Driesestig

Hennie van der Merwe vertel vir Martelize Brink van die kulturele ervarings in Bali, Indonesië. Hy bly naby Singaraja. Die Dag van Stilte is ‘n opvallende gebeurtenis daar.

Koskonsultant Heleen Meyer praat oor inkopies, en gee raad en wenke wat jou geld kan bespaar.

‘n Winkelsentrum in Rusland beplan die eerste binneshuise visvangdam. In die dam is kameras wat die aksie onder die water afneem, en dit op skerms vertoon.

Cor Uys vertel vir Martelize Brink van die geskiedenis van Merinoskape, en hoe die skape uit Spanje die basis van sowel Suid-Afrika as Australië se wolbedrywe gevorm het.

In hierdie week se landbounuus: Die Wes-Kaapse regering verskerp sy reaksie op bek-en-klouseer; Afriforum reik ’n waarskuwing uit oor ’n verhoogde risiko vir veldbrande hierdie winter; die swak prestasie van die Kaapstad hawe bekommer rolspelers in die varsvrugtebedryf; en Graan SA is ontevrede oor die regering se besluit om die koringtarief onveranderd te hou.

Prof. Phillip praat oor die beste gaarmaakmetodes vir verskillende snitte beesvleis.

‘n Rus het sy sig begin verloor. ‘n CT-skandering wys toe dat ‘n besering wat hy tydens tuinmaak in 2024 opgedoen het en nie veel aan gesteur het nie, nogal erg was. ‘n Takkie van 12 cm lank het die oogkas binnegedring, wat die sinusse vernietig en die basis van die skedel beskadig het. Dit is deur sy neusholte verwyder, en sy sig is terug.

Die akteur, Cedwyn Joel, vier sy veertigste jaar in die vermaakbedryf. Min mense weet dat hy aanvanklik by die poskantoor gewerk het. Haidee Muller-Isaacs vind meer uit oordié gewilde pa van drie meisiekinders.

Kos- en kultuurhistorikus, Hetta van Deventer-Terblanche, vertel hoe om bees-, vark-, bok- en skaapkop voor te berei.

Australiër Joseph McGrail-Bateup het ‘n Guiness Wêreldrekord opgestel as die man wat die hardste kan skree - dit teen 122,4 desibel.

Salome Willemse vertel van toerisme by Vanrhynsdorp waar sy sowel ‘n natuurgids as 'n gids vir die sterrehemel is.

Theo Kemp, hoof van die Jakes Gerwel Stigting, vertel vir Haidee Muller-Isaacs van 'n gratis kursus vir voornemende skrywers, wat hulle binnekort aanbied. As jy daarvan droom om jou eie boek gepubliseer te kry, is hierdie dalk net jou kans om in te skryf.

Dieetkundige Valpré Huisamen vertel hoe meting en maksimalisering afspeel binne die voedingsomgewing.

Suid-Korea het verjaarsdagkafees wat veral K-Pop-sterre se verjaarsdae vier. Die sterre daag nie daar op nie. Dis aanhangers wat dit vir aanhangers reël. Soms is daar tot 30 van dié partytjies gewy aan ‘n superster in een distrik, so aanhangers kan ‘n toer daarvan doen.

Dr. Mandie Uys praat oor die Middeleeuse ridders, en waar die tekens van hulle werk vandag nog sigbaar is.

Sherwoodwoud se bekende Major Oak, waar Robin Hood glo uitgehang het, het ná 1 200 jaar gevrek. ‘n Toestroming van toeriste het gemaak dat die grond by die boom gekompakteer en kliphard is.

Pauline Bester vertel vir Martelize Brink van die lewe in Riaad in Saoedi-Arabië waar sy al vir 16 jaar tuisonderrig gee vir die kinders van koninklike gesinne.

Van ‘n meestersgraad in Nederland tot ‘n doktorsgraad in Stellenbosch oor Kayamandi. Museoloog Elsa Vogts raak liries oor haar werk en uitdagings by onder andere Babylonstoren en Soetmelksvlei, waar sy vir die besoekers sensoriese ervarings moes ontwerp met ‘n historiese bewaringsingesteldheid. Johan Rademan het op die plaaswerf met haar gesels.

Louhani Els vertel vir Martelize Brink van haar ervaring as ‘n finalis by die Wêreld Kosfotografie-toekennings in London, waar haar werk hoog aangeskryf is.

Jy bestel kos, maar dit kom nie, want jy betaal nie. In Suid-Korea gebruik Gen Z nou sogenaamde dopamien-toepassings wat jou laat goed voel sonder dat dit geld kos. Daar is selfs ‘n toepassing wat simuleer om ‘n sigaret te rook, vir ‘n blaaskans.

Ronelle Friend vertel vir Martelize Brink van die desperate situasie waarin Suid-Afrika se withaaie hulle bevind, ‘n petisie om die aanslag op hulle te stop.

In vandeesweek se landbounuus: Goeie nuus vir die suikerbedryf; druk op Suid-Afrika se vleisuitvoerbedryf; die jongste landbouvertrouensindeks; ‘n projek vir die gratis verwydering van ongebruikte plaasdoders; en 2026 se Agri Wes-Kaap en Santam Jongboer van die Jaar.

Prof. Phillip Strydom praat oor die marmering van vleis. Dit is vet wat tussen die spierweefsel voorkom. Suid-Afrikaanse beesrasse is nie geneig tot marmering nie, en tipies word beeste by ons ook jonk geslag. Marmering vind meestal by ouer diere plaas.

Los Angeles het nou die eerste kunsmuseum vir kunsmatige intelligensie-kuns. Dis nie net kyk nie, dis ruik ook.

Kos- en kultuurhistorikus Hetta van Deventer-Terblanche praat oor biltong en variasies van gedroogde vleis in ander kulture.

Daleen Potgieter vertel van Normalair Onderwaterklub se Midwinter Ysbeer-duik in die Emmarentiadam in Johannesburg. Dis ook ‘n skoonmaakgeleentheid waar daar al in die verlede ‘n rekenaar, valstande, fietse en vuurwapens uitgeduik is.

‘n Motor in ‘n begrafnisstoet het ‘n kaartjie gekry omdat die stoet deur ’n rooi verskeerslig beweeg het. Hoewel dit algemene praktyk is wil die stad, Syracuse, in die staat New York, niks weet van ‘n appèl teen die kaartjie nie.

Haidee Muller-Isaacs klets met omroeper Lisa Truter oor haar spesiale vieringe vanjaar - sy word

Kliniese sielkundige en spelterapeut dr. Jo-Marie Bothma praat oor die sielkundige impak daarvan om die heeltyd al jou gesondheid- en fiksheidstatistieke te meet en dop te hou.

Ses groot roomysvervaardigers in Japan is onder verdenking van samespanning. Hulle get glo jare lank roomyspryse kunsmatig verhoog.

Die Hofmeyr-susters, Zanta en Melanie, het al op wereldverhoë met die viool en dwarsfluit geskitter. Hulle het op die Wesrand in ‘n gesin van agt (drie susters en vyf broers) groot geword. Al agt kinders leef nog en, hulle ouers, ds. Jan (91) en ma Elma (88) repeteer self op die oomblik aan ‘n werk of twee. Johan Rademan het met Zanta Hofmeyr en Melanie Hofmeyr-Burger by die Gamka Klassiek in Prins Albert in die Karoo gesels.

Dr. Mandie Uys praat oor die Middeleeuse ridders, en waar die tekens van hulle werk vandag nog sigbaar is.

In Kirgisië in Sentraal Asië is 26,6% van volwassenes obees. Die regering borg nou ‘n realiteitsprogram op TV waar staatsamptenare gewig verloor. Hulle oefen om hulle liggame fisies in staat te stel om hierdie herfs aan die amateur Asië-driekampbeker deel te neem.

Mari Victor vertel vir Martelize Brink van die lewe in Singapoer, waar hulwl byna 10 jaar woon. Gestolde komkommerslaai is ‘n treffer onder plaaslike gaste.

Redgy Elias se hunkering na ‘n afwesige pa het hom die pad byster laat raak. Maar toe vind hy weer sy weg deur die lewe se moerasse waar hy nou ander jong mans help. Haidee Muller-Isaacs het met hom gesels by Worcester se Changemaker-huis, Moria.

‘n Vandalis het nagenoeg 200 deure met gom toegeplak by ‘n hoërskool in San Diego, Kalifornië tydens hulle jaareindeksamen.

Maryke Musson praat oor die impak van die sardynloop op die ander diere in die omgewing.

15 Junie 2026: Vandeesweek in landbounuus berig ons oor die voerkraalreus, Karan Beef, wat vleisuitvoere hervat; Suid-Afrika en Italië hoop om samewerking oor landbou en landbouverwerking uit te brei; Suid-Afrika se landboubedryf teken ’n rekordhandelsoorskot in die eerste kwartaal van 2026 aan; en, die Nasionale Wolkwekersvereniging bied sy 95ste kongres aan.

Prof. Phillip Strydom vertel vir Martelize Brink hoe jy vleis behoort te vries, en dan weer te ontdooi.

King’s Joy, ‘n restaurant in China, is ‘n plek waar regeringsamptenare nie gesien mag word nie. Dis ‘n 3 ster-Michelinrestaurant, wat ook Michelin se Groen Ster vir volhoubare praktyke het. Met die goedkoopste dis wat $250 is, is dit heeltemal te uitspattig vir die regerende Kommunistiese Party.

Langs Babylonstoren in die Franschhoekvallei is ‘n werkende plaas, Soetmelksvlei. Hier word daar nog met die hand gewerk soos in die laat 19de eeu. Kom ruik, voel en beleef die era toe tydsintensiewe vaardighede nog sentraal tot die ekonomie gestaan het. Johan Rademan wou by die hoof van Soetmelksvlei, Adele Johnson, hoor wat alles op mense wag tydens die aktiwiteite van ‘n plaaswerf wat meer as 125 jaar terugstrek.

Kos- en kultuurhistorikus Hetta van Deventer-Terblanche vertel wat die ou geskrifte sê oor kosmaak met wildsvleis.

Daar is ‘n verbod op sonsambrele by ‘n strand in Sardinië. Net as jou gesin daar is met ‘n kind onder 10, of as jy ouer as 65 is, mag jy ‘n sambreel strand toe vat. Die toegangfooi tot die strand is 10 Euro, maar 5 Euro as jy met ‘n boot daar aankom.

Prof. Matilda Burden vertel vir Martelize Brink van Opreisfontein, ‘n boek met fonteinname in Suid-Afrika en hulle stories.

Biokinetikus Marius Cornelissen praat oor biometing in sport. Hy vertel wat mense meet en waarmee, van profesionele atlete tot fiksheidsentoesiaste.

Die Haskell Free Library and Opera House is op en oor die grens tussen Kanada en die VSA in Quebec en Vermont gebou. Nou is daar ‘n biblioteekdeur slegs vir Kanandese. Voorheen het almal oor die grens heen, dieselfde hoofingang aan die VSA-kant gebruik. In Oktober 2025 het die VSA dié praktyk gestop. Nou is ‘n nooduitgang aan Quebec se kant, omskep in Kanada se amptelike ingang.

Breyton April se pa het hom al jonk-jonk geleer visvang. Op vyf het hy al sy eie visstok gehad, en vandag, op 24, is dit sy beroep. Haidee Muller-Isaacs het afgesit Bettysbaai toe om met hom te gesels. Nodeloos

Marius Coetzee vertel van die inwyding van die La Sagrada Familia-katedraal in Barcelona se hoogste toring. Dit volg ‘n eeu ná die dood van Antoni Gaudí, die grootste Katalaanse argitek en ontwerper.

Melt van der Spuy vertel vir Martelize Brink van die dokumentêre film, Op soek na Maskam, wat hy van sy grootwordplek gemaak het.

‘n Vete tussen bure op die Engelse platteland kan ‘n pensionaris in die tronk laat beland. Ná 15 jaar se onmin was die laaste strooi toe die dame ‘n grassnyer aangelos het om haar bure se kuiertjie met vriende op die stoep met die klank te saboteer.