Dalğa FM

"Sənətin səsi" verilişinin qonağı Özbəkistanda keçirilən III Beynəlxalq Makom Festivalında I yerə layiq görülən sənətçilər – Respublika və beynəlxalq müsabiqələr laureatı, kamança ifaçısı Nurəddin Tağıyev və zərb alətləri ifaçısı Teymur Cəbrayılov qonaq oldular. Onlar festivalın yaratdığı təəssüratlar, beynəlxalq səhnədə Azərbaycan musiqisinin qazandığı uğur, yaradıcılıq yolları haqqında danışdılar.

"Valideyn saatı" verilişinin qonağı media eksperti Müşfiq Ələsgərli ilə uşaqların internetdə qarşılaşa biləcəyi risklər, saxta məlumatların təsiri, kibertəhlükələr, sosial şəbəkələrdən təhlükəsiz istifadə qaydaları, valideyn nəzarətinin əhəmiyyəti və rəqəmsal savadlılığın artırılması yolları haqqında danışdıq.

"Sənətin səsi" verilişinin qonağı aktyor, Əməkdar artist Elşən Rüstəmov oldu. Teatr səhnəsində və ekranlarda yaddaqalan obrazlar yaradan sənətkarla yaradıcılıq yolu, aktyorluq peşəsinin incəlikləri, səhnə və kamera qarşısında qazandığı təcrübələr, eləcə də yeni layihələri barədə söhbət etdik.

"Biznes inciləri" verilişinin qonağı "Tuva" brendinin təsisçisi Şəbnəm Bayramova brendin yaranma hekayəsindən, yerli moda sənayesində uğur qazanmağın sirlərindən, dizayn yanaşmasından və Azərbaycan mədəniyyətinin müasir geyimlərdə əks etdirilməsindən danışdı. O, həmçinin sahibkarlıq yolunda qarşılaşdığı çətinlikləri, beynəlxalq moda mühitində qazandığı təcrübəni və gələcək hədəflərini bölüşdü 

"Sənətin səsi" verilişində Xalq artisti Məmmədbağır Bağırzadənin zəngin sənət irsi haqqında söhbət etdik. Verilişin qonaqları sənətkarın oğlu Rahim Bağırzadə və nəvəsi Məmmədbağır Bağırzadə onun sənət yolu, illər keçsə də sevilərək dinlənilən mahnıları, xatirələri və onun Azərbaycan musiqisinə bəxş etdiyi irs barədə danışdılar.

"Biznes inciləri" verilişinin qonağı "food blogger" və şef Afaq Mustafayeva ilə kulinariya sahəsində uğur qazanmağın sirləri, şəxsi brend quruculuğu və rəqəmsal platformalarda məzmun istehsalının incəlikləri barədə söhbət apardıq. Afaq Mustafayeva həmçinin peşəkar mətbəx təcrübəsi, "food blogger" kimi fəaliyyət göstərməyin üstünlükləri və çətinlikləri haqqında fikirlərini bölüşdü.

"Sənətin səsi" verilişinin qonağı aparıcı İlahə Şıxlinskaya ilə televiziya fəaliyyətinə başladığı anlar, aparıcılıq peşəsinin görünməyən tərəfləri, efir mədəniyyəti, media sahəsində qazandığı təcrübələrdən danışdıq.

"Sənətin səsi"ndə aktyor, Əməkdar artist Azad Şükürov qonaq oldu. Verilişdə onun yaradıcılıq yoluı, aktyorluğun görünməyən tərəflərindən, Azad Şükürovun sənət həyatında iz qoyan rollarından, yadda qalan ekran işlərindən danışdıq.

Xalq artisti Mirzə Babayevin yaradıcılığına həsr olunan "Sənətin səsi" verilişinin budəfəki qonağı sənətkarın nəvəsi Emin Babayev oldu. Verilişdə Mirzə Babayevin ömür yolu, musiqi fəaliyyəti, estrada musiqisinin formalaşmasındakı xidmətləri haqqında danışdıq.

"Biznes inciləri" verilişinin qonağı PR və strateji kommunikasiya üzrə ekspert, təlimçi Günel Əhmədova ilə ictimaiyyətlə əlaqələrin müasir dünyada rolu, PR sahəsində son tendensiyalar haqqında danışdıq. Qlobal PR Günü münasibətilə peşənin cəmiyyət, media və biznes arasında etibarlı körpü yaratmaq missiyasına nəzər saldıq.

"Sənətin səsi" verilişinin qonağı qiraətçi Hüseynağa Aslanov oldu. Vaqif Poeziya Günlərinə həsr olunan verilişdə Molla Pənah Vaqifin zəngin ədəbi irsi, Vaqif Poeziya Günlərinin Azərbaycan mədəni həyatındakı əhəmiyyəti haqqında danışdıq.

"Valideyn saatı"nın qonağı pediatr-infeksionist Aytən Ziyadova ilə uşaqlarda ən çox rast gəlinən infeksion xəstəliklər, onların əlamətləri, müalicə üsulları və profilaktik tədbirlər haqqında söhbət etdik.

"Sənətin səsi" verilişinin qonağı Azərbaycan Respublikasının Dövlət Səs Yazıları Arxivinin direktoru Vüsal Məmmədov ilə ölkəmizin zəngin səs irsinin qorunması, müxtəlif dövrlərə aid unikal səsyazmalarının toplanması, bərpası və rəqəmsallaşdırılması prosesi, eləcə də arxiv fondlarında saxlanılan dəyərli materialların mədəniyyət tariximizdəki əhəmiyyəti barədə danışdıq.

"Biznes inciləri" verilişinin qonağı həkim-dietoloq, "Shefalı Heyat Coffee & Healthy Food"un təsisçisi Şəfa Yadigarova oldu. Verilişdə sağlam həyat tərzinin təşviqi ilə biznesi bir araya gətirməyin yolları, sağlam qidalanma sahəsində sahibkarlığa başlamaq, brend yaratmaq prosesi, bu sahədə qarşıya çıxan çətinliklər barədə söhbət etdik.

"Sənətin səsi" verilişinin qonağı aktyor Vüsal Murtuzəliyev oldu. Verilişdə aktyorun sənətə gəliş yolu, teatr və kino fəaliyyəti, dublyaj sahəsində qazandığı təcrübə, obrazları və yaradıcılıq planları haqqında söhbət apardıq.

"Sənətin səsi"ində Ələkbər Hüseynovun 65 illik yubileyinə həsr etdiyimiz verilişdə sənətkarın yaradıcılıq yolu, canlandırdığı obrazlar, sənətə verdiyi töhfələr haqqında söhbət etdik. Qonaqlar - aktyorun övladları skripka ifaçısı Nərgiz Ələkbər Hüseynzadə və fotoqraf Cavidan Hüseynzadə ataları ilə bağlı xatirələrini, ailə daxilində tanıdıqları Ələkbər Hüseynovu, onun sənətə və həyata baxışı barədə danışdılar.

"Sənətin səsi"nin qonağı çoxşaxəli yaradıcılığı ilə seçilən rəssam, dizayner, şair və musiqiçi Rasim Qurbanov oldu. Verilişdə qonağımızın incəsənətin müxtəlif sahələrini bir araya gətirən yaradıcılıq yolu, rəssamlıq və dizayn sahəsindəki fəaliyyəti, poeziyaya və musiqiyə olan sevgisi, ilham mənbələri, həyata keçirdiyi layihələr və gələcək planları barədə söhbət etdik.

"Biznes inciləri" verilişinin qonağı “The Soft Speak” markasının təsisçisi və dizayneri Günel Hüseynli oldu.Verilişdə moda sahəsində sahibkarlığın inkişafı, şəxsi brend yaratmağın incəlikləri, dizayn prosesinin mərhələləri və yerli moda sektorunda qarşıya çıxan imkanlar və çətinliklər barədə söhbət etdik.

"Sənətin səsi" verilişinin qonağı musiqiçi Araz İmanov oldu. Verilişdə onun musiqiyə gəliş yolu, yaradıcılıq fəaliyyəti, ifaçılıq təcrübəsi, ilham aldığı məqamlar barədə danışdıq. Həmçinin sənətə baxışı, səhnə xatirələri barədə də söhbət etdik.

"Valideyn saatı" verilişinin qonağı Milli Məclisin deputatı Ceyhun Məmmədov ilə ailədə atanın məsuliyyəti, övlad tərbiyəsində ata nümunəsinin əhəmiyyəti, ata-övlad münasibətlərinin möhkəmləndirilməsi yolları haqqında danışdıq.

"Sənətin səsi" verilişinin qonağı xanəndə, Xalq artisti Simarə İmanova ilə sənətkarın muğam yaradıcılığına uzanan yolu, illər ərzində qazandığı uğurlar, milli musiqimizin qorunması və gələcək nəsillərə ötürülməsi istiqamətində gördüyü işlər, eləcə də yaradıcılığındakı yeniliklər barədə söhbət etdik.

"Biznes inciləri" verilişinin qonağı "MentaLogical Academy"nin rəhbəri, diksiya və ünsiyyət bacarıqları üzrə mütəxəssisi Şəfiqə Xaliqova oldu. İşgüzar ünsiyyətdə ən çox edilən səhvlər, rəhbərlik və komanda münasibətlərində effektiv kommunikasiya, şəxsi brendin formalaşmasında nitqin əhəmiyyəti, sosial şəbəkələrdə və media qarşısında uğurlu çıxışın incəlikləri, eləcə də bu sahədə peşəkar inkişaf üçün vacib məqamları müzakirə etdik.

"Sənətin səsi" verilişinin qonağı Bakı Bələdiyyə Teatrının aktrisası Zülfiyyə Qurbanova ilə sənətə gəlişindən, ilk səhnə təcrübələrindən, Bakı Bələdiyyə Teatrında keçdiyi yaradıcılıq yolundan və peşəsinin görünməyən tərəflərindən danışdıq.

"Sənətin səsi" verilişində qonaq olan Ayaz Qasımov ilə sevilən ifaları, musiqi yaradıcılığı ətrafında söhbət etdik. Həmçinin, o, repertuarında xüsusi yer tutan mahnıların hekayələri, hər mahnıya yanaşma tərzi barədə danışdı.

"Sənətin səsi" verilişində"Mikrorayon" serialının baş prodüseri Sevinc Əliyeva, aktyorlar Orxan İskəndərli və Elşən Əskərov ilə serialın ərsəyə gəlmə prosesi, canlandırdıqları obrazlar və gələcək yaradıcılıq planları barədə söhbət etdik.

"Biznes inciləri" verilişinin qonağı "iCheck Medical" tətbiqinin təsisçisi Leyla Orucova ilə "iCheck Medical" tətbiqinin yaranma ideyası, istifadəçilərə təqdim etdiyi imkanlar, tibbi xidmətlərin daha əlçatan və rahat olmasına verdiyi töhfə, eləcə də sahibkarlıq yolunda qarşıya çıxan çətinliklər və əldə olunan uğurlar barədə danışdıq.

"Sənətin səsi"nin qonağı xanəndə, Əməkdar artist Fərqanə Qasımova ilə milli musiqimizin qorunması və gələcək nəsillərə ötürülməsi istiqamətində gördüyü işlər, "Ana" layihəsi, eləcə də yeni layihələri barədə söhbət etdik.

"Sənətin səsi"nin qonağı gənc ifaçı, "Sanremo Junior" beynəlxalq mahnı və musiqi müsabiqəsində Azərbaycanı uğurla təmsil edən Camal Qasımov oldu. Verilişdə Camal Qasımovun musiqiyə ilk addımları, beynəlxalq səhnədə qazandığı təcrübə, "Sanremo Junior" müsabiqəsində yaşadığı anlar, gələcək yaradıcılıq planları haqqında danışdıq.

"Biznes inciləri" verilişinin qonağı memar, "Flax Project" şirkətinin təsisçisi və rəhbəri Gülər Əmirahova ilə memarlıq sahəsində uğurlu karyera qurmağın sirlərindən, yaradıcılıqla biznesin vəhdətindən, öz brendini formalaşdırmaq yolunda atdığı addımlardan danışdıq.

"Sənətin səsi" verilişinin qonağı aktyor Səfa Mehdi oldu. Söhbət zamanı onun sənətə gəliş yolundan, teatr və ekran fəaliyyətindən, rol aldığı layihələrdən, yaradıcılıq axtarışlarından danışdıq.

"Valideyn saatı"nın qonağı fəlsəfə doktoru, pediatr, "Boston Children's Hospital"ın "Developmental Pediatrics" şöbəsində elmi işçi Ülviyyə Aslanova ilə uşaqların fiziki və nevroloji inkişaf mərhələləri, erkən inkişafın qiymətləndirilməsiı, qidalanma, yuxu rejimi, immunitetin gücləndirilməsi, tez-tez rast gəlinən uşaq xəstəlikləri, profilaktik müayinələrin əhəmiyyəti haqqında danışdıq.

"Sənətin səsi" verilişində qonaq olan xanəndə, Xalq artisti Nəzakət Teymurova ilə yaradıcılıq yolu, səhnə fəaliyyəti, yaddaqalan obrazları, eləcə də milli musiqimizin ölkəmizdə və xaricdə təbliği istiqamətində gördüyü işlər barədə söhbət etdik.

"Biznes inciləri" verilişinin qonağı Rəsminə Qürbətova – “Resm Jewelry” brendinin təsisçisi ilə zərgərlik sənətinə olan marağın uğurlu biznesə çevrilməsi, yerli brendin formalaşma prosesi, müasir dövrdə əl işlərinin bazardakı rolu və sahibkarlıq yolunda qarşıya çıxan çətinliklərdən danışdıq. Həmçinin “Resm Jewelry” brendinin yaranma hekayəsi, fərqləndirici xüsusiyyətləri, müştəri məmnuniyyətinin təmin edilməsi haqqında da danışdıq.

"Sənətin səsi" verilişinin qonağı xanəndə və Əməkdar müəllim Qəzənfər Abbasov ilə qonağımızın sənət yolu, muğam ifaçılığı sahəsində qazandığı uğurlar, pedaqoji fəaliyyəti və Azərbaycan musiqi mədəniyyətinin inkişafına verdiyi töhfələrdən söhbət açdıq.

“Valideyn saatı” verilişində hərbi ekspert Emin Həsənli ilə uşaqlarda vətənpərvərlik ruhunun formalaşdırılması, milli-mənəvi dəyərlərin təbliğinin əhəmiyyəti barədə söhbət apardıq. Verilişdə valideynlərin bu istiqamətdə üzərinə düşən vəzifələr, eləcə də gələcək nəslin vətənə bağlı, məsuliyyətli və fəal vətəndaş kimi yetişdirilməsi mövzularını da müzakirə etdik.

“Sənətin səsi” verilişinin qonağı Müdafiə Nazirliyinin Əlahiddə Nümunəvi Hərbi Orkestrinin solisti Aynur İsgəndərli ilə hərbi orkestrin fəaliyyəti, vətənpərvərlik ruhunu aşılayan musiqi nümunələri, səhnə təcrübəsi və sənət yolunda qazandığı uğurlar barədə söhbət apardıq.

"Biznes inciləri" verilişinin qonağı “Premium Beauty”nin təsisçisi Münəvvər Mustafayeva ilə gözəllik və xidmət sektorunda uğurlu biznes qurmağın sirrləri, brend yaratmaq prosesində qarşıya çıxan çətinliklər, müştəri məmnuniyyətinin əhəmiyyəti və sahibkarlıq fəaliyyətində innovativ yanaşmalar haqqında danışdıq. Qonağımız öz biznes yolundan, qazandığı təcrübədən və gələcək hədəflərindən bəhs etdi.

"Sənətin səsi" verilişinin qonaqları aktrisa və dublyaj rejissoru Nəzakət Məmmədli, aktyor və dublyaj prodüseri Rövşən Məmmədli ilə sənətə gəliş yolu, dublyaj sahəsində qazandıqları təcrübə, bu peşənin görünməyən tərəfləri, eləcə də yaradıcılıq münasibətləri haqqında söhbət etdik

"Valideyn saatı" verilişində qonaq psixoloq, NLP Master Elmir İsgəndərov ilə imtahan həyəcanının yaranma səbəbləri, onun uşaqlarda özünəinam və nəticələrinə təsiri, eləcə də valideynlərin bu prosesdə rolu barədə müzakirə etdik. Qonağımız, həmçinin imtahan stressinin idarə olunması üçün psixoloji üsullar, uşaqlara dəstək yolları barədə valideynlərə faydalı tövsiyələr verdi.

"Sənətin səsi" verilişində Əməkdar artist, sənətşünaslıq üzrə fəlsəfə doktoru, opera ifaçısı və pedaqoq İlham Nəzərov ilə musiqi yaradıcılığı, opera sənətinin incəlikləri, milli və dünya musiqisinin sintezi, beynəlxalq səhnələrdə qazandığı uğurlar və pedaqoji fəaliyyəti barədə söhbət apardıq. Verilişdə, həmçinin gənc musiqiçilərin yetişdirilməsi, Azərbaycan musiqisinin təbliği istiqamətində görülən işlər və sənətkarın gələcək layihələri haqqında da danışdıq.

"Valideyn saatı" verilişinin qonağı siyasi elmlər üzrə fəlsəfə doktoru, siyasətçi Amid Əliyev və qızı Gültac Əliyeva ilə ata və övlad münasibətlərinin müxtəlif tərəfləri barədə söhbət apardıq. Qonaqlarımız ailədə sevgi və hörmət mühitinin yaradılması, övladların tərbiyəsində atanın rolu, nəsillər arasında dialoqun qurulması, eləcə də bir-birini anlamağın əhəmiyyəti ilə bağlı danışdılar.

“Sənətin səsi” verilişinin qonağı xanəndə, Əməkdar artist Yaqut Abdullayeva ilə Qarabağ xanəndəlik məktəbinin sənətkarın yaradıcılığına təsiri və keçdiyi sənət yolu barədə söhbət apardıq. Qonağımız muğam sənətinə olan sevgisindən, səhnə fəaliyyətinin yaddaqalan məqamlarından bəhs etdik. Eyni zamanda, Qarabağın musiqi ənənələri, muğam sənətinin incəlikləri və bu dəyərlərin gələcək nəsillərə ötürülməsinin əhəmiyyəti barədə danışdıq.

“Biznes inciləri” verilişinin qonağı “Beko” şirkətinin Qafqaz regionu üzrə regional marketinq meneceri Əfşan Bağırlı ilə qlobal brendin regional bazarlarda tətbiq etdiyi marketinq strategiyaları, müasir dövrdə istehlakçı davranışlarının dəyişməsi, rəqəmsal marketinq alətlərinin biznesə təsiri və brend dəyərinin formalaşdırılması mövzularını müzakirə etdik. Həmçinin marketinq sahəsində müşahidə olunan yeni tendensiyalar, şirkətlərin rəqabət mühitində fərqlənmək üsulları və uğurlu kommunikasiya strategiyalarının əhəmiyyəti barədə söhbət apardıq.

"Sənətin səsi" verilişində qonaq rejissor Elvin Mirzəyev ilə yaradıcılıq yolu, səhnədə yaşadığı maraqlı məqamlar, uğurlu layihələri və gələcək planları barədə söhbət etdik. Verilişdə, həmçinin müasir teatrın inkişaf istiqamətləri, rejissor baxışının formalaşması haqqında danışdıq.

“Valideyn saatı” verilişinin qonağı media və kommunikasiya mütəxəssisi Azər Nəzərov ilə rəqəmsal texnologiyaların ailə münasibətlərinə təsiri, sosial şəbəkələrin ailədaxili ünsiyyətə gətirdiyi dəyişikliklər, valideynlərin uşaqların rəqəmsal həyatına nəzarəti və ailədə sağlam kommunikasiya mühitinin yaradılması yolları haqqında danışdıq.

"Sənətin səsi" verilişinin qonağı Azərbaycanın tanınmış kamança ifaçısı, Əməkdar artist, Mirnazim Əsədullayev ilə kamança sənətinin yaşadılmasından, muğam sənətinə verdiyi töhfələr və uzun illərə söykənən səhnə fəaliyyəti barədə söhbət açdıq. Veriliş zamanı sənətkarın kamança ilə bağlı xatirələri, ustad-şagird ənənələri ətrafında fikir mübadiləsi apardıq.

"Biznes inciləri” verilişinin qonağı “FutureBright” şirkətlər qrupunun Azərbaycan üzrə ölkə direktoru Könül Əliyeva ilə müasir biznes mühitində liderliyin rolu, şirkətlərin inkişaf strategiyaları, insan resurslarının idarə olunması, korporativ mədəniyyətin formalaşdırılması və beynəlxalq təcrübənin yerli bazarda tətbiqi mövzularını müzakirə etdik. Həmçinin, o, uğurlu karyera yolundan, idarəetmə sahəsində qazandığı təcrübədən və biznes dünyasında qarşıya çıxan çağırışların həlli yollarından bəhs etdi.

"Sənətin səsi” verilişinin qonaqları kamança ifaçısı Aişə Binnətzadə-Orucova və tar ifaçısı Əmrah Orucov ilə Türkmənistanda baş tutan çıxışları, Azərbaycan milli musiqisinin beynəlxalq səviyyədə təbliği və səhnə təəssüratları barədə söhbət apardıq. Verilişdə qonaqlar səfər zamanı yaşadıqları unudulmaz anlardan, eləcə də tar və kamançanın harmoniyasından danışdılar.

"Sənətin səsi” verilişinin qonağı aktyor və meyxana ifaçısı Vüqar Əbdülov ilə sənətə gəliş yolu, aktyorluq təcrübəsi, meyxana yaradıcılığı, yaddaqalan çıxışları haqqında söhbət etdik. Eyni zamanda, o, həyatında dönüş nöqtəsinə çevrilən hadisələrdən, səhnə arxasında yaşadığı xatirələrdən danışdı.