Kringlan

Í Kringluni í dag fer Tóra í Stórustovu at spæla ein kringlulista, men allarfyrst fara vit at hoyra um eina sera sera spennandi stavikapping, sum SMS hevur skipað fyri. Finalan var leygardagin klokkan 14. og tað vóru 5. flokkur úr Kollafjarðar skúla og 5. flokkur úr Sørvágs skúla, sum kappaaðust. Næmingarnir sum kappaðust, vóru raskir at stava, gita orðatøk og setningar. Úrslitið var javnt, men vinnari var so Kollafjarðar skúli, sum vann eina floksveitslu. Vertir vóru Anita og Angela og dómari var Jóhan. Nú fara vit at hoyra, tá ið kappingin næstan var at enda komin, og tá ið vinnarin var kosin. Ljóðið er ikki av tí allarbesta, men lurti her frá stavikappingini í SMS.

Í dag hoyra vit børn í Sands skúla greiða frá evnisarbeiði um mat og ljóð. Eisini greiðir Sunnleif Rasmussen frá tónleiki og ljóði

Vit senda útvarpsleikin - Annika í Dímun.

Í ársins seinastu kringlu, fara vit at hoyra ymiskar tónleikaupptøkur og tónleikaútgávur, sum hava verið´umrøddar og spældar í Kringlum í 2013.

Í dag hoyra vit um einglar. Armgarð Arge greiðir frá. Síðani hoyra vit seinasta part av hoyrispælinum - Jól í 5.a. Jákup Veyhe leggur til rættis.

Í dag hoyra vit um nýggja filmin, sum hevur verið sýndur í biografinum. Filmurin eitur "Dýr er barnaverð", vit hitta høvundin Steintór Rasmussen, Rakul Ró, sum er 11 ára gentan í filminum og Beintu Clothier, sum er mamman í filminum. Síðani fara vit at tosa um vættrar, Eyðun Andreasen fer at greiða frá, og børn í Argja skúla, siga sína hugsan. Eisini hoyra vit eina vættrasøgu, sum Ella Smith Clementsen hevur skrivað. At enda hoyra vit hoyrispælið - Jól í 5.a, sum Jákup Veyhe leggur til rættis.

Í dag hoyra vit um jólatrø. Vit eru uppi á Skógrøktini, og her hitta vit Rakul Dam Lindberg, sum sigur frá. Eisini hoyra vit 2. part av hoyrispælinum - Jól í 5.a, sum Jákup Veyhe leggur til rættis.

Í dag hoyra vit um jólakalendarasøaguna - Jól í grannalagnum, sum verður at hoyra gerandismorgnar í Barnaútvarpinum. Vár Berghamar Jacobsen skrivaði í 2007, og Kári Jacobsen gjørdi tónleikin. Finnur Hansen stóð fyri tí tekniska. Síðani hoyra vit um jólakalendaran í sjónvarpinum, sum er - Jól í Svingi. Páll Danielsen leikstjórnaði og greiðir frá. Rógvi Langaard er í starvsvening í Kringvarpinum, og hann hevur í dag gjørt samrøðu við Katrina á Neystabø, sum greiðr frá Amnesty Internationa, um barnarættindasáttmálan, og um hví vit seta ljós í vindeyguni 10.desember. At enda hoyra vit ein part av hoyrispælinum - Jól í 5.a, sum Jákup Veyhe gjørdi til Barnaútvarpið í 2011.

Í dag fer Beinta Johannesen, sum arbeiðir á Bókadeild Føroya Lærarafelags, at greiða frá bókadøgunum, sum verða í Norðurlandahúsinum í vikuskiftinum. Niels Johnson, sum gongur í 6.flokki í Eysturskúlanum í Havn, dámar væl at lesa tjúkkar bøkur. Hann fer at greiða frá yndislesnaði sínum. Í skúlanum á Argjahamri eru fegnir First lego league vinnarar, tey kalla seg Legoholics, og hava úr at gera, tí 28. november fara tey til Noregs at kappast víðari.

Hoyr sendingina her.

Mikukvøldið byrjaði nýggj sendirøð í sjónvarpinum - teknirøðin Eingilina Ballerina. Eik og Jón Baldur leggja rødd til mýsnar, og tey greiða frá, hvussu tað hevur verið. Evnið á vísindavøkuni 2013 er matur. Vit tosa við Poulu Patursson, granskara, um mat.

Í dag hoyra vit um barnafestivalin, um stjørnuna, sum fer at framføra 6. juli. Eisini hoyra vit um Sørvágs country- og blues festival, at tey skipa fyri einum barnapalli. Síðani er Tóra í Stórustovu til reiðar við einum kringlulista

Hoyr sendingina her.

Í dag hoyra vit um steypakappingina í estetiskum fimleiki, sum verður í Runavík 9.mars. Síðani eru vit til sjónleik í Norðurlandahúsinum til leikin Harlekin. Eisini hava vit kringlulista, sum Tóra í Stórustovu leggur til rættis.

Í dag eru vit í skúlanum við Løkin. Her arbeiða næmingar í 10.flokki við stórari verkætlan, sum er ein leikur, har næmingar gera pall, spæla tónleik og framføra. Tað er leikurin - Kúlla Knút, sum varð sýndur í Sjónleikarahúsinum í Havn í 2002.

Í dag er skótadagur, og tað fara vit at hoyra um í nýggju barnasjónvarpssendingni - Alt í 1num". Páll, Lív og Elin fara at greiða frá sendingini.3.flokkur í skúlanum við Løgmannabreyt hevur arbeitt við evni, sum snúði seg um kóp. Burturúr kom leikur um kópakonuna, tey fara at framføra og greiða frá.

Børn úr Klaksvík greiða frá og vit hoyra yrkingar, tónleik og ævintýr, sum hevur verið at hoyra í 2012

Lesi- og skrivilega fyri børn, sum fara í 3. 4. og 5.flokk eftir summarfrítíðina

Vit avdúka í dag, hvør vann ársins grýlukapping í Barnaútvarpinum. Eisini hyggja vit framvið Íverksetanardagin, har 6 fólkaskúlar kappast um at vinna Ársins íverksetanarkapping, sum íverksetanarhúsið í Klaksvík hevur skipað fyri, saman við fyritøkum og øðrum. Ein rættur kappingardagur!

Í dag eru vit á tryggari internetdegi, sum var á býarbókasavninum í Havn týsdagin 6.februar. Her vóru kappingar og spøl og vinnarar kosnir. Eisini hoyra vit um tað at lesa metbøkur, og tá eru vit úti á skúlabókasavinum á Argjahamri