Gurk vo dä Wuchä
by Gurkä
D Gurkä lauft mit offene Auge und Ohrä dürs Läbe und wunderet sich oft über ihri Mitmönsche. Es git irgendwiä ächt nüt wos nid git. D Gurkä isch ja eigentlich es Meitli und doch wott d Gurkä nid so rächt is Meitli-Schublädli passä. Schminkzüg haltet d Gurkä für Operationsbschteck und Shopping chönnt au ä Provinz in China si - wär weiss das scho so genau?
Episodes
-
Quader schisse
Wenn mich Mönsche ufrege, denn tauch ich gärn i d Wält vo de Tier ab. Dert gits immer wider absurdi Sache z entdecke.
-
Aristoteles
Emotione hei au hüt no chli s Image, dass si irrational, unabracht und schnäll z vil si. Dass ich en emotionale Mönsch bi, wird mr immer mal wider vorghalte. Was hätt de Aristoteles zu däm gseit?
-
Aserehe
Ich singe bi Liäder immer mit, au wenn ich de Text nid verschtand. Egal weli Frömdschprach. Ich ha ersch jetzt use gfunde, was ich eigentlich sing bime absolut Summerüberhit.
-
Hobbypsychologie
Ich bi über es Video gschtoglet, wo bhauptet i eire Minute diä ganz Psychologie z erkläre. Wenn das wük klappt, chani mr mis Schtudium schpare.
-
Gurkewasser
S Wasser, wo Essiggurke drin bädele, söll gege Chrämpf hälfe. Ob das wük so isch und warum, das wird i verschidnige wüsseschaftliche Experimänt undersuächt.
-
KI Riimätsch
Ich ha für e Schpezialwuche ganz vil Liäder mit KI erschtellt. Und ich ha müässe feschtschtelle, dass das mittlerwile uschaflig guät funktioniert.
-
Sälbschtreflexion
Es git Lüt wo sich sälber als unglaublich guät und kompetänt bewärte, au we das null de Realität entschpricht. Wiä chunnt das? Cha me Sälbschtreflexion lere?
-
Inszenierte Schtreich
De Theodore Edward Hook het wägere Wett es rise Chaos veraschtaltet und halb London lahm gleit. Diä Aktion hets sogar als Gmäld is London Museum gschafft.
-
So chasch nid höre
Mit eme schlächte Vesuäch cha me es Training nid ufhöre! Dä Satz hani als Chind ganz hüfig ghört. Isch das würklech so?
-
KI Penalty
Es geit gredi abe is Sänkloch. Zmingsch chönnt me das s Gfühl ha, wenn me de Titel vo dere Schtudiä list. Wär KI brucht, schnidet bi Prüäfige schlächter ab. Isch KI wük des Teufels?
-
Pheromonemaxxing
Jungi Manne hei ufghört dusche, wüll si Angscht hei, dass ihri sexuell Aziehigschraft mit em Duschwasser ir Kanalisation verschwindet. Funktioniert das?
-
FAFO
FAFO sig de noi heiss Scheiss, was Chindererziehig ageit. A mir isch das bis jetzt verbi, aber so uschaflig noi tönt das i mine Ohre nid.
-
Gartezwärg
Ich finde Gartezwärge ästhetisch chli schwirig. Aber offebar hets in Ängland mal e Ziit gä, wo me sich als Luxusguät lebändigi Wicht het i sis Gartehüttli da.
-
Synodus Horrenda
Im Mittelalter si offebar nid nume Tier vor Gricht gschtellt worde, sondern au Toti. Ob das erfolgrich isch gsi?
-
Haftbefähl
Ich ha e grichtlechi Vorladig per Mail übercho. Ich ha mr mal d Müä gmacht, dä Gugus z läse. Es isch mindischtens so amüsant wiä unglaubwürdig.
-
Tierprozäss
Im Mittelalter het me Tier de Prozäss gmacht. So richtig ärnschthaft mit Richter und Verteidiger. Einzelne Tier aber au ganze Gruppe.
-
Mumiäuspackis
Im 19. Jahrhundert hesch chönne Tickets chaufe für Mumie-Uspack-Events. Abr es wird no absurder. Mumie het me vermüäslet und als Medikamänt verchauft.
-
Bikini
Hüt fiiret s Bikini Geburtstag. D Gschicht hinder däre knappe Badbechleidig het mr abr sehr z dänke gä.
-
Wiio
Das mit dere Kommunikation isch doch eifach immer wider schwirig. Abr was, wenn missglückti Kommunikation de Normfall isch?
-
Digitali Prüäfige
Ich schtudiere ja ar Fernuni. Das heisst d Prüäfige macht me digital vo dehei us am eigete Computer. Natürlich mit ganz vil Überwachigsmassnahme, wo meh oder weniger durchdacht si.
-
Snowballs
Wüll d Schpermiequalität in Chäller abe rasslet muäs me dringend öpis undernä. Drum gits jetzt Chüälunderhösli. Ganz e cooli Sach!
-
Duschbrause
Ich ha e noi Duschbrause müsse ha und ha us Versehe e A-Brause kauft. Für mi ischs noi gsi, dass diä A-B-C Labels nid nume für Läbensmittel und Elektrogrät sondern au für Duschbrause gälte.
-
Let them
Ich bi über d «Let them theory» gschtoglet. En absolute Erfolg uf Tik Tok und au s Buäch isch en rise Bestseller. D Idee isch bahnbrächend, abr irgendwie chunnt mir das bekannt vor.
-
Vierzgi
Ich ha mi vor sächs Jahr gfragt, was me alls muäs erledigt ha bis me drissgi wird. Drum ischs au naheligend, wenn ich mich jetzt frag, was me als Frau alls muäs chönne bis me vierzgi wird.
-
Guguserfindige
Ich bi diä Wuchä über mehreri Erfindige gschtoglet, wo d Wält entweder nid brucht odr wo so neu gar nid si. Abr defür ufe Art amüsant.
-
Chindlechi Errungeschafte
Als Chind lert me extrem vil Sache wiä Objäktpermanänz oder inhibitorischi Kontrolle. Ich ha mi gfragt, was wär, wenn mr das als Erwachsnegi nid chönnte und warum mir üs bim Verschteckis nüm d Händ vor d Auge häbe.
-
Brütigamseiche
Ich ha e Alternative für alli wo Online-Dating zu de Ohre use hangt: d Brütigamseiche. E Baum mit offizieller Poschtadrässe.
-
Nachricht nachem Date
Ich ha e Schtudiä gläse zur Frag, wenn me sich söll mälde nach eme erschte Date. Schön, dass sich d Forschig um Läbenshilf kümmeret.
-
Tabata
Ich triffe in allne mögliche Fitnessformat irgendwelchi Tabata-Trainings. Das wo da als underschidlichscht Allerwältsmittel verchauft wird, het abr leider so gar nüt mit em Urschprung z tüä.
-
Pink Pill
Ich bi mal wider über Wörter gschtoglet, woni gar nid kennt ha: Pink Pill, femcel und FDS. Das wo hinder dene Begriff schteckt, git mr abr scho sehr z dänke.
-
Cätsch Print
Ich ha mal wider d Witerbildigs-Äpp Tik Tok ufgmacht und glert, wiä me d Schnäbilängi vo Manne cha schätze und das ganz ohni dass me ihne muäs d Hose abzieh.
-
Momänt-Mal-Frage
Mir isch ersch grad ufgfalle, dass Züg ja links fahre. Wieso denn das? Und was macht eigentlich dä Typ mit de Rastas usem Freestyler-Musigvideo?
-
Pilzregle
Ich bi übr e Regle gschtosse, wiä me bessr söll chönne Gränze setze bim Dating. Jedes Date het drü Pilz aso Läbe und we dis Date öpis macht, wo di schtört, wird ei Pilz glöscht.
-
Pony
Wieso gits eigentlich Ponys? Und was isch zersch gsi: s Ross oder s Pony? Isch das überhaupt s gliche Tier? Das si doch diä grosse Frage vom Läbe.
-
Hefeteigchugelfisch
Ich fühle mi regelmässig, als hätt ich e ganze Ozean i mine Zälle gschpicheret. Oder zmingsch e Zürisee. Was söll das? Was het sich d Evolution debi dänkt?
-
Chind si
Ich setze mi grad mit Entwickligspsychologie usenand. De Fokus ligt vor allem uf Sache, wo mr noi lere. Abr ich ha mi gfragt, wiä vil Sache mir nüm mache odr irgendwenn als Chind s letscht mal gmacht hei.
-
Paragraferitter
Ich schtudiere ja wider. Abr nüm a dere Uni, woni schomal schtudiert ha, obwohl ich quasi näbe dra wohne.
-
Skeletortag
Ich bi ja bekannterwis kei Fän vom Valentinstag und däm ganze Kommerzkitsch. Drum ischs erschtunlech, dass bis jetzt de St. Skeletortag a mir verbigange isch.
-
Lääscheri
Ich ha über e schpannende Mönsch gläse, wo Schpitzeunderwösch für Manne härschtellt. Das bitzeli Schtoff löst ganz vil negativi Emotione us. Warum isch das so und warum hei Manne numä so längwiligi Underhosä?
-
Swäg Gäp
Ich bi wider ime Tik Tok Loch versumpft: Swag-Gap. Offebar de wahri Grund, wieso dass Beziehige schittere.
-
Neandertaler
Ich ha es paper zuegschickt übercho über d Ernährig vo de Neandertaler. Ich ha vil glert und bi zum Schluss cho, dass me d Paleo-Diät sött überdänke.
-
Gymknigge
Ich ha mal wider Tik Tok ufgmacht und mi gwunderet ab hunderte vo Kommentär. Offebar bini völlig us de Ziit gheit.
-
Empört
Ich bi mit eme Mönsch anenand grate und hast nid gschafft, d Woge z glätte. Ich bi fasziniert, wiä schnäll so öpis cha entgleise.
-
Muätig
Ich ha nid ganz freiwillig e noiä Läbenswäg igschlage. Für das bin ich als muätig bezeichnet worde. Isch das wük so muätig? Und was isch Muät überhaupt?
-
Vichli
Ich ha vo mire Schwöschter es Hotel übercho. Kei risigi Immobilie, sondern es Glas mit «Vichli» drin. Ich ha müässe recherchiere, was das für Läbewäse si.
-
Wiähnachtsfavorite
Ich ha internationali Wiähnachtsbrüüch recherchiert und tatsächlich no e Hampfle voll gfunde, woni noni kennt ha. Ich bring dr mini drü Favorite nöcher.
-
Julbock
Ich ha diä Wuchä d Fürwehr dörfe im Isatz beobachte. Füür het für mich öpis extrem schöns und aziehnds, abr au öpis gfürchigs. Füür und Wiähnachte ghöre abr scho chli zämme für mi. Offebar nid nume für mi.
-
Was wie warum
Gugu het wider e Schtatistik use gä, weli Frage ir Schwiz im 2025 hüfig gschtellt worde si. Ich ha mi a diä was, wie und warum Frage häre gwagt.
-
Sälbschtreflektion
Ich bi diä Wuchä konfrontiert worde mit ere sehr grosse Differänz zwüsche Sälbscht- und Frömdwahrnähmig. Abr nid uf diä guäti Art.
-
Puschöp
Es git ändlich Push-Up-Underhösli für Manne. Ha mr natürlich grad müässe aluege, wiä das funktioniert und was d Wält so dezuä meint.
About this show
D Gurkä lauft mit offene Auge und Ohrä dürs Läbe und wunderet sich oft über ihri Mitmönsche. Es git irgendwiä ächt nüt wos nid git. D Gurkä isch ja eigentlich es Meitli und doch wott d Gurkä nid so rächt is Meitli-Schublädli passä. Schminkzüg haltet d Gurkä für Operationsbschteck und Shopping chönnt au ä Provinz in China si - wär weiss das scho so genau?
Hosted by
Gurkä