Besta sætið

Það var við hæfi að opna þáttinn á slagara með Sálinni, Stebbi Hilmars sextugur og gír í mönnum. Nóg að ræða í dag. Er rígurinn milli Blika og Víkinga dauður? Víkingar, í hægagangi völtuðu yfir Blikana í gær og liðin mætast aftur á sunnudaginn. Línur eru teknar að skýrast á HM og styttist í útsláttarkeppnina. Umferðin framundan í Bestu deildinni, Formúla 1, glæný tíðindi af landsliðsmanni Íslands og ég veit ekki hvað og hvað. Skylduhlustun

Besta sætið mætir alltaf funheitt aftur. Sumarfílingur í hópnum og nóg að ræða. Toppbaráttan í Bestu deild kvenna í fótbolta veldur ekki vandræðum. Það voru vendingar fyrir stutt hlé í deildinni sem farið verður yfir. Þá eru leikar teknir að æsast á HM í fótbolta. 

Víkingar virðast óstöðvandi í Bestu deild karla og KR-ingar þurfa að vinna Skagamenn í kvöld til að halda lífi í titilbaráttunni. FH, Þór, KA og Stjarnan eru hins vegar í ansi slæmum málum. Martin Hermannsson er Þýskalandsmeistari eftir ótrúlega endurkomu og Hollendingar fljúgandi á HM.

Í Besta sætinu var farið yfir frumraun Íslendings á Opna bandaríska mótinu í golfi karla, HM í fótbolta og komandi umferð í Bestu deild karla. Freyr Alexandersson er orðinn nýr þjálfari Rosenborgar og strákarnir okkar í íslenska handboltalandsliðinu fá stuðning í Þýskalandi.

Stór dagur í íþróttasögu Íslendinga í dag. Gunnlaugur Árni Sveinsson hefur þátttöku á U.S. Open risamótinu í golfi í kvöld, fyrstur Íslendinga. Við förum yfir það sem og HM í fótbolta þar sem að England mætir af fídómskrafti til leiks. Stelpurnar okkar eru með gullið tækifæri á að tryggja sér sæti á HM í fótbolta í BRASILÍU á næsta ári og spennan er mikil í Mjólkurbikar kvenna. Átta liða úrslitunum lýkur í kvöld.

Það er risakvöld í Bestu deildinni þar sem KR-ingar heimsækja Víkinga í einkar veglegri útsendingu þar sem Nablinn verður á svæðinu og drónamyndavél fangar stemninguna á uppseldum toppslag. HM í fótbolta, Gunnlaugur Árni á Opna bandaríska, og gleðifréttir Garðbæinga voru einnig til umræðu í Besta sætinu.

„Loksins, loksins“ hrópuðu margir íþróttaáhugamenn í dag og Besta sætið þar með talið.   Teikningar fyrir nýja Þjóðarhöll hafa verið opinberaðar en athygli vekur að hvergi eru verklok áætluð. Hvenær verður þessi nýja höll eiginlega tilbúin? Margt fleira var rætt í þætti dagsins af Besta sætinu. HM er í fullum gangi og fyrsti þjálfarinn til að verða rekinn kemur frá Túnis. Fyrsti þjálfarinn til að verða rekinn úr Bestu deildinni er Jökull Elísabetarson en mun Sigurður Höskuldsson fylgja honum fljótt eftir? Svo er spurning hvort það sé snilld eða alveg glatað að sjá tvö Lengjudeildarlið í undanúrslitum Mjólkurbikarsins. Menn gátu ekki sammælst um það.

HM hófst í gær og við ætlum bara að hafa gaman að því, allavega meira gaman en sjónvarpsmenn Suður-Afríku. Lélegasti framherji mótsins er strax fundinn og Suður-Kóreuprinsinn kom sem kallaður.   HM var ekki það eina sem rætt var í þætti dagsins af Besta sætinu. Stærsti hnefaleikaviðburður ársins er fram undan í kvöld. Um helgina er heill haugur af viðburðum, heil umferð í Bestu deild kvenna og margt, margt fleira.   Pólitík fékk hins vegar ekkert pláss.

Stóri HM-dagurinn er í dag. Mótið hefst í kvöld. Stjarnan sleppti sínu eina haldreypi og New York Knicks unnu heimskasta körfuboltalið sögunnar.

Landsliðin okkar spiluðu bæði við heimsmeistara í gær og máttu sín lítils. Frammistaða stelpnanna okkar olli vonbrigðum. Strákarnir gerðu nákvæmlega sömu mistök og síðasta leik.

Ísland gegn heimsmeisturum er þema kvöldsins en Gunnlaugur Árni Sveinsson átti sviðið í gær. Sá drengur er á leið á US Open. Magnað afrek. Svo er það úrslitaeinvígi NBA og engin Ungverjagrýla á HM í handbolta. Takk.

Hjartaáfall Christian Eriksen, landsliðin okkar að mæta heimsmeisturum og stórmannlegir Víkingar framlengja við Ingvar er helst í brennidepli í þætti dagsins.

Það er frábær föstudagur í Besta sætinu. Landsliðskona snýr heim, stelpurnar okkar eiga stóran leik, Knicksari rífur kjaft um fótbolta og vera má að Ögmundur Kristinsson semji við Víking í dag. Þá eru æfingaleikir um helgina þar sem Cole Palmer-laust Englandslið hitar upp fyrir HM. Palmer er andlit Nike fyrir mót sem hann tekur ekki þátt í. Svo er spurning hvort Arnar Gunnlaugsson hafi náð að lækka forgjöfina í golfi í Japan en hann er mættur með A-landsliði karla til Bandaríkjanna þar sem fram undan er leikur við heimsmeistara Argentínu.

Þrátt fyrir að komið sé hásumar er nóg að frétta úr heimi íþróttanna. Stór tíðindi að berast af kvennaliði Hauka sem er að fá sína bestu dóttur aftur heim, Sara Björk Gunnarsdóttir ein sú besta í sögu Íslands frá upphafi að stimpla sig inn í íslenska boltann. Ögmundur Kristinsson á leið í Víkina, Kane laus úr fangelsi og ég veit ekki hvað og hvað. Alvöru yfirferð í Besta sætinu í dag. 

Misgóðar klippingar, nýr stjóri Liverpool og úrslitaeinvígi NBA eru á meðal umfjöllunarefna í Besta sætinu í dag.

Freyr Alexandersson lærði ekki af mistökum annarra íslenskra þjálfara og hefur verið látinn fara frá Brann. Hvað verður um Alfreð Finnbogason hjá Rosenborg?   Einhvern veginn tókst Noregi að taka yfir þátt dagsins í Besta sætinu. Stórliðin þar í landi, með Íslendinga í brennidepli, hafa tekið risaákvarðanir síðastliðinn sólarhring. Svo sendu Norðmenn frá sér alvöru yfirlýsingu með sigrinum gegn Svíum í gær. Þetta og margt fleira var rætt í þætti dagsins í Besta sætinu.

Besta deild karla, stjóraskipti Liverpool, Lengjudeildin, blóðbaðið hjá Kolla box og fleira til í þætti dagsins.

Það er risa helgi fram undan í boltanum hér heima og úti. Heil umferð fer fram í bæði Bestu deild karla og kvenna. Úrslit eru í Meistaradeild Evrópu og landsleikur í Japan. Þá skrifaði Óskar Hrafn Þorvaldsson undir nýjan samning í Vesturbæ og gjaldkeri liðsins hlær alla leið í bankann.

Aron Pálmarsson er orðinn aðalþjálfari FH og er rennt ítarlega yfir þessi merkilegu tíðindi í Besta sætinu í dag. Svo er staðan í hinni skemmtilegu Lengjudeild karla krufin aðeins.

Besta deild karla er að spilast á áhugaverðan hátt en fátt virðist geta stöðvað Víkinga. Stjarnan veldur vonbrigðum og KR er með alvöru hreðjatak á Valsmönnum. Lengjudeildin er jöfn og spennandi og svo er mikið slúðrað í körfunni.

Arsenal Englandsmeistari en hvað gerist næst? Aron Pálmarsson á leið í þjálfarabransann og hver er framtíð Steraleikanna? Lifir Jökull af annað tap og mun Valur valta yfir KR í kvöld?

Það var af nægu að taka á þessum glimrandi fína föstudegi þar sem tíðindi hrönnuðust inn. Pep Guardiola, Michael Carrick, Alfreð Gíslason og Haukur Þrastarson meðal annars til umræðu, sem og lokaumferð ensku úrvalsdeildarinnar. Þá eru fimm leikir á dagskrá í Bestu deild karla í kvöld.

Landsliðshópur, óvænt skipti landsliðsmanns, Besta deildin og Evrópu-Emery er meðal þess sem er til umræðu í Besta sætinu þennan fimmtudaginn.

Í Besta sætinu í dag verður farið yfir stóru tíðindi gærkvöldsins þegar að Arsenal varð Englandsmeistari í fyrsta sinn í tuttugu og tvö ár eftir að Manchester City skrikaði fótur. Baráttan er hörð í deildinni neðar í töflunni fyrir lokaumferð helgarinnar.

Ingibergur Þór Jónasson hefur verið formaður körfuknattleiksdeildar Grindavíkur í gegnum ólgusjó undanfarin ár. Eldsumbrot, rýming og hætta á niðurlagningu körfuboltaliðs Grindavíkur hafa verið meðal áskorana. Liðið varð Íslandsmeistari eftir hafa verið nærri titli undanfarin ár og gleðin ósvikin. Hann ræddi undanfara titilsins við Val Pál Eiríksson í Besta sætinu.

Jeremy Pargo vann Íslandsmeistaratitilinn í körfubolta fyrir Grindavík með ótrúlegri körfuboltasýningu sem seint mun gleymast. Baldur Ragnarsson fór frá Stjörnunni yfir á Álftanes og svo er dramatískt kvöld fram undan í enska boltanum.

Grindavík fær annað tækifæri til þess að tryggja sér Íslandsmeistaratitilinn í körfubolta karla í kvöld. Það verður heitt og það verða læti. Arsenal getur að sama skapi sett marga fingur á Englandsbikarinn með sigri á Burnley í kvöld. Svo var Besta deild karla á fullu í gær og margt að gerast.

Grindavík getur tryggt sér Íslandsmeistaratitilinn með sigri gegn Tindastóli í kvöld og Besta sætið býst við miklum látum.   Forkólfar FIBA Europa fá að kynnast því besta, og mögulega því versta, sem íslenskur körfubolti hefur upp á að bjóða í kvöld. Mun Grindavík gera það sem Njarðvíkingum mistókst í gærkvöldi, tryggja titilinn? FA bikarinn fer svo á loft á morgun. Einhvern veginn, eins og alltaf, er Chelsea í séns en Manchester City verður að teljast sigurstranglegri eftir að hafa hvílt allar helstu stórskytturnar. Spennan magnast í enska boltanum og heil umferð fer fram í Bestu deild karla. Að ógleymdu PGA meistaramótinu, þar sem Rory McIlroy hefur látið kosta Nike margar milljónir dollara.

DeAndre Kane gaf Stólunum puttann á Króknum og allt er brjálað. Strákarnir okkar unnu í Egyptalandi og Arnar Gunnlaugs valdi Ögmund Kristins í landsliðið. Hann reyndar valdi tvo hópa í dag. 

Rúnar Ingi Erlingsson á ekki von á góðu í ferðalagi dagsins á Krókinn enda stendur til að kveikja í einni af hans frægu tréslaufum. Einnig er rennt yfir handbolta kvöldsins en Valur getur orðið Íslandsmeistari. Njarðvík er í toppstöðu í úrslitaeinvígi Bónus deildar kvenna og Tottenham er enn í kröppum dansi í enska boltanum.

VAR-dómurinn í leik West Ham og Arsenal er á vörum allra í dag. Það verður líklega eitthvað rifist um hann næstu vikurnar. Bakgarðshlaupið ótrúlega fór fram um helgina. Það var ýmislegt áhugavert á ársþingi HSÍ og Baldur Þór Ragnarsson hætti með Stjörnuna í miðjum þætti. BOMBA! Annar leikurinn í úrslitum Bónus kvenna fer fram í kvöld og þá er einnig spilað í Bestu deild kvenna. Svo er mikið undir hjá Tottenham í enska boltanum.

Valsmenn tryggðu sér Íslandsmeistaratitilinn í handbolta karla í gær og þeir voru enn að fagna er íþróttadeild Sýnar heimsótti þá í dag. Úrslitin í Bónus kvenna hefjast í kvöld og þá fara líka fram fimm leikir í Bestu deild karla. Við hitum vel upp fyrir þá alla.

Tveir oddaleikir í körfu karla og Tindastóll og Grindavík komust í úrslit. PSG mun spila í úrslitum Meistaradeildarinnar gegn Arsenal eftir hörkuleik gegn Bayern. Mikið líf í Bestu deild kvenna þar sem sjálfboðaliði á Akureyri stal senunni með galinni hegðun. Svo er barist til þrautar um Íslandsmeistaratitilinn í handbolta karla í kvöld.

Besti íþróttadagur ársins er runninn upp. Tveir oddaleikir í Bónus deild karla og seinni undanúrslitaleikur Bayern og PSG í Meistaradeildinni. Ótrúleg veisla. Einnig rætt um leiki kvöldsins í Bestu deild kvenna og vanvirðingu við úrslitaeinvígi Olís deildar kvenna.

Besta íþróttavika ársins er í fullum gangi. Það verða fjórir oddaleikir í íslenskum íþróttum næstu þrjá dagana og undanúrslit í Meistaradeildinni klárast einnig á morgun. Man. City er svo að kasta frá sér Englandsmeistaratitlinum.

Stuðningsmenn Vals standa frammi fyrir erfiðri ákvörðun í kvöld. KR-ingar óstöðvandi í Bestu karla en brekka hjá Stjörnunni. Oddaleikur í Skagafirði í körfunni og svo er Man. Utd aftur komið í Meistaradeildina.

Arsenal taldi sig vera grátt leikið gegn Atletico í gær. Stólarnir eru á lífi í Bónus deild karla og svo er Grindavík að taka á móti Val í kvöld. Valsarar eru líka á ferðinni í handboltanum þar sem leikur þrjú í úrslitunum gegn FH fer fram. Úrslitakeppni Bónus kvenna er æsispennandi og svo er spáð í spilin fyrir stórleikina í Bestu deild karla.

Stjarnan er 2-0 yfir í einvígi sínu gegn Stólunum í undanúrslitum Bónus-deildar karla og getur sópað Stólunum í frí í Síkinu. Það er því titringur á Króknum. Einn besti fótboltaleikur sögunnar fór fram í Meistaradeildinni í gær en enginn sér fyrir sér sömu flugeldasýningu í kvöld. Önnur umferð Bestu deildar kvenna hefst svo í kvöld með tveimur leikjum.

Ótrúleg umferð í Bestu deild karla þar sem mörkunum bókstaflega rigndi. Snorri Steinn valdi áhugaverðan landsliðshóp þar sem margir leikmenn fá tækifæri til að láta ljós sitt skína. FH búið að jafna gegn Val í úrslitum Olís-deildar karla og svo hefjast undanúrslit Meistaradeildarinnar í kvöld með risaleik.

Fimm leikir í Bestu deild karla í kvöld og flestir leikir afar áhugaverðir. Allt brjálað í undanúrslitum Bónus-deildar karla og FH þarf að vinna gegn Valsmönnum í úrslitum Olís-deildar karla.

Það var nóg að ræða í Besta sætinu í dag enda nóg um að vera í heimi íþróttanna. KR-ingar eru á flugi í Bestu deildinni og Elías Már Ómarsson, sóknarmaður Víkings raðar inn mörkum þvert á spár margra. Úrslitakeppnir í körfubolta og handbolta bera svo hæst en Besta deild kvenna hefst í kvöld og á sviðið.

Liverpool-goðsögnin Robbie Fowler ræddi við Sýn Sport um stöðuna á félaginu, erfiða titilvörn, vandræði framherja liðsins og framtíð Arne Slot.

Stórkostleg byrjun á undanúrslitum Bónus-deildar karla og partíið heldur áfram í Grindavík í kvöld. Samúel Kári er óvænt kominn í Val og spurning hvernig Valsmenn fjármögnuðu það? Besta karla fer aftur á fullt í kvöld og því miður er leikið inni á Akranesi en grasið bíður í Keflavík. Svo getur Man. City komist á topp ensku úrvalsdeildarinnar.

Undanúrslitin í Bónus-deild karla hefjast í kvöld með fyrsta leik liðanna sem spiluðu til úrslita á síðustu leiktíð. Það er mikil pressa á Stólunum í einvíginu. Undanúrslitin í Bónus-deild kvenna eru komin vel af stað þar sem Haukar og Grindavík leiða. Svo ræðum við um ástand Laugardalsvallar og fréttina sem gerði Eyjamenn brjálaða.

Tískuyfirlýsing Stefáns Árna Pálssonar vakti mikla athygli í oddaleik Vals og Keflavíkur sem Valsmenn unnu með stæl. Grindavík er komið í blað í undanúrslitum kvenna og Glódís Perla sló leikjametið er Ísland spilaði við England í Laugardal. Svo var stórleikur ársins í enska boltanum í gær.

Besta sætið heilsaði á Bestu deildar föstudegi. Þá er stórleikur fram undan hjá kvennalandsliðinu og risahelgi í enska boltanum. Valur Páll Eiríksson, Ágúst Orri Arnarson og Sindri Sverrisson fóru yfir málin í Besta sætinu á dýrindis föstudegi þar sem heil umferð í Bestu deild karla fer fram. Bjór verður á 800 krónur í KR-heimilinu, Þórsarar ætla á Rauða ljónið og sérlega margir eru að mæta fyrrum félögum sínum, þar á meðal Gísli Eyjólfsson, Atli Sigurjónsson, Danijel Djuric og Adolf Daði Birgisson. Arsenal og Manchester City mætast í stórleik helgarinnar á Englandi þar sem margir segja enska meistaratitilinn undir. Það liggur við að stórleikir Chelsea við Manchester United og Everton við Liverpool blikni í samanburði. Þá er risa verkefni sem blasir við stelpunum okkar. Glódís Perla Viggósdóttir verður leikjahæst í sögunni þegar Ísland mætir Englandi á Laugardalsvelli á morgun.

Ægir Þór Steinarsson, lykilmaður í liði Stjörnunnar og landsliðsfyrirliði í körfubolta óttaðist að sínum ferli væri lokið eftir að hann meiddist í leik gegn KR í úrslitakeppninni. Úr myrkrinu hefur hann nú risið og ætlar sér að koma sterkari til baka.

Rándýrir miðar á leiki kvennalandsliðsins gætu verið ein ástæða lélegrar mætingar. Af hverju ekki að prófa að lækka verðið? Arsenal og Bayern áfram í Meistaradeildinni og spænsku liðin grenja út í eitt í fríinu. Oddaleikur í Vesturbænum í kvöld og annar á sunnudag vegna árshátíðar.

Uppgjör á leik Íslands og Úkraínu. Hörmungarmæting og hvað má gera betur? Ekki síst hvað getur KSÍ gert betur. Ótrúleg dramatík í Bónus-deildinni en ömurlegt að sjá meiðsli Ægis Þórs Steinarssonar. Liverpool og Barcelona kvöddu Barcelona og það er pressa á Arsenal í kvöld. Hafnarfjarðarliðin eru síðan að bjarga úrslitakeppni Olís-deildar karla.

Snorri Steinn og Arnór Atla þjálfa landslið karla í handbolta til 2032. FH og Haukar að bjarga úrslitakeppni Olís-deildar karla, KR og Grindavík geta fallið úr leik í Bónus-deild karla og stelpurnar okkar spila á Laugardalsvelli. Liverpool á líka krefjandi verkefni í Meistaradeildinni.