Brotkast - Brot úr þáttum og opnir þættir

Geir H. Haarde, fyrrverandi forsætisráðherra, fjármálaráðherra og utanríkisráðherra, sest niður með Frosta Logasyni og ræðir þjóðaratkvæðagreiðsluna um áframhaldandi aðildarviðræður Íslands við Evrópusambandið.Geir telur rangt að stilla kosningunum upp sem áhættulausri leið til að „kíkja í pakkann“. Verði niðurstaðan já sé ekki aðeins verið að kanna hvað ESB hafi fram að færa heldur þurfi Ísland að sækja formlega um aðild. Hann segir viðræðurnar geta kostað stórfé, tekið mikinn tíma frá íslenska stjórnkerfinu og stefnt framtíð EES-samningsins í óvissu.Í viðtalinu varar Geir við því að Norðmenn kunni að fara sínar eigin leiðir ef Ísland beinir kröftum sínum að ESB-aðild. Í verstu sviðsmynd gæti Ísland staðið eitt eftir utan núverandi EES-fyrirkomulags—án þess að aðildarsamningur við ESB hafi náðst.Geir telur jafnframt sáralitlar líkur á að Ísland fái varanlegar undanþágur frá sameiginlegri sjávarútvegs- og landbúnaðarstefnu ESB. Yfirráð Íslands yfir sjávarauðlindinni séu ekki aðeins venjulegt hagsmunamál heldur tilvistarspurning fyrir þjóðina.Þá ræða Frosti og Geir um evruna, íslensku krónuna, verðbólgu, vexti og verðtryggingu. Geir hafnar því að hægt sé að fullyrða að ESB-aðild og upptaka evru færi íslenskum heimilum sjálfkrafa lægri vexti. Ísland þyrfti fyrst sjálft að ná tökum á verðbólgunni og uppfylla ströng skilyrði áður en evran kæmi yfirleitt til greina.Geir rifjar einnig upp reynsluna af bankahruninu, neyðarlögunum og veikleikum evrópska fjármálaregluverksins. Hann telur að Ísland hafi náð sér hraðar eftir hrunið vegna þess að þjóðin hafði eigin gjaldmiðil og svigrúm til sjálfstæðra aðgerða.Meðal þess sem rætt er um:- Áhættuna sem Geir telur fylgja aðildarviðræðum- Framtíð EES-samningsins og viðbrögð Noregs- Sjávarútveg, landbúnað og fullveldi Íslands- Líkur á varanlegum undanþágum frá reglum ESB- Beinan kostnað Íslands af aðild- Evru, krónu, verðbólgu og húsnæðisvexti- Verðtryggingu og íslenska lánakerfið- Bankahrunið, neyðarlögin og Icesave- Öryggissamband Íslands og Bandaríkjanna- Trump, Grænland og breytt alþjóðlegt ástand- Hvort dollarinn kæmi jafnvel frekar til greina en evranGeir segir mikla þjóðarhagsmuni í húfi og ætlar sjálfur að greiða atkvæði gegn áframhaldandi aðildarviðræðum 29. ágúst.Fáðu þér áskrift og sjáðu alla þætti á Brotkast í fullri lengd inni á https://brotkast.is/askrift/

Sveinn Andri Sveinsson lögmaður er gestur Frosta Logasonar í Spjallinu.Í fyrri hluta viðtalsins ræða þeir svokallaða hryðjuverkamálið en Sveinn Andri var verjandi annars mannanna sem sakaðir voru um að hafa undirbúið hryðjuverk hér á landi. Málið endaði með sýknu af hryðjuverkaákærunum eftir langt og umdeilt dómsferli.Sveinn Andri fer yfir upphaf rannsóknarinnar, blaðamannafund ríkislögreglustjóra og þá ákvörðun að lýsa því yfir að Íslendingum hefði verið bjargað frá hryðjuverki. Að hans mati einkenndist framhald málsins af tilraunum lögreglu og ákæruvalds til að réttlæta harkalegar aðgerðir í upphafi. Hann telur að lögreglan verði að draga lærdóm af málinu og hætta að boða til stórra blaðamannafunda áður en rannsókn liggur fyrir.Þá er rætt ítarlega um mál víetnamska athafnamannsins Quang Le, sem hefur meðal annars verið rannsakaður vegna gruns um mansal, peningaþvætti og brot á útlendingalögum. Sveinn Andri gagnrýnir hversu lengi rannsóknin hefur staðið, lokun fyrirtækja og bankareikninga, frystingu eigna og langvarandi farbann. Hann spyr hvort gengið hefði verið jafnlangt hefði íslenskur fyrirtækjaeigandi átt í hlut og lýsir áhyggjum af þeim þrýstingi sem erlendir starfsmenn kunni að hafa orðið fyrir við rannsókn málsins.Í síðasta og lengsta hluta viðtalsins takast Frosti og Sveinn Andri síðan á um Evrópusambandið, evruna og þjóðaratkvæðagreiðsluna 29. ágúst.Sveinn Andri hefur lengi verið eindreginn stuðningsmaður ESB-aðildar. Hann telur EES-samninginn fela í sér meira raunverulegt fullveldisframsal en full aðild og segir Íslendinga hafa greitt gríðarlegt verð fyrir krónuna í formi hárra vaxta. Frosti dregur þær forsendur í efa og spyr meðal annars hvort upptaka evru myndi leiða til lægra launastigs, hvort Ísland gæti tryggt full yfirráð yfir sjávarauðlindinni og hversu mikið vald færðist til stofnana og dómstóla Evrópusambandsins.Úr verður löng, lífleg og hreinskilin rökræða um vexti, kaupmátt, fullveldi, sjávarútveg, orkumál og það hvort Íslendingar eigi að segja „já til að sjá“ í þjóðaratkvæðagreiðslunni.Fáðu þér áskrift og sjáðu alla þætti á Brotkast í fullri lengd inni á https://brotkast.is/askrift/

Carl Baudenbacher, fyrrverandi forseti EFTA-dómstólsins og einn helsti sérfræðingur Evrópu í EES-rétti, ræðir hér þjóðaratkvæðagreiðsluna 29. ágúst og hvað hann telur að raunverulega sé undir.Baudenbacher hafnar þeirri framsetningu að fyrri þjóðaratkvæðagreiðslan snúist aðeins um að „sjá hvað sé í boði“. Jákvæð niðurstaða myndi að hans mati skapa sterkan pólitískan meðbyr í átt að aðild og gera Íslendingum mun erfiðara fyrir að hafna samningi síðar. Hann telur sönnunarbyrðina hvíla á þeim sem vilja yfirgefa núverandi fyrirkomulag og leggja af stað í það sem hann kallar „ævintýri“ Evrópusambandsaðildar.Í viðtalinu útskýrir Baudenbacher mikilvægi sjálfstæðrar EFTA-stoðar EES-samningsins, þar sem Ísland hefur eigin eftirlitsstofnun og dómstól sem Evrópudómstóllinn getur ekki ógilt dóma hjá. Hann segir Íslendinga hafa mun meira vægi innan þessara stofnana en þeir myndu hafa innan framkvæmdastjórnar ESB og Evrópudómstólsins.Icesave-málið er sérstaklega rætt. Baudenbacher segir framkvæmdastjórn Evrópusambandsins hafa lagt mikla áherslu á að Ísland tapaði málinu, en EFTA-dómstóllinn hafi staðist þrýstinginn og komist að þeirri niðurstöðu að íslenska ríkinu bæri ekki að ábyrgjast skuldbindingar einkabanka. Að hans mati sýnir málið hvers vegna sjálfstæði EFTA-stoðarinnar getur haft úrslitaþýðingu fyrir lítið ríki.Þá ræðir hann hvort Ísland gæti raunverulega fengið varanlega undanþágu frá sameiginlegri sjávarútvegsstefnu ESB. Jafnvel þótt skrifleg undanþága fengist yrði umfang hennar, að sögn Baudenbachers, síðar túlkað af framkvæmdastjórninni og Evrópudómstólnum. Hann telur jafnframt ólíklegt að aðildarsamningur Íslands gæti byggst á undanþágum á öllum þeim sviðum sem skipta þjóðina mestu, meðal annars í sjávarútvegi, landbúnaði og orkumálum.Í samtalinu er einnig fjallað um:– Hvers vegna Baudenbacher telur að „fyrra jáið“ skipti mestu máli– Lýðræðishalla EES annars vegar og Evrópusambandsins hins vegar– Lissabon-sáttmálann og þróun ESB í átt að aukinni miðstýringu– Hlutverk framkvæmdastjórnarinnar og Evrópudómstólsins– Möguleg áhrif sæstrengs á íslenskt raforkuverð– Krónuna, evruna og reynslu Sviss af veikingu evrunnar– Trump, Grænland og hvort ESB geti veitt Íslandi raunverulegar öryggistryggingar– Samningspakka Sviss við ESB, sem Baudenbacher kallar ójafnan samning– Hvers vegna hann telur Evrópu þurfa sjálfstæða EFTA-stoð– Ákvörðun Háskóla Íslands um að heimila honum ekki að flytja fyrirlestur í Hátíðarsal skólansBaudenbacher segist hafa mikla aðdáun á sjálfstrausti Íslendinga, sem þrátt fyrir smæð þjóðarinnar hegði sér eins og stórt og sjálfstætt ríki. Hann óttast að eitthvað af því myndi glatast við inngöngu í Evrópusambandið.„Ef ég væri Íslendingur og hefði kosningarétt myndi ég kjósa nei 29. ágúst,“ segir Baudenbacher.Fáðu þér áskrift og sjáðu alla þætti á Brotkast í fullri lengd inni á https://brotkast.is/askrift/

Carl Baudenbacher, fyrrverandi forseti EFTA-dómstólsins, segir þjóðaratkvæðagreiðsluna 29. ágúst ekki aðeins snúast um að „sjá hvað sé í boði“. Jákvæð niðurstaða myndi setja öflugt pólitískt ferli af stað og gera erfiðara að hafna aðild síðar.Í klippunni ræðir hann sjálfstæði EFTA-stoðarinnar, mikilvægi Icesave-dómsins, óvissuna um varanlega undanþágu í sjávarútvegsmálum og geopólitísku rökin fyrir ESB-aðild. Baudenbacher segir sönnunarbyrðina hvíla á þeim sem vilja yfirgefa núverandi EES-fyrirkomulag og leggja af stað í „ævintýri“ ESB-aðildar.Fáðu þér áskrift og sjáðu alla þætti á Brotkast í fullri lengd inni á https://brotkast.is/askrift/

Allt varð vitlaust þegar Ólafur Ragnar Grímsson benti á í viðtali við Brotkast að engin trygging væri fyrir því að sérstök þjóðaratkvæðagreiðsla yrði haldin um lokasamning við Evrópusambandið. Honum var umsvifalaust gefið að sök að ljúga, blekkja og fara rangt með staðreyndir. En þegar hlustað er á það sem Ólafur Ragnar sagði í raun er málflutningurinn töluvert skýrari. Hann sagði beinlínis að það yrði „mjög skrýtið“ ef lokasamningur yrði ekki borinn undir þjóðina, en benti jafnframt á að loforð um slíka atkvæðagreiðslu væri ekki það sama og trygging fyrir henni. Við förum yfir orð Ólafs Ragnars, viðbrögðin við þeim og þessa áhugaverðu tilhneigingu íslenskrar stjórnmálaumræðu til að ráðast á sendiboðann þegar skilaboðin falla mönnum illa í geð.Fáðu þér áskrift og sjáðu alla þætti á Brotkast í fullri lengd inni á https://brotkast.is/askrift/

Ólafur Ragnar Grímsson, fyrrverandi forseti Íslands, sest hér niður með Frosta Logasyni í ítarlegt viðtal um þjóðaratkvæðagreiðsluna 29. ágúst og þær afleiðingar sem samþykki hennar gæti haft fyrir framtíðarstöðu Íslands.Ólafur Ragnar hafnar því alfarið að Íslendingar geti einfaldlega sagt „já til að sjá“ og farið í hlutlausar könnunarviðræður við Evrópusambandið. Slíkt ferli sé ekki til innan kerfis sambandsins. Samþykki þjóðarinnar yrði túlkað í Brussel og umheiminum sem endurvakin umsókn Íslands um aðild.Hann segir erlenda sérfræðinga sem þekkja vel til Evrópusambandsins hafa hlegið þegar hann útskýrði fyrir þeim málflutninginn um að Íslendingar ætluðu aðeins að „kíkja í pakkann“. Að hans mati gæti íslenskur ráðherra því lent í þeirri stöðu að þurfa annaðhvort að hefja raunverulegt aðildarferli eða mæta í Brussel með málflutning sem yrði ekki tekinn alvarlega.Í viðtalinu ræðir Ólafur Ragnar meðal annars:- Lissabon-sáttmálann og valdakerfi Evrópusambandsins.- Hvers vegna sæti Íslands við borðið hefði að hans sögn aðeins 0,1% vægi í mikilvægum ákvörðunum.- Um evru, atvinnuleysi og efnahagslega stöðu Finnlands, Svíþjóðar, Danmerkur, Noregs, Sviss og Póllands.- Áhrif aðildarferlis á fríverslunarsamninga, íslensk fyrirtæki og samskipti við ríki utan Evrópu.- Sjávarútveg, fiskveiðistjórnun og mögulegar undanþágur.- Trump, Grænland og þau öryggisrök sem færð hafa verið fyrir nánari tengslum við Evrópusambandið.- Samband Íslands við Bandaríkin, Bretland, Kanada og Noreg.- Icesave-deiluna og þátt Evrópusambandsins í málaferlunum gegn Íslandi.- Hvers vegna engin lagaleg trygging sé fyrir annarri þjóðaratkvæðagreiðslu um lokasamning.- Hugsanleg áhrif niðurstöðunnar á ríkisstjórnina, Samfylkinguna og Viðreisn.Ólafur Ragnar segir að viðræðurnar gætu dregist árum saman og tekið gríðarlegt súrefni úr íslenska stjórnkerfinu án þess að nokkur lokasamningur líti dagsins ljós. Á meðan gæti Ísland lent í óvissustöðu gagnvart viðskiptaþjóðum sínum og mögulegum samstarfsaðilum um allan heim.Í lok viðtalsins lítur Ólafur Ragnar yfir tuttugu ára forsetatíð sína, þjóðaratkvæðagreiðslurnar um Icesave og þann persónulega kostnað sem fylgdi ákvörðun hans um að standa gegn ríkisstjórn fyrrverandi samherja sinna. Hann segir suma gamla vini sína hafa hætt að heilsa sér og lýsir því hvers vegna hann ákvað, þrátt fyrir fyrirsjáanlega gagnrýni, að stíga aftur inn á hinn pólitíska umræðuvöll:„Mér er ekki sama um lýðveldið. Mér er ekki sama um árangurinn af baráttu fyrri kynslóða.“Fáðu þér áskrift og sjáðu alla þætti á Brotkast í fullri lengd inni á https://brotkast.is/askrift/

Ólafur Ragnar Grímsson, fyrrverandi forseti Íslands, segir hugmyndina um „Já til að sjá“ ekki standast þegar eðli aðildarferlis Evrópusambandsins er skoðað.Í viðtalinu segir hann frá nýlegum samtölum sínum í París við fyrrverandi háttsettan embættismann Evrópusambandsins og sérfræðing í málefnum sambandsins. Þegar Ólafur Ragnar útskýrði fyrir þeim hugmyndina um að Íslendingar gætu farið í viðræður án þess að hafa tekið afstöðu með aðild hafi viðbrögð þeirra verið einföld: „Þeir hlógu.“Ólafur Ragnar varar jafnframt við því að já-niðurstaða 29. ágúst verði túlkuð erlendis sem endurvakin umsókn Íslands um aðild að ESB. Það geti haft áhrif á viðskiptahagsmuni Íslands strax, jafnvel þótt aðild verði síðar hafnað.Þá vekur hann sérstaka athygli á því að engin formleg trygging sé fyrir því að önnur þjóðaratkvæðagreiðsla fari fram að loknum viðræðum.„Þeir sem ætla að segja já á grundvelli þess að það komi samningur og þá geti þeir hugsað málið [...] eru bara að veðja á óvissu,“ segir Ólafur Ragnar.Klippan er úr ítarlegu viðtali Frosta Logasonar við Ólaf Ragnar Grímsson í Spjallinu.Fáðu þér áskrift og sjáðu alla þætti á Brotkast í fullri lengd inni á https://brotkast.is/askrift/

Viðtal Rest is Politics hlaðvarpsins við Kristrúnu Frostadóttur hefur vakið mikla von í brjósti Já-sinna á Íslandi sem eru orðnir mjög örvæntingafullir eftir einhverri manneskju sem getur mögulega fært einhver sannfærandi rök fyrir aðild Íslands að Evrópusambandinu. En því miður fyrir þetta sama fólk, þá hefur Kristrún ekkert nýtt eða sannfærandi að segja um málið, þrátt fyrir glæsilega framkomu og leiftrandi bandarískan hreim.Fáðu þér áskrift og sjáðu alla þætti á Brotkast í fullri lengd inni á https://brotkast.is/askrift/

Þór Ludwig Stiefel er markaðshagfræðingur með sérmenntun í innri markaði Evrópusambandsins. Undanfarna mánuði hefur hann rannsakað stjórnkerfi, löggjöf og efnahagslega uppbyggingu sambandsins og skrifað um það ítarlega bók sem nú er í undirbúningi.Í viðtalinu ræðir Þór meðal annars um það sem hann telur alvarlegan lýðræðishalla innan Evrópusambandsins. Hann útskýrir hvers vegna Evrópuþingið getur ekki sjálft lagt fram lagafrumvörp, hvernig framkvæmdastjórn sambandsins verður til og hvers vegna áhrif smáríkja fari minnkandi samhliða aukinni notkun meirihlutaatkvæðagreiðslna.Þór fjallar einnig um áform Evrópusambandsins um stafrænt auðkenni, stafræna evru og aukið eftirlit með samskiptum almennings. Hann varar við því að tæknin geti skapað áður óþekkt vald yfir fjármálum, samskiptum og daglegu lífi borgaranna.Þá eru efnahagslegu rökin fyrir aðild Íslands tekin til ítarlegrar skoðunar. Þór segir rangt að upptaka evru tryggi sjálfkrafa lága vexti eða litla verðbólgu og bendir á mikinn mun milli ríkja evrusvæðisins. Vandamál Íslands, meðal annars verðtrygging og háir vextir, verði að stórum hluta leyst hér heima óháð gjaldmiðli.Í viðtalinu er jafnframt rætt um sjávarútveg, mögulegt erlent eignarhald íslenskra útgerðarfyrirtækja, landbúnað, viðskiptasamninga EFTA, sameiginlegar skuldbindingar ESB-ríkjanna og hversu erfitt geti reynst að yfirgefa sambandið eftir inngöngu.Að mati Þórs er slagorðið „já til að sjá“ villandi. Atkvæðagreiðslan 29. ágúst snúist í reynd um að hefja nýtt aðildarferli sem geti haft verulegar og varanlegar afleiðingar fyrir fullveldi og sjálfstæði Íslands.Fáðu þér áskrift og sjáðu alla þætti á Brotkast í fullri lengd inni á https://brotkast.is/askrift/

Það stenst enga skoðun að læknir sem ákærður var fyrir manndráp af ásetningi þurfi ekki að fara fyrri dóm vegna þess að hann hafði verið sviptur lækningaleyfi fyrir sömu sök. Það er í raun ekki hægt að skýra þetta öðruvísi en að um einhverskonar elítu samtryggingu sé að ræða. Ef málinu verður ekki snúið í Landsrétti er ljóst að dómstólar á Íslandi eru algjörlega ónýtir. Við fjöllum málið og margt fleira í Harmageddon þætti dagsins.Fáðu þér áskrift og sjáðu alla þætti á Brotkast í fullri lengd inni á https://brotkast.is/askrift/

Hermann Guðmundsson, framkvæmdastjóri og einn eigenda Kemi ehf., hefur starfað í eigin rekstri í 32 ár og tekist á við gengisfellingar, bankahrun, verðbólgu og fjölmargar efnahagskreppur. Í þessu viðtali ræðir hann stöðu Íslands og Evrópusambandsins frá sjónarhóli reynslumikils atvinnurekanda.Hermann hafnar þeirri hugmynd að aðild að ESB og upptaka evru séu einföld lausn á verðbólgu, háum vöxtum og háu verðlagi hér á landi. Hann segir eigin gjaldmiðil hafa reynst Íslandi mikilvægur á áföllum og telur að vandinn liggi fyrst og fremst í agaleysi í ríkisfjármálum, sívaxandi opinberum útgjöldum og skorti á pólitískum vilja til að taka erfiðar ákvarðanir.Hann telur að Ísland standi frammi fyrir mun meiri tækifærum en flestar Evrópuþjóðir vegna náttúruauðlinda, menntunar, dugnaðar og frumkvæðis þjóðarinnar. Að hans mati væri það undarleg ákvörðun að ganga nú inn í ríkjasamband sem glímir við miklar skuldir, lýðfræðileg vandamál, félagsleg átök og minnkandi samkeppnishæfni.Í þættinum er meðal annars rætt um:* hvort evran myndi raunverulega lækka verðlag á Íslandi* kosti og galla íslensku krónunnar* hvernig mætti afnema verðtryggingu á nokkrum árum* skuldavanda Evrópuríkja og framtíð evrusvæðisins* lýðræðishallann innan Evrópusambandsins* sjávarútveginn og yfirráð yfir íslensku efnahagslögsögunni* ríkisútgjöld, opinberar stofnanir og þörfina fyrir niðurskurð* há laun stjórnenda ríkisstofnana* skattfrelsi fyrir ungt fólk sem er að eignast sína fyrstu fasteign* ábyrgð einstaklingsins og misnotkun velferðarkerfisins* áhrif þjóðaratkvæðagreiðslunnar 29. ágúst á ríkisstjórninaHermann segir að aðildarviðræður við ESB snúist í raun ekki um að semja um sérlausnir fyrir Ísland heldur um aðlögun landsins að þegar fullmótuðu sambandi: „Þeir eru ekki að bjóða neitt. Þeir eru bara að bjóða aðild.“Að hans mati ættu íslensk stjórnvöld að beina kröftum sínum að því að ná niður verðbólgu og vöxtum, skapa aga í ríkisfjármálum og gera fólki kleift að bjarga sér sjálft. Takist það telur hann að ekkert land í heiminum geti boðið betri lífskjör en Ísland.Fáðu þér áskrift og sjáðu alla þætti á Brotkast í fullri lengd inni á https://brotkast.is/askrift/

Sverrir Helgason, Jón Þormar, Helgi Bjarnason ræða málin.

Í þætti dagsins fjöllum við meðal annars um hvernig ofbeldismenn eru í raun lítill hluti karla og hvernig enn minni hluti þeirra getur komist upp með að fremja meira en helming af öllum þeim ofbeldisglæpum sem framdir eru. Þá ræðum við einnig um siðleysi lögmanna sem stundum geta framlengt í ofbeldinu með því að ganga erinda narsissískra skjólstæðinga sinna.Fáðu þér áskrift og sjáðu alla þætti á Brotkast í fullri lengd inni á https://brotkast.is/askrift/

Í þessum þætti ræðir Frosti Logason við Kolbein Stefánsson, dósent í félagsfræði við Háskóla Íslands, um hugmyndafræðileg átök sem hafa mótað samfélagsumræðuna á Vesturlöndum á undanförnum árum.Kolbeinn fer yfir hvernig gagnrýnar kenningar (critical theory), póststrúktúralismi og identity politics hafa þróast innan félags- og hugvísinda og hvaða áhrif hann telur þær hafa haft á háskóla, stjórnsýslu og samfélagsumræðuna almennt. Hann lýsir einnig hvernig eigin viðhorf tóku breytingum eftir að hafa kynnt sér deilurnar um kynjahugmyndafræði, tjáningarfrelsi og viðbrögð akademíunnar við óþægilegum skoðunum. Í seinni hluta viðtalsins ræða þeir meðal annars: • þróun menningarstríðsins á Vesturlöndum, • hatursorðræðu og hatursglæpi, • tjáningarfrelsi og sjálfsritskoðun, • hvort háskólar séu orðnir hugmyndafræðilega einsleitir, • innflytjendamál og samþættingu, • „high trust“ og „low trust“ samfélög, • og hvers vegna opnari og heiðarlegri umræða sé nauðsynleg ef takast á að leysa erfið samfélagsmál. Viðtalið er ítarlegt, gagnrýnið og tekur fyrir mörg umdeildustu álitaefni samtímans þar sem ólík sjónarmið um samfélag, stjórnmál og fræðastarf mætast.Fáðu þér áskrift og sjáðu alla þætti á Brotkast í fullri lengd inni á https://brotkast.is/askrift/

Í þessum þætti ræðir Frosti Logason við Sólveigu Önnu Jónsdóttur, formann Eflingar, um komandi þjóðaratkvæðagreiðslu um áframhaldandi aðildarviðræður Íslands við Evrópusambandið.Sólveig Anna útskýrir hvers vegna hún telur að Ísland eigi að segja nei og hafna því að halda viðræðunum áfram. Hún segir afstöðu sína byggja bæði á reynslu sinni af evrukreppunni eftir bankahrunið 2008 og þeirri niðurstöðu að smáríki eins og Ísland þurfi að halda í eigið efnahagslegt og lýðræðislegt sjálfræði.Í viðtalinu ræðir hún meðal annars:• Hvers vegna hún telur að Grikkland hafi verið varnaðarorð fyrir önnur ríki.• Hvað Ísland myndi missa með því að afsala sér eigin gjaldmiðli.• Hvernig hún lítur á verðbólgu, vexti og húsnæðisvandann.• Hvort Evrópusambandið sé raunverulegt öryggisskjól.• NATO, Rússland og breytta stöðu alþjóðamála.• Gagnrýni sína á ríkisstjórnina og ákvörðunina um að flýta þjóðaratkvæðagreiðslunni.• Icesave-deiluna og hvað hún telur að Íslendingar geti lært af henni.• Hvers vegna hún hafnar því að andstaða við ESB sé „auðvaldsskoðun“.• Hvernig hún telur að hagsmunir verkafólks séu best tryggðir.Þetta er ítarlegt og hreinskilið viðtal þar sem Sólveig Anna svarar gagnrýni, útskýrir hugsun sína og ræðir eitt stærsta pólitíska álitamál sem Íslendingar standa frammi fyrir fyrir þjóðaratkvæðagreiðsluna 29. ágúst.Brotkast birtir reglulega ítarleg viðtöl um stjórnmál, efnahagsmál og samfélagsmál.🔔 Vertu áskrifandi að rásinni og smelltu á bjölluna til að fá tilkynningar um ný viðtöl.#Brotkast #SólveigAnna #ESB #Evrópusambandið #Þjóðaratkvæðagreiðsla #Ísland #Stjórnmál #Efnahagsmál #Fullveldi #VerkalýðsmálFáðu þér áskrift og sjáðu alla þætti á Brotkast í fullri lengd inni á https://brotkast.is/askrift/

Sverrir Helgason, Jón Þormar, Helgi Bjarnason og Stefán Einar Stefánsson ræða málin.

Þjóðaratkvæðagreiðslan um áframhaldandi aðildarviðræður Íslands að ESB nálgast hratt. En hvað er raunverulega undir? Er Ísland að taka óþarfa áhættu eða mikilvægt skref til framtíðar?Í þessum þætti ræðir Frosti Logason við Kristján Inga Mikaelsson, fjárfesti, annan eiganda MGMT Ventures og einn af stofnendum Visku.Kristján fer yfir hvers vegna hann telur að rökin gegn aðild Íslands að ESB vegi þyngra en rökin með henni. Hann ræðir meðal annars:• Hvort evran myndi raunverulega lækka vexti og húsnæðiskostnað• Hvers vegna Ísland býr við há laun, hátt verðlag og mikla velsæld• Orkumál Evrópu og áhrif pólitískra ákvarðana á samkeppnishæfni álfunnar• Hvernig hann telur umræðuna um ESB einkennast af ófullnægjandi upplýsingagjöf• Hvað hann myndi gera í ríkisfjármálum ef þjóðin hafnaði áframhaldandi aðildarviðræðumEinnig ræða þeir stöðu Íslands innan EES-samningsins, fullveldi landsins, verðbólgu, ríkisútgjöld, gervigreind, opinbera stjórnsýslu og framtíð íslensks efnahags.Hvað finnst þér? Ætti Ísland að halda áfram aðildarviðræðum við Evrópusambandið eða hafna þeim?Skrifaðu þína skoðun í athugasemdirnar.#ESB #Ísland #Stjórnmál #Hagfræði #Evran #BrotkastFáðu þér áskrift og sjáðu alla þætti á Brotkast í fullri lengd inni á https://brotkast.is/askrift/

Lýðræðishalli Evrópusambandsins er gríðarlegur. Í Evrópuþinginu, þar sem Ísland fengi 6 þingmenn af 720, er engin löggjöf samin. Hún er samin í ráðherraráðinu þar sem atkvæðavægi hvers ráðherra fer eftir íbúafjölda ríkisins á bak við hann. Ísland væri þar með 0,1% atkvæðavægi. Hægt er að ná málum þar í gegn með auknum meirihluta. Ursula Von Der Leyen er ekki kjörinn framkvæmdarstjóri heldur var hún ráðin af leiðtogum Þýskalands og Frakklands. Kaja Kallas, utanríkisráðherra Evrópusambandsins, var heldur ekki kjörin, heldur ráðin af Von Der Leyen.Fáðu þér áskrift og sjáðu alla þætti á Brotkast í fullri lengd inni á https://brotkast.is/askrift/

Sverrir Helgason, Helgi Bjarnason og Guðlaugur Þór Þórðarson ræða málin. Við biðjumst velvirðingar á hljóðtruflunum í upphafi þáttarins.

Aðgerðarsinninn Paul Watson hefur þjappað Íslendingum saman í að standa vörð um rétt Íslendinga til að stunda hvalveiðar. Starfsmaður Hvals í Hvalfirði sem fíflaðist með hræ einnar skepnunnar var þó ekki að gera málstaðnum neinn greiða enda veiðimenn almennt sammála um að bráðinni skuli sýnd full virðing sem þar var ekki gert. En útfrá dýraverndunarsjónarmiðum er rétt að benda á að slátra þarf 1200 kindum til þess að ná sama magni af kjöti og kemur af einni langreið. Áfram Ísland.Fáðu þér áskrift og sjáðu alla þætti á Brotkast í fullri lengd inni á https://brotkast.is/askrift/

Í þessu ítarlega viðtali ræðir Frosti við Snorra Másson um stærstu hitamál samtímans - allt frá fullveldi Íslands yfir í transumræðuna, fjölmiðla, menningarstríð og stöðu stjórnmálanna á Íslandi.Snorri fer ítarlega yfir hvers vegna hann telur að þjóðaratkvæðagreiðslan um ESB sé meira en bara „viðræður“, hvers vegna hann telur fullveldi skipta grundvallarmáli og hvaða áhrif innganga gæti haft á íslenskt samfélag.Í seinni hluta viðtalsins færist umræðan yfir í mun umdeildari svið - þar sem Snorri svarar gagnrýni sem hann hefur sætt fyrir ummæli sín um regnboga- og transfána í skólum, ræðir stöðu barna í kynáttunarvanda, hormónameðferðir, hlutverk Samtakanna '78 og hvort samfélagsumræðan leyfi raunverulega opna umræðu um þessi mál.Þeir ræða meðal annars:• ESB-aðild, fullveldi og valdheimildir Íslands• Evruumræðuna, vexti og húsnæðismarkaðinn• Regnboga- og transfána í skólum• Kynáttunarvanda barna og nálgun heilbrigðiskerfisins• Hormónabælandi meðferðir og þróun í Finnlandi og Bretlandi• Hlutverk Samtakanna '78 í ráðgjöf til barna• Menningarstríð, pólitíska jaðarsetningu og tjáningarfrelsi• Fjölmiðla, pólitíska aktívisma og trúverðugleika fréttamiðla• Innflytjendamál, þjóðernisvitund og pólitíska skautunBeinskeytt, umdeilt og djúpt samtal um Ísland á tímamótum — þar sem tekist er á um framtíð þjóðarinnar, gildi samfélagsins og mörk opinberrar umræðu. #Spjallið #SnorriMásson #Tjáningarfrelsi #Transumræða #Samfélagsmál #StjórnmálFáðu þér áskrift og sjáðu alla þætti á Brotkast í fullri lengd inni á https://brotkast.is/askrift/

Jón Þormar, Helgi Bjarnason og Davíð Bergmann ræða málin.

Í þætti dagsins fjöllum við um lifandi dæmi þess þegar umburðarlyndið ber okkur ofurliði. Borgin Hamtramck í Michigan lagði nefnilega á árum áður mikla áherslu á fjölbreytileika og inngildingu, og samþykkti meðal annars lög sem leyfðu múslimum að útvarpa bænakalli um borginna 5 sinnum á dag. Nokkrum árum síðar tók við meirihluti í borgarstjórn Hamtramck sem hafði á að skipa múslimum eingöngu og þeir tóku sig til og bönnuðu GayPride fánann á opinberum stöðum í borginni. Frjálslyndir inngildingarsinnar telja sig að einhverju leyti svikna af þessari atburðarrás en dæmið þykir sýna hvert stefna fjölmargra Evrópulanda muni leiða okkur ef ekki verður tekið í taumana.Fáðu þér áskrift og sjáðu alla þætti á Brotkast í fullri lengd inni á https://brotkast.is/askrift/

Í þessum nýjasta þætti af Spjallinu fær Frosti Logason til sín tvo ólíka gesti: Guðjón Heiðar Valgarðsson, þáttastjórnanda Álhattsins og kunnan greinanda samsæriskenninga, og Tjörva Schiöth, doktorsnema í sagnfræði og yfirlýstan sósíalista.Þrátt fyrir að standa á sitthvorum enda hins pólitíska rófs kemur fljótt í ljós að þeir eru sammála um ýmislegt — sérstaklega þegar kemur að Evrópusambandinu, fullveldi Íslands og gagnrýni á vaxandi miðstýringu valds.Í þættinum ræða þeir meðal annars:• ESB-aðild Íslands og þjóðaratkvæðagreiðsluna 29. ágúst• Evru, fullveldi og auðlindir• Vók-hugmyndafræði og sjálfsmyndapólitík• MeToo, Jeffrey Epstein og valdakerfin• Fjölmiðla, narratíf og „Liberal World Order“• Samsæriskenningar og mörkin milli tortryggni og sannleiksleitarGeta menn sem eru svona ósammála um svo margt fundið sameiginlegan flöt? Og hvað segir það um samtímann?#Spjallið #ESB #Epstein #Vók #Samsæri #StjórnmálFáðu þér áskrift og sjáðu alla þætti á Brotkast í fullri lengd inni á https://brotkast.is/askrift/

Hera Gísladóttir, heilsumarkþjálfi og stjörnuspekingur, ólst upp úti á landi en fann alltaf að hún væri meiri borgarstelpa. Hún byrjaði snemma að vinna fyrir sér í fiski en segir að stjörnuspeki hafi breytt lífi sínu. Það hafi samt komið frekar óvænt í fangið á henni þegar hún fór með eiginmanni sínum, Ásgeiri Kolbeins, á fund með einum reyndasta stjörnuspekingi landsins. Fáðu þér áskrift og sjáðu alla þætti á Brotkast í fullri lengd inni á https://brotkast.is/askrift/

Í þessu viðtali segir Sigurlín Guðmundsdóttir frá sambandi sínu við palestínskan hælisleitanda sem hún kynntist árið 2022, hjálpaði til Íslands og giftist bæði samkvæmt íslömskum sið og síðar borgaralega.Það sem byrjaði sem ástarsaga breyttist hins vegar í martröð.Eftir árásirnar 7. október segir Sigurlín að eiginmaður hennar hafi fagnað árásunum, og í kjölfarið hafi hann viðurkennt fyrir henni að vera tengdur Hamas – og síðar beinlínis Hamas-liði. Hún segir hann hafa lýst herþjálfun sinni, störfum í göngum Hamas á Gaza og tengslum fjölskyldu sinnar við samtökin.Í viðtalinu lýsir hún einnig hvernig hún telur að fé sem safnað var hér á Íslandi „fyrir fjölskyldu á Gaza“ hafi að hluta ratað til þekkts Hamas-liða, hvernig maðurinn hennar fylgdist með henni, hakkaði síma og tölvu og beitti hana andlegu ofbeldi.Sigurlín segir að fyrrverandi eiginmaður hennar sé enn á Íslandi þrátt fyrir brottvísun, og varar við því sem hún telur vera stærra net Hamas-tengdra einstaklinga hér á landi.Fáðu þér áskrift og sjáðu alla þætti á Brotkast í fullri lengd inni á https://brotkast.is/askrift/

Evrópusinnar á Íslandi gleymdu að taka hlutfall af ráðstöfunartekjun með í reikninginn þegar þeir ætluðu að telja fólki trú um að matarkarfan væri ódýrari í Evrópusambandinu en á Íslandi. Þá virðast þeir einnig hafa gleymt því að afnema þurfi verndartolla á landbúnaðarvörum til þess að lækka verðið á sömu matarkörfu. Það er kannski ekki skrítið að þetta sama fólk telji sig þurfa að kíkja í pakkann.Fáðu þér áskrift og sjáðu alla þætti á Brotkast í fullri lengd inni á https://brotkast.is/askrift/

Í þessu viðtali segir Hrafn Margeirsson frá erfiðustu reynslu lífs síns: missi 21 árs dóttur sinnar sem lést úr mjög ágengu ristilkrabbameini árið 2024.Hrafn er sannfærður um að veikindi dóttur sinnar tengist Covid-bólusetningum sem hún fékk árið 2021. Hann rekur þá atburðarás sem varð til þess að hann skipti um skoðun á bólusetningunum, segir frá leit sinni að svörum eftir andlát dótturinnar og gagnrýnir harðlega íslensk heilbrigðisyfirvöld, fjölmiðla og lyfjafyrirtæki.Meðal þess sem rætt er:• Saga 21 árs dóttur Hrafns og veikindi hennar• Hvað svokallað „túrbókrabbamein“ er að mati þeirra sem nota hugtakið• Aukaverkanir Covid-bólusetninga og skráningar þeirra• Umræða um sprautuskaða á Íslandi• Gagnrýni á heilbrigðisyfirvöld og fjölmiðla• Hvers vegna Hrafn telur að mikilvægar spurningar hafi ekki verið rannsakaðarAthugið: Viðmælandinn lýsir hér eigin skoðunum, reynslu og túlkun á atburðum.Fáðu þér áskrift og sjáðu alla þætti á Brotkast í fullri lengd inni á https://brotkast.is/askrift/

Jón Þormar, Sverrir Helgason og Eva Þorsteinsdóttir ræða málin.

Ivan Kaufmann hefur verið sakaður um að vera „leppur Rússa“ af íslenskum stjórnvöldum. Í þessu ítarlega viðtali við Frosta Logason segir Kaufmann sína hlið á Vélfagsmálinu í fyrsta sinn af fullum þunga. Kaufmann heldur því fram að íslensk stjórnvöld hafi aldrei sýnt honum nein gögn sem réttlættu aðgerðirnar gegn honum, þrátt fyrir að hann hafi lagt fram umfangsmikil gögn um eignarhald sitt og viðskiptasögu.Í viðtalinu fullyrðir hann meðal annars:• Að Þorgerður Katrín Gunnarsdóttir hafi látið þau skilaboð berast til hans að hann ætti að selja Vélfag til íslensks aðila.• Að honum hafi verið gefið til kynna hver ætti að kaupa fyrirtækið.• Að hann hafi neitað að selja fyrirtækið af prinsippástæðum, þrátt fyrir að hann gerði sér grein fyrir að sú ákvörðun gæti haft alvarlegar afleiðingar.• Að honum hafi verið bannað að greiða laun starfsmanna, skatta og launatengd gjöld úr eigin vasa.• Að 40 fjölskyldur á Akureyri hafi misst lífsviðurværi sitt vegna aðgerðanna.• Að hann hafi ítrekað óskað eftir fundi með utanríkisráðherra en aldrei fengið.• Að þýsk stjórnvöld, Evrópusambandið og aðrir erlendir aðilar hafi komist að annarri niðurstöðu en íslensk stjórnvöld um meint tengsl hans við Rússland.• Að ásakanir um tengsl við rússneska leyniþjónustu hafi haft gríðarleg áhrif á líf hans, fjölskyldu og atvinnustarfsemi.Kaufmann hafnar því alfarið að hafa starfað fyrir rússnesk stjórnvöld, rússneska leyniþjónustu eða svokallaðan skuggaflota Rússa og krefst þess að íslensk stjórnvöld leggi fram þau gögn sem hann segir að liggi að baki ásökununum.Viðtalið veitir ítarlega innsýn í mál sem hefur vakið mikla athygli, leitt til dómsmála gegn íslenska ríkinu og haft afdrifaríkar afleiðingar fyrir Vélfag, starfsfólk fyrirtækisins og Ivan Kaufmann sjálfan.#IvanKaufmann #Vélfag #FrostiLogason #Brotkast #ÞorgerðurKatrín #Akureyri #ÍslandFáðu þér áskrift og sjáðu alla þætti á Brotkast í fullri lengd inni á https://brotkast.is/askrift/

Hafa innflytjendur meiri tilhneigingu til að fremja afbrot? Hvað segja rannsóknir frá Svíþjóð, Danmörku, Bretlandi og Bandaríkjunum? Og hvers vegna virðast niðurstöður vera svo ólíkar milli landa?Í þessu viðtali ræðir Frosti Logason við Margréti Valdimarsdóttur, doktor í afbrotafræði við Háskóla Íslands, sem var nýkomin af alþjóðlegri ráðstefnu í Stokkhólmi þar sem fjallað var um tengsl innflytjenda, samþættingar og afbrota.Meðal þess sem rætt er:• Staðan í Svíþjóð og vaxandi vandamál tengd glæpagengjum• Hvers vegna önnur kynslóð innflytjenda virðist standa verr en sú fyrsta í sumum löndum• Umdeild danska rannsóknin á palestínskum flóttamönnum og afkomendum þeirra• Munurinn á Evrópu og Bandaríkjunum þegar kemur að innflytjendum og afbrotum• Hlutverk menningar, félagslegra aðstæðna og velferðarkerfa• „Grooming gangs“ málin í Bretlandi og viðbrögð yfirvalda• Hvort ótti við ásakanir um kynþáttafordóma geti haft áhrif á rannsóknir og stefnumótun• Hvernig afbrotafræðingar nálgast viðkvæm mál sem snerta þjóðerni, uppruna og afbrotMargrét leggur áherslu á mikilvægi þess að skoða gögn, rannsóknir og samhengi frekar en að draga víðtækar ályktanir af einstökum málum eða fyrirsögnum.#Spjallið #FrostiLogason #MargrétValdimarsdóttir #Afbrotafræði #Innflytjendur #Svíþjóð #Danmörk #Bretland #Glæpagengi #SamþættingFáðu þér áskrift og sjáðu alla þætti á Brotkast í fullri lengd inni á https://brotkast.is/askrift/

Konráð Guðjónsson hagfræðingur ræðir við Frosta Logason um mögulega upptöku evru á Íslandi og segir að staða Íslands sé ólík stöðu flestra ríkja sem hafa gengið inn í evrusvæðið.Í viðtalinu bendir hann á að Ísland sé nú þegar hluti af innri markaði Evrópu í gegnum EES-samninginn og að því sé óvíst hversu mikill viðskiptaábatinn af upptöku evru yrði. Hann telur jafnframt að Ísland myndi líklega þurfa að ganga inn í evrusvæðið á mun veikara gengi en nú er og nefnir að það gæti numið 10–20%.Konráð veltir einnig upp áhrifum á laun, atvinnuleysi, kaupmátt, matvælaverð og lífsgæði á Íslandi. Hann segir að þrátt fyrir hátt verðlag standi Íslendingar mjög sterkt þegar horft er til ráðstöfunartekna, eignamyndunar og almennra lífsgæða.📌 Helstu punktar:• Ísland er þegar á innri markaði ESB í gegnum EES• Takmarkaður viðskiptaávinningur af evru að mati Konráðs• Evran gæti krafist 10–20% veikari krónu• Hvað myndi það þýða fyrir laun og kaupmátt?• Atvinnuleysi og mögulegur samfélagslegur kostnaður• Eru lífsgæði Íslendinga í raun meðal þeirra bestu í heimi?#SpjalliðMeðFrosta #KonráðGuðjónsson #Evran #ESB #EES #Hagfræði #Ísland #Krónan #Kaupmáttur #Atvinnuleysi #EvrópusambandiðFáðu þér áskrift og sjáðu alla þætti á Brotkast í fullri lengd inni á https://brotkast.is/askrift/

Jonathan Hall, óháður eftirlitsaðili með hryðjuverkalöggjöf í Bretlandi, segir stjórnvöld þurfa að ræða tengsl innflytjendamála og þjóðaröryggis af meiri hreinskilni. Hann varar við að fjandsamleg ríki geti nýtt sér ólöglega innflytjendur og að einstaklingar sem hafa upplifað stríð og áföll geti í sumum tilvikum skapað aukna öryggisáhættu. Ummælin koma í kjölfar hnífaárásar í Belfast sem valdið hefur samfélagslegri spennu og óeirðum. Hall segir að nauðsynlegt sé að viðurkenna að innflytjendamál geti haft áhrif á þjóðaröryggi án þess að það jafngildi andstöðu við innflytjendur eða mannúðarsjónarmið.Fáðu þér áskrift og sjáðu alla þætti á Brotkast í fullri lengd inni á https://brotkast.is/askrift/

Ivan Kaufmann hefur verið sakaður um að vera „leppur Rússa“ af íslenskum stjórnvöldum.Í þessu ítarlega viðtali við Frosta Logason segir Kaufmann sína hlið á Vélfagsmálinu í fyrsta sinn af fullum þunga. Kaufmann heldur því fram að íslensk stjórnvöld hafi aldrei sýnt honum nein gögn sem réttlættu aðgerðirnar gegn honum, þrátt fyrir að hann hafi lagt fram umfangsmikil gögn um eignarhald sitt og viðskiptasögu. Í viðtalinu fullyrðir hann að Þorgerður Katrín Gunnarsdóttir hafi látið þau skilaboð berast til hans að hann ætti að selja Vélfag til íslensks aðila.Fáðu þér áskrift og sjáðu alla þætti á Brotkast í fullri lengd inni á https://brotkast.is/askrift/

Í þessu ítarlega viðtali sest Frosti Logason niður með Þorgerði Katrínu Gunnarsdóttur utanríkisráðherra til að ræða eitt stærsta pólitíska álitaefni samtímans: mögulega aðild Íslands að Evrópusambandinu. Þau fara yfir:• Hvort ríkisstjórnin hafi nægilegt umboð til að hefja ESB-vegferðina• Af hverju Þorgerður telur samningsstöðu Íslands sterkari nú en áður• Áhrif Donald Trump, Grænlandsmálsins og breyttrar heimsmyndar á stefnu Íslands• EES-samninginn og hvort hann dugi til framtíðar• Varnir, NATO og samskipti Íslands við Bandaríkin og Evrópu• Krónuna, evruna, vexti og verðbólgu• Ríkisfjármál, veiðigjöld og efnahagsstefnu ríkisstjórnarinnar• Hvað þjóðaratkvæðagreiðslan í ágúst snýst raunverulega umViðtalið er hreinskilið, gagnrýnið og fer víða um þau mál sem helst brenna á Íslendingum í umræðunni um framtíð Íslands gagnvart Evrópusambandinu.Hvað finnst þér? Ætti Ísland að halda áfram viðræðum við ESB eða ekki? Skrifaðu þína skoðun í athugasemdirnar.#esb #Evrópusambandið #ÞorgerðurKatrín #FrostiLogason #Brotkast #Ísland #Evrumál #Stjórnmál #NATO #EESFáðu þér áskrift og sjáðu alla þætti á Brotkast í fullri lengd inni á https://brotkast.is/askrift/

Sjálfstæðisflokkurinn telur að leiðin upp úr sögulegu fylgishruni sé að ráðast gegn Miðflokki og mála hann upp sem óstjórntækan öfgaflokk. Þannig telur flokkurinn sig geta endurheimt stöðu sína sem fjöldahreifing skynsamra hægri manna. Einnig ræðum við í þessum þætti um skynsama stefnu NoBorders samtakanna um að íslenskt velferðarkerfi eigi að bjóða öll velkomin, rekstur Icelandair sem er ekki samkeppnishæfur með dýrustu laun í heimi og uppgjöf framhaldsskóla við að reyna kenna ungu fólki íslenskar heimsbókmenntir. Allt þetta og meira til í Harmageddon þætti dagsins.Fáðu þér áskrift og sjáðu alla þætti á Brotkast í fullri lengd inni á https://brotkast.is/askrift/

Jón Þormar, Helgi Bjarnason og Jakob Bjarnar ræða málin.

Ragnar Erling Hermannsson hefur barist fyrir málefnum heimilislausra í nokkur ár og hefur háð baráttu við fíkniefnadjöfulinn. Hann segir okkur sína sögu í þættinum í dag. Fáðu þér áskrift og sjáðu alla þætti á Brotkast í fullri lengd inni á https://brotkast.is/askrift/

Ingibjörg Birna Ársælsdóttir missti báða foreldra sína úr krabbameini, þegar hún var sjálf bara táningur. Í þætti dagsins segir hún okkur frá því hvernig hún komst í gegnum árin á eftir og hvað hún gerði til að búa sér til fallegt og farsælt líf. Fáðu þér áskrift og sjáðu alla þætti á Brotkast í fullri lengd inni á https://brotkast.is/askrift/

Kjósendur Sjálfstæðflokksins vakna nú upp við þann veruleika að þeir hafa kosið enn eina vinstristjórnina í Reykjavík. Flokkurinn virtist vera ná sér eftir erfitt gengi undanfarið en nú þarf kraftaverk að gerast í Reykjavík til að kjósendur muni treysta flokknum aftur á næstu árum. Jafnvel grjótharðir, innmúraðir Sjálfstæðismenn þurfa nú að fara horfast í augu við þá staðreynd að forysta flokksins vill miklu frekar geta skálað í hvítvíni með RÚV fólkinu, sem hún þráir viðurkenningu frá, heldur en að halda á lofti einhverjum hægri áherslum í pólitík.Fáðu þér áskrift og sjáðu alla þætti á Brotkast í fullri lengd inni á https://brotkast.is/askrift/

Jakob Frímann Magnússon er nýjasti gestur Spjallsins með Frosta Logasyni.Hann fer hér yfir kynni sín af Björgvini Halldórsyni heitnum en þeir félagar tengdust vinaböndum í gegnum tónlistina og spannaði sú vinátta marga áratugi. Fáðu þér áskrift og sjáðu alla þætti á Brotkast í fullri lengd inni á https://brotkast.is/askrift/

Jón Þormar, Helgi Bjarnason, Sverrir Helgason og Frosti Sigurjónsson ræða málin.

Þrátt fyrir að enginn málefnaleg rök liggi fyrir því, þá er Sjálfstæðisflokkurinn leitandi logandi ljósi af ástæðum til að vinna ekki með Miðflokki. Enginn kjósandi Sjálfstæðisflokks ber þá ósk í brjósti að flokkurinn vinni til vinstri og Viðreisn hefur ekkert að bjóða flokknum annað en ágreining um nokkur af helstu málefnum kosninganna. Samt hefur Sjálfstæðisflokkurinn enn ekki hafið viðræður við Miðflokkinn. Við spáum því að framtíð Sjálfstæðisflokksins sé ekki jafn björt og fylgi þeirra í nýafstöðnum borgarstjórnarkosningum gefur til kynna.Fáðu þér áskrift og sjáðu alla þætti á Brotkast í fullri lengd inni á https://brotkast.is/askrift/

Dómsmálaráðherra Íslands, Þorbjörg Sigríður Gunnlaugsdóttir, er gestur Frosta Logasonar í ítarlegu og umdeildu viðtali um helstu hitamál íslenskra stjórnmála.Í viðtalinu ræðir Þorbjörg meðal annars um hertari stefnu ríkisstjórnarinnar í útlendingamálum, fyrirhugaða brottfararstöð fyrir þá sem hafa fengið synjun um vernd, skipulagða brotastarfsemi, netveðmál, öryggi samfélagsins og stöðu réttarkerfisins.Einnig er rætt um ESB-umræðuna, Schengen-samstarfið, vændiskaup og jafnvægið milli frelsis og öryggis í nútímasamfélagi.Fáðu þér áskrift og sjáðu alla þætti á Brotkast í fullri lengd inni á https://brotkast.is/askrift/

Í Harmageddon þætti dagsins förum við yfir niðurstöðu borgarstjórnarkosninganna. Kjósendur gáfu til kynna skýran vilja til þess að breytt yrði um stefnu og gáfu Sjálfstæðisflokki og Miðflokki meirihluta atkvæða til þess. Líklegt er þó að Sjálfstæðisflokkur muni ekki virða þennan vilja kjósenda sinna, heldur eigi eftir að bjóða varadekkjum fyrri meirihluta upp í dans. Við förum yfir málið í Harmageddon þætti dagsins.Fáðu þér áskrift og sjáðu alla þætti á Brotkast í fullri lengd inni á https://brotkast.is/askrift/

Helgi Bjarnason, Sverrir Helgason og Þórarinn Hjartarson ræða niðurstöður sveitastjórnakosninga og fleira.

Páll Steingrímsson, fyrrverandi skipstjóri hjá Samherja, er nýjasti gestur Spjallsins með Frosta Logasyni. Héraðsdómur sýknaði nýverið ríkisútvarpið og Þóru Arnórsdóttur, fyrrverandi ritstjóra Kveiks, af kröfum Páls en hann fór fram á miskabætur vegna ætlaðra brota starfsmanna Rúv gegn friðhelgi einkalífs hans. Páll hefur ákveðið að áfrýja málinu til Landsréttar auk þess sem hann hefur tilkynnt RÚV til fjölmiðlanenfndar vegna umfjöllunar miðilsins um meintar hótanir hans gegn Helga Seljan og öðrum blaðamönnum. Páll fer í þessu viðtali ítarlega yfir allt hið svokallaða byrlunar- og símastuldsmál og segir því máli aldrei verða lokið fyrr enn sannleikurinn hafi að fullu verið leiddur í ljós.Fáðu þér áskrift og sjáðu alla þætti á Brotkast í fullri lengd inni á https://brotkast.is/askrift/

Í þætti dagsins förum við yfir fyrstu fréttir af hinni skelfilegu hantaveiru en undirbúningur Alþjóðlegu heilbrigðismálastofnunarinnar fyrir næsta faraldur er nú í fullum gangi. Þá fjöllum við einnig um aktívistablaðamenn sem skrifa um Miðflokkinn og áherlsur Samfylkingarinnar á aukna hinseginfræðslu í grunn- og leikskólum fyrir borgarstjórnarkosningarnar um helgina. Þá skoðum við einnig bestu og verstu kosningamyndböndin á samfélagsmiðlum flokkanna. Allt þetta og meira til í Harmageddon þætti dagsins.Fáðu þér áskrift og sjáðu alla þætti á Brotkast í fullri lengd inni á https://brotkast.is/askrift/

Frosti Sigurjónsson er nýjasti gestur Spjallsins með Frosta Logasyni. Hann hefur nýverið gefið út Bókina um Evrópusambandið – hvað er í pakkanum, sem hann segir ekki vera áróðursrit um kosti eða galla ESB, heldur tilraun til að útskýra með hlutlægum hætti hvernig sambandið sé uppbyggt og hvaða skuldbindingar fylgi aðild.Í samtalinu fer Frosti meðal annars yfir evruna, fullveldi, kostnað við inngöngu, stöðu Íslands í EES og þá hættu sem hann telur felast í því að afhenda ákvörðunarvald til stofnana sem Íslendingar hafi takmarkaða stjórn á.Fáðu þér áskrift og sjáðu alla þætti á Brotkast í fullri lengd inni á https://brotkast.is/askrift/

Ingibergur Sigurðsson er með 4. stigs krabbamein og veit að hann á skammt eftir ólifað. Í þætti dagsins segir hann okkur frá lífi sínu, erfiðri æsku og hvernig er að sættast við það sem ekki fæst breytt.Fáðu þér áskrift og sjáðu alla þætti á Brotkast í fullri lengd inni á https://brotkast.is/askrift/