Jambalaja

Í sendingini hesaferð, sum er tann seinasta í hesi vetrarhálvuni, hoyra vit um nøkur av teimum, sum skulu spæla á Countryfestivalinu í Sørvági. Eisini frætta vit nýtt frá Brad Paisley og Willie Nelson.

ACM heiðurslønirnar vórðu handaðar sunnudagin 17. mai. Vit hoyra um tey, ið vórðu heiðrað. Eisini minnast vit ein góðan sangara, sum doyði farna vikuskiftið.

Søguligir sangir við Hank Williams, Ronnie Milsap og Elvis Presley eru á skránni í Jambalaja í dag. Annars er mest nýútgivin tónleikur. Nakrir lættir sangir í beach country stíli, og so hoyra vit úr nýggju heildarútgávuni hjá Kacey Musgraves.

Í dag minnast vit ein av størstu originalunum á countrypallinum, sangaran og sangskrivaran David Allan Coe, sum doyði 29. apríl, 86 ára gamal.

Nú altjóða arbeiðaradagurin júst hevur verið, hava vit funnið eitt tyssi av sangum fram, sum í høvuðsheitum snúgva seg um arbeiði. Vit hoyra m.a. Haggard, Cash, Parton, Guthrie, Springsteen og Dubliners.

Í sendingini í dag minnast vit tvey fólk, sum eru farin í annað ljós hesar seinastu vikurnar - ein kvinnuligan írskan sangara og ein framúr amerikanskan sangskrivara. Eisini hoyra vit nýtt frá Cody Johnson, Willie Nelson og Bellamy Brothers.

Í dag spæla vit burtur úr nýggju útgávuni, Dandelion, hjá Ellu Langley. Eisini hoyra vit dømir úr eini spennandi bluegrass útgávu, og so minnast vit íslendsku poppstjørnuna Bjørgvin Halldórsson, sum andaðist 9. apríl.

Sendingin er eitt bland av nýggjum og eldri tónum. Vit hoyra um nýggju útgávurnar hjá Luke Combs og Charley Crockett. Eisini hoyra vit Don Williams, sála, við einum angi, sum ikki hevur verið at hoyrt fyrr.

Páskaaftan er, og hetta høvið brúka vit til at spæla nakrar góðar sangir við andaligum og páskaligum innihaldi. Nakrir føroyskir sangir vera at hoyra, og so hoyra vit eisini røddirnar á góðu gomlu Johnny Cash og Jim Reeves.

Mest nýggjur tónleikur er á skránni í dag. Frá Alan Doyle og Larry Fleet. Vit minnast eisini írsku sangarinnuna, Dolores Keane, sum doyði í vikuni. Eisini spæla vit fleiri stakløg, sum eru komin hesa vikuna - eitt nú við Willie Nelson.

Írskur tónleikur er á skráni í Jambalaja í dag eftir sum tað er patriksmessa týsdagin. Vit hoyra nakrar countrysangarar syngja írskar sangir, og so eisini nakrar góðar fólkatónleikarabólkar av rætta írska slagnum við. Sendingin endar við einum kendum írskum lagi, sungið á føroyskum.

Fyri tað mesta verður tað nýggjur countrytónleikur á skránni í dag við denti á útgávuna "Cloud 9" hjá Megan Morony. Eisini hoyra vit eitt sindur nærri um sangaran Zach Top, ið verður mettur at vera eitt komandi stórnavn innan countrytónleik.

Tvær serligar útgávur eru til viðgerðar í sendingini í dag. Ljóðsporið til filmin "O Brother, where art Thou" frá 2001, sum fekk stóran týdning fyri bluegrass-tónleikin, og so savnspl´tan hjá Eagles frá 1976, "Their Greatest Hits 1971-1975", sum herfyri fór upp um 40 milliónir seld eintøk í USA.

Hoyr sendingina her

Vit spæla sangir ogúr útgávum, ið vórðu heiðrað við Grammy virðislønum á stórum showi í Los Angeles 1. februar.

Í sendingini í dag spæla vit fyri tað mesta sangir, sum komu út undanfarna fríggjadag. 30 januar gjørdist ein óvanliga spennandi útgávudagur - serliga ein sangur stingur seg burturúr.

Á skránni í dag eru nýútgivnir sangir við eitt nú Carly Pearce, Trisha Yearwood og Kashus Culpepper. Eisini leita vit aftur í søguna fyri at hoyra góðar gamlar countrysangir.

Í sendingini fara vit at hoyra nakrar sangir, ið vóru umstríddir - kontroversiellir - tá teir koma fram í 1960'unum og 1970'unum. Vit hoyra eitt nú Merle Haggard, Dolly Parton og Loretta Lynn. Vit spæla eisini nakrar góðar nýggjar sangir, ið nýliga eru útkomnir.

Hoyr sendingina her

Í Jambalaja í dag minnast vit eina stóra sangrødd innan countrytónleikin. Í hesum døgum eru liðin hundrað ár síðan Ray Price varð borin í heim.

Vit spæla í dag burtur úr nøkrum av teimum bestu úgvávunum, sum sóu dagsins ljós í 2025. Vit hoyra eitt nú Ella Langley, Zach Top, Waylon Jennings, Willie Nelson, Turnpike Troubadours og Alison Krauss & the Union Station.

Síðsta Jambalajasending undan jólum. Hugnaligir jólasangir og -sálmar vera at hoyra. Eldri amerikanskar upptøkur, men eisini spennandi upptøkur úr Kanada, Írlandi, Íslandi, Noregi og Føroyum. Gleðilig jól.

Nýútgivnir jólasangir eru á skránni í Jambalaja í dag, har vit eisini markera, at ein av stóru sangarunum á heiðini er farin yvir í ævigu veiðiøkini. Talan er um Raul Malo.

Í sendingini í dag spæla vit úr eini útgávu við live-upptøkum, sum er komin í sambandi við, at útvarpssendingin Grand Ole Opry í Nashville nú hevur havt 100 ár á baki.

Í Jambalaja í dag hoyra vit um tey, sum vórðu heiðrað við CMA-virðislønum á stórum heiðurskvøldi í Bridgestone Arena í Nashville mikukvøldið 19. november. Eisini spæla vit teir fyrstu Jambalaja-jólasangirnar í ár.

Tvær nýggjar góðar útgávur eru á skránni í dag, harav onnur verður mett sum eina ta bestu, ið er komin út í ár. Vit hoyra eisini um tveir sangarar - ein føroyskan og ein amerikanskan, sum hava havt rundan føðingardag í vikuni.

Nýútgivin tónleikur - ikki allur tó nýggjur - er á skránni í dag. Høvuðsnøvnini í dag eru Luke Bell, sáli, upprunakanadiarin William Prince og ein endurføddur Jake Owen.

Í dag spæla vit nýtt frá gamla bólkinum Nitty Gritty Dirt Band og frá Vince Gill. Eisini hoyra vit um Kashus Culpepper, Bon Jovi og burtur úr slóðbrótandi útgávuni hjá Guy Clark frá 1975.

Í dag hoyra vit um nýggjastu limirnar, sum eru upptiknir í Grand Ole Opry, serliga Steve Earle. Vit markera eisini, 25 ára dagin fyri eina serliga útgávu við Johnny Cash. Fleiri nýggir sangir verða eisini spældir

Í Jambalaja í dag spæla vit tveir sangir frá sendirøðini Landman, vit hoyr um ein musical, ið verður settur upp í London, og sum Passenger hevur skrivað sangirnar til, vit hoyra eisini nakrar nýggjar countrysangir og so minnast vit Hanus G. Johansen, sum fór foldum frá farna vikuskiftið.

Hesaferð spæla vit burtur úr nýggju útgávuni við uutøkum eftir Waylon Jennings, sum júst er komin út. Tað er sonurin Shooter, sum hevur framleitt útgávuna "Songbird", sum er fyrsta av trimum útgávum við sangum við Waylon Jennings, sum ikki eru útgivnir fyrr. Shooter er eitt slag av gjøgnumgangandi høvuðspersóni í Jambalaja í dag.

Jambalaja hátíðarheldur Marty Robbins, nú tað herfyri vóru 100 ár síðan hann varð borin í heim. Eisini hoyra vit nýtt frá Colter Wall, Jake Worthington og Zach Top enn einaferð.

Vit hoyra tað nýggjasta frá Zach Top, ið verður fagnaður sum ein guður, tá tað kemur til 90'ara countrytónleik. Eisini hoyra vit frá Molly Tuttle og JameyJohnson, og hoyra nakrar sangir og søgur úr countrysøguni.

Hesaferð spæla vit meira nýggjan tónleik,sum er komin út meðan Jambalaja hevur ligið í summardvala. Vit skulu m.a. hoyra spennandi nýtt frá Waylon Jennings, sála, umframt Charley Crockett og Rodney Crowell.

Í dag hoyra vit burtur úr nøkrum nýggjum útgávum, sum eru komnar í summar. Eisini skulu vit minnast tveir persónar, sum doyðu í juli - eina poppsangarinnu, sum sang eitt sindur av country, og ein harmonikuspælara av meksikanskari ætt, sum spældi við á fleiri countryútgávum. Eisini er nýtt um bólkin Chapel Hart, sum er farin í tvíningar.

Í fyrstu Jambalaja sendingini hetta vetrarhálvárið minnast vit Jeannie Seely, sum fór foldum frá fyri einum mánaði síðan. Annars gera vit vart við nakrar serligar søguligar hendingar, sum eru farnar framvið í juni og spæla eitt sindur av nýggjum tónleiki.

Hetta er seinasta sending fyri summarsteðgin. Vit spæla nakrar eldri sangir, sum toppaðu fyri fimmti árum síðani, minnast ein 95 og ein 60 ára føðingardag, og so hita vit eitt sindur upp til countryfestivalin í Sørvági um tvær vikur.

Í Jambalaja í dag spæla vit fleiri góðar nýútgivnar sangir, í stóran mun er talan um duettir, eisini við spennandi samansetingum. Eisini fara vit eina løtu at minnast Mac Wiseman, nú hundrað ár eru liðin síðan hann varð borin í heim.

Í sendingini í dag er høvuðsevnið ACM virðislønirnar, sum vórðu latnar undanfarna hósdag. Eisini minnast vit tex-mex countrysangaran, Johnny Rodriguez, sum andaðist 9. mai.

Í Jambalaja í dag hoyra vit millum annað um fyrstu útgávuna hjá Chris Stapleton, Traveller, sum enn liggur ovarlaga á hittlistunum, hóast tað nú um dagarnar vóru liðin 10 ár síðan hon varð útgivin.

Vit spæla nakrar av kendastu sangunum hjá Steve Earle, nú hann varð bjóðaður at gerast limur í Grand Ole Opry. Eisini hoyra vit nýtt frá m.a. Jon Pardi, Shaboozey og Matt Daniel.

Vit hoyra nýggjan góðan tónleik, og so markera vit eisini, at ein av góðu sangarunum í Danmark, júst er farin um tey 75. Vit hoyra nýtt frá eitt nú Willie Nelson, Turnpike Troubadours og Ian Munsick.

Gleðiligar páskir. Í Jambalaja í dag er eitt úrval av góðum andaligum sangum á skránni. Vit hoyra m.a. George Strait, Dolly Parton, Willie Nelson, Darius Rucker og Chapel Hart.

Í dag hoyra vit nakrar nýggjar sangir, sum eru komnir út sum stakløg í seinastuni. Seinni helmingur av sendingini verður við góðum góðum sangum hjá sangskrivaranum Troy Seals, sum doyði herfyri.

Í Jambalaja í dag hoyra vit nýtt frá Halli Joensen, Wilder Blue, Alison Krauss & the Union Station og William Beckmann. Og so hátíðarhalda vit, at Bobby Bare fyllir 90 7. apríl..

Í Jambalaja í dag hoyra vit um tey trý, sum í vikuni vórð vald sum limir nummar 159, 160 og 161 í Country Music Hall of Fame. Tey eru Tony Brown, June Carter og Kenny Chesney.

Í Jambalaja í dag hoyra vit burtur úr nýggjastu útgávuni hjá Charley Crockett. Vit hoyra eisini um nýggja útgávu hjá Willie Nelson, við sangum hjá Rodney Crowell og hoyra heilsu frá Dolly Patron til mann sín, sum doyði herfyri. Eisini tríva vit í tveir sangir úr countrysøguni og minnast Hans Jacob Hjelm, sum andaðist fyri viku síðani.

Tað er Skt. Pátríksmessuvikuskifti, og tí verður dentur lagdur á írskan og keltiskan tónleik í Jambalaja í dag. Vit hoyra m.a. Nathan Carter, The Longest Johns, Johnny Cash, Dubliners og Luke Kelly.

Sendingin í dag snýr seg fyri tað mesta um amerikanska kvinnubólkin Chapel Hart, sum kemur til countryfestivalin í Sørvági í summar. Vit hoyra eisini nýtt frá øðrum, sum hava vitjað festivalin áður.

Í sendingini í dag spæla vit góðan føroyskan tónleik í Jambalaja-stíli við eitt nú Ólavi Højgaard, Martini Joensen, Simma og Connie, Kalas, Jónasi Gaard og Sigrið F. Hansen.