Mahlakung

#Mahlakung –Matsobane o botša Alfios gore yena le Mpedi ge ba ka epolla seo se epetšwego kua kerekeng ya gagwe ba boa ba phela ,e tla ba mahlatse.Naa Matsobane o hlatha eng ka se,gona ke eng yeo e epetšwego yeo e dirago gore yo a ka e bonago, a hwe?

#Mahlakung –Saki o botša Sebjalebjale gore ga a nyake go kwa selo ka Phetola ka gore ke yena a dirilego gore a lobe ditšhelete tša gagwe.Naa re ka bona Saki a tlogetše go šoma ga Lethebe ke lebaka la taba ye, gona re ka bona Phetola a ile kgolegong? 

#Mahlakung –Jonjon o befetšwe kudu e bile re kwa a botša Konstabel Mpedi gore ge a sa rwalarwalane le Mabatho ba ya go bulela Phetola molato wa go kata Mabatho, gona a se sa tla ka ga gagwe.Joo gape se ke bothata bjo bogolo, naa ge Mabatho a ka se dumele go bulela Phetola molato maphodiseng, ke gona ge kamano ya Mpedi le Jonjon e fedile?

#Mahlakung –Robert o a e fehla ntwa ya kgaphamadi ka lapeng la ga Lethebe le la ga Sethosa.O leleditše Mabatho mogala go mmotša gore a tsebiše Phetola gore o imile, ge a ganetša,a bule molato wa gore o mo katile. Naa gabotse yo Robert, o nyaka go fihlelela eng ka se?

#Mahlakung –Mochichi o ile setišing sa maphodisa go bula molato wa go nyaka go bolawa ka sethunya ke Alfios le tatagwe Matsobane ka lebaka la lebitla leo Mochichi a rego le ka jarateng ya kereke ya tatagwe.Naa re ka bona Matsobane le Alfios ba swerwe goba ra bona maphodisa a eya go epa lebitla leo go bona gore go epetšwe eng.Gona Matsobane o tla e dumelela taba ya gore ba ye kgolegong goba o ya dira eng go boloka seriti sa gagwe? 

#Mahlakung –Mabatho o botša Masedi gore tatagwe Phetola , o mo phaile theto  ka kgang.Naa lebaka la gore Mabatho a bolele taba ye kaa ka Phetola ke lefe ka gore yena le Phetola ba kwane gabotse, gore Phetola a mo imiše ka gore Jonjon o nale bothata?

#Mahlakung –Phetola o botša Tumi gore yena o be a swina Jonjon ge a ratana le Mabatho ka gore kua moragonyana, Jonjon o ile a ratana le Matsheko.O bolela gore Jonjon a ka se jele ka mogopong o tee le yena.Naa ke bjona boitefeletšo bja maleba bjo ka gore ge Jonjon le Matsheko ba ratana , Phetola o be a kgaogane le Matsheko a ratana le Sophia? 

#Mahlakung –Masedi o botša Badgirl gore tatagwe Phetola ga a robale gae, mabarebare a re o dula guest housing tsoko.Badgirl o mmotša gore  ba swanetše go mo nyaka ba tsoše mmudubudu?Naa Badgirl o hlatha eng ge a re, ba tsoše mmudubudu?

#Mahlakung –Phetola o leka go lokiša kamano ya gagwe le Matsheko morago ga gore Matsheko a mo humane a nale Mabatho ba hloboletše guest house tsoko.Matsheko ga a sa nyaka go kwa selo ka phetola, re kwa a kgaotša mogala woo Phetola a bego a mo leleditše wona.Naa ke gona ge lapa la Matsheko le Phetola le thubegile,goba le tla loka?

#Mahlakung –Robert o botša Phetola gore o swere mosadi wa gagwe,o apere sešira sefahlego gore a seke a mo tseba, o re  nako efe goba efe a ka fediša bophelo bja gagwe.Naa Robert o hlatha eng ka se gona o tla e hladia ya butšwa pitša ye a e apeyago? 

#Mahlakung –Sophia o leka go hlwekiša mekgwa le mediro ya gagwe , re kwa a kgala Brandon le Tumi gore ba be le maitshwaro a mabotse ka ge ngwana wa gagwe a etla Mahlakung gomme ga a rate ge ngwana wo wa gagwe a ka tseba gore yena o be a ratana le bana ba bannyane ba go lekana le yena. Naa Tumi le Brandon ba tla laolega goba e ya go mathata fela?

#Mahlakung –Jo nna wee! Mochichi o utullutše sephiri sa lebitla leo a rego le ka jarateng ya kereke ya tatagwe go Moruti Kgole.Naa re ka bona maphodisa ba tlile go epolla seo se epetšwego goba Matsobane o ya go ba thibela go ya le ka fao re kwelego a botša Mamabona? 

#Mahlakung –Konstabel Mpedi o bileditše Saki setišing sa maphodisa go tla go hlatha mosadi yo a mo radiilego ka mašeleng a gagwe.Naa re ka bona Saki a humane tšhelete ya gagwe gona go swerwe motho wa nnete goba ke motho o šele?

#Mahlakung –Sephiri sa Phetola le Mabatho se utullugile, Bra Bizza le Robert ba dirile bonnete bja gore Matsheko ,Jonjon le Moruti Kgole ba hweleletša Phetola le Mabatho ba sa iketlile.Naa seo se dirilwego ke Bra Bizza le Robert ke tshwanelo gore ba se dire goba ba be ba sa tshwanela go se dira?

#Mahlakung –Bra Bizza o botša Phetola gore go tlo bolokwa yena, le Jonjon le Matsheko gosasa.Naa Bra Bizza o hlatha eng? 

#Mahlakung –Mampane o bothateng bjo bogolo, leano la gagwe la go itira   molwetši wa monagano le dirile gore ba mo fe dihlare tšeo di mo fetšago maatla.Naa o tla hlwa a sa kgona go boela sekeng sa maemo a mabotse goba ke gona ge go fedile ke yena?

#Mahlakung –Sebjalebjale o kgalemela Masedi ka dinyakišišo tšeo a rego o a di dira ka tatagwe.Naa Masedi o phošo go nyakišiša ka dikamano tša tatagwe tša ke sephiring go šireletša mmagwe, goba ke eng seo a swanetšego go se dira? 

#Mahlakung –Mabatho le Malehu ba a kgakgana ka taba ya mpa ya Mabatho.Mabatho o mmotša gore o nyaka go mo thubela motse, mola Malehu a re o nyaka go bolaya Jonjon,naa Malehu o phošo go mo sekiša goba ke eng seo a swanetšego go se dira?

#Mahlakung –Monica o botša Petronella gore o rile ge a botšiša monna wa gagwe Alfios ka seo se epetšwego kua kerekeng, a nyaka go bethwa,Petronella o mmotša gore o swanetše go fa bohlatse kgorongtsheko.Monica o mmotša gore ba ka se swariše balekane ba bona.Naa ge o ka ikhumana o le maemong a gore molekane wa gago a be ka gare ga bosenyi o swanetše o dire eng,o homole goba o bolele?

#Mahlakung –Mabatho o botša Jonjon gore Malehu o rile pele ba tsena ka ntombeng ,a mo phophola mpa ya gagwe.Re tla gopola gore kua morago Malehu o boditše Jonjon gore go nale kgonagalo e kgolo ya gore ngwana yo Mabatho a mo imilego, a seke a belegwa.Naa mongaka Malehu o bona eng goba o kwa eng? 

#Mahlakung –Mochichi o kerekeng ya tatagwe o a epa, re kwa a bolela mantšu a gore o kgauswi le go fihlelela seo se epetšwego ka ge a thoma go kwa ka monkgo wa go se kgahliše.Naa Alfios le tatagwe Matsobane ba epetše eng ka gore kua moragonyana re kwele Alfios a bolela gore selo sa gona se be se imela ge ba be ba se kuka go se gona fao se epetšwego gona?

#Mahlakung –Batho kamoka ka Afrika Borwa ba nale ditokelo tša botho, go akaretšwa le bagolegwa.Brandon šo o bethilwe ka kgolegong,o nale dikgobadi.Naa ke thušo ya mohuta mang yeo a ka e humanago goba Jonjon goba ba lapa la gabo ba ka dira eng gore a humane hlakodišo a se feleletše a lobile bophelo? 

#Mahlakung –Millicent o bothateng,o kwele ka taba ya lerato la ka sephiring la Phetola le Mabatho gomme ga a tsebe gore a dire eng.Moruti Kgole o mo eletša gore a botše Matsheko ka ge e le mogwera wa gagwe ka ge a re ge a ka lemoga gore yo Millicent o be a dutše a e tseba fela a no homola , e ka fediša segwera sa bona. Naa ge taba ye bjalo ka ye e hlagile go mogwera wa gago,molekane wa gagwe a ratana o swanetše go dira eng ka yona, o mmotše goba o e homolele?

#Mahlakung –Rethabile o botša mmagwe gore o kwele malome wa gagwe Matsobane a bolela le tatagwe Afios ka mogala gore ba swanetše go bolaya Robert.Ka nnete go se tsebe ke kotsi, ka gore re a kwa Rethabile o šireletša Robert yoo a rerago le malome wa gagwe Bra Bizza go mo tšhabiša.Naa go ya go phethagala leano la bomang pele magareng ga leano la Alfios , Titi le Matsobane le la Bra Bizza le Robert?

#Mahlakung –Jonjon o botša Mabatho gore Malehu o mmoditše gore go nale kgonagalo e kgolo ya gore ngwana wa bona yoo Mabatho a mo imilego, a seke a belegwa.Naa mongaka Malehu o hlatha eng ka se? 

#Mahlakung –Badgirl o botša Rethabile gore a eletše tatagwe Alfios ka gore e se kgale ba tla be ba opela sefela sa legae la ka ka gore o gobaditše dombolo la gagwe Kgokong ? Naa ka nnete wo Hlapyadi o lwela Kgokong, goba go diragala eng ka yena?

#Mahlakung –Mma wee! Konstabel Mpedi o ile ga Lethebe, o nyaka Phetola a mo iše go mosadi wa motho mošweu yoo a rometšego Saki go yena gore a beeletše tšhelete ya gagwe.Naa sephiri sa Phetola le Tumi se ya go utlulluga goba go ya go dirala eng? 

#Mahlakung –Kgokong o lwele le Alfios taverneng ya Masedi, ge a le tseleng a eya gae, a hlaselwa ke batho tsoko, ba mo tšeela tšohle mmogo le diaparo tšeo a bego a di apere kemoka ba mo tšea Video ya ge a se apara diaparo,ba e phatlalatša le mararankodi a dikgokano ya bonwa ke lefase kamoka.Naa badiri ba taba ye ke bomang, gona ba e direlang taba ye ya bokobo ya go dio mmogiša ka batho a se a apara, ka gore taba ye e dira gore Badgirl a be le kgopolo ya go tšwa ka gare ga lenyalo la bona?

#Mahlakung –Masedi o kgopela Alfios gore a lebele mesepelo ya tatagwe Phetola yena o tla bona gore o mo lefa bjang.Naa Alfios o tla kgona go utulla sephiri sa Phetola le  Mabatho goba Masedi o tlo dio loba mašeleng ka lefeela? 

#Mahlakung –Phetola o tšhogile kudu go kwa gore Saki o ile maphodiseng go bula molato wa go radiiwa  ka tšhelete.Naa Saki o tla e humana thušo ya gore Phetola le Tumi ba golegwe ka go mo radia ka tšhelete goba ke gona ge go padile a lobile? 

#Mahlakung –Brandon o botša Jonjon gore Mampane ga a na bolwetši bja monagano? Naa taba ye ya bolwetši bja Mampane bja maitirišo,e ya go felela kae?

#Mahlakung –Rethabile o pharela mmagwe Titi mereba le go mo kgantšhetša gore Bra Bizza o a mo thekga ka taba ya lenyalo la gagwe le Robert , e bile o ya go mo direla lenyalo la dira ga le bonwe, le le kaonekaone mo Mahlakung.Naa Rethabile o ya go felela kae ka taba ya gagwe le Robert ka gore re a bona ga a sa bona lapa la gabo le le bohlokwa? 

#Mahlakung –Joo naa wee! Bra Bizza o bone Phetola le Mabatho ka lerato la bona la ka sephiring, re kwa a botša Moruti Kgole ka se a se boneng resturenteng ka bona.O lekile go leletša Matsheko mogala, fela ba se kgone go bolela.Naa go ya go diragala eng?

#Mahlakung –Phetola o botša Matsheko gore yena a ka se tsoge a ratane le Mabatho, o re le ge ba ka šala mo lefaseng e le ba babedi a ka se mo kgwathe ke ngwana (tswiana).Naa go tla sa bjang gona mo?

#Mahlakung –Bathotsoko ba tsene ka taverneng ya ga Lethebe ba hlasela Kgokong.Naa ke bomang , gona ba nyaka eng go yena? 

#Mahlakung –Petronella o hweleleditše Matsobane le Alfios a kwa ba bolela ka seo ba se epetšego kua kerekeng.Matsobane o tsenwe ke letšhogo gore Petronella o ba kwele.Naa ke eng se segolo seo se epetšwego ka gore Alfios o bolela gore o kare ke motho?

#Mahlakung-Matsheko o tshwenyegile kudu ka toro ya Phetola, Millicent o mmotša gore ke toro fela .Matsheko o a ganetša o re mokgwa o gona. Naa re ka bona Matsheko a tšea kgato ya go utulla ka Phetola le Mabatho?g

#Mahlakung –Rethabile o biditše koko wa gagwe Mamabona moloi, re kwa Moruti Kgole a mmotša gore legodimong a ka se tsene, mola ka lehlakoreng le lengwe koko wa gagwe ,a mo hlapile diatla a nyaka a etšwa bophelong bja gagwe?Naa Rethabile a dire eng go phošolla taba ye ka gore sepedi se re la tšwa le tšwile gale go gome?

#Mahlakung –Mamabona o ile go mongaka Malehu gore o nyaka go dira bjala bja moeta o monnyane, a tšholle a botše ba fase gore ba ntšhe Rethabile mo go yena le bona ba mo furalele.Naa go tla sa bjang gona mo?

#Mahlakung –Badgirl o befetšwe go kwa Saki a mmotša gore o humane moreki wa koloi yeo Kgokong a rilego ba a e rekiša.Naa lebaka legolo la go dira gore Kgokong a leke go rekiša koloi ya gagwe le Badgirl ke lefe?

#Mahlakung –Monica o thabetše go tla ga ngwana wa Sophia ,Khazamola mo Mahlakung ka ge a re se se ya go fetola bophelo bja Sophia, mola Sophia a tletše ka letšhogo gore Khazamola o tla tla a segwa ke batho ka marato a gagwe le bana ba go lekana le Khazamola.Naa Sophia o tla kgona go e lokiša taba ye gore ngwana wa gagwe a humane a hlwekile a sena le bosodi?

#Mahlakung-Mochichi o kgopela Kgokong gore ba ye go dira diteko go lekola ge eba Kgokong ga se tatagwe.Kgokong o gana thaa a tletše pefelo? Naa go ka ba go nale bothata, go reng Kgokong a gana a tiišitše ka pefelo ye kaa, go ya go dira diteko tše?

#Mahlakung –Toro ya Phetola ka Mabatho wa Jonjon,e tsošitše lešata ka lapeng la ga Lethebe.Naa ge monna a ka lora ka mosadi yo mongwe goba mosadi a lora ka monna wo mongwe a mmitša a re a mmatamele goba a mo atle, naa toro ye e swanetše go tsoša lešutu ka lapeng goba toro ke toro ga ra swanela go e ela šedi?

#Mahlakung –Mabatho o leka go thibela gore taba ya gagwe le Phetola ge e fihla ditsebeng tša Jonjon,yo Jonjon a se amogele mabarebare ao a  a kwago.Bobedi yena le Jonjon, ba kwana ka taba ya gore lapeng la ga Sethosa, mabarebare ga a šome.Naa e tlo šomela kamano ya bona kwano ye, ya thibela go taba ya gore kamano ya Mabatho le Phetola, yo Jonjon a e seke a e tšea go ba ya nnete ?

#Mahlakung –Mosotho, mohlokomedi wa bagolegwa o sepetše le Brandon go ya ntlong ya gagwe gore yo Brandon a ye go ipshina le Sophia. Konstabel Mpedi o e bone taba ye.Naa go ya go diragala eng, o ya go e ntšhetša nyanyeng Mpedi taba ye ka gore o e boditše molekane wa gagwe Malehu ,goba o ya go e homolela?

#Mahlakung –Phetola o leka go fekeetša Jonjon gore ngwana wo Mabatho a mo imilego a reelelwe maina a ka dipukuntšung le a sebjalebjale e sego ka batswadi ba gagwe.Naa ngwana yo ke nnete o ya go reelela ba ga Sethosa goba ba ga Lethebe, goba Mabatho o tla e fenya ya go reelela maina fela e sego a lapa?

#Mahlakung-Alfios o tshwenywa ke gore ge ba ka tlogela Rethabile le Robert ba nyalana , ge Rethabile a ka ima ngwana wa gagwe ba tla e kgona taba ya go fediša yena Robert le ngwana wa gagwe woo Rethabile a tla bego a mo imile? Etse taba ye e ke diragala ya gore Rethabile a ime ngwana wa Robert, kemoka maano a bona a go mmolaya a folotše?

#Mahlakung –Bophelo bo a fetoga, batho ba a fetoga,re kwa Bra Bizza a eletša Titi ka taba ya gore a tlogele go lwela gore ngwana wa Badgirl le Kgokong a feleletše a le diatleng  tša Rethabile, re kwa a mmotša gore mo bophelong o ka se fenye dintwa kamoka.Naa se se re botša eng ka Bra Bizza, o sokologile goba go diragala eng ka yena?

#Mahlakung –Tumi o befeletšwe Saki ge a mmotša gore Sophia o mo reketše marokgwana a ka gare,  e bile o mmotša gore e ka se kgonagale ya gore a ratane le Sophia ka gore e be e le motho wa gagwe.Naa ge motho a kgaogane le motho, ke phošo gore motho yowe a ratane le mogwera goba moleloko wa gabo yoo a kgaoganego le yena?

#Mahlakung –Kgokong o botša Saki gore o nyaka go tšeela Badgirl plaka gore a ikhuše go hlwa a sekišwa ge a fihla gae,  e bile re kwa a nale maikutlo a go ikamoga bophelo gore a ikhutše.Ba gona banna bao ba dirago seo Kgokong a se dirago sa go ya gae ba sa ipone ka ge go nale mathata dikamanong tša bona.Naa go nale dikeletšo tšeo re ka ba fago tšona gore ba lebagane la mathata a a bona ba a rarolle ntle le go tšea diplaka goba gona go ikamoga bophelo?