de la Fundación Juan Muñiz Zapico, organizadora del actu, y l'autor de la obra, el tamién hestoriador, Ramón García Piñeiro.

Pregón de les Fiestes del Ecce Homo de Noreña 2015 celebráu'l vienres 18 de setiembre nos Xardines del Ayuntamientu. L'actu presentólu la periodista noreñense Estefanía Redondo ya intervinieron Ana González, presidenta de la Sociedad Noreñense de Festejos (SONOFE), el pregoneru d'esti añu Ramón Fernández Lebrato y l'alcaldesa Amparo Antuña. Tamién se coronaron les reines de les fiestes. La Banda Gaites de Noreña abrió y zarró l'actu.

Audio del Pregón de les Fiestes del Ecce Homo de 2014. L'actu celebróse nel Parque del Ayuntamientu'l vienres 12 de setiembre. Presentáu pola periodista Estefanía Redondo, l'actu consistió na coronación de la reina, el rei y les reinines de les fiestes, los disctusos d'Unai Diaz (presidente de loa Sociedad Noreñense de Festejos- SONOFE), Cesar Movilla (alcalde de Noreña) y del pregoneru John Falcone, músicu noreñés d'orixe neoyorquinu. Integrante de la OSPA y de la Banda de Música de Noreña, director de La Bandina, un gran activu del asociacionismu noreñes... Nun faltó a la cita el so inseparable fagot, interpretando pa finar el pregón una pieza orixinal de composición propia pa esti instrumentu y la gaita. Precisamente la Banda Gaites de Noreña foi la encargada d'abrir l'actu y zarralu col Asturies Patria Querida, nesta ocasión acompañaos pol fagotista.

Asamblea pola Democracia participativa en Noreña cellebrada'l xueves 12 de xunu na Casa Cultura de Noreña na que intervienieron los conceyales de Frente de la Izqueirda, Foro Asturias Ciudadanos y Conceyu Abiertu por Noreña y na que se trataron cuestiones relacionaes cola necesidá d'un reglamentu de participación ciudadana en Noreña y onde participaron más de mediu centenar de persones.

Audio del actu de presentación del llibru "Teatru y figures rituales n'Asturies" entamáu por InfoNoreña el vienres 14 de marzu de 2014, na Casa la Cultura "Severo Ochoa" de Noreña. Presentáu por Marino Córdoba, nel actu intervién Cesar Santiago de la editorial la Cruz de Grado y l'autor Antón Caamaño.

Audiu del actu de presentación del proyectu editorial de l'Asociación Cultural N'AST en Noreña el 03/01/2014. Nel Antiguu Depósitu del Agua intervinieron Toño Martínez en representación d'InfoNoreña y Daniel Cueli, direutor de la revista N'AST Cartafueyos d'Ensayu, qu'esplicó el proyectu y presentó el númberu 9 de la publicación recién asoleyáu con interesantes conteníos.

Conciertu del Ochote Asturias en Noreña el 13-12-2013 poniendo'l broche final a la gala de Entrega de los XXVI Premios Villa y Condado de Noreña que concede añalmente la Orden del Sabadiego. El Ochote Asturias interpretó 5 pieces pal deleite de los presentes.

Audio del actu d'Entrega de los 26 Premios Villa y Condado de Noreña que concede la Orden del Sabadiego. Esti añu los premiaos foron el Club Voleibol Noreña y Miguel Ángel Fuente Calleja. Recibiendo la mención especial la xoven judoka Jimena Argüelles. Hubo varies Intervenciones, amás del Presidente de la Orden del Sabadiego, ficieronlo el presidente del xuráu, los premiaos y les persones encargaes de presentálos. Acabaron les intervenciones l'alcalde de Noreña y el presidente de la Xunta Xeneral del Principáu d'Asturies. El conciertu final del Ochote Asturias publicamoslu nun audiu propiu.

Audio del actu de presentación del llibru "NOREÑA Y LA SIDRA. Apuntes sobre la hestoria sidrera d'un conceyu asturianu" (III Premiu Emilio Trabanco) del hestoriador noreñés Antonio Martínez y que se fexo dientro de la programación de les fiestes del Ecce Homo 2013. L'actu organizólu la revista La Sidra que ye quien lu edita y l'Asociación Cultural InfoNoreña cola collaboración de la SO.NO.FE y la Conceyalía de Cultura. Remató con una Amuesa gastronómica d'Estefanía Ferreras cola sidra y la mazana de protagonista.

Pregón de les Fiestes del Ecce Homo de Noreña 2013 celebráu'l vienres 13 de setiembre nos Xardines del Ayuntamientu. L'actu presentólu la periodista noreñense Estefanía Redondo, coronáronse les reines de les fiestes y dende'l balcón de la Casa Conceyu intervinieron Unai Díaz, presidente de Sonofe, l'alcalde Cesar Movilla y el pregoneru d'esti añu Janel Cuesta.

Actu inaugural de la esposición del Club Voleibol Noreña pa celebrar el venti aniversariu de la fundación del club, en 1993. Celebróse nos esterirores del Antiguu Depósitu del Agua y nél intervinieron l'alcalde Cesar Movilla y el presidente del CV Noreña, Carlos Junquera. Termináu l'actu d'inauguración qu'axuntó bien de xente, abrióse la amuesa de fotografíes, trofeos y otros materiales del club.

Audio del actu íntegru del Pregón de les Fiestes. Amás de la intervención de l'artista noreñense Elena Rato, pregonera d'esti añu, intervienen Estefanía Redondo (presentadora), Unai Díaz (presidente de SONOFE), Cesar Movilla (Alcalde) y la Banda Gaites de Noreña, abriendo y zarrando l'actu.

Actu d'entrega del premiu d'ensayu sobre temática sidrera "Emilio Trabanco Trabanco" (fundador del Llagar Trabanco), que convoca la revista La Sidra y patrocina Grupo Trabanco. Esti añu cellebróse na Casa de la Cultura de Noreña, el 30 d'abril de 2012, por ser la obra premiada "Noreña y la sidra. Apuntes sobre la hestoria sidrera d'un conceyu asturianu", del hestoriador noreñés Antonio Martínez Fernández. Nel actu intervienen representantes de la revista, del grupu empresarial y del xuráu del premiu, l'alcalde de Noreña y l'autor de la obra.

Presentación del llibru "Como hemos cambiado...(Noreña años 60 y 70)", editáu pola Asociación Cultural CONTIGO. Casa la Cultura "Severo Ochoa" de Noreña, vienres 16 de marzu de 2012. Participen na obra los autores siguientes: Javier Blanco González (Coord.); José Antonio Leirado Arbesú; Oscar Rodríguez Buznego; David Luque Balbona; Jesús Nuño Río; Roberto Fernández Llera; Ovidio Villa Balbona; Fernanda Valdés Rodríguez y Joaquín Cuesta Alonso.