Ligwalagwala FM Current Affairs

Inyonyana yabothishela iNational Teachers Union (NATU) seyibita indvuna yemfundvo lesisekelo Siviwe Gwarube kutsi iphenye ngetinsolo tekutsengiswa kwemsebenti yabothishela kamnye neyasemahhovisi. Sicocisane  nelisekela lamengameli we-iNATU Mandla Mabuza.

Emaphoyisa sekakhiphe samba semali lengu R400-thousand letawuniketwa umuntfu lotawuletsa imininingwane letawuholela ekuboshweni kwalabatsintseka kuletehlakalo tekubulawa kwabomake kumasipala wase-Ekurhuleni. Horisani Sithole naZandile Nkosi basihlanganisele lombiko.

Sigodliwe sincumo kulelicala lekwehlisa sitfunti lelisemkhatsini kwamabhalane jikelele we-ANC Fikile Mbalula kanye nelilunga le-NEC, Dr Nkosazana Dlamini-Zuma. Ntlantla Kgatlhane na Bongani Mondlane basihlanganisele lombiko..

Takhamuti takumasipala wase-Ekurhuleni setisabela kuphepha kwato kulandzela kutfolakala kwetidvumbu tabomake labasiphohlonga. Luyanda Danca uyasibikela.

Inhlangano Ligcabho Lemadvodza ikuchaze njengentfo lengemukeleki lokutfolakala kwetidvumbu tebafati lekusolwa kutsi babulewe etindzaweni letahlukene Ekurhuleni. Lomelele lenhlangano Memory Mamba utsi tehlakalo taloluhlobo tivame kwentiwa bantfu labangazange bakhuliseke kahle ebusheni babo.

Emaphoyisa akucinisekisile kutsi kutfolakale lesinye sidvumbu semfati e Calyville e Tembisa, lekwenta kutsi babe sikhombisa bafati lebatfolakele bashonile Ekurhuleni kuletinyanga letimbili letengcile.  Solwati ngetebugebengu Dkt Mxolisi Mathebula jutsi kungenteka kunembulali lophindzeelelako (serial killer) kulokubulawa kwalabafati.

Inkantolo yemtsetfo sisekelo ikucinisekisile kutsi umbuso unemandla ekukhipha esikhundleni umholi wendzabuko nangabe enta lokuphambene nemtsetfo. Loku kuta ngemuva kwekutsi umndeni wasebukhosini ukhale ngekukhishwa kwe-Nkhosi Bhekizizwe Nivard Luthuli, lolalehlekelwe sikhundla sekuba ngumholi wendzabuko kulandzela kutsi umphakatsi umsole ngekungatiphatsi kahle. Lomdeni wasebukhosini bewutsi ngiwo lonemandla ekumkhipha esikhundleni nekumcondzisa emabatsa. Simeme mengameli wenhlangano yebaholi bendzabuko iCONTRALESA, Kgosi Mathupa Mokoena

Inyonyana yetisebenti i-Public Servants Association (PSA)  isola litiko letemphilo eMpumalanga ngekuniketa tisebenti tasesibhedlela seTB iBongani Hospital tifonyo lesetendlulelwe sikhatsi. Sinalokhulumela iPSA kulesifundza Nomfundo Mlangeni.

Solwati wabomakhalekhikhini nemininingwane legciniwe, lovela ka vodacom sewucedzile kwetfula bukazi enkantolo lephakeme yase Pitoli. Tsholanang Golele bekatfula bufakazi ngenhloso yekuyisita  kubuka kutsi ingabe leminingwane legciniwe yamakhalekhikhini wa Mabhungu Ntuli kufanele yini yamukelwe njengebufakazi. Lerato Makola na Bongani Mondlane basihlanganisele lombiko

Sewusongiwe lomhlangano weBRICS lobewubanjelwe eveni laseNdiya. Kuyibuka kabanti lendzaba sicocisana nemhlatiyi wetindzaba temave emhlaba Dr William Mpofu.

Litiko letemisebenti yesive, imigwaco netekutfutsa ngekubambisana nelitiko letemfundvo kulesifundza se-Mpumalanga belibambe umhlangano losezingeni lelisetulu kutewubonisana ngendzaba yekutsikameteka kwekutfutswa kwebafundzi etindzaweni letitsite takulesifundza. Lomhlangano uta ngemuva kwekutsi batali betikolwa letahlukahlukene bangenele imibhikisho bakhonondza ngaloluhlelo lwe-scholar transport kutsi labanye bantfwana basele bangenako kwekubafikisa etikolweni. Kutfola kutsi uhambe njani lomhlangano, sikhulumisana nelisekela lemcondzisi kuto tindzaba te-scholar transport, June Sibiya.

Live lase-Swatini ligubetelwe lifu lelimnyama kulandzela kwendlula emhlabeni kwenhloko yetekwahlulela (Chief Justice) Bheki Maphalala kuleliviki leliphelile. Maphalala wacokwa kulesikhundla ngemnyaka wa-2015. Kuva kutsi ungubani lowa-Maphalala, sichumana nentsatseli yakhon eSwatini, Zweli Martin Dlamini.

Emaphoyisa akucinisekise kutsi sinye saletidvumbu tebafati letitfolakele eKempton Park empumalanga neJozi  sa-Elizabeth Moselakgomo lewanyamalala ngalesikhatsi ativocavoca emgwacweni. Kubikwe ngekunyamalala kwakhe kuleliviki leliphelile ngemuva kwekuphuma ayogijima. Kutfolwe lesinye futsi sidvumbu semfati kulendzawo lamuhla lekwenta kutsi tibesihlanu tidvumbu letitfolwe kulendzawo. Kutfola kutsi sibakhatsata nganani nasi simo bomake, sichumana na-Sarah Motha lovela ka-Women United for Change 

Kuleliviki kubungatwa liviki lekubhalwa kwencwadzi yemafa.  Motsebi Monareng usihlanganisele lombiko.

Umkhandlu lobuke tebuciko i National Arts Council, uvakashele kulesifundza se Mpumalanga kuleliviki kutewufundzisa ngekukhishwa kwetimali tekwesekela labasemkhakheni wetebuciko. Sicocisana nalokhulumela lomkhandlu  Zola Lumko. 

Kushone bantfu labasiphohlongo lekubalwa kubo nebantfwana lababili engotini yemoti leyenteke emgwaceni i-N17 emkhatsini kweErmelo neDavula kulesifundza seMpumalanga. Lokhulumela litiko letekuphepha kwemphakatsi, kuvikeleka nekuchumana eMpumalanga, Moeti Mmusi uyasichazela

Kuleliviki bantfu bakulelive batawutfola kwelulekwa  nekubhalelwa tincwadzi temafa (ema-Will) mahhala njengaloku kucala i National Wills Week.  Kuyibuka kabanti lendzaba asamukele ummeli Angy Lukhele.

Sibuka kucala kwengcungcutsela yeli-15 yenyonyana iCOSATU nalokhulumela yona lenyonyana Znele Sabela.

Umholi wenhlangano i-Freedom Front Plus, Corne Mulder wetfule umhlahlandlela walenhlangano letawusebentisa kulolukhetfo lolutako lwabohulumende basekhaya. Zara Groenewld  naFortunate Nkambule basihlanganisele lombiko.

Bafundisi bemabandla lahlukahlukene kulesifundza seMpumalanga bebahlangene lapha eMbombela kuleliviki kutewubonisana ngesiphakamiso sekufuna kusebentisa Section 22 logunyata kutsi emasontfo alawulwe ngumbuso nalokungahle kuholele ekutseni lamanye awo atfolakale sekavalwa. Loku kuta ngemuva kwekutsi inhlangano yemasontfo i-South African Church Defenders (SACD) iphumele ebaleni ivakalise kungahambisani nalesiphakamiso sa-Section 22.  Kukhululuma kabanti ngalendzaba sichumana nasihlalo wenhlangano ye-Christian Leadership Council, Umfundisi Mdluli waJehova.

Live leNingizimu Africa lichwashisa ngesimo semphilo lesibitwa nge Attention Deficit and Hyperactivity Disorder (ADHD), lesivame kuhlupha bantfwana labancane.  Lesimo sivamile kubadida batali, bothishela kanye nemalunga emphakatsi. Kutosichazela ngalesimo simeme i-Occupational Therapist Sizani Madubandlela lovela egunjini  le-Inclusive Section Ehlahlanzeni District.

Njengobe lelive ligubha inyanga yetekuvakasha, bafundzi nemimango yakulesifundza seMpumalanga bahlonyiswa ngelwati ngematfuba lakulomkhakha wetekuvakasha. Solwati ngetekuvakasha, Dr Nombuso Shabalala usukumise umkhankaso wekuhlomisa lusha nalabadzala ngelwati ngekusebentisa luhlelo i-School Tourism Learners Outreach and Research with Community Engagement. Sinaye Dr Shabalala kutosichazela ngekubaluleka kwetekuvakasha..

Kulenyanga kubungatwa emakhemisi ngaphansi kwesicubulo lesitsi " Ask your Pharmacist, Your Pharmacist-Your partner in Health".  Kunekukhatsateka kutsi labanye bantfu abasayi emtfolamphilo kepha sebabalekela emakhemisi nabagula. Ingabe kuyingoti kangakanani kungacali kadokotela noma emtfolamphilo nawugula, uvele ucondze ekhemisi? Uyini umsebenti wabosokhemisi futsi uhamba ugcine kuphi? Kuphendvula lemibuto simeme umphatsi wekhemisi esibhedlela i-Barberton Provincial Hospital, Siyabonga Makwakwa.  

Bukhosi bakaLukhele eSiligane buniketwe ngalokusemtsetfweni sitifiketi sekubemukela ngemuva kwesikhatsi lesidze balahlekela banikati bawo. Chief Mandla Lukhele wemukele lesikhundla kumphatsiswa wetekubusa ngekubambisana, kulaliswa kwebantfu kanye netindzaba tebaholi bendzabuko eMpumalanga,  Speedy Mashile ngasekucaleni kwaleliviki.  Sicocisana nabo bokhusi beMahlanti, Shifu Lukhele Siligane wesibili, 

Namuhla sicubungula libhuku lelibhalwe nguBongani Ndashe lelinesihloko lesitsi  "KAREKAS, Failthful in the Mist of the Thorns". 

Uyacala namuhla umhlangano wemave lakuBRICS eNew Dehli kulase-Ndiya. Kubuka kiutsi seyiohambe kangakanani lenhlangano yeBRICS oekuletseni intfutfuko, sikhulumisana nesati ngetindzaba temhlaba, Khanya Vilakavi longumetfuli wetifundvo eUniversity of Mpumalanga. 

Emaphoyisa akuleli ahlulekile kubamba lesikhatsi labekelwe sekucala kusebentisa ema-body camera. Kusetjentiswa kwaloluhlobo lwema-caamera emaphoyiseni bekufanele kucale ngeNyanga yaMabasa kulomnyaka. Kepha kungani kubambeleleka kwetfulwa kwaloluhlelo? Simeme solwati ngetebugebengu, Dkt Mxolisi Mathebula kutewubuka kabanti lendzaba   

Inhlangano leyengamele libhola letinyawo kuleli i SAFA ibamba lukhetfo lwemengameli kusasa. Mengameli lokulesiokhundla kwanyalo, Danny Jordaan ufuna kubuyela kulesikhundl lihlandla lesine. bahlatiyi batsi loyi lomcela incabhayi Sandile Zungu utawudvonsa matima emtamweni wakhe wekufuna kukhipha Jordaan kulesikhundla.  Sikhulumisana nemhlatiyi welibhola letinyawo, Abel Mpika

Libhodi lebuke kutfutfukiswa  kwetwimi takulelive iPan South African Language Board (PanSALB) wekufundzisa ngebantfu labatimungulu. Sikhulumisana nemphatsi welihhovisi lePanSALB eMphumalanga Kapa, Dkt Xolisa Tshongolo.

Indvuna yelitiko letemfundvo lesisekelo Siviwe Gwarube, utsi uyachubeka nalokumisa kwesikhashana lokutsengwa kwemabhuku ekufundza ebantfwana labafundza Grade 1 kuya ku Grade 3. Utsi lesinscumo usitsetse ngobe afuna kuvikela bafundzi labangu 13.7 million. Nanobe kunjalo, tinyonyana tabothishela tivakalise kukhatsateka ngalesinyatselo. Simeme lisekela  lemengameli wenyonyana yabothishela iNATU,  Mandla Mabuza

Namuhla umhlaba wonke ucushiswa ngelilanga lekuvikela kutibulala, World Suicide Prevention Day. Kulelinga kubukwa kabanti tizatfu letenta bantfu kutsi bacindzeteleke engcondvweni nekutsi bangakugwema njani kutibulala nanobe babukene nebumatima empilweni.  Simeme Zandile Shabangu longudokodela loluleka bantfu ngekwengcondvo kutococisana naye ngaloludzaba  

Kungahle kube nalokunye kubambelelela  kwekutsetfwa kwelicala lenkhohlakalo lelibekwe lowake waba ngusomlomo  weliphalamande kanye nekuba yindvuna yetekuvikela, Nosiviwe Mapisa-Nqakula. Loku kuta ngemuva kwetsi Mapisa-Nqakula acele likhefu kulandzela kutsi ummeli wakhe abikele inkantolo lenkhulu ePitoli kutsi Mapisa-Nqakula uphatsekile ucela kuyobona bodokotela.  Zara Groenewald naVusi Shongwe bayasibikela.  

Emalunga ekomiti yesikhashana ephalamende, ngaphandle  kweANC, ayavuma kutsi  kunebufakazi lobukhombisa kutsi somabhizinisi  Brown Mogotsi, abenendlela yekucindzetela Indvuna yemaphoyisa leniketwe ilivu lekhetsekile, Senzo Mchuno. Zalene Merrington naZandile  Nkosi basihlanganisele lombiko

Litiko letemisebenti yesive, imigwaco netekutfutsa eMpumalanga litsi liyisukumele lenkinga lebukene nebafundzi lebasebentisa luhlelo  lwe-scholar transport. Lomelele lelitiko June Sibiya utsi basukumile balitiko bahlangana nalabatsintsekako njengetaba tekusombulula lenkinga. 

 Batali bebantfwana labatfutswa timoti tehulumende eDundonald nemaphetselo kumasipala weChief Albert Luthuli batsikamete kufundaa etikolweni letintsatfu. Labatali bakhaala ngekungasebenti kahle kweluhlelo lwekutfuts bantfwana i-scholar transport. Kuva kahle ngalendzaba asamukele lokhulumela labatali lebagongonyekile, nguThulani Mkhondza. Possible Questions

Umkhandlu welikhomishana lemisebenti yesive kuSADC , iSADC Public Service Commission Forum, ucocisana nalamanye emave langaphasi kweSADC ngetindzaba tebuholi kanye nenkohlakalo. Lesigungu kubikwa kutsi besivakashele live laseSwatini nakusuka lenyanga lapho kukhulunywe kababanti ngekulungiswa kwebudlelwano babohulumende lebangaphasi kweSADC kanye nemiphakatsi. Simeme Njingalwati Somadoda Fikeni lokangusihlalo kulesigungu kutokhuluma naye ngaloludzaba.

Umtimba lobuke labephula umtsetfo wemgwaco i Road Traffic Infrigment Agency, ucwayisa bashayeli betimoti kutsi bacaphele imilayeto lebayitfolako letsi bane mathikithi emgwaco ngaphasi kwaloluhlelo lolusha lwe ARRATO, lekumlayeto longasilo liciniso. Ngekusho kwalokhulumela i Road Traffic Infrigment Agency, Monde Mkhaliphi, bashayeli batfunyelelwa imilayeto letsi kumele babhadale tinhlawulo temgwaco nakungasinjalo batawuboshwa nobe angeke basakhona kuvuselela umtselo wemoti. Kepha kuyikhuluma lendzaba asamukele Umnumzane John Nkuna lovela etikweni letekuphepha kwemphakatsi, kuvikeleka kanye nekuchumana eMpumalanga 

Umholi wesiikhungo lesibukele kuphatfwa kwemincele, iBorder management Authority (BMA), Dr Michael Masiapato uhambele umhlangano loyawukhuluma ngetekuphepha eminceleni lobanjelwe eChina. Lenye yetinjongo talomhlangano kucobelana lwati ngetinkhinga letihlupha imincele leyahlukahlukene emaveni emhlaba. Kuva kutsi yini leyentekile kulomhlangano, sichumana nelisekela lankomishana walesikhungo ngu-Jenene David Chilembe 

Indvuna yelitiko letekuhweba, timboni kanye nekuncintisana Parks Tau uhambele ingcungcutsela lebitwa nge- Annual Investment Meeting (AIM) lebanjelwe eDubai . Lendvuna kulindzeleke iikhangise  i- Ningizimu Africa njengelive lelitsembekile, lelivumela kuncintisana lokuhle kubatjalitimali. Longcungcutsela ihanjelwe tikhulu tabohulumende, baholi bemabhizinisi kanye nebasisi timali bemave ngemave. Kukhuluma  ngekubaluleka kwalengcungcutsela, samukela umhlatiyi wetindzaba temnotfo Lunga Mahlaba .

 Inhlangano yemasontfo iSouth African Church Defenders (SACD) seyiphumele ebaleni ikhala ngesiphakamiso sekusetjentiswa kwa Section 22 lotawuvumela kutsi emasontfo alawulwe nguhulumende. Kepha kutfola kabanti ngalesikhalo sichumana nasihlalo wenhlangano Christian Leadership Council. Umfundisi Mdluli waJehova

Hulumende wase- Kenya sewuyalele bonke bantfu bekuchamuka kulelalive kutsi bavale bashiye titodlwana tabo  letincane ngoba lawo mabhizinisi kufanele entiwe bantfu bendzawo.Kepha kubuka kutsi yini lengahle iholele kulesincumo,  asemukele umhlatiyi wetindzaba temave emhlaba Thulisa Ndlela.

Kusetjentiswa kweligama lelitsi Wig ngenhloso yekufihla inkhohlakalo kanye nekuhweba ngemali lengcolile, ngulenye yetinkhulumo  letivele enkantolo ngalesikhatsi kutekiswa licala lebekangusomlomo weliphalamende waphambilini, Nosiviwe Mapisa-Nqakula. Zara Groenewald kanye na-Vusi Shongwe bayasibikela.

Umphatsiswa  welitiko letekuphepha kwemphakatsi, kuvikeleka kanye nekuchumana eMpumalanga, Jackie Macie utsi batawuchubeka nekucinisa sandla ekulweni nebugebengu kulesifundza. 

Inhlangano ye-ANC itsi imikisa iIEC enkantolo yetindzaba telukhetfo ngoba itsi akusilo liphutsa layo kungabhaliseki ngesikhatsi kwalabatayimelela kubomasipala labatsite kulolukhetfo lolutako. Sikhulumisana nemhlatiyi wetepolitiki, Ntsikelelo Breakfast 

Umtimba lolawula temandla kuleli i National Energy Regulator (NERSA) utsi kubalulekile kutsi emalunga emphakatsi afake luvo lwawo ngesiphakamiso se-Eskom sekufuna kwenyusa intsengo yagezi nga-8.8%. Kepha kuva kabanti kutsi sifika njani kunasi sicelo asamukele loyo lokhulumela lenkapani lephakela gesi kuleli, Daphyen Mokoen

Litiko letemfundvo esifundzeni se-Mpumalanga libita bahlali kutsi badlale indzima lebalulekile ekkukhutsateni lisiko lekufundza ebantfwaneni. Michael Mdluli reports.

Litiko letekuvikeleka kanye nekuchamana eGauteng litsi litawufakana umlomo nato tonke tinhlaka letitsintsekako kute kuphunywe nesisombululo kuloludzaba lekutselana ngemanti njendlela yekwamukela intfwasahlobo,  Sring Day. Loku kulandzela kushona kwelijaha lelineminyaka leng 21 ngalesikhatsi kutselwana ngemanti kwemukelwa intfwasahlobo. Kukhuluma ngalendzaba asemukele Dr Bandile Masuku lovela kuhulumende wese Gauteng

 Namuhla umhlaba wonkhe ubungata lilanga lekufundza nekubhala, iInternational Literacy Day. Sikhulumisana nemetfuli wetifundvo telulwimi eUniversity of KwaZulu-Natal, Dr Sicelo Ntshangase ngekubaluleka kwekufundza nekubhala.

Tinhlangano tetepolitiki ephalemende setivakalise kukhatsateka ngalokuniketwa kwelivu lekhetsekile indvuna yemaphoyisa Senzo Mchunu. Zalene Merrington and Zandile Nkosi basihlanganisele lombiko.

Inhlangano i Build One South Africa (BOSA), yetfule umhlahlandlela wayo welukhetfo ngempelasontfo lesibuya kuyo. Sikhulumisana nemholi wayo iBOSA, Mmusi Maimane