Kompas

8 September 2026: In hierdie matriekeksamen-episode, fokus ons op Vraestel 1 van Rekeningkunde.

7 September 2026: Graad 9-vakkeuses is een van die belangrikste besluite vir ‘n hoërskoolleerder. Hoe gaan ‘n mens te werk wanneer dié besluit op jou voorstoep land?

4 September 2026: Watter impak het ’n vriend se selfdood op jou? Ons praat met iemand wat só iets ervaar het.

3 September 2026: Het jy geweet jy kan reeds op sewe jaar ‘n suksesvolle entrepreneur wees? Ons gesels met ’n jong knaap wat bewys dat jy nooit te jonk is om ’n suksesvolle besigheid te begin nie. Sy naam is Hendré, en hy verkoop hout.

19 Augustus 2026: Angela Lindeque, 'n trotse boorling van Namakwaland, breek mure af en herdefinieer wat moontlik is vir vroue in 'n bedryf waar mans tradisioneel die reëls bepaal. Sy is een van slegs drie vroue in die hele land wat die mynreddingskursus suksesvol voltooi het. In Junie is sy as ‘n internasionale myn se sterpresteerder vir 2026 genomineer.

1 September 2026: In hierdie matriekeksamen-episode, fokus ons op Vraestel 2 van Afrikaans.

31 Augustus 2026: Baie jongmense dink dat STEM-, tegniese- en beroepsgerigte loopbane net vir mans is, maar is dit werklik die geval? Hoe kan jong vroue bemagtig word om daarin te tree?

28 Augustus 2026: Wat is bemiddeling, en is dit moontlik om dit as ‘n loopbaanrigting te volg? Barrie Ferreira vind uit wat dié rigting alles behels.

Ilke Davids van die Oanafhanklike Verkiesingskommissie verduidelik wat spesiale stemme is, en wie aansoek kan doen.

26 Augustus 2026: Ons hoor van twee jong Suid-Afrikaanse kunstenaars wat die Silwerskermfees op sy kop gekeer het. Ben Albertyn is te sien in die drama, Landmyn. Dié film gaan oor drie broers en susters wat ná 'n dekade weer bymekaarkom, en hulle ma wat soos 'n landmyn op die punt staan om te ontplof. En, ons praat met Roberto Kyle, 'n akteur, skrywer én regisseur wat sy debuutkortfilm, Genoeg, gemaak het. Dit is 'n diep persoonlike storie oor 'n seun en sy pa.

25 Augustus 2026: In hierdie matriekeksamen-episode, fokus ons op Vraestel 1 van Wiskunde.

24 Augustus 2026: Hoe word leerders met gestremdhede bygestaan by TVET-kolleges? Wat moet nog gedoen word om toeganklikheid te verbeter?

21 Augustus 2026: Barrie Ferreira maak ‘n draai by die Hoër Tegniese Skool John Vorster in Pretoria om te gaan kyk na sonkragmotor wat die leerders gebou het. Hulle gaan deelneem aan ‘n sonkaruithouren. Die projek gee vir hulle ‘n geleentheid om ander vaardighede aan te leer.

20 Augustus 2026: Liezl Low van die Onafhanklike Verkiesingskommissie verduidelik wat vrye en regverdige verkiesings beteken.

19 Augustus 2026: Saskia Pocock was net 17 jaar oud toe twee oproepe van RSG haar lewenspad verander het. Sedertdien het sy gegroei van 'n skoolmeisie met 'n kultuurbalkie op haar baadjie tot 'n gevestigde kunstenaar wat radio, verhoog, besigheid en internasionale ervaring in een loopbaan saambring. Sy het nou 'n nuwe hoofstuk betree as die stem van RSG se oggendboekvoorlesing.

18 Augustus 2026: In hierdie matriekeksamen-episode, fokus ons op Vraestel 1 en 3 van Afrikaans Huistaal.

17 Augustus 2026: As jy tans as ‘n ambagspersoon opgelei word, is dit belangrik dat jy moet registreer. Dit demonstreer jou bevoegdheid, verhoog jou geloofwaardigheid en lewer ‘n bydrae tot die vaardige, nasionale werkersmag waarop daar vertrou kan word.

14 Augustus 2026: Hoe kan jy bepaal of dit goed of sleg gaan met jou werk en loopbaan?

13 Augustus 2026: Ellsforth Booyse van die OVK praat oor die gedragskode vir kandidate en kiesers.

5 Augustus 2026: Kuns is nie net as iets wat teen ’n muur hang nie. Ons praat oor kuns as ’n stem. As ’n manier om te sê: “Dít is wie ek is. Dít is waar ek vandaankom. Dít is hoe ek die wêreld sien.” Miskien is daar ook ’n storie in jou wat wag om geteken, geverf, geskryf of vertel te word. Moenie wag tot alles perfek is nie. Begin waar jy is. Gebruik wat jy het. Jou stem maak saak, jou storie is belangrik. Donavan Mynhardt, kurator by die Rust-en-Vrede-galery, wat betrokke is by die Junior Portrait Awards, vertel hoe hierdie platform jong kunstenaars help. Ons gesels ook met die jong kunstenaar en onderwyser, Welme Booys. Sy is van Goedverwacht, en skep treffende portrette met houtskool - werke wat nie net gesigte vasvang nie, maar ook gevoel, storie en menswees.

11 Augustus 2026: In hierdie matriekeksamen-episode, fokus ons op Vraestel 2 van Fisiese Wetenskappe, naamlik Chemie.

10 Augustus 2026: Barrie Ferreira vind uit hoe studie by ‘n TVET-kollege deure vir jou oorsee kan oopmaak.

7 Augustus 2026: As jy ‘n brief aan jou jonger self kon skryf, wat sou jy skryf? In hierdie Vrouedag-uitgawe, hoor ons wat ‘n paar meisies aan hulle jonger self sou skryf.

Ellsforth Booyse van die OVK bespreek die vereistes om as proporsionele verteenwoordiging-kandidate in die munisipale verkiesing te staan.

5 Augustus 2026: Poësie kan snaaks wees, dit kan musiek hê, en ja, dit kan selfs gerap word! Lefra Produksies bied twee poësieprogramme vir matrieks aan: VERSKUNS vir Afrikaans Eerste Addisionele Taal, en VERSE IN MY INBOKS vir Afrikaans Huistaal. Aan die stuur is die akteur Phillru van Achterbergh, wat leerders op ’n vars, toeganklike en lekker manier deur hulle voorgeskrewe poësie help.

4 Augustus 2026: In hierdie matriekeksamen-episode, fokus ons op Vraestel 1 van Fisiese Wetenskappe, naamlik Fisika.

3 Augustus 2026: Wat is ‘n Tegniese en Beroepsgerigte Onderwys- en Opleidingskollege, en hoe verskil dit van ‘n tradisionele universiteit? TVET-kolleges en TVET-kwalifikasies maak deure oop vir indiensneming, entrepreneurskap en verdere studies.

31 Julie 2026: Hoe kan ‘n groot vis help om die omgewing te beskerm? Barrie Ferreira vind meer uit van ‘n herwinningsinitiatief by skole in Suid-Afrika se kusgebiede.

30 Julie 2026: Ons kyk verder na die belangrikheid daarvan om as kieser te registreer.

29 Julie 2026: Torsten Koehler, ’n testikulêre kanker-oorlewende, is die stigter van Love Your Nuts, ’n organisasie wat mense op ’n toeganklike manier oor kanker bewus maak. Hy herinner ons dat ’n eenvoudige maandelikse ondersoek — en die moed om dokter toe te gaan as iets verander — ’n groot verskil kan maak.

28 Julie 2026: Die skrywer, Anmari do Carmo, vertel waar die inspirasie vir haar derde boek vandaan gekom het, hoe haar skryfproses lyk, en watter boodskap sy aan jongmense wil oordra.

27 Julie 2026: Om vroeg aansoek te doen vir naskoolse onderrig is noodsaaklik om teleurstelling te vermy. Barrie Ferreira vind uit waarom dit belangrik is om aansoek te doen voor dit te laat is.

24 Julie 2026: Is skaak ‘n irrelevante speletjie, of het dit nog plek in jongmense se lewe? Barrie Ferreira het gaan uitvind in die week waarin ons Wêreld Skaakdag vier.

23 Julie 2026: Ons kyk na die belangrikheid daarvan om as kieser te registreer.

22 Julie 2026: Enrico de Bruin se storie laat jou besef dis nooit te laat om jou drome na te jaag nie. Dié inhoudskepper op sosiale media het die klaskamer verruil vir die gange van ‘n hospitaal. Ons hoor wat die beweegrede agter dié besluit was.

21 Julie 2026: Pronk Podium het tien jaar gelede as ‘n tienertoneelprogram begin, en spog vandag met vyf verskillende afdelings. David Brink en Nadia Beukes gesels oor Pronk Podium se eindronde in September, deel wenke uit ‘n beoordelaar se perspektief, en vier tienertoneel en -kuns in al sy glorie.

20 Julie 2026: Digitale vaardighede is ‘n noodsaaklike deel van die moderne werksplek. Barrie Ferreira vind uit watter vaardighede werkgewers soek.

17 Julie 2026: Boeliegedrag bly ‘n baie groot probleem in Suid-Afrikaanse skole. Hoe gaan ‘n mens te werke om dit aan te pak? Barrie Ferreira vind meer uit oor die B IS VIR BOELIE-projek wat hierdie probleem probeer bekamp.

16 Julie 2026: Kompas-luisteraars deel hulle ondervindings van verlief wees, verlore voel, liefdesdriehoeke en alles tussen in. Die liefde is die taal wat almal kan praat, maak nie saak hoe oud jy is nie.

15 Julie 2026: Ons gesels met dr. Gerald Maarman oor sy loopbaan in die mediese veld. Hy gee raad aan studente wat daarvan droom om eendag in ’n mediese veld te spesialiseer.

14 Julie 2026: Zani van Jacaranda Learning is passievol oor opvoeding, en help jongmense nie net om akademies beter te presteer nie, maar ook om te verstaan hóé hulle die beste leer. Ons praat oor leerstyle, studietegnieke, ekstra klasse, opvoedkundige sielkunde en hoe om studies te balanseer met alles anders wat die lewe van ons vra.

13 Julie 2026: Vrywilligerswerk bied ‘n wye verskeidenheid voordele aan jongmense. Dit kan ‘n CV versterk want dit demonstreer inisiatief, toewyding, verantwoordelikheid en ‘n gewilligheid om te leer.

10 Julie 2026: Wat het uithouvermoë en ‘n ou Kinderbybelliedjie met mekaar te doen? Barrie Ferreira vind uit wanneer hy met die sanger, Chris Steyn, gesels oor sy ervaringe tydens ’n Ysterman-kompetisie waaraan hy deelgeneem het.

9 Julie 2026: Michelle Seeber van MBS Global Education, vertel Projek 111. Dis ’n reis van 111-dae deur Suid-Afrika wat op 1 September 2026 begin, waartydens al nege provinsies besoek word om jongmense te inspireer, gemeenskapsprojekte aan te pak, geleenthede vir internasionale werk en studie bekend te stel, en die unieke stories van Suid-Afrikaners met die land te deel.

8 Julie 2026: Dis winter, en skielik klink pap, bredie en warm gebakte brood soos die beste idee ooit. Die dae is korter, die bed is warmer, en daai kombers voel baie beter as gimskoene. Wat doen die winter aan jongmense se gesondheid, eetgewoontes en oefenroetine? Ons gesels met ‘n dieetkundige oor hoe om trooskos en gesonde eet reg te balanseer. En ’n oefenafrigter deel praktiese wenke om gemotiveerd te bly, selfs wanneer dit buite reën. Jou winterlyf sal later dankie sê.

7 Julie 2026: Hazel Janse van Rensburg hoor by twee minikrieket-spelers hoe dit was om deel van ‘n veldtog te wees waar hulle saam met professionele Protea-krieketspelers kon oefen. Dit het selfs ysbaddens by die Wanderers-stadion ingesluit!

6 Julie 2026: Is die skoolvakansie ‘n tyd om net terug te sit, niks te doen en jou duime te rol? Of moet dit jy dit produktief benut, en nuwe vaardighede te ontwikkel? Ons het ’n paar idees oor hoe jy die beste van jou skoolvakansie kan maak.

3 Julie 2026: Is ‘n witleuntjie aanvaarbaar wanneer jy aansoek doen vir werk? Wat is die gevolge? Barrie Ferreira het gaan uitvind.

2 Julie 2026: Sjanel Vosloo van WOW Creative leer jongmense om selfvertroue te kweek. Sy deel wenke oor hoe om jouself op ‘n opregte manier uit te druk.

1 Julie 2026: ’n Gebalanseerde lewe beteken nie dat alles altyd perfek is nie. Dit gaan daaroor om bewustelik te leef, om tyd te maak vir werk én rus, vir ander én vir jouself, vir liggaam, gees en hart. Lewensafrigter, Tanya Loubser praat oor hoe om al die balle in die lug te hou, en dat dit oukei is om een of twee te laat val.