ԱՐՄԵՆՊՐԵՍ/ARMENPRESS

Ամռանը միջատների խայթոցներից խուսափելը հաճախ անհնար է, սակայն դրանց նկատմամբ առաջացող ռեակցիաները կարող են տարբեր լինել՝ սովորական տեղային արձագանքից մինչև կյանքի համար վտանգավոր ալերգիկ ռեակցիա։Ինչպե՞ս տարբերակել դրանք, ե՞րբ դիմել բժշկի և ինչպե՞ս պաշտպանվել միջատների խայթոցներից։Այս հարցերի շուրջ «Արմենպրես»-ի «Հարց բժշկին» փոդքաստի հերթական թողարկման ընթացքում զրուցել ենք ԵՊԲՀ Կլինիկական իմունոլոգիայի և ալերգոլոգիայի ամբիոնի ասիստենտ, «Հերացի» համալսարանական հիվանդանոցի Ալերգոլոգիայի և իմունոլոգիայի կլինիկայի բժիշկ Մարիամ Մովսիսյանի հետ։

Ամեն տարի հուլիսին նշվում է սարկոմայի իրազեկման ամիսը։ Սա կարևորագույն շրջան է՝ հանրության և բժշկական համայնքի ուշադրությունը հրավիրելու այս հազվադեպ, սակայն ագրեսիվ ու բարդ ուռուցքաբանական հիվանդության վրա։«Արմենպրես»-ի «Հարց բժշկին» փոդքաստի հերթական թողարկման շրջանակում «Յոլյան» արյունաբանության և ուռուցքաբանության կենտրոնի բժիշկ-ուռուցքաբան Ամալյա Սարգսյանի հետ քննարկել ենք, թե ինչ է սարկոման, ինչու է այն հանդիպում հատկապես երիտասարդների շրջանում, որոնք են հիվանդության ախտանիշները և ինչպես է իրականացվում բուժումը:

Շոգ եղանակին նկատվող ոտքերի այտուցներըշատերը հաճախ վերագրում են հոգնածությանըկամ երկար կանգնած մնալուն։ Սակայն այսախտանիշը կարող է վկայել ոչ միայն կենսակերպիառանձնահատկությունների, այլև սրտանոթային, երակային կամ ավշային համակարգի լուրջխնդիրների մասին։  «Արմենպրես»-ի «Հարցբժշկին»  փոդքաստի շրջանակում Պուլսմեդբժշկական կենտրոնի հիմնադիր տնօրեն, սիրտանոթաբան Անի Աբովյանի հետ քննարկել ենք, թե որո՞նք են այտուցների հիմնականպատճառները, ե՞րբ է անհրաժեշտ դիմել բժշկի և ինչպե՞ս կարելի է կանխել առաջացածբարդությունը։

Կրծքագեղձի քաղցկեղը շարունակում է մնալկանանց շրջանում ամենատարածվածուռուցքաբանական հիվանդություններից մեկը։Միևնույն ժամանակ, ժամանակակից ախտորոշիչմեթոդները հնարավորություն են տալիսհիվանդությունը հայտնաբերել վաղ փուլում, երբբուժման արդյունավետությունը գրեթե հասնում է100 տոկոսի։ Ո՞ր տարիքից պետք է սկսելհետազոտությունները, ինչպե՞ս ընտրել ճիշտպատկերային հետազոտությունը, արդյոքվտանգավո՞ր է բիոպսիան և ինչու՞ չպետք էսպասել առաջին ախտանշաններին։ Այսթեմաների շուրջ «Արմենպրես»-ի «Հարց բժշկին»  փոդքաստի շրջանակում զրուցել ենք«Հայ-ամերիկյան առողջության կենտրոն»-իբժիշկ-ռադիոլոգ Շաքե Հմայակյանի 

Ավելորդ քաշը ոչ միայն գեղագիտական խնդիր է, այլև բազմաթիվ քրոնիկական հիվանդությունների զարգացման ռիսկի գործոն։ Ո՞ր դեպքերում է բարիատրիկ վիրահատությունն իսկապես ցուցված, ի՞նչ արդյունքներ կարելի է ակնկալել դրանից, ինչպե՞ս է այն ազդում ուղեկցող հիվանդությունների վրա, ինչո՞ւ է վիրահատությունից հետո կենսակերպի փոփոխությունը վճռորոշ. այս և մի շարք կարևոր հարցերի շուրջ «Արմենպրես»-ի «Հարց բժշկին» փոդքաստի շրջանակում զրուցել ենք Երևանի պետական բժշկական համալսարանի որովայնային վիրաբուժության ամբիոնի վարիչ, «Միքայելյան» համալսարանական հիվանդանոցի վիրաբուժության կլինիկայի ղեկավար, Հայաստանի վիրաբույժների ասոցիացիայի նախագահ Սուրեն Ստեփանյանի հետ:

«EngineerX» հայ-ամերիկյան ընկերության հրավերով՝  ԱՄՆ-ից երկօրյա այցով ժամանած փորձառու ինժեներներ, ավագ խորհրդատուներ Քեն Զերունյանսը և Ռամեշ Լակշմիպատին իրենց փորձն են կիսել Հայաստանի ինժեներների հետ:«Արմենպրես Podcast» նախագծի շրջանակներում «EngineerX»-ի ինժեներական թեմի ղեկավար Էրիկ Կասսաբյանը նշեց, որ ընկերության նպատակը Հայաստանում ինժեներիայի ոլորտն առավելագույնս զարգացնելն  ու արտասահմանյան շուկաները հայ ինժեներների համար ավելի հասանելի դարձնելն է։

Օրեր առաջ հայազգի լեռնագնաց Գևորգ Գասպարյանը բարձրացավ աշխարհի ամենաբարձր լեռան` Էվերեստի գագաթը:«Արմենպրես»-ի Podcast-Sport-ի շրջանակներում Գասպարյանը խոսել է Էվերեստ բարձրանալու, ճանապարհի դժվարությունների, մոտ 60 օր ձգված վերելքի, լեռնագնացների համար բարդություններ առաջացնող խոչընդոտների մասին: 

Հունիսի 14-ին ամբողջ աշխարհում նշվում է Արյան դոնորի համաշխարհային օրը՝ ևս մեկ անգամ ընդգծելով արյան դոնորության կարևորությունն ու դրա անփոխարինելի դերը հազարավոր մարդկանց կյանքերի փրկության գործում։ Թեև այդ օրը տարբեր երկրներում անցկացվում են իրազեկման արշավներ և միջոցառումներ, մասնագետները հիշեցնում են՝ արյան կարիքը միշտ կա և դոնոր դառնալու անհրաժեշտությունը չի սահմանափակվում միայն մեկ օրով։

Մեկնարկում է ֆուտբոլի աշխարհի առաջնությունը, որն առաջին անգամ անցկացվում է երեք երկրում` ԱՄՆ, Մեքսիկա, Կանադա:«Արմենպրես»-ի Podcast-Sport-ում հյուրընկալել ենք Հանրային ռադիոյի երկրորդ ալիքի սպորտային թղթակից Գևորգ Մալաքյանին, որի հետ խոսել ենք հյուրընկալող երկրներից, խմբերի ֆավորիտներից, չեմպիոնության հիմնական հավակնորդների, թիմերի ներուժից:

Հայաստանի ֆուտբոլի առաջնության 2025/26 մրցաշրջանի հաղթողն «Արարատ-Արմենիա»-ն է, որը երկրի չեմպիոնի տիտղոսը հերթական անգամ նվաճեց 6 տարվա ընդմիջումից հետո։«Արմենպրես»-ի Podcast-Sport-ում հյուրընկալել ենք «Արարատ-Արմենիա»-ի մեդիա բաժնի ղեկավար Գևորգ Ղազարյանին, որի հետ խոսել ենք անցած մրցաշրջանից, ակումբի ենթակառուցվածքներից, ակադեմիայի աշխատանքից

Երեխաների պաշտպանության միջազգային օրը կարևոր առիթ է հիշեցնելու, որ երեխաների պաշտպանությունը սկսվում է նրանց առողջ ու անվտանգ մանկությունն ապահովելուց։ Ամառային ամիսներին, երբ երեխաներն ավելի շատ ժամանակ են անցկացնում բացօթյա միջավայրում, մեծանում են արևահարությունների, ջրազրկման, աղիքային վարակների, ալերգիկ ռեակցիաների և տարբեր վնասվածքների ռիսկերը։«Արմենպրես»-ի «Հարց բժշկին» նախագծի շրջանակում «Մուրացան» համալսարանական հիվանդանոցի նորածնային պաթոլոգիայի և վաղ մանկական հասակի մանկաբուժական ծառայության մանկաբույժ-նեոնատոլոգ Գոհար Մարգարյանի հետ զրուցել ենք ծնողներին հուզող կարևոր հարցերի պատասխանների՝ ամառային շրջանում երեխաների առողջության պահպանման մասին։Մասնագետը նշեց, որ ամռանը երեխաների շրջանում ամենահաճախ հանդիպող առողջական խնդիրներից են արևահարությունները, որոնք կարող են ուղեկցվել նաև ջրազրկմամբ: Տարածված են նաև սննդային թունավորումներն ու աղիքային վարակները, ալերգիկ ռեակցիաները, միջատների խայթոցները, ինչպես նաև տարբեր վնասվածքներն ու ջրային հանգստի ընթացքում գրանցվող դժբախտ պատահարները։

Երեխաների հիմնահարցերի ոլորտում պետական քաղաքականության առանցքում երեխայի լավագույն շահն ու ընտանիքում ապրելու իրավունքի ապահովումն է։«Արմենպրես Podcast» նախագծի շրջանակներում այս մասին նշել է ՀՀ աշխատանքի և սոցիալական հարցերի նախարարության երեխաների հիմնահարցերի բաժնի պետ Արևիկ Ստեփանյանը։Նրա խոսքով՝ պետության ամբողջական հոգածության ներքո են գտնվում առանց ծնողական խնամքի մնացած երեխաները, որոնց խնամքն ու դաստիարակությունը կազմակերպվում է շուրջօրյա 4 հիմնական կազմակերպություններում։«Երեխաների հետ տարվող աշխատանքներում առանձնակի շեշտադրում ունի մասնագիտական կողմնորոշման ուղղությամբ աշխատանքների իրականացումը, որովհետև համապատասխան տարիքային շեմը հատելիս՝ արդեն կարևորագույն դեր ունի մասնագիտական կողմնորոշումը, նրանց մասնագիտության ընտրելու հետ կապված հարցերը։ Կազմակերպություններում խնամվող երեխաները ինտենսիվ համայնքային ծառայություններից են օգտվում, ընդգրկված են բազմաբնույթ, արտակենտրոն խմբակներում, արտադպրոցական պարապմունքներում։ Մեզ համար շատ կարևոր է, որպեսզի երեխաները ներառվեն հասարակության մեջ, համայնքային ծառայություններից օգտվեն, ինչը հիմքում մի կարևոր գաղափար ունի՝ հետագայում սահուն անցումն անկախ կյանքի»,- նշել է Ստեփանյանը։

Վերջին տարիներին Հայաստանում էապես ընդլայնվել են հաշմանդամություն ունեցող անձանց համար նախատեսված պետական աջակցության ծրագրերը՝ ինչպես ֆինանսավորման ծավալների, այնպես էլ մատուցվող ծառայությունների շրջանակի առումով։«Արմենպրես Podcast» նախագծի շրջանակներում ՀՀ աշխատանքի և սոցիալական հարցերի նախարարության հաշմանդամություն ունեցող անձանց հիմնահարցերի բաժնի պետ Աննա Հակոբյանը նշեց, որ հաշմանդամություն ունեցող անձանց աջակցության ծրագրերի համար հատկացվող պետական ֆինանսավորման ծավալը 2020 թվականի համեմատ 2025-2026 թվականներին աճել է երեք անգամ։ Ըստ այդմ՝ ավելացել է նաև շահառուների թիվը, ընդլայնվել մատուցվող ծառայությունների շրջանակը։

Հայաստանի ֆուտբոլի առաջնության Առաջին խմբի չեմպիոնն այս մրցաշրջանում իր նորամուտը պրոֆեսիոնալ մակարդակում տոնած «Սարդարապատ» ֆուտբոլային ակումբն է:«Արմենպրես»-ի Podcast-Sport-ում հյուրընկալել ենք «Սարդարապատ» ֆուտբոլային ակումբի գլխավոր տնօրեն Անուշ Անանյանին, որի հետ զրուցել ենք ակումբի առաջին տիտղոսային նվաճման, թիմի ակադեմիայի ներուժի, կանանց ֆուտբոլի զարգացմանն ուղղված քայլերից:

Հայաստանի Հանրապետությունում գենդերային քաղաքականության իրականացման 2025-2028 ռազմավարությամբ սահմանվել է 6 հիմնական գերակայություն՝ միտված գենդերային հավասարության ոլորտում բարեփոխումների իրականացմանն ու առկա խնդիրների հասցեագրմանը։«Արմենպրես Podcast» նախագծի շրջանակներում ՀՀ աշխատանքի և սոցիալական հարցերի նախարարության մարդկանց թրաֆիքինգի և կանանց հիմնահարցերի բաժնի պետ Արմինե Ալավերդյանը մանրամասնեց, որ առաջին ուղղությունը վերաբերում է որոշումների կայացման գործընթացում կանանց առաջխաղացմանը։  Երկրորդ կարևոր առաջնահերթությունն աշխատաշուկայում առկա գենդերային խզվածքի հաղթահարումն է, քանի որ Հայաստանում կանանց զբաղվածության մակարդակը դեռևս զիջում է տղամարդկանց ցուցանիշներին։Ռազմավարության հաջորդ բաղադրիչը կրթության և գիտության ոլորտում գենդերային հավասարության հաստատումն է, մասնավորապես՝ բարձր վարձատրվող ոլորտներում կանանց ներգրավվածության խթանումը։

Հայաստանում տարեցների և հաշմանդամություն ունեցող անձանց խնամքի ծառայությունների պահանջվածության աճին զուգահեռ՝ պետության կողմից ներդրվում և զարգացվում են դրանց համայնքային մոդելներ։«Արմենպրես Podcast»-ի շրջանակներում ՀՀ աշխատանքի և սոցիալական հարցերի նախարարության տարեցների հիմնահարցերի բաժնի պետ Սոնա Բարսեղյանը նշել է, որ ժողովրդագրական ծերացումը դարձել է սոցիալական քաղաքականության կարևորագույն մարտահրավերներից մեկը։ Նրա խոսքով՝ անցած տարի Հայաստանում տարեցների թիվը կազմել է երկրի բնակչության ավելի քան 17 տոկոսը։

Մայիսի 16-ը ժառանգական անգիոայտուցի իրազեկման միջազգային օրն է:  Ժառանգական անգիոայտուցը (HAE/ԺԱ) գենետիկորեն պայմանավորված, շատ հազվադեպ և կյանքին պոտենցիալ սպառնացող հիվանդություն է: Այն առաջացնում է մարմնի տարբեր հատվածների՝ ձեռքերի, ոտքերի, դեմքի, ինչպես նաև կոկորդի և շնչուղիների այտուցներ։ Հիվանդներին հաճախ անհանգստացնում են նաև ուժեղ որովայնային ցավերը, սրտխառնոցն ու փսխումը, որոնք պայմանավորված են աղիների պատերի այտուցով։ Ամենավտանգավոր դրսևորումը կոկորդի այտուցն է, քանի որ այն կարող է հանգեցնել շնչահեղձության և մահվան։Թեմայի շուրջ, պատճառների, բուժման մեթոդների և մի շարք կարևոր հարցերի մասին «Արմենպրես»-ի «Հարց բժշկին» փոդքաստի շրջանակում զրուցել ենք ԵՊԲՀ Կլինիկական իմունոլոգիայի և ալերգոլոգիայի ամբիոնի ասիստենտը և «Հերացի» համալսարանական հիվանդանոցի Ալերգոլոգիայի և իմունոլոգիայի կլինիկայի բժիշկ Մարիամ Մովսիսյանի հետ:Մարիամ Մովսիսյանի խոսքով՝ հիվանդությունը տարբերվում է սովորական ալերգիկ այտուցներից, քանի որ պայմանավորված է գենետիկ մուտացիայով և փոխանցվում է սերնդեսերունդ. «Գենի մուտացիայի հետևանքով օրգանիզմում որոշակի սպիտակուց չի արտադրվում, ինչի պատճառով կուտակվում է բրադիկինին կոչվող նյութը, որն էլ առաջացնում է այտուցները։

Վերջին երկու տարիներին Հայաստանում էականորեն նվազել է աշխատանք փնտրող և գործազուրկի կարգավիճակ ունեցող անձանց թիվը։«Արմենպրես Podcast» նախագծի շրջանակներում Միասնական սոցիալական ծառայության պետի տեղակալ Լիաննա Թովմասյանը, ներկայացնելով զբաղվածության ոլորտում արձանագրված վերջին միտումները, մանրամասնեց, որ 2025 թվականի դեկտեմբերի վերջի տվյալներով Հայաստանում հաշվառված է եղել շուրջ 46,5 հազար աշխատանք փնտրող անձ, որից մոտ 32,9 հազարն ունեցել է գործազուրկի կարգավիճակ։ Նրա խոսքով՝ արդեն ընթացիկ տարվա ապրիլի 1-ի դրությամբ աշխատանք փնտրողների թիվը նվազել է մինչև 36,9 հազար, իսկ գործազուրկներինը՝ մինչև 27,2 հազար։Ըստ Թովմասյանի՝ նվազման միտումը պայմանավորված է աշխատանքի տեղավորման ուղղությամբ իրականացվող ծրագրերով։  

Հայաստանի Հանրապետության սփյուռքի գործերի գլխավոր հանձնակատարի գրասենյակի ավելի քան 6 տարիների գործունեությունն առանձնացել է Հայաստան-սփյուռք հարաբերությունների արդիականացմանը միտված ծրագրերի ու միջոցառումների իրականացմամբ։   «Արմենպրես Podcast» նախագծի շրջանակներում Սփյուռքի գործերի գլխավոր հանձնակատար Զարեհ Սինանյանը, ներկայացնելով գրասենյակի 6.5 տարիների ընթացքում իրականացված ծրագրերն ու արդյունքները, նշեց, որ հայության համար այդ ժամանակահատվածն աչքի է ընկել առանձնահատուկ իրադարձություններով, որոնք իրենց ազդեցություն են ունեցել նաև գրասենյակի գործունեության վրա։   Սինանյանի խոսքով՝ գրասենյակի գործունեության առանցքում եղել է Հայաստան–սփյուռք հարաբերությունների արդիականացումը՝ հիմնված ավելի գործնական,  իրականության վրա, ինչպես նաև  Հայաստանի քաղաքական ու պետական համակարգը սփյուռքի համար առավել թափանցիկ դարձնելը։

Հայաստանի կառավարության կողմից արդեն վեց տարի իրականացվող՝ երեխա ունեցող ընտանիքների բնակապահովման ծրագրի դիմելիության տեմպերն այնքան բարձր են, որ ամեն տարի բյուջեի վերաբաշխման անհրաժեշտություն է առաջանում։Այս մասին «Արմենպրես Podcast» նախագծի շրջանակներում հայտարարեց ՀՀ աշխատանքի և սոցիալական հարցերի նախարարության կառուցվածքային ստորաբաժանումների առանձին գործառույթներ համակարգող խորհրդական Գայանե Ղարագյոզյանը։«Եթե խոսենք 2020 թվականի հուլիսի 1-ից մինչ այս պահն ընդգրկող ցուցանիշներից, ապա արդեն 15 հազար 900 շահառու օգտվել է ծրագրից։ Այս տարիների ընթացքում պետական բյուջեից նրանց արդեն վճարվել է շուրջ 12 միլիարդ դրամ։ Եթե միայն խոսենք 2026 թվականի մասին, ապա արդեն 750 շահառու ստացել է աջակցությունը․ընդհանուր շուրջ 851 միլիոն դրամ է նրանց վճարվել»,-մանրամասնեց Ղարագյոզյանը՝ հավելելով, որ ներկայում շուրջ 400 դիմում էլ գտնվում է ուսումնասիրության փուլում։

Մազաթափությունը լայն տարածում ունեցող խնդիրէ, որը կարող է առաջանալ տարբեր պատճառներով՝սկսած սթրեսից մինչև հորմոնալ խանգարումներ ևգենետիկ գործոններ։ Թեմայի շուրջ, պատճառների, բուժման մեթոդների և ճիշտ խնամքի մասին«Արմենպրես»-ի «Հարց բժշկին» փոդքաստիշրջանակում զրուցել ենք մաշկաբան ԼուսինեՄեժլումյանի հետ։

Քաղաքական մեկնաբան Սագօ Արեանը կարծում է, որ մերձավորարևելյան զարգացումներն ընկալելու համար անհրաժեշտ է խորությամբ գիտակցել, թե ինչ է տեղի ունենում, մասնավորապես, Լիբանանում, որովհետև այդ երկիրն ամբողջ տարածաշրջանի տեղաշարժերի հանգուցակետն է։    «Արմենպրես»-ի  փոդքաստի թողարկման շրջանակում Սագօ Արեանն անդրադարձավ Մերձավոր Արևելքում տեղի ունեցող իրադարձություններին և այդ ամենի համատեքստում վերլուծեց, մասնավորապես, Լիբանանում առկա իրավիճակը։   

Հայաստանում հեռավար աշխատանքի կարգավորումների ներդրումը դրական արձագանք է ստացել ինչպես գործատուների, այնպես էլ աշխատակիցների կողմից՝ դառնալով ոչ միայն ճգնաժամային իրավիճակների համար նախատեսված լուծում, այլ նաև ճկուն և արդյունավետ հնարավորություն։«Արմենպրես Podcast» նախագծի շրջանակում ՀՀ աշխատանքի և սոցիալական հարցերի նախարարի տեղակալ Լուսինե Քոչարյանը նշեց, որ Հայաստանում, մասնավորապես, ֆինանսական ծառայություններ մատուցող և տեղեկատվական տեխնոլոգիաների ոլորտներում կան կազմակերպություններ, որոնք լիովին անցել են հեռավար աշխատանքի ձևաչափին։

Կարմիր քամին մաշկի և ենթամաշկային ճարպաբջջանքի վարակային ծագման սուր հիվանդություն է։ Չնայած այն հանգամանքին, որ ժամանակակից բժշկությունը զգալի առաջընթաց է գրանցել՝ կարմիր քամին շարունակում է մնալ տարածված և երբեմն նաև վտանգավոր։  «Արմենպրես»-ի «Հարց բժշկին» փոդքաստի հերթական թողարկման շրջանակում թեմայի շուրջ  զրուցել ենք  բժիշկ-վարակաբան, վարակաբանության գծով ԱՆ խորհրդատու Արմեն Օհանյանի հետ:

Պետության կողմից 2019-2020 թվականներից սուբսիդիաների փոխարեն սոցիալական պաշտպանության ոլորտում ծառայությունների արտապատվիրակման ներդրումից հետո այդ շրջանակներում իրականացվող ծրագրերը շարունակաբար ընդլայնվում և զարգանում են։«Արմենպրես Podcast» նախագծի շրջանակներում ՀՀ աշխատանքի և սոցիալական հարցերի նախարարի տեղակալ Տաթևիկ Ստեփանյանը, ներկայացնելով ոլորտում իրականացվող քաղաքականությունն ու ծրագրերը, նախ պարզաբանեց, որ Կառավարության սահմանած ընթացակարգով պետական միջոցներով սոցիալական ծառայություններ մատուցող կազմակերպությունները պետք է պարտադիր հավաստագրվեն։Հինգ տարի ժամկետով տրամադրվող հավաստագրման համար սահմանված են մի շարք չափորոշիչներ՝ սկսած տարածքային պայմաններից մինչև մասնագիտական անձնակազմի առկայություն։

Հայաստանի Հանրապետության սփյուռքի գործերի գլխավոր հանձնակատարի գրասենյակի «Սփյուռքի երիտասարդ դեսպան» ծրագրի գործունեության 5 տարիների ընթացքում դրան մասնակցել է 113 երիտասարդ՝ աշխարհի 32 երկրից։«Արմենպրես Podcast» նախագծի շրջանակներում այս մասին տեղեկացրեց «Սփյուռքի երիտասարդ դեսպան» ծրագրի ղեկավար Լիլի Խաչատրյանը՝ հավելելով, որ արդեն մեկնարկել է ծրագրի 6-րդ շրջափուլը, որի շրջանակներում ընթանում է հայտերի ընդունումը։«Մարտի 23-ից արդեն իսկ ընդունում ենք հայտերը, իսկ վերջնաժամկետը մինչև մայիսի 1-ն է։ Արդեն  27 հայտեր են ստացվել աշխարհի 14 երկրից»,-մանրամասնեց Խաչատրյանը։

Առողջապահական առաջնային օղակը և ընտանեկան բժիշկները շարունակում են մնալ առողջապահական համակարգի հիմնասյուներից մեկը, հատկապես, երբ համակարգում ներդրվում են նոր գործիքներ և ընդլայնվում են ծառայությունների հասանելիության հնարավորությունները։ Այս համատեքստում առավել ակնառու է դառնում առաջնային օղակի դերը՝ թե՛ հիվանդությունների կանխարգելման, թե՛ վաղ ախտորոշման և բուժման գործընթացում։«Արմենպրես»-ի «Հարց բժշկին» փոդքաստի շրջանակում «Հերացի» պոլիկլինիկայի բաժնի վարիչ, ընտանեկան բժիշկ Անահիտ Խոցանյանի հետ զրուցել ենք, թե ինչպե՞ս է փոխվել համակարգը, ի՞նչ ծանրաբեռնվածությամբ են աշխատում ընտանեկան բժիշկները և ի՞նչ պետք է իմանան քաղաքացիները իրենց առողջության պահպանման համար։

Հայաստանի աշխատանքի և սոցիալական հարցերի նախարարությունը ոլորտի թվայնացման հագեցած օրակարգ ունի, որի իրականացման արդյունքում կներդրվի քաղաքացիների համար հարմարավետ, ժամանակ ու ռեսուրսներ խնայող էլեկտրոնային ծառայությունների գործիքակազմ։«Արմենպրես Podcast» նախագծում ՀՀ աշխատանքի և սոցիալական հարցերի նախարարի տեղակալ Արաիկ Եսայանը մանրամասնեց, որ թվայնացման գործընթացի շրջանակներում նախատեսվում է 2026-2027 թվականներին կյանքի կոչել մի շարք առանցքային ծառայությունների թվայնացումը՝ միավորելով մեկ հարթակում։«Մեր թվային օրակարգը շատ լեցուն է՝ ինչպես կենսաթոշակների տրամադրման գործառույթների հետ կապված, այնպես էլ երեխաների, հաշմանդամություն ունեցող մեր հայրենակիցների հիմնահարցերն ու բազում տարաբնույթ իրավիճակներում հայտնված մեր քաղաքացիների սոցիալական խնդիրները լուծելու համար։

Հայաստանի կանանց ֆուտբոլի ազգային թիմը նոր գլխավոր մարզիչ ունի:«Արմենպրես»-ի Podcast-Sport-ում հյուրընկալել ենք նորանշանակ գլխավոր մարզիչ Մարիամ Ստեփանյանին, որի հետ խոսել ենք Հայաստանում կանանց ֆուտբոլից, ակումբային ֆուտբոլի մակարդակից, տարբեր տարիքային հավաքականներում աշխատանքի իր փորձառությունից ու հավաքականի ապագայի տեսլականից:

Ապրիլի 2-ը Աուտիզմի իրազեկման միջազգային օրն է: Աուտիզմը, որը հաճախ անվանում են նաև աուտիզմի սպեկտրի խանգարում, պայմանների բազմազան խումբ է, որոնք կապված են ուղեղի զարգացման հետ: Աուտիզմը հիվանդություն չէ, այլ զարգացման առանձնահատկություն՝ դրանից չի կարելի բուժվել, դրանով չի կարելի վարակվել, դրանով չեն «տառապում»:Օրվան ընդառաջ առկա խնդիրների, մարտահրավերների, առաջարկվող լուծումների և մի շարք կարևոր հարցերի շուրջ  «Արմենպրես»-ի «Հարց բժշկին» փոդքաստի շրջանակում զրուցել ենք «Մուրացան» համալսարանական հիվանդանոցի մանկական բժիշկ-նյարդաբան, ԵՊԲՀ գիտաշխատող Թամարա Ավետիսյանի հետ:

Doing Digital Forum-ը վերադառնում է. արդեն չորրորդ տարին անընդմեջ այն համախմբում է  ոլորտի տեղական ու միջազգային առաջատար փորձագետներին, բիզնեսի ներկայացուցիչներին և պետական հատվածի պատասխանատուներին:Այս տարի այն կանցկացվի Երևանում, ապրիլի 8-ին «Միավորելով պլատֆորմներն ու տնտեսությունները» խորագրի ներքո։Doing Digital Forum-ի հիմնադիր և SPRING PR ընկերության համահիմնադիր Տաթևիկ Սիմոնյանն «Արմենպրես»-ի հետ զրույցում ընդգծեց, որ արդեն չորրորդ տարին անընդմեջ նման մասշտաբային միջոցառման կազմակերպումը մեծ պատասխանատվություն է, քանի որ այն դարձել է ոչ միայն Հայաստանի, այլև տարածաշրջանային և միջազգային նշանակության իրադարձություն։ Նրա խոսքով՝ առաջին տարում ֆորումն ավելի շատ ուղղված էր թվային փոխակերպման կարևորության բացատրությանը, իսկ այսօր այն վերածվել է հարթակի, որը ոչ միայն միավորում է մասնակիցներին, այլև ձևավորում է օրակարգ։

Հայաստանի սփյուռքի հանձնակատարի գրասենյակի կողմից դեռևս 2020 թվականից իրականացվող «իԳործ» ծրագիրը հինգ տարվա ընթացքում շուրջ 300 մասնակից է ունեցել, որոնցից ավելի քան 70 տոկոսը հայրենադարձվել է։Այս մասին «Արմենպրես Podcast» նախագծի շրջանակներում նշեց «իԳործ» ծրագրի ղեկավար Աննա Մհերյանը՝ ընդգծելով, որ այս ծրագիրը միակ հնարավորությունն է, որի շնորհիվ սփյուռքահայ մասնագետները կարող են ներգրավվել ՀՀ պետական համակարգում, իրենց ներդրումն ունենալ և ներսից տեսնել այն։«Ծրագրի 7-րդ շրջափուլը կմեկնարկի ընթացիկ տարվա սեպտեմբերին։ Հունվարի  26-ից մինչև մարտի 13-ն իրականացվել է հայտադիմումների ընդունման գործընթացը, որի շրջանակներում ստացել ենք շուրջ  200  հայտ 30 երկրից։ Առաջին փուլը հաղթահարած մասնակիցները կմասնակցեն հարցազրույցի, որից հետո կընտրվեն և սեպտեմբերի 1-ից արդեն կանցնեն աշխատանքի Հայաստանի պետական համակարգում»,-տեղեկացրեց Մհերյանը։

Հայաստանը 2026 թվականի մարտին պատմության մեջ առաջին անգամ հյուրընկալեց գնդակային հրաձգության Եվրոպայի առաջնությունը:«Արմենպրես»-ի Podcast-Sport-ում հյուրընկալել ենք Հայաստանի հրաձգության հավաքականի անդամ, Եվրոպայի քառակի չեմպիոն, աշխարհի առաջնության բազմակի մրցանակակիր Լիլիթ Մկրտչյանն, որի հետ խոսել ենք Երևանում կայացած մրցաշարի միջազգային արձագանքներից, հայ մարզիկների մրցունակությունից, Մկրտչյանի 4-րդ չեմպիոնությունից, շարժվող թիրախ մրցաձևում հայ մարզիկների ներուժից:

Հայաստանի ֆուտբոլի ազգային թիմը սեպտեմբերից կսկսի պայքարն Ազգերի լիգայում:Podcast-Sport-ում հյուրընկալել ենք Հանրային հեռուստաընկերության մարզական մեկնաբան Արմեն Գարամյանին, որի հետ խոսել ենք Ազգերի լիգայում հավաքականի մրցակիցներից, Եղիշե Մելիքյանի՝ սերնդափոխություն ապրող թիմից, առաջին անգամ թիմ հրավիրված Ֆինն Գերագոսյանից, հավաքականից հեռացած Տիգրան Բարսեղյանից:

Ինչպե՞ս տարբերել սովորական գլխացավը միգրենից, ինչո՞վ են պայմանավորված գլխացավերը և ե՞րբ է անհրաժեշտ դիմել մասնագետի։Այս և այլ հարցերի շուրջ «Արմենպրես»-ի «Հարց բժշկին» փոդքաստի հերթական թողարկման շրջանակում զրուցել ենք «Սուրբ Գրիգոր Լուսավորիչ» բժշկական կենտրոնի ընդհանուր և անոթային նյարդաբանության բաժանմունքի ղեկավար Խաչիկ Պետրոսյանի հետ։Բժիշկ Պետրոսյանի խոսքով՝ գլխացավը նյարդաբանի մոտ դիմելու ամենահաճախ հանդիպող գանգատներից մեկն է։ Այն կարող է լինել ինչպես տարբեր հիվանդությունների ախտանիշ, այնպես էլ հանդես գալ որպես ինքնուրույն հիվանդություն։ Նա նշեց, որ գլխացավերը հիմնականում բաժանվում են երկու մեծ խմբի՝ առաջնային և երկրորդային։

Հայաստանում արդյունաբերության ոլորտի շարժիչ ուժն արդեն մշակող արդյունաբերությունն է, երկիրն ավելացրել է վերջնական արտադրանքի արտահանումը, օրինակ՝ ԵՄ երկրներ տեքստիլի արտահանումն ավելացել է մոտ 17 տոկոսով:«Արմենպրես»-ի փոդքասթի տաղավարում այս մասին ասաց Էկոնոմիկայի նախարարի տեղակալ Էդգար Զաքարյանը՝ ներկայացնելով արդյունաբերության ոլորտում նկատվող միտումները: Արդյունաբերությունն այս տարվա առաջին ամսում աճել է 10.6 տոկոսով: Փոխնախարարը լավ ցուցանիշ համարեց 2026 թվականն արդյունաբերության՝ 10 տոկոսից ավելի աճով սկսելը:

Հայաստանից 2025-ին արտահանվել է 1320 տոննա ծաղիկ՝ 2024-ի 566 տոննայի համեմատ, ծաղկի արտադրության ուղղությունը ինտենսիվ կերպով զարգանում և մեծ կշիռ է կազմում երկրից արտահանման ծավալներում: Այս տարի նաև ակնկալվում է հացահատիկի ավելի շատ բերք՝ 2025-ի աշնանը աշնանացան ցորենի ավել ցանքով պայմանավորված:«Արմենպրես»-ի փոդքասթի տաղավարում այս մասին ասաց ՀՀ էկոնոմիկայի նախարարի տեղակալ Արման Խոջոյանը՝ անդրադառնալով գյուղատնտեսության ոլորտում արձանագրված արդյունքներին, պետական աջակցության ծրագրերին ու անելիքներին:

Միզարձակման խանգարումները՝ հաճախամիզությունը, ցավը կամ անմիզապահությունը, հիմնականում պայմանավորված են միզուղիների ինֆեկցիաներով կամ գերակտիվ միզապարկով։ Դրանք կարող են արտահայտվել ցավոտ, անհետաձգելի կամ հաճախակի միզումով և հաճախ պահանջում են մասնագիտական խորհրդատվություն՝ ճիշտ ախտորոշման և բուժման համար։«Արմենպրես»-ի «Հարց բժշկին» հերթական թողարկման շրջանակում«Հերացի» հիվանդանոցային համալիրի գլխավոր բժշկի բուժական գծով տեղակալ, Ուրոլոգիայի և անդրոլոգիայի կլինիկայի ղեկավար Մհեր Ջավախյանի հետ զրուցել ենք միզարձակման խանգարումների, ախտանշանների կանխարգելիչ զննման և ժամանակին դիմելու կարևորության մասին:Մասնագետի խոսքով՝ միզարձակման խանգարումները հանդիպում են ինչպես տղամարդկանց, այնպես էլ կանանց մոտ, սակայն առավել հաճախ նկատվում են 50 տարեկանից բարձր տղամարդկանց շրջանում։ Նրա տվյալներով՝ այդ տարիքային խմբում տղամարդկանց մոտ մոտավորապես 50 տոկոսը բախվում է նման խնդիրների, իսկ կանանց մոտ ցուցանիշը հասնում է մոտ 40 տոկոսի։

Հատուկ սփյուռքահայ երեխաներին հայերեն ուսուցանելու և Հայաստանի վերաբերյալ գիտելիքներ հաղորդելու միջոցով նրանց մեջ հայրենիքի նկատմամբ սեր արթնացնելու նպատակով ստեղծված M.A.M հայկական օնլայն դպրոցը տոնում է իր գործունեության 5-ամյակը։«Արմենպրես»-ի հետ զրույցում M.A.M հայկական օնլայն դպրոցի համահիմնադիր Մարինա Ղազարյանը պատմեց, որ սփյուռքի համար հայկական առցանց կրթական հարթակի ստեղծման գաղափարը ծագել է 2020 թվականից հետո, երբ որոշակի ուսումնասիրության արդյունքում պարզվեց, որ սփյուռքում հայերեն սովորելու ցանկություն ունեցողների համար չկա այնպիսի հարթակ, որն իր հստակ մոտեցմամբ, ծրագրերով, մեթոդիկայով համապատասխանեցրած կլիներ հատուկ այդ նպատակին։

Հայաստանում 2026 թվականից պարտապանը կարող է արգելադրված գույքը, օրինակ՝ բնակարանը, մինչև հարկադիր էլեկտրոնային աճուրդը վաճառել կամ տալ վարձակալության:  Սահմանվել են նաև էլեկտրոնային աճուրդը վիճարկելու հիմքերը, փոխվել է կատարողական ծախսի հատուցման չափը: Նոր օրենքի կարմիր թելն է՝ հարկադրանքը պետք է լինի ծայրահեղ միջոց, բարեխիղճ ու կարգապահ քաղաքացին չպետք է տուժի:  «Արմենպրես»-ի փոդքասթի տաղավարում «Կատարողական վարույթի մասին» նոր օրենքով սահմանված փոփոխություններն է ներկայացրել իրավաբանական գիտությունների թեկնածու, դոցենտ, «Կատարողական վարույթի մասին» օրենքի համահեղինակ Տիգրան Մարկոսյանը:Նախկինում արգելանքի առկայությունը ենթադրում էր տնօրինման բացարձակ սահմանափակում, այսինքն՝ պարտապանը, որի  գույքի վրա արգելանք էր կիրառվել, այդ առնչությամբ որևէ հնարավորություն չուներ:  

Կառավարությունը, պետական գնումների գործընթացում բարձրաստիճան պաշտոնյաների հետ փոխկապակցված ընկերությունների մասնակցությունը սահմանափակելով, նպատակ ունի գնումների գործընթացը դարձնել ռիսկերից զերծ ու առավել ճկուն: Ինչ վերաբերում է պետական պարտքին, ապա այն կաճի տնտեսությանն ու պետական պարտքի սպասարկման կարողություններին համահունչ, իսկ պարտքով վերցրած միջոցներն ուղղվում են ապագայի մեջ ներդրումների իրականացմանը:«Արմենպրես»-ի փոդքասթի տաղավարում ՀՀ ֆինանսների նախարարի տեղակալ Ավագ Ավանեսյանն անդրադարձել է պետական գնումների ոլորտին ու պետական պարտքին:  Պետական գնումների ոլորտում արձանագրած խնդիրները, առաջարկվող նոր օրենքի նախագիծըՆերկայացված նոր օրենքի նախագծով բարձրաստիճան պաշտոնյաների հետ փոխկապակցված ընկերությունները չեն կարողանալու մասնակցել պետական գնումներին, լինելու են սահմանափակումներ:

Հղիությունը կնոջ կյանքի ամենալուսավոր շրջանն է, սակայն, երբ այն համընկնում է քաղցկեղի ախտորոշման հետ, սկսվում է բարդ ու պատասխանատու պայքար։ Քաղցկեղը հղիության ընթացքում դեռևս շատերի համար հնչում է որպես անհամատեղելի իրականություն։ Սակայն արդի բժշկությունը փոխել է մոտեցումները։«Արմենպրես»-ի «Հարց բժշկին» հերթական թողարկման շրջանակում Էրեբունի բժշկական կենտրոնի ծննդատան փոխտնօրեն, գինեկոլոգ Նորայր Ղուկասյանի հետ զրույցում փորձել ենք պարզել՝ արդյոք հղիությունն ու քաղցկեղը համատեղելի են, ի՞նչ ռիսկեր կան պտղի համար, ի՞նչ է փոխվել վերջին տարիներին, ե՞րբ է թույլատրելի քիմիոթերապիան և ինչո՞ւ է տարբեր մասնագետներից կազմված թիմի աշխատանքը վճռորոշ։

Հայաստանի ֆուտբոլի առաջին խմբի առաջնության մրցաշարային աղյուսակի  առաջատարն առաջնության առաջին հատվածի արդյունքներով Արմավիր քաղաքի «Սարդարապատ» թիմն է:«Արմենպրես»-ի Podcast-Sport-ում հյուրընկալել ենք «Սարդարապատ» ֆուտբոլային ակումբի սպորտային տնօրեն Ժիրայր Մարտիրոսյանին:  «Մրցաշրջանի առաջին հատվածը թեժ ստացվեց մեզ համար, քանի որ մենք բավականին ուշ սկսեցինք նախապատրաստվել մրցաշրջանի մեկնարկին: Մեզ համար մրցաշրջանի մեկնարկային ամիսները բավականին հաջող էին, սակայն նույն դրական նոտայով չավարտեցինք առաջին հատվածը»,-ասաց նա:

Հունվարի վերջին Հայաստանի Հանրապետության կառավարությունն ընդունեց Գիտության զարգացման 2026-2030 թվականների ռազմավարական ծրագիրը, որը դառնալու է առաջիկա հնգամյակում ոլորտի զարգացման ուղենիշը: Ընդգրկուն այս փաստաթղթում ներկայացված են տարբեր դրույթներ և գործողություններ, որոնց իրականացումը պետք է որակապես նոր մակարդակի հասցնի հայկական գիտությունը:«Արմենպրես»-ին տված հարցազրույցում ծրագրի հիմնական կետերին և հետաքրքիր այլ մանրամասների է անդրադարձել ՀՀ կրթության, գիտության, մշակույթի և սպորտի նախարար Ժաննա Անդրեասյանը: 

«ԱՊԱԳԱ» բարեգործական հիմնադրամի «Կրթությունից աշխատանք՝ մեկ քայլ» ծրագիրը մինչ օրս աջակցել է ավելի քան 100 ուսանողի՝ նրանց ապահովելով մասնագիտական պրակտիկայով, ուսման վարձի մասնակի փոխհատուցմամբ և աշխատանքի տեղավորման հնարավորությամբ։ Այս տարի հիմնադրամը պատրաստվում է աջակցել ևս 100 ուսանողի։ «Արմենպրես»-ի հետ զրույցում «ԱՊԱԳԱ» բարեգործական հիմնադրամի գործադիր տնօրեն Ռոզա Սոլոմոնյանն ընդգծեց, որ կառույցի առաքելությունը մեկանգամյա աջակցությունը չէ, այլ երկարաժամկետ և կայուն զարգացումը։Նրա խոսքով՝ հիմնադրամը նպատակ ունի մարդկանց տալ գործիքներ՝ սեփական ապագան կառուցելու համար՝ ձևավորելով ինքնաբավ հասարակություն և ամուր պետություն։ «Մեր ծրագրերը միտված են ոչ թե կարճաժամկետ օգնությանը, այլ կայունության ապահովմանը։ Մենք ցանկանում ենք, որ երիտասարդներն ունենան ապագայի տեսլական և զարգացման հստակ ճանապարհ»,-նշեց Սոլոմոնյանը։

Բոտուլինատոքսինը հաճախ ընկալվում է երկակի՝ որպես վտանգավոր թույն և միաժամանակ բարձր արդյունավետ բժշկական գործիք։ Մասնագիտական դաշտում, սակայն, այն վաղուց արդեն դիտարկվում  է որպես հստակ չափաբաժնով և վերահսկելի պայմաններում կիրառվող միջոց, որը կարող է ծառայել ինչպես բուժական, այնպես էլ էսթետիկ նպատակների։    «Արմենպրես»-ի «Հարց բժշկին» փոդքաստի շրջանակում «Հերացի» հիվանդանոցային համալիրի Դիմածնոտային վիրաբուժության և ԼՕՌ կլինիկայի ղեկավար, ԵՊԲՀ վիրաբուժական ստոմատոլոգիայի և դիմածնոտային վիրաբուժության ամբիոնի պրոֆեսոր Աննա Պողոսյանը ներկայացնում է, որ արդեն անվանումից պարզ է՝ խոսքը տոքսինի մասին է։ Այն ստացվում է թույնից, սակայն ժամանակակից բժշկությունը և դեղարտադրական ինդուստրիան նյութը մշակել ու ձևափոխել են այնպես, որ այսօր այն կիրառվում է անվտանգ և վերահսկելի պայմաններում։Մասնագետի խոսքով՝ այն ազդում է նյարդամկանային հաղորդման վրա՝ արգելափակելով նյարդից մկան ազդակի փոխանցումը։ Արդյունքում մկանը ժամանակավորապես թուլանում է։ Այս ազդեցությունն էլ հիմք է հանդիսանում ինչպես բուժական, այնպես էլ էսթետիկ կիրառությունների համար։«Բոտուլինատոքսինի կիրառությունը լայն է։ Այն օգտագործվում է ինչպես բուժական, այնպես էլ էսթետիկ նպատակներով։ Բուժական կիրառությունները ընդգրկում են ԼՕՌ մասնագիտությունը, նյարդաբանությունը, դիմածնոտային վիրաբուժությունը և ստոմատոլոգիան։ Գլխի և պարանոցի շրջանում այն կիրառվում է տարբեր խնդիրների դեպքում, ինչպես նաև քրտնարտադրության խանգարումների բուժման համար»,- նշեց մասնագետը:Ըստ նրա՝ բոտուլինատոքսինն օգտագործվում է դեմքի ասիմետրիայի շտկման համար, մասնավորապես դիմային նյարդի կաթվածից հետո, ինչպես նաև հիպերսալիվացիայի դեպքում՝ թքարտադրությունը նվազեցնելու նպատակով։ Ծամիչ մկանների հիպերտրոֆիայի և բրուքսիզմի դեպքում ևս այն կարող է արդյունավետ լինել՝ թուլացնելով գերբեռնված մկանները և կանխելով ատամների վնասումը։«ԼՕՌ ոլորտում բոտուլինատոքսինը կիրառվում է տարբեր սպազմների և դիստոնիաների՝ մկանների անկառավարելի կծկումների բուժման նպատակով, իսկ նյարդաբանության մեջ այն լայնորեն օգտագործվում է միգրենի բուժման մեջ՝ որպես քրոնիկ ցավային համախտանիշների վերահսկման միջոց»,- ընդգծեց բժիշկը:Նա նշեց, որ որոշ դեպքերում բոտուլինատոքսինը կարող է դիտարկվել որպես վիրահատության այլընտրանք, սակայն դրա ազդեցությունը ժամանակավոր է՝ միջինում 3-6 ամիս։ Հետևաբար պացիենտը պետք է գիտակցված ընտրություն կատարի՝ նախընտրելով պարբերական, քիչ ինվազիվ միջամտություն կամ մեկանգամյա վիրահատական լուծում։ Մասնագետը նշեց նաև, որ նշված ժամկետներից հետո բոտուլինատոքսինը լիովին դուրս է գալիս մարդու օրգանիզմից:«Էսթետիկ կիրառության դեպքում արդյունքը մեծապես կախված է մասնագետի հմտությունից։ Սխալ դոզավորման կամ ոչ ճիշտ կետերում ներարկման դեպքում հնարավոր է դեմքի ասիմետրիա, կոպերի կամ բերանի անկյունների կախվածություն։ Բուժական միջամտությունների դեպքում ոչ ճիշտ կիրառումը կարող է հանգեցնել մկանային անցանկալի թուլացման»,- ասաց մասնագետը:Բժշկի խոսքով՝ տարիքային հստակ սահմանափակում չկա, սակայն ցանկալի չէ միջամտությունները սկսել շատ վաղ տարիքում։ Կախվածություն դասական իմաստով չի առաջանում, թեև հնարավոր է, որ օրգանիզմը ժամանակի ընթացքում նվազ արձագանքի նյութին, իսկ պացիենտը պարզապես ընտելանա իր նոր արտաքինին։«Մինչ միջամտությանը դիմելը կարևոր է ընտրել համապատասխան մասնագետի։ Ճիշտ բժիշկի ընտրությունը նվազեցնում է բարդությունների ռիսկը և ապահովում կանխատեսելի արդյունք»,- ասաց Պողոսյանը:Թեմայի շուրջ մի շարք  այլ հարցերի պատասխանները ստանալու համար առաջարկում ենք լսել փոդքասթը:  Լսեք նաև այլ թեմաներով podcast-ները: 

Օրեր անց կմեկնարկի Հայաստանի ֆուտբոլի առաջնության մրցաշրջանի երկրորդ հատվածը:«Արմենպրես»-ի Podcast-Sport-ում ֆուտբոլային մեկնաբան Արման Աբելյանի հետ խոսել ենք առաջնությանը մասնակցող թիմերի, նրանց ներուժի, մրցաշրջանի երկրորդ հատվածում չեմպիոնության մրցավազքի մասին:

Եվրոպայի խորհրդի «Մարդու իրավունքների և կենսաբժշկության մասին» կոնվենցիան, որն առավել հայտնի է որպես Օվիեդոյի կոնվենցիա, առողջապահության ոլորտում մարդու իրավունքների պաշտպանության միակ իրավաբանորեն պարտադիր ուժ ունեցող միջազգային փաստաթուղթն է։ Այն ամրագրում է պացիենտի իրազեկված համաձայնության, մասնավոր կյանքի անձեռնմխելիության, բժշկական գաղտնիքի և մարդու գերակայության սկզբունքները։«Արմենպրես»-ի «Հարց բժշկին» փոդքաստի շրջանակում Եվրոպայի խորհրդի ծրագրի ղեկավար Մերի Կատվալյանն ընդգծեց՝ այն առաջին և մինչ օրս միակ միջազգային փաստաթուղթն է, որը սահմանում է կիրառելի օրենսդրական շրջանակ ինչպես ամենօրյա բժշկական պրակտիկայի, այնպես էլ առողջապահության ոլորտում նոր տեխնոլոգիաների կիրառման պայմաններում մարդու իրավունքների պաշտպանության համար։

Հայաստանում եկամուտների հայտարարագրման համակարգի շրջանակում չհարկվող և հայտարարագրման ոչ ենթակա միանվագ գործարքների շեմը 300 հազար դրամից կարող է բարձրացվել: Ինչ վերաբերում է շրջանառության հարկի դրույքաչափերի բարձրացմանը, ապա ֆինանսների նախարարության վստահեցմամբ՝ շատ տնտեսավարողների համար հարկային բեռը ոչ միայն չի բարձրացել, այլ նաև նվազել է՝ ծախսերը փաստաթղթավորելու արդյունքում: «Արմենպրես»-ի փոդքասթի տաղավարում այս մասին հայտնեց ֆինանսների նախարարի տեղակալ Արման Պողոսյանը՝ անդրադառնալով նաև հարկային քաղաքականությանը, շրջանառության հարկի դրույքաչափերի բարձրացման արդյունքում արձանագրած արդյունքներին ու սպասվող նորություններին:

Երևանը փետրվարի 27-ից մարտի 5-ը պատմության մեջ առաջին անգամ կընդունի հրաձգության Եվրոպայի մեծահասակների առաջնությունը:«Արմենպրես»-ի Podcast-Sport-ում հյուրընկալել ենք Հայաստանի հրաձգության ֆեդերացիայի գլխավոր քարտուղար Արեգ Սարիբեկյանին, որի հետ խոսել ենք այդ պատմական իրադարձության նախապատրաստական աշխատանքներից, հավաքականի հնարավորություններից: