Blackjenju黑珍珠 Podcast — 珍野一羅羅

你又有冇試過係條街到，見到啲癈X、自私X，成日做啲勁乞人憎嘅嘢！今集同大家算點路人最乞人憎嘅行為～ 同埋暖心嘅 哈哈(比較少)

二十出頭，開始飲夠。。。今集講講點睇飲酒！

有位漫畫家夢到日本將於2025年7月5日發生災難，而本節目主持人之一黑仔 7月3日將於日本返港。如果冇下一集就知咩事😭

也許相愛很難，但其實短短時間就已經會令到你沉船沉到不可翻身！你以為呢啲係愛情、友情定係親情？諗吓好啦～

你覺得AI會唔會取代你？有一日智能叛變時第一個會隊邊個！

傲慢、嫉妒、憤怒、懶惰、貪婪、暴食、色慾呢啲就係所謂嘅七宗罪！將佢哋套用喺大學嘅環境，大家有可能不知不覺間已經唔小心墮入其中。

今集我哋捉緊時事嘅車尾燈，輕輕（唔專業）傾下物化男性女性嘅不同生活例子。

大家諗返人生大大小小嘅事，發唔發覺你好似淨係記得美好嘅部分！今集我哋分享一吓最近發生緊嘅人生大事，同埋傾吓究竟儀式感係咪一個重要嘅元素去慶祝呢啲大事！

今集繼續分享陳年舊屎嘅回憶～對唔住！遲左少少，依家更新返 😭

今集真係暴露年紀。。。唔講咁多，聽下我哋腦海中嘅回憶同你一唔一樣！

啲人成日話「我性格係咁，冇辦法。。。」到底係你性格嘅問題定係你性格有問題？今日邀請咗個臨時心理學生同我哋傾下性格問題喺心理學角度嘅見解，同埋我哋唔專業嘅睇法。

有冇試過見到啲大大聲咁講嘢嘅人，會情不自禁係度諗，究竟佢係哪來嘅自信？今集我哋將會 (盡量) 深入探討關於自信、自卑、自大等關鍵字！-------好嘢！！！黑珍珠三十大集！多謝大家一路陪伴我哋 :P 數數手指都已經大半年了！我諗我哋兩個都冇諗過堅持到咁耐！要繼續多多指教 歡迎dm同我哋展開激情對話！

「友達以上，戀人未滿」=曖昧？今集講吓五大友達以上但做唔到情侶嘅原因！

「友達以上，戀人未滿」= 曖昧？今集講吓五大友達以上嘅舉動，唔知你有接唔接受到呢！

究竟係人越大越冇時間俾朋友定係大家嘅擇友標準都隨時間變高？好似大個做反而更加難去認識同自己夾嘅朋友。。。今集我哋兩個嘅友情觀都好唔同，一齊聽吓我哋點睇！

吓？黑珍珠你都唔識？你有冇常識㗎？(設計對白。。。🙏🏻）今集就要探討吓你心目中嘅常識同我心目中嘅常識究竟有咩分別！蒸餾水同礦泉水你又識唔識分呢？

今集有塔羅師Jill做嘉賓，解答吓我哋對塔羅占卜等等嘅迷思！仲有我哋自肥問XX運嘅環節，同埋我哋私底下究竟點睇對方！Jill's instagram: @whisper.the.answer***本節目內嘉賓的言論純屬個人意見並不代表本台立場風水命理非精密科學僅供參考

情人節自己一個？唔驚！有我哋陪伴大家，其實人少少同大家講，我哋唔忙嘅時候都好悶架ヽ(；▽；)ノ大家可以dm同我哋傾計！！今集就等單身人士圍爐取暖，分享下一個個孤獨嘅moment啦～

今集介紹一個心理學小知識（不專業講解）— Attachment style 依戀類別。想知自己自己有冇安全感？咁就要聽吓啦～

首先梗係要祝大家蛇年快樂！多謝聽眾們支持我哋，今年一齊行大運🙂‍↕️今集同大家講下點樣應對啲熱情嘅三姑六婆，同埋考下大家究竟識唔識拜年時點叫長輩！

喺呢個網絡發達嘅時代，有千千萬萬種方式可以搵到另一半，而交友app係唔少人嘅選擇，今日我哋就傾吓究竟喺交友app究竟係咪有個俾大家搵真愛嘅地方～

今集我哋同@hknevernormal 「非常港 」合作，講吓我哋唔喺香港嘅時候最掛住啲咩！睇下你又贊唔贊成！

hiii 就黎新一年了希望大家心想事成 身體健康！今集番外篇其實係一份功課來的，既然咁認真做就唔差在俾大家聽下啦！

天氣咁冬，唔知大家有冇好lonely呢？有人歡喜有人愁，今集聽吓大家嘅冬天表白同分手故事。有另外一半嘅你要好好珍惜佢哋，而單身嘅你盡情享受單身嘅痛快！

chiikawa, jelly cat, labubu實在太多人鍾意了！今集我哋認真探討一吓點解呢啲公仔咁多人鍾意，同埋究竟鍾意呢啲公仔代唔代表你有少女心呢？

又到聖誕又到聖誕～聖誕冇人陪你過，仲有黑珍珠喺度！今集我哋一齊回顧一下中學聖誕聯歡會嘅點滴！原來依家嘅Christmas ball已經今時唔同往日了，究竟發生了什麼事？

今集繼續有特別嘉賓kelly同傾計，聽吓我哋大讚暖男行為，同埋分享初次約會嘅加分位～壓軸仲有刺激嘅smash or pass (first date版)！

"Red flag"呢個term最近成日都聽到，今集有特別嘉賓kelly同大家分享我哋嘅睇法，順便講吓男仔女仔有啲咩要留意喔～

香港生育率接近全球最低，究竟啲後生仔諗緊啲咩呢？做咩個個都唔結婚生仔！今集就聽吓組織家庭派同不婚主義派兩邊嘅睇法啦。

大家又有冇發過啲咩奇怪嘅夢呢？今集我地化身大家嘅周公，為大家解開夢入面嘅謎團😈同大家分享下我地啲奇怪又無聊嘅夢～

你寧願旅伴咩都唔計劃定係諸多要求？好朋友唔等於好旅伴㗎！今集我哋人在台北，分享吓旅行趣事同埋講下點樣先知到你嘅旅伴同你夾唔夾！

無論係經典tvb劇集定係7片，相信零零後嘅大家都一定有自己最深刻嘅回憶。今集就等我哋一齊同大家回顧吓我哋嘅最愛同埋講吓以前中學嘅潮流文化啦～

有人話命運在我手永不低頭，亦有人話逆天而行必遭天譴。究竟人可唔可以扭轉命運，走出自己嘅一片天呢？今集就等我哋同大家分享一下我哋嘅諗法啦！

鍾意咗身邊嘅朋友好小事，但係愛上了一個一定唔會鍾意你嘅人就好大件事喇！TMI之夜第二回，等我哋講述下兩個愛錯人嘅故事～

今集係有新嘅系列！TMI之夜歡迎大家過嚟投稿，分享大家嘅心情同埋心事。今集係關於大家對愛情失去信心嘅小故事！由出軌到單身心態都會講！

啲人成日都話一代不如一代，今集我哋請嚟咗特別嘅嘉賓 — 壘屎哥！佢同我哋一齊討論，究竟我哋呢一個世代係咪真係大家想像中咁差？ 我哋依家想去發展我哋嘅事業又會遇到啲乜嘢困難呢？😬🫶🏼

嚟到第五集啦～今集繼續講下啲兩性議題，講下有咩男同女嘅大不同hahahaha～ 唔好厭我地啲問題太愚蠢，因為我地真係唔知🤣🤣🤣

今集我哋要脫離大學嘅話題進入情色嘅世界，究竟喺兩個極端嘅情況之下？你會點樣揀呢？ 你寧願3P定4P？多人運動超級大挑戰！一齊睇我哋點樣大尺度咁樣討論呢啲話題啦！

相信唔少大學生都會趁住年輕力壯嘅時候去exchange。今集我地黑jen珠將會同大家分享我地各自去exchange嘅經歷!

如果俾你返返去放榜之前，你會最想聽到啲乜嘢嘅建議呢？作為都叫做過過放榜嘅過來人，兩個仲未踏入社會嘅大學生，一齊同你傾吓放榜嘅時候一啲心態，同埋小小嘅心得。記住呀最後做任何嘅決定，對得住自己就OK！

相信唔少大學生都會趁住年輕力壯嘅時候去exchange。今集我地黑jen珠將會同大家分享我地各自去exchange嘅經歷同埋受到嘅cultural shock!