Fada is Fairsing

Ar an gclár seo bhí Máire Nic an Bhaird agus Laoise Ní Chléirigh ó Ollscoil Mhá Nuad ag labhairt linn faoin tsraith greannán seo ar chúrsaí timpeallachta ar oibrigh siad air le chéile in éineacht le Tom Curran ó ChOBÁC. Chomh maith leis sin labhraíomar le Liadán Ní Fhoghlú ón ngrúpa feachtasaíochta Gaeil ar son Gaza linn le labhairt faoin bhfeachtas, imeacht a bheas acu ag deireadh mhí na Samhna i nDún Garbhán agus a gcuid tléinte agus geansaithe leis an Spailpín.

Ar an gclár seo, bhí Bainisteoir an tionscnaimh Céad Míle Fáilte, Connlaith Ní Raifeartaigh linn le labhairt faoin maoiniú €468,000 ón Rialtas don tionscnamh a fógraíodh don tréimhse 2026 agus 2027. Chomh maith leis sin d'éisteamar siar le hagallamh le Trish Coen maidir le Feachtas Inis Oírr don Phalaistín agus gníomhaíocht an ghrúpa go dtí seo.

Ar an gclár seo, bhí an staraí Úna Ní Broiméil ag labhairt linn faoin gclár TG4 a raibh sí páirteach ann faoi na naisc idir Éirinn agus Na Chéad Náisiúin.

Ar an gclár seo, bhí Joe Ó Ceallaigh ó Chomhairle Chontae Dhún na nGall linn le labhairt faoin Lá Gael agus Preabghaeltacht a bhí ag an gComhairle in éineacht le Pleanáil Teanga Thuaisceart Dhún na nGall i Londain.

Ar an gclár seo, labhair Joe Ó Dónaill linn faoi na himeachtaí ag a labhair sé mar chuid fhéile na nGael Milwaukee i lár na míosa agus neart eile!

Ar an gclár seo, labhair Pól Ferris linn ó New Jersey faoi Fhéile na nGael Milwaukee agus cloisfimid roinnt ceoil ó Enda Reilly a bheas ag seinm mar chuid den fhéile i mbliana!

Ar an gclár seo, labhair Siobhán Ní Thuairisg linn faoin scéim 'Malartú Beochana Dúchasach Wellington-Gaillimh 2025' idir Éirinn agus an Nua-Shéalainn a bhuaigh sí i mbliana agus a seal sa Nua-Shéalainn. Chomh maith leis sin, chualamar ó Chlár Ní Bhuachalla ó Ghaeltacht COBÁC faoi na folúntais atá acu do theagascóirí Gaeilge faoi láthair!

Ar an gclár seo, Seoirsín Ní Mheachair ag labhairt linn ò Rhinebeck, Nua Eabhrac faoin gcúrsa "Blaiseadh na Gaeltachta", tionscnamh trasAtlantach a chomhreachtáil sí féin agus comhghleacaithe i Seanchas Sheáin Néill i Rann na Feirste.

Ar an gclár seo, labhair an scríbhneoir agus eagarthóir Mícheál Ó Conghaile linn le labhairt faoi Cheardlann Scríbhneoireachta atá á reachtáil ag Cló Iar-Chonnachta do dhaoine ar fud na cruinne. Chomh maith leis sin labhraíomar faoi roinnt féilte idirchultúrtha agus idirnáisiúnta i rith an tsamhraidh!

Ar an gclár seo, labhair Manchán Magan linn faoi sheoladh a leabhar úr 'Ireland in Iceland' faoi na naisc idir Éirinn agus an Ìoslainn! Chomh maith leis sin chualamar ó Janik Bastien ar shaoire ó Cheanada go hÉirinn do Chomhdháil ar Chúrsaí Idirghnéasacha i mBaile Átha Cliath.

Ar an gclár seo, labhair Oifigeach Gaeilge Choláiste na Tríonóide, Pádraig Mac Brádaigh linn faoi dhífheistíocht agus scaradh iomlán an Choláiste ón Iosrael agus obair Aontas na Mac Léinn chun an ollscoil a bhrú an cinneadh seo a dhéanamh.

Ar an gclár seo, labhair an t-Ollamh Fraincise agus Iodálaise Dr Elizabeth Scheiber linn faoina shaol i New Jersey na Stát Aontaithe, a spéis sa litríocht agus an méid a d'fhoghlaim sí ó litríocht ar an Holocaust.

Ar an gclár seo labhraíomar le hAindriú Ó Ciardha faoin gcúrsa a rinne sé le Daltaí na Gaeilge in Esopus Nua Eabhrac agus na himeachtaí éagsúla eile atá le teacht ag an ngrúpa i rith na míonna amach romhainn.

Ar an gclár seo , labhraíomar le Róisín Ní Chinnéide, Bainisteoir Abhcóideachta le Conradh na Gaeilge ag labhairt linn faoin achainí curtha isteach ag an gConradh chuig Coiste Achainíocha Pharlaimint na hEorpa maidir le dúshláin títhíochta sna ceantair Gaeltachta.

Ar an gclár seo, labhraíomar le Caoimhe Ní Shuilleabháin a chaith am sa Bhruiséil ag labhairt linn faoi Scoil na Sléibhte atá á eagrú aici d'fhoghlaimeoirí Gaeilge ó áiteanna ar fud na cruinne le foghlaim Gaeilge fite fuaite leis an gcnocadóireacht! Chomh maith leis sin beidh Barra Ó Scanláin ag labhairt linn faoi Fhéile Éigse na Bruiséile sa Bheilg an mhí seo.

Ar an gclár seo, labhraíomar le Hilary Mhic Suibhne faoi uachtaránacht Trump go dtí seo, a chuairt ar an Róimh do shocraidh an Phápa Pronsias agus na scéalta is deireanaí ó na Stáit Aontaithe.

Ar an gclár seo , labhraíomar le Donna Ní Ghallchobhair ó Lárchomhairle Pharóiste Ghleann Cholm Cille ag labhairt linn faoi thogra muintir na háite chun stádas ‘Pobal Spéire Dorcha’ a bhaint amach.

Ar an gclár seo , labhraíomar le hÁine Uí Fhoghlú ó Ghaeil ar son Gaza ag labhairt linn faoi obair, fheachtais agus imeachtaí an ghrúpa le gairid agus faoin Dochtúir McMonagle ó Oispidéal Phort Láirge ag obair sall sa Phalaistín. Phléamar féile cheiliúrtha ar chultúr na Palaistíne freisin, atá ar siúl in Ollscoil Mhá Nuad i láthair na huaire.

Ar an gclár seo bhí Alex Hijmans ag labhairt linn faoina chuid colúnaíochta ar an léitheoireacht agus an scríbhneoireacht le Tuairisc, agus a alt le deireanas faoi Binyavanga Wainana agus leabhar dá cuid scríbhneoireachta 'Conas scríobh faoin Afraic' i measc go leor eile. Chomh maith leis sin bhí Áine Uí Fhoghlú ó Ghaeil ar son Gaza ag labhairt linn faoi obair, fheachtais agus imeachtaí an ghrúpa le gairid agus faoin Dochtúir McGonagle ó Oispidéal Phort Láirge ag obair sall sa Phalaistín.

Mícheál Curtin ag labhairt linn ó Nua Eabhrac faoina chlár nua ar BBC Gaeilge dar teideal "Cárta Poist ó Mheiriceá", a shaol agus a chúlra mar Ghaeil Mheiriceánach agus go leor eile!

Ar an gclár seo bhí Áine McGillycuddy agus Dan Cusack linn ò Chicago le labhairt faoina gciorcal comhrá ansin, Gaeilago agus eile. Chomh maith leis sin bhí Dic Breathnach ar ais linn, i Stiúideó Raidió na Life an uair seo, le labhairt linn faoina chuid drámaíochta agus a chruinnuithe le drámadòirì agus aisteoirí agus faoina bhfuil ag éirí leo go dtí seo.

Ar an gclár seo bhí Molly O'Meara ag labhairt linn faoin bhféile ilchultúrtha Croílár a bheas ar siúl in Áth Luain mí Aibreáin. Chomh maith leis sin bhí Dónal agus Helen ón ngrúpa Preab-Ghaeltacht Bhaile Átha na bhFranc linn le labhairt faoi na himeachtaí iontacha a bheas ar siúl acu do Sheachtain na Gaeilge.

Ar an gclár seo bhí Nadia Dobrianska ag caint linn faoi thionchar Trump ar chogadh na Rúise ar Úcráin. Chomh maith leis sin bhí an Dr Sorcha de Brún in Ollscoil Luimnigh ag caint linn faoi na soinéid de chuid Shakespeare atá aistrithe go Gaeilge aici mar chuid dá cuid taighde, dánta aistrithe ón nGearmáinis, Mark Twain agus go leor eile.

Ar an gclár seo bhí an t-Ollamh agus dlíodóir Fionnuala Ní Aoláin ag labhairt linn faoin gcéad mhí d'uachtaránacht Trump sna Stáit Aontaithe - athruithe i ndan don tír, impleachtaí don Phalaistín agus géarchéim reitrice Trump.

Ar an gclár seo bhí Ola Majekodunmi ag labhairt linn faoin tsraith dánta trítheangacha "Notes from a Workaholic & More" a rinne sí leis an Axis i mBaile Munna. Chomh maith leis sin chualamar ó Dhúbhán Ó Longáin faoin alt a scríobh sé do Nós faoin taisteal agus na deiseanna uile a thug a chumas sa Ghaeilge dó thar na blianta.

Ar an gclár seo bhí Eoin McEvoy ag labhairt linn faoin léamh dráma "Grindr, Saghdar agus Cher" a rinne sé sa Bhreatain Bheag trí Bhreatnais le gairid! Chomh maith leis sin b Dic Breathnach ag labhairt linn faoin gCruinniú Drámaíochta a bheidh aige le scríbhneoirí, aisteoirí agus stiúrthòirí in Áras na Gaeilge.

Ar an gclár seo chualamar ó Cholm Ó Cinnseala as na Forbacha ag labhairt linn faoina chuid ama sa Mheánoirthear agus an litir a scríobh sé chuig ár bhFeisirí de Pharlaimint na hEorpa faoi chás na Palaistíne.Chomh maith leis sin, labhraíomar le Caoimhe Ní Fhanthorpa a bhí ag caint linn faoina saol san Éigipt, an chúis gur bhog sí ann agus na difríochtaí cultúrtha leis an tír.

Ar an gclár seo chualamar ó Jeffrey Sardina a labhair linn faoi na tinte uafásacha i gCathair na nAingeal i gCalifornia le gairid agus an t-Uachtarán nua Trum ag filleadh ar an Teach Bán. Chomh maith leis sin, bhí Bertie Ó hAinmhire ó Dhlúthpháirtíocht na Gaillimhe ar son na Pailistíne agus Trócaire ag labhairt linn faoi chúrsaí sa Phailistín i láthair na huaire tar éis don sos comharc a bheith fògartha an tseachtain seo caite.

Ar an gclár seo chualamar ó Aislínn Nic Ruairí a bhí ar an gclár nua ar RTÉ La Vie sa Bhruiséil faoi chúrsaí Gaeilge sa chathair agus í ag labhairt linn faoi pháirt a ghlacadh sa chlár agus a saol sa Bheilg! Chomh maith leis sin, d'éisteamar le beagán de cheol fear chéile Aislínn, Páidí Ó Dubháin, ar cheoltóir proifisiúnta é sa Bhruiséil.

Ar an gclár seo chualamar ó Joe Breathnach faoi Extra G agus an t-alt a scríobh sé faoi Biden agus Trump in agus na pardúin atá á mbronnadh ag Biden agus é ag fágáil oifig an uachtaráin. Chomh maith leis sin, chualamar ó Ríoghnach Hyland a bhí ar an gclár nua ar RTÉ La Vie sa Bhruiséil faoi chúrsaí Gaeilge sa chathair agus í ag labhairt linn faoi pháirt a ghlacadh sa chlár agus a saol sa Bheilg.

Ar an gclár seo chualamar ó Michael Ó Conchúir ó Chonradh na Gaeilge Aoetearoa sa Nua Shéalainn linn le labhairt faoin bPop Up Gaeltacht a bhí acu an tseachtain seo caite agus go leor eile! Chomh maith leis sin, cloisfimid ó Chiarán Ó Ceallaigh sa Bhruiséil faoi obair Chonradh na Gaeilge ansin agus faoin gclár nua ar RTÉ La Vie sa Bhruiséil faoi lánúin ag tógáil a bpáistí le Gaeilge sa chathair dar teideal La Vie sa Bhruiséil.

Ar an gclár seo bhí Seán Ó Baoill, Ard-Rúnaí Chumann Múinteoirí na hÉireann linn le labhairt faoin gcomhdháil atá á reachtáil ag an gCumann i gcomhpháirtíocht le Cairde Ceardchumann na Pailistíne, ceardchumainn eile agus grúpaí sibhialta eile faoi chearta páistí na Palaistíne mí Eanáir. Chomh maith leis sin, cloisfimid ó Briana Ní Loinsigh as New Jersey, ina cónaí i Nua Eabhrac anois, faoina turas foghlama teanga leis an nGaeilge and leis an bPolainnis, a blag agus neart eile!

Ar an gclár seo bhí Rónán Ó Dochartaigh linn ó Oideas Gael i nGleann Cholm Cille le labhairt linn faoina gcuid oibre ar an tsraith úr acmhainní digiteacha "HEART" www.eduheart.eu dírithe ar oideachasóirí ar spéis seo cúrsaí oidhreachta a thabhairt isteach ina gcuid teagaisc, mar chuid de thionscadal ilchultúrtha comhpháirtíochta a raibh Oideas Gael ar cheann de 5 chomhpháirtí Eorpacha ann. Chomh maith leis sin, chualamar ó Chiarán Dunbar faoin gcúrsa Ghaeilge na hAlban ar an Oileán Sgitheanach mí Lúnasa, faoina thuras chuig an gComhdháil ar an gCarraig mí Mheán Fómhair agus faoin alt a scríobh sé faoina eispéaras san Irish Independent.

Ar an gclár seo bhí Alexandra Philbin, mac léinn dochtúireachta i Valencia na Spáinne ag labhairt linn faoi na tuilte timpeall ar an gcathair le gairid agus agóidí na ndaoine in aghaidh an rialtais toisc an easpa rabhaidh a tugadh do dhaoine maidir leo agus an chaoi ar láimhseáladh an tragóid. Chomh maith leis sin, chualamar ó Chiarán MacGuill ón ngrúpa an Ghaeltacht sur Seine agus é ag caint linn faoin tSamhain-sur-Seine, a bhféile bhliantúil Gaeilge!

Ar an gclár seo bhí Marion McEvoy ag labhairt linn faoin gceolchoirm "Dublin Says Yes - A Celebration of Migrant Artists" sa Cobblestone i Margadh na Feirme Dé hAoine beag seo! Chomh maith leis sin bhí Seathrún Sardina ag caint linn faoi COP29 san Asarbaiseáin - cé na ceannairí atá i láthair, cad ar a bhfuil sé féin ag coinneáil súile i mbliana mar chuid den phlé agus cad lena bhfuil daoine ag súil ón bplé i mbliana.

Ar an gclár seo bhí Amanda agus Seanachán Ó Cinnéide linn le hinsint dúinn faoina dturas go hÉirinn d'Oireachtas na Samhna, obair Amanda ar Abair.ie agus go leor eile! Chomh maith leis sin, chualamar ceol ó Dhónal Danny Ó Ceallaigh i mBaile Átha na bhFranc sa Ghearmáin!

Ar an gclár seo bhí Aindriú Ó Ciardha ag caint linn faoina vóta a chaitheamh i dtoghchán uachtaránachta na Stát Aontaithe go luath an tseachtain seo caite agus cuid mhór de mhuintir na Stát Aontaithe ag caitheamh vótaí inniu, príomhlá vótála an toghcháin. Chomh maith leis sin, chualamar ó Sheán Ó Muiris i mBaile Átha na bhFranc sa Ghearmáin linn le labhairt faoina bPreabGhaeltacht a bheas acu mar cheiliúradh ar an Samhain! D'éisteamar le ceol freisin ó Ghael eile sa chathair, Dónal Danny Ó Ceallaigh.

Ar an gclár seo bhí Cabríní de Barra ó Ghaeil ar son Gaza ag labhairt linn faoi obair, fheachtais agus imeachtaí an ghrúpa le gairid. Chomh maith leis sin, chualamar scéalta daoine sa Soláthar Díreach agus na cúinsí maireachtála sna hionaid S.D. faoi láthair.

Ar an gclár seo chualamar ó Angus Lambkin a labhair linn faoi chúrsaí sa Phalaistín i láthair na huaire agus a chuid oibre i nGaza, théis na bliana is measa den chinedhíothú ar an tír le fada. Chomh maith leis sin, d'éisteamar le meascán ceoil speisialta a rinne Aindriú Mac an Rí do dhúnadh Club Chonradh na Gaeilge agus i gcuimhne Seosamh Ó Conchúir agus labhraíomar faoin gclár seo a rinne iaraoi ar an gclár seo Nadia Dobrianska le TG4 faoi éalú a teaghlaigh ón Úcráin go Corcaigh ag tús ionsaí na Rúise ar an tír, dar teideal 'Idir Dhá Bhaile'.

Ar an gclár seo chualamar ó Mhollaí Nic Céile linn le labhairt faoina leabhar úr nua 'Gaeilge i mo Chroí'! Chomh maith leis sin, labhair muid le Trevor Ó Clochartaigh ar bronnadh gradam "H.E.A.R.T" air ón Idaho Museum of International Diaspora mar chuid den Chomhdháil "Climate on Culture" a bhí ar siúl le gairid i nGaillimh le daoine as gach cearn den domhan!

Ar an gclár seo chualamar ó Thomás Ó Riain ag caint linn ó Learpholl Sasana faoi tríú léacht bliaintiúil a bheidh ar siúl sa chathair ar an 22 Dheireadh Fómhair in omós do Tony Birtill, comheagraithe ag Conradh na Gaeilge, Learpholl agus Féile na nGael Learpholl. Chomh maith leis sin, chualamar ó Mhicheáilín Nic Sheoin, Ellen Corbett agus Amergín Ó Caoindealbháin faoi chúrsaí Gaeilge i Strasbourg agus an Pop Up Gaeltacht a bheas ar siúl acu sa chathair Déardaoin beag seo!

Ar an gclár seo chualamar ó Stiofán Ó Foghlú, Cathaoirleach Chonradh na Gaeilge i mBaile Átha na bhFranc sa Ghearmáin linn le labhairt faoi Thionól na Gearmáine, an tábhacht a bhaineann leis an méid gur féidir linn a fhoghlaim ó ghrúpaí Gaeilge timpeall na cruinne agus inimircigh, agus go leor eile!

Ar an gclár seo bhí Brent Ó Casaide linn le labhairt faoi Fhleadh Ghaelach Oulu san Fhionlainn, ar siúl ón 25-29 Meán Fómhair le héagsúlacht ceoltóirí agus scéalaithe i measc go leor eile ar an gclár spleodrach! Chomh maith leis sin, labhraíomar le Róisín Ní Chinnéide ó Chonradh na Gaeilge faoin imeacht ag a mbeidh sí ag labhairt, comheagraithe ag @Conradh na Gaeilge Craobh na Bruiséile agus Feisire Pharlaimint na hEorpa, Cynthia Ní Mhurchú sa Bhruiséil, díospóireacht painéil ar "Theangacha ar son na Síochána" mar cheiliúradh ar Lá Eorpach na dTeangacha ag deireadh na míosa leis an Ambasadóir Cáit Moran, Leas Bhuanionadaí na hÉireann chuig an AE agus Aire Gaeltachta, Thomas Byrne TD.

Ar an gclár seo bhí an tuairisceoir spóirt Cóilín Ó Dubhthaigh ag caint linn ó na Cluichí Parailimpeacha i bPáras na Fraince faoi bhuanna uile Foireann na hÉireann, searmanas mór dúnta na gCluichí agus go leor eile. Chomh maith leis sin labhraíomar le Máirín Nic Fhionghuin as an oileán Leodhais ó dhúchas faoin léacht a thabharfaidh sí féin faoi logainmneacha a léiríonn ceangail stairiúla idir Éirinn agus Albain ag an gComhdháil ar Litríocht agus ar Chultúr na Gaeilge in Ollscoil na hÉireann, Gaillimh ag deireadh na míosa.

Ar an gclár seo bhí Seanán Ó Coistín ag labhairt linn faoina úrscéal Gaeilge grafach úr 'Scott Pilgrim', ainmniúcháin an leabhair do Ghradam de Bhaldraithe mar chuid de Ghradaim Chumarsáide an Oireachtais, faoi fhreastal ar Comic Con Bhaile Átha Cliath le gairid agus go leor eile!

Ar an gclár seo bhí an scéalaí, drámadóir, draíochtóir agus eile, Quentin Reynolds a bhog ó Mhanchain go Baile Átha Cliath cúpla bliain ó shin, linn le labhairt faoina chuid oibre agus léiriú dá chuid scéalaíochta a rinne sé le gairid ag Oideas Gael le Gaeil as gach cearn den domhan. Chomh maith leis sin bhí Tony Ó Floinn linn le labhairt faoin léacht a thabharfaidh sé faoi Phádraig Phiarais Cúndún agus a shaol in Éirinn agus i Meiriceá ag an gComhdháil ar Litríocht agus ar Chultúr na Gaeilge in Ollscoil na hÉireann Gaillimh mí Mheán Fómhair.

Ar an gclár seo bhí Darach Ó Tuairisg linn ó Fíbín le labhairt faoi "Súil Eile: Oíche Idirnáisiúnta Drámaíochta" inar ghlac Fíbín páirt ann le gairid. Chomh maith leis sin éistfimid siar le píosa ó níos luaithe sa samhradh inar labhair Bríd Anna Ní Bhaoill linn faoin gcúrsa blaiseadh Gaeltachta a chomhreachtáil sí féin agus a chomhghleacaithe i Seanchas Sheáin Néill i Rann na Feirste le Gaeil sna Stáit Aontaithe, Seoirsín Ní Mheachair ina measc!

Clár speisialta a bhí anseo le breathnú siar ar na Cluichí Oilimpeacha 2024 agus buanna uile Foireann na hÉireann. Labhair tuairisceoir spóirt Cóilín Ó Dubhthaigh linn tar éis dó filleadh ó Pháras!

Ar an glcár seo bhí an t-Ollamh Fionnuala Ní Aoláin ag labhairt linn ó Mhinnesota, áit a bhfuil sí mar léachtóir, faoina léamh is déanaí ar thoghchán uachtaránachta na Stát Aontaithe. Chomh maith leis sin bhí an Dr Pádraig Ó Liatháin ó Ollscoil Chathair BhÁC, atá i mbun taighde ar lámhscríbhinn Gaeilge in Ollscoil Columbia University, Nua Eabhrac, ag breathnú ar naisc trasAtlantacha ag an Leabharlann "Rare Books and Manuscripts", linn le labhairt faoina cuid taighde sall.

Ar an glcár seo bhí an Dr Ronan Ó Conghaile ó Let's Learn Irish ag labhairt linn faoi na folúntais atá acu do mhúinteoirí Gaeilge dá gcuid daltaí i Washington DC agus ar fud na cruinne! Chomh maith leis sin bhí Ciarán Dunbar ag labhairt linn faoi phodchraoladh 'Seachtain' leis an Irish Independent a rinne sé le Brian Ó Broin agus Séamus Ó Neachtain sna Stáit Aontaithe faoi Trump agus na feachtais toghchán uachtaránachta faoi láthair.