Die AsBIERanten

Servus und grias eich zur neia Folge vom gmiadlichsten Podcast den ihr kennts. Heid hod da Korbi moi wos für sei Kulturwohl do und sich endlich de letzten James Bond Filme ogschaut. Und weil da Maxi do ja a absoluter Enthusiast is, reden ma do a wengal drüber. Aber natürlich sprech ma a die grandiosen Bayern in da Champions League o und warum in da Karibik manchmoi andere Regeln im Fuaßboi herrschen als hierzulande. Und welches Bier da James Bond gern dringt erfahrts heid ois in der Folge. Deswegen ab ins Maibaamstüberl mit eich und bstellts eich a Kaltschorle und nei in de neie Episode.

Servus und grias eich zur nächsten Episode von unserm Podcast. Und es werd de letzte sein. April April natürlich machan mia weiter. Aber in da neia Folge hods da Maxi tatsächlich gschafft an Kuabe in April zum schicka. Muas ma eam lassn des hoda a guad gmacht. Nichtsdestrotz hamma natürlich über die Nicht-Teilnahme vo Italien an da WM reden miasn und sonst auch ein bunter Blumenstrauß an Themen. Und warum de Amis manchmoi doch ned so bläd san erfahrn ma in der Folge a. Deswegen jetz zwischen de Ostereier an Eierlikör und an Osterbock vom Osterhasn bringa lassn und dann genüsslich bei bestem Wetter genießen.

Servus und grias eich zur nächsten Folge vom gmiadlichsten Podcast oller Zeitn. Heid nehma am bsondan Dog auf. Und zwar an St. Patricks Day. Saggrisch wuide Gschicht über irre Iren und Umzüge. Außerdem hamma festgestellt welcher Fahrer scho sauber vui Rundn gmacht ham. Und den Spieler der 2048 wahrscheinlich professionell Football spuin werd hamma natürlich a scho gfund. Deswegen ab zum Kobold mim lustigen Huat und zwiebelts eich im Pub a saubern Guinness nei und ab in de neie Folge.

Servus und grias eich zur nächsten Folge vom gmiadlichsten Podcast diesseits des Mississippi. Heid hammas gschafft das ma moi wos auflösen wos ma vor zwoa Folgen besprocha ham. Ein Hoch auf uns und es passieren immer noch Wunder. No dazua hamma heid verrückte Fakten und Orden kennaglernt und Musik is a ned zkurz kemma.Und da Korbi überrascht a no mit wuidem Wissen, wo ma sich denkt warum merkt ma sich sowos. Natürlich kimmd da Bierfakt a ned zkurz. Aiso Hopfensmoothie auf gnedln und nei in de neue Folge.

Servus und grias eich zur nächsten Folge im Jahr 2026. In der Folge steht natürlich alles im Zeichen von Olympia. Maxi war vor Ort und berichtet von wuide Fans aus ner Nation, die ned so für Wintersport bekannt san. Da Korbi hod ois vo da Couch aus verfolgt und a interessantes Mittel gega Krämpfe mitgriagd. Natürlich hamma a wieder Bierfakten am Start und do gehts wias im Titel scho lesen kinnds um Münchner Bier und Brauereien. Aiso deswegen jetz ab an den koid gsteidn Kastn und naus mit da Krawallbrause.

Servus und grias eich zur ersten Episode in 2026. Mia melden uns wieder zurück und starten mit na richtig voll gepackten Folge. Na mia ham uns ned verändert, deswegen hamma am Anfang natürlich bissl Sport drinnen und do frong ma uns wia weit ma eigentlich ois NBA-Profi umziang konn und wo ma am besten a Fuaßboiturnier ausrichten kannd. A wos mia so alles gmacht ham in der langen Zeit ohne Podcast besprechen ma a bissl. Und unser Bierfakt is mit am wichtigen Appell an eich alle do draußen gerichtet. Aiso deswegen ab in Garten zum koidn Kasten und auf mit dem herrlichen kühlen Blonden und nei in de neue Folge

Servus und grias eich zur nächsten Folge. Pünktlich an Weihnachten samma wieder zurück aus unserer "kurzen" Abstinenz. Aber natürlich reden ma in der Folge über de Darts-WM und unsern Lieblingsspieler, der a unser Opa sei kannd. Und dann hamma no erstaunliches über Brot nausgfunden. Ja mia hams selber ned glabd. Und natürlich hamma a Bierfakten, verpackt in am Weihnachtsquiz dabei. Aiso deswegen nebam hoaßn Glühwein a koids Weihnachtsfestbier aufspaxn und nei in de neue Folge.

Servus und grias eich zu unserem Geburtstagsspezial. Mia feiern 1 jähriges Jubiläum und des is Grund zum feiern. Deswegen hamma heid a wieder Gäste am Start und zwar unseren unübertroffenen Faktenchecker an Ruez, der sogar selber a Randsportart mitbrochd hod und natürlich alle vergangenen Folgen gefaktencheckt hod. Dann is unser erster Gastbierant da Sevi a wieder dabei, der sich heid in der Folge wahrscheinlich dacht hod, wos zur Hölle dua i do und wieso hob i eigentlich koa guads Bier im Haus. Und dann last but not least den Menschen, der den Begriff "Gastbierant" geprägt und erfunden hod. An Martin. Und dem foid heid a sauber wos ein und i glab er hod in der Folge as neue Münchner Trendgetränk erfunden, den de ganzn Stodara an da Isar oder im Englischen Garten sich einenzwieben werden. Deswegen ab in de Jubiläumsfolge zu unserem 1 Jähringen und hoids eich a Geburtstagsmaßerl, blosds de Kerzen aus und ab aufs Dorffest bei eich um des ganze gebührend zu feiern

Servus und grias eich zur nächsten Folge vom gmiadlichstn Podcast der Welt vom scheenstn Fleggal auf eben dieser. Heid hamma wieder a baar, i dad moi song, interessante Randsportarten dabei. Mia analysieren des natürlich alles komplett unvoreingenommen und ham auch die ein oder andere Idee wia ma des no erweitern kannd. Natürlich auch wieder a Empfehlungen der Woche am Start wos eich unbedingt oschaung soids oder macha soids. Beim Bierfakt werds a bissal ernsta, aber mia lassn uns davo ned de Stimmung vermiesen. Mia ruafan eich in am Appell o um der Entwicklung entgegen zu wirken und helfen selber natürlich wo es geht nach. Aiso sportlich sowieso a wengal vertreten, aber ois mit am gewissen Augenzwinkern. Aiso auf gehts hoids eich a Kaltschorle beim Getränkedandla im Ort, hauds eich vorn Kacheofa bei de Temperaturen und dann nei de Folge.

Diese Folge haben wir an einem Samstag aufgenommen. Und das merkt man! Es herrscht keinerlei Disziplin und Verantwortung. Von Danny Dimes über Dosenbier, bis Nottingham-Forest und Angi Kerber ist alles, völlig zusammenhangslos, dabei. Najahhh... eigentlich wie immer! Vui Spass und danach-> auf zum Wirt eures Vertrauens

Servus und grias eich zur nächsten Folge vom gmiadlichsten Podcast in da Milchstraße. Heid derfds eich gfrein auf Tipps wos ma vor am wichtigen Spui ois essn soi und a wieso Tomatn ned immer des beste san. Genaus hamma uns wieder a wengal in da guadn oidn Zeit verratscht wo ma mim Controller in da Hand no Blutgrätschen auf da Flimmerkiste verteilen hod kinna. Da Maxe hod sich a ned lumpen lassn und fleissig wira is im Urlaub a paar interessante Bierfakten ausagsuach. Bildungsauftrag 1000% erfüllt. In diesem Sinne gehabt euch wohl und zwiebets eich den nächsten Hopfensmoothie mit Hirse in eier Stammhirn.

Servus und grias eich zur nächsten Folge. Heid schmatz ma wieder über ois und jeden und da bei uns in Bayer de 5. Jahreszeit eingeleitet wurde samma natürlich a dabei und hom a paar Fakten und lustign Gschichd übers Oktoberfest dabei. Natürlich kimmd a da Sport ned zkurz, und warum oana von de besten Kicker unserer Zeit a besondere Ehrung griagd hod heads heid a. Aiso jetz an da Theke fest beissn und den nettn Menschn der de Maßkriag rumzaubert frong ob ihr ned no an Hopfensmoothie griagds. Aiso Abfahrt

Servus und grias eich zur nächsten Episode vom gmiadlichstn Podcast den eire Ohrwaschln jemois ghead ham. Heid gehts um vui verrückte Viecha. Warum de Finnen an Bunga-Bunga Moasta moi richtig hopps gnumma ham, wieso die Japaner des wuideste Bier machan und wos an Maxi so richtig aufregt wenn de Bundesliga endlich startet. Da Korbi war a wieder vui unterwegs und hod eines DER Ausflugsziele im scheena Niederbayern bsuacha derfa. Deswegen hauts eich de neie Folge in eure Gehörgänge und dazua a scheens Maßal in eiam Lieblingsbierzelt.

Servus und grias eich zum gmiadlichstn Podcast auf da großen weiten Welt. In der Folge lösen ma natürlich unser Tippspui vom Duell FCF gega FCF auf und reden über den Pokalkracher. Genauso hamma die besten Sprüche vo Kommentatoren auf Lager, nachdem da Korbi ja a immer fleissig tickert. Und a da Motorsport kimmd ned zu kurz. Des war a staubige Angelegenheit. Unser Bierfakt is in der Folge unterstreicht einfach das mia zwoa uns blind und ohne Absprachen verstehen. Aiso ab in die neie Folge mit na scheena kühlen Hoibe in eiam Lieblingsbiergarten und auf gehts.

Servus und grias eich zur nächsten Folge vom gmiadlichsten Podcast den ihr kennds. Heid in da Folge reden ma über a sehr nasses und batziges Festival und wieso ma do ned mit E-Bikes hin sollte. Genauso hamma wieder unsern Bildungsauftrag in Form von Bierfakten erfüllt. Und dann oans unserer Lieblingsthemen - Lustige Sportlernamen. Do kennds eich gfrein weil oan hamma dabei ghabt, do hätts an Korbi vor lauter lacha fast an Stui obeghaun. Aiso deswegen hoids eich jetz a kühles frisch Gezapftes an da Strandbar und ab in de neie Folge.

Servus und grias eich zur neien Folge vom gmiadlichsten Podcast dens gibt. Saggra di heid hamma bissl verschlaffa. Aber trotzdem is des a urgeile Folge, weil wia da Name scho sogd hamma as Bier genossen. Genauso wia den Fakt das unser Faktenchecker da Ruez do dabei war. Also alles was gesagt wurde ist wahr. Mehr oder weniger. Aiso in der Folge kennds eich gfrein auf Bierfakten, richtige Fakten und a mords Gaudi. Aiso Abfahrt in de neie Folge und bei dem Regenwetter a Frustbier bei eurem Kaltschorlenbeauftragten den ihr ins Abendgebet nei nemmds und nei in de Gosch.

Servus und grias eich zur nächsten Episode vom gmiadlichsten Podcast dens gibt. Heid is wieder bsondas heiß gwesn und mia ham uns deswegen mit am kühlen Getränk versorgt. Heid reden ma drüber wieso die Wikinger echt an coole Sachan geglaubt ham, wieso ma de endlich letzte Staffel von de Tintenfischspiele ned oschaun braucht und wieso ma im Tennis sauba enttäuscht san. Deswegen jetz ab in die Eistonne mit am Vollmantelglasgeschoss 0,5 Liter und nei in de neue Folge.

Servus und grias eich zur nächsten Folge vom gmiadlichsten Podcast dens gibt. Heid hamma wieder vui über Sport zum reden, aber eher kuriose Sachan. Und a wieso ma sich vielleicht de oa oder andere Karten obhoid. Und bei unsere Bierfakten hamma tatsächlich an kuriosen aber auch sehr harten Fakt. Zum Glück is trotzdem wieder a lustige Folge worn mit allerlei Schmarrn und guada Laune. Aiso ab in Biergarten zu na frischen Kaltschorle und nei in de Futterluke.

Jessas hamma wieder moi a Zeidl brauchd. Ja da Korbi war im Urlaub in unserem 17. Bundesland. Aber ois zu Recherchezwecken. Und des hoda guad gmacht. Und dann a no glei de österreichischen Blechhuisn ausgetestet. Deswegen hamma uns heid dachd mia ballern a längere Folge naus und lassen eich alle ausgiebig teilham an diesem Erlebnis. Und Freunde der Hopfendolde. Natürlich hamma a wieder Bierfakten am Start de sich getentakelt ham. In dem Sinne und bei denen Temperaturen ab an die Kühltheke und hauds eich a frische eiskoidn Hopfensmoothie hinter die Kauleiste

Ja und heid ist wieder soweit. Gmiadlich wiad Sau start ma in a scheens Wochenende. Und damit hamma glei moi unsere liebsten Freunde des Menschen eibundn. Auf jeden Fall berichten mia heid wieder über Bier des sogar dem besten Freund des Menschen schmecka soi und natürlich a über so Leid de koa Grenze kennen und de wichtigste Erfindung seit am Feuer des Menschen ogreiffan. Aiso as Bier. Und des kemma ned auf uns sitzen lassen, deswegen ab zum Maßenjongleur in eiam Heimatdorf und zack zack in de neie Folge.

Servus und grias eich zur nächsten Folge von unsam Podcast. Da gmiadlichste dens gibt auf da großen weiten Welt. Heid hamma wieder unserer Lieblingsspieler dabei, und somit auch unser Masskotchen und neuen Trikotsponsor im College. Genauso berichten ma über die besten Schulungs- und Verletzungspräventionsvideos de ma einfach gseng ham muas. Und sowieso hamma wieder saggrisch guade Bierfakten parat. Aiso ab an de Spanplatte im Ort und lassds eich an Hopfensmoothie schmecka.

Servus und grias eich zur nächsten Schnapszahl-Folge. In der Episode hamma wieder interessante Bierfakten am Start und natürlich lass ma unsern 1. Mai a nomoi Revue passieren. A bissal Sport is natürlich a wieder dabei, aber in na Sportart wo sich koana von uns so richtig auskennt. Aber egal trotzdem kemma drüber reden. Und genau deswegen is des wieder a super Folge fürs Wochenende oder zum sonst wo ohean. Deswegen ab zu eurem liebsten Kneipenbubi und bestellts eich an Hopfentorpedo

Ja und jetz is scho wieder soweit. Neue Folge, neues Glück. A wenns diesmoi gloane technische Probleme gem hod hamma trotzdem an Tag des Bieres gfeiert. Dazua natürlich wieder außergewöhnliche Bierfakten und über des Sportevent in München hamma sowieso geredet. Und a das ma oide Vereine immer moi wieder versuachd zu unterstützen werd a besprochen. Deswegen in a vollgepackte Folge wieder nei mit eich und deswegen ab zum Schankmeister eures Vertrauens und zwickts eich aufn Tag des Bieres a richtig schee koide Hoibe.

Bei uns steht mit dem 20igsten Folgenjubiläum das nächste Special an. Unser ältester Anstifter, der Vale, ist zu Gast! Seine Expertise bei Kataloghoiben und Reality-TV ist gefragt. Über Suarez, Beacon und Jessica Biel kommen wir unserem selbst auferlegten Bildungsauftrag nach. Holts eich ein Hopfentorpedo und deads sauber sprudeln! Schene Ostern!

Servus und grias eich zur neia Folge von unsam Podcast. In da neia Folge fang ma glei mit der Feststellung das bei oam bestimmten Getränk nur oa wahre Sorte gibt. A über richtig oide Männer de Eishaggln und Legenden am runden Leder reden ma. Und natürlich hamma wieder unser neie Kategorie der Bierfakten dabei. Aiso voi gepackt und bei am Topweda gehts ins Wochenende. Aiso Hopfenschorle aus da Garage her und ab in Garten.

Servus und grias eich zur neia Folge vom gmiadlichstn Podcast dens gibt. Heid hamma wieder querbeet ois dabei. Sportlich ned vui dabei, außer das da Korbi am 1. April am Scherz über Football brutal aufn Leim ganga is. Aber a da Maxi hod sich do bissl an da Nosn rumführn lassen. Und ja do gehts um a richtig geile Filmreihe und den brutalsten Bösewicht dens geben kannd. Ihr hobds as alle erwartet und mia ham unser neie Kategorie a dabei. Und ja es geht um Bier. Aiso ab zum Schankwirt eures Vertrauens und ab mit der Randaleschorle ins Goschal.

Servus und grias eich. In da neuen Folge vo unsam Stammtisch samma wieder auf Perlen aus der Namenskiste gestoßen, bei dene ma sich denkt "Ja leck wos hom de nur gnumma?". Auch samma auf DE wichtigsten zwoa Wettbewerbe im Sport, seit dem Lauf von Marathon, zum reden kemma. Und sowieso hamma auch noch an super Bierfakt am Ende der Folge parat. Aiso mit na Folge so voi wia a Wanderrucksack vorm Berg start ma ins Wochenende. Bier auf, Couch oder Auto und ab in de neie Folge.

Servus und grias eich zur nächsten Folge vom gmaidlichsten Podcast dens gibt. Heid reden ma drüber wieso ma beim Eishockey ned immer nur an Zahn suachd, hinterfragen Klischees von bestimmte Berufsgruppen und warum in Bremen a Getränk nach am legendären Schiri benannt is. In dem Sinne her mit am 8er Blech des aufgspaxt werd und glei neihean in de Folge.

Servus und grias eich zur nächsten Folge vom Podcast. Heid reden ma drüber wieso es vielleicht ned so schlau is im Trainingslager neba am Kamel zum steh, schwelgen a bissl in de guadn oidn Zeitn vom Sommermärchen und natürlich werden wieder wuide Thesen aufgstellt und koa Faktenchecking betrieben. Deswegen jetz am an die Kühltheke und raus mit da Krawallbrause und ab in de neue Folge

Servus und grias eich zur nächsten Folge von unsam Podcast. Heid schmatz ma über des krasseste Outfit bei de Oscars, wieso es immer no nur 6 Star Wars Filme gibt. Aber a wilde Dopinggschichten hamma wieder aufgschnapt und das am besten is, wenn ma sich spontan beim furtgeh trifft. Aiso in dem Sinne, zack zack auf zum Kaltschorlenbehältnis eurer Wahl und schiaßds eich oane auf und heads nei.

Servus und grias eich zur nächsten Folge. Wos isn do los? Ja heid samma wieder zu zwoat. Aber in da neuen Folge hamma erfahren wieso Schnauzer lange im Baseball in Mode waren - zwangsläufig. Aber auch welche Faschingstradition mit Nachthemden zum doa hod. Und sportlich gesehen gibts einiges unter der Gürtellinie und a Heimweg-Bier. Aiso voll gepackt mit Tollen Sachen und so weida geht in de neue Folge. Kolben her, aufsparn und Gaudi ham.

In unserer neuen Folge hamma unsern ersten Gastbierant. Und zwar an Korbi sein Bruder an Severin. Mit eam hamma a brutal spannende Esport Randsportart kennaglernt und a welches Bier ma liaba ned dringt. A in der Folge heads ihr wia ma in Bangkok Bier kaffd und zoid, welcher Wintersport a modernes Märchen gschrim hod und wieso a Physio sich besser ned die Händ eischmiern soid. Aiso in dem Sinne ab zum Kühlschrank, Hopfentorpedo naus und dann ratzfatz neihean.

In da heutigen Folge reden ma erstmoi drüber wia sich da Korbi auf eine potentielle 1 Million Euro Frage bei Quizshows vorbereitet, warum ma in Amerika jetz a Reisebüro ham soid und weshalb Snoop Dogg einfach a subba Kerl is. Aber a wieder a baar lustige Fakten und Sachan hamma sowieso parat. Aiso aufspaxn den Kolben und dann neihean.

Servus und grias eich zum ersten Jubiläum. 10 Folgen. Brutal wia des laffd. Und heid hamma wieder a vollgepackte Folge für eich. Mia reden über wirklich dicke Schiffe und Kreuzfahrten. Aber a da Sport kimmd ned zu kurz, weil mia ham einen neuen deutschen Weltrekord und wieder a Randsportart gfundn de ma irgendwann moi live kommentieren wuin. Und welche Nation mit ihrem Weltraumprogramm bahnbrechendes entdeckt hod erfahrts a. Aiso Kühlschrank auf, Hoibe her und ab in de Jubiläumsfolge Nummer 10.

In der Folge vom Podcast lern ma das Bass Buidl und Katzn zum wackeln bringt, wieso sich professionelles Gegenseitig-Oane-schmiern interessanter ois Boxen is und wer der wirklich älteste Fussballer der Welt ist. Und ja mia hom tatsächlich Faktenchecking betrieben. Aiso gfreids eich auf de neie Episode und spaxts eich oane auf heads nei.

Zu aller Erst wünschen wir eich allen a guads und gsunds neis Jahr! Zum Jahresstart bleiben wir uns treu und reden über kurioses im Spitzenfuasboi und Engländer mit schweren Schicksalsschlägen, aber auch guten Aussichten im Fussballstadion und no mehr. Lassts eich überaschen und zum ersten moi heier: Prost!

In der Folge reden ma drüber wieso Jeans a sehr kontroverses Kleidungsmittel san. Genauso das die Wilde-Mischen-Theorie immer noch bestand hat, auch beim ultimativen Getränk. Und warum Tintenfischspiele in da zwoatn Staffel absolut ned guad san. Und an gloana Ausblick aufs nächste Jahr 2025 hamma a no dazua baggd. Auf a guade Folge. Aiso her mim Getränk und aufspaxen und neihean.

In der Folge reden ma natürlich über de WM im Spickern und wos do so obgeht. warum Elefanten auf da Autobahn koane Rennen macha soidn und wieso es an Laden gibt wos mit Walkie-Talkies nach Schuahgrößen frong. Fragen über Fragen aber mia versuachans gewohnt zu erklären und zu beantworten. Deswegen auf geht hoids eich wos zum dringa und heads glei moi nei

In unsrer 5. Folge redn ma drüber wieso Kokoskerzen und 28 Wocha a schlechte Kombi san, warum große Händ bei da FIFA heifan und dass Bruce Willis oafach as beste Christkindl is. Und ja drei Nüsse für Aschenbrödl kemman a vor. Wer jetz wieder Lust hod auf de Extraportion Stammdisch, der spaxt sich a Hoibe oder a Flaschal Glühwein auf und ab in de neie Folge.

Heid reden ma an unsam Stammtisch über wirklich laute Musik inklusive Moshpit, Wettkämpfe zwischen Gentlemen in na Metropole, a wengal Wintersport und die College Football Stars der Zukunft. Oane aufspaxn und gschmeidig zuahean

Servus und grias eich mitnand. Die heidige Folge ist eine wildes Potpourri der Sinne. Die Falsche Mischung aus Sport, Kulinarik Thrash-Metall und Trash-TV.

Servus und grias eich mitanand. Heid samma endlich wieder beide im Lande und ratschen über Rekorde im Urlaub in Costa Rica, oide Legenden im Sport und warum ma nachts ned in Dschungel geh soid. Aiso spaxts eich a Hoibe auf und damit ab in die zweite Runde.

Servus und grias eich mitanand. In unserer ersten Folge hamma glei moi a Special Folge. Mia hoggan ned zam aber trotzdem is unser Stammtisch parat. Heid reden ma über wilde Theorien beim Furtgeh, Wahlorakel und den kommenden Trendsport. Mit na vollgepackten Folge start ma in unsan Podcast.