Mäntigsschum

Ir 1. Foug vom 2025 bechömmet dir d‘Radiostimm (uf em Mitternachtsprogramm) vom Oli uf d‘Ohre. Mir machä ä chline Exkurs i d'Oberstuefe-Zyt! Und när tüe mir üs churz mit angerne Kulture befasse - und zwar anhand vom Bispiu "WC". Eifach wüu serigi Theme immer wieder spannend si! Nachdem tüschle mer üs über üsi Schlafpositione us. Es isch bitzli spannender, aus es tönt, schwöre. Gägä Schluss merke mir beidi, was mer nid si, aber wei si: öpper wet empathischer si und die angeri Partei sportlecher und musikalischer. Schlusssatz: Mir Mönsche si nur es Hirni.

Die Foug isch tatsächlech einigermasse strukturiert - und zwar unabsichtlech. Was söu mä bim Bewärbigsprozäss machä und was nid? D‘Fragestellig tönt längwilig, üsi Antworte sis aber nid! Gägä Schluss rede mer aber de ou no hurti chly über Astronomie. Mittlerwile si drum 2/2 i däm Podcast vo dere Thematik fasziniert.

*Hier könnte Ihre Werbung stehen*

Wüsset dr was? Bim Buechstabiere si einzelni Buechstabe essenziell HEHE. Nach däm Intro frage mer üs: Weles Hustier wär eich no cool? Chline Tipp zu Olis Favorit: Es isch ca. zwöi Füst höch und würd Hugo heisse. Sobaud das klärt isch, düe mer üs churz hingersinne und üs frage, was äch längwilig a üs chönnt si. Und wüu mir mir si, rede mer wiedermau überne ultrakritischi WC-Situation, wo dr Oli het müesse erläbe.

„Hesch guet häre gfunge?“ isch bi dere Foug dIstiegsfrag und tuet zTor uf zure zimlech witze Gschicht us Olis Arbeitsautag. Und immerno völlig echauffiert vor letschte Foug „S3#9 | Neus York“ slide mer nahtlos witer zu de Vorurteil und üser Liebi gägäüber Büezer. Zämehangslos rede mer när no über dReleases vom 2024 und ou erstunlech lang über dShirin David.

Starte düe mer ganz casual, mit em Thema Ferieplanig. Aber näääär Modi und Giele, diskutiere mer über Diskussione (hehe) und nähme da gad es paar heikli Bispiu us em popkulturelle Beriich usnang. Entweder dient euch das aus Dänkastoss oder aber mir hei eifach gad - 10 Fründe.

Es isch schön, wenn Erwachsni Sorg hei zu Chleider - wüu Ching mache ds nämlech nid. Irgendwie füehrt z‘einte Thema sehr natürlich zum nächste: Zwangsstörige. Nachdäm mr das besproche hei, wärde mer beidi jewius putzmorehässig wäge einzelne Happenings, wow. Damit mr wieder chly obe abe chömme, schwätze mer über Quiz-Shows. Nach derä Foug si ämu mir beidi nudlädüre!

Mir si ja vo Natur us Grüslä. Aber wie grusig muesch aus Redakteur vom Dschungelcamp si?! Nachdäm mr die Serie inkl. paarne konkrete und sehr „interessante“ Dschungelprüefige besproche hei, si mr zu Serie vore angere Art gslided. Und zwar die guete aute Netflix Serie: Weli liebe mer und weli sötte mer liebe, liebe se aber glich nid?

I dere Foug wärde wiud diversi Themä agschnitte und da düe mr bi jedere Möglichkeit chly usschweife. Unger angerem schwätze mer über die eigeti Relevanz, Diktatore und Verbrächer (mit Verwiis ufe Butterfly-Effekt), Merch, Jugendwörter und vieles mehr! Enjoy xD

Die 3 Top-Themä vo dere Foug:Güschä Recap: Olis Jungfernfahrt, nassi bis tröchneti Zeddeli und zu Träne rüehrendi Konzert. Panik-Attacke: Uf em Hügu oder ou a witere x beliebige Orte cha mä se „planet“ oder äbe de ou nid-ibudgetiert ha. Da wirds sogar hurti chly persönlech. (Fäuh-)/Choufverhaute: Schueh wo töne wienes loufends Ross, ä Riischocher < Gascho Bier oder ä Steamer wie ou dr Klassiker „Chleidig“.

Ab wenn isch mä erwachsä, si Lüt i üsem Auter erwachse, was macht z‘Erwachse-Si us? So viu Frage - und no meh Fragezeiche i üsne Chöpf. Suberi Überleitig zum nächste Thema: Daheime. Wie gseht das idealerwys us (wenn mer gross si und üs cooli Gadgets chöi leiste). När no z‘Gägäteil vom Daheime… Was isch im Usland gäbiger aus ir Schwiz? Und finget dirs guet, wenn mä öich da Züg mitbringt? Mir hei da ungerschiedlechi Meinige.

Mir rede churz über d’EM – Es geit um Emotione und temporäri Offeheit bzgl. angerne Natione. Z’nächste Thema si d’Videos uf em Handy. Was bringe die eim churz- und langfristig? Zämehangslos geits witer zu «Präsentiere». Wieso füehle sech die meiste Lüt nid wohl drmit und wenn wärs aber de cool? Zum Schluss wirds no hurti haub-deep. Mir frage üs: «Wärsch du gärn mit dir säuber befründet?»Ahja no ä churzi Info: Die letschte paar Sekunde vo dere Foug hets nid ufzeichnet. Drum gits statt ä emotio...

Liebi Mitmönsche, i dere Foug wärde unger angerem fougendi Themä besproche: 1. So müed / so fescht usgschlafe si, dass mä sech bsoffe füuht - wär kennts nid? 2. Z'Arbeiterläbe müesst wieder meh Wertschätzig übercho. Drfür sötte die Trading-Payasse vo Social Media eifach dür z'Band düre blockt wärde. 3. Arztbsüech si ufribend - aber weli Faktore spiele näbe dr Angst vor Chrankheite no dri? 4. Deep dive i d'Troumwäut: Was zum Figg geit da ab, was tröimt mä, wie tröimt mä?

Leute - die ersti Foug vor neue Stafflä!!! Ä gueti Glägeheit für über zämehangslosi Flashbacks inkl. Meersöi zredä (damit mä dä versteit, muess mä die Foug äbe glost ha oder). Gemäss Oli gits ä neui Rubrik; Steiners Fragä. Mir diskutiere so fescht über dDefinition vo Sport, Salat und Apero, das gloubt jz ke Mönsch. Abgrundet wird die Foug mit emnä churze Exkurs zu „Mogelpackungen“.

I dere Foug geits wiedermau ums Ässä: Olis „Chindheitsässä“ heisst wiene Bushautesteu und das vor Steiner isch ä suberi Ileitig fürnes bekannts Sprichwort. A propos - weli Läbensmittu si schön und weli nid? Nachdäm mr über sones schöns Thema gredt hei, wärde mr beidi hässig, während mr über Situatione rede, wo üs hässig machä. Wow. Die letschte paar Minute si prägt vomne ärnsthafte Dialog über Drogä. Wie erfrüschend!

Mir si Back!Nachder Dienstpflicht isch Oli wider zrügg. Mir befasse üs i däre Folg zu grosseteile mit Hushalt und Suberkeit. Angaben ohne gewähr

10 Essentials mit Oli und Steiner - mit bitzli Freud, aber ou bitzli Scham. Aues i auem isch es aber tatsächlich ä zimlech ungerhautsami Sach!

Die Foug hei mer eifach vergässe, drbi hätte mr die Ändi 2023 wöue poste (darum dBemerkige "i gah uf Vietnam" und "die letschti Foug im 2023")… Jä nu, jz het sies ja glich no uf Spotify gschafft! "Dräckigi Gonfifinger" isch prägt vo Illegalem und Grusigem, schöner cha mes nid beschribe. Aber es isch nid so schlimm und mänglisch chly luschtig, schwöre.

ZAGG DA SI MIR WIEDER! 2.5 Minute labere mer irgend. Aber när widme mr üs tatsächlich de vergangene Gschehnisse: d’Steiner isch in Malaysia (statt in Vietnam) gsi - entsprächend intensiv si d’Idrück und ou d’Konfrontation mit de Sanitäralage gsi. Zweiteres het ou am Oli z‘schaffe gmacht, aber imnä angere Kontext. Drfür freut är sich, wenn är privat cha stromere und chly länger hautbari Läbensmittu cha choufe.

Di Foug brucht ke beschribig. Mir bedanke üs für das Jahr und für die 33 verlorene Seelene wo üs als Top Podcast vom Jahr 2023 hei. (Natürli o bi allne andere). LG

Niemer weiss, was „KV“ bedütet und aui Emojis strahle wahrschinlech „figg mis Läbä“ us. Bim Oli drückt 2 - 3 x starche Dialekt dürä, us Steiner ihrem Gsicht cha mä ä Lavalampe zoubere und öb Herbst jz geil oder Scheisse isch, cha mä nach de in dieser Folge zu hörenden Argumente villech besser beantwortä. Bitte für dä!

I derä Foug gits nid nur fünf schnelle Fragen (wie bi gemischtes Hack), sondern viele schnelle Fragen! Viu Freud und aues Guetä ir Zwüschezyt.

Mir maches churz: I dere Foug rede dr Oli und d'Steiner unstrukturiert über Säubstdisziplin inkl. ungsunder Belohnig, Algorithme und Schönheitsoperatione. Ungerem Strich macht das nume mässig Sinn, aber mir schwöre, es regt hie und da zum Nachedänke ah!

I dere Foug düe mer üs unger angerem mit schlächte Hirni usnangsetze. Und a dere Steu düe mer üs eifach mau bi aune wo mr kenne bedanke; Merci blibet dir trotz üsem kritische Telefon- und augemeine Kommunikationsverhaute bi üs. Uf aues ufe mache mer üs no chly Gedanke über Gummibärli, Bier, Tomatesaft, GEFLÜGEL und angeri Läbensmittu. Ahja faus öpper Tipps für Teenager-Hut bi Erwachsne oder schlächti Nägu het, bitte her damit. Wüu offesichtlich hei weder d'Steiner no dr Oli ä Plan, wie mä mit...

Wenn mä sich bi öpperem vorsteut, chas si, dass mä scho nur wäg sim eigete Name huerä i Seich chunnt. Z‘Ding isch: Teu Näme passe je nach Beziehig und Situatione zu Lüt nur i gwüssi Autersklassä. Drfür redä mr när über öppis Schöns - und zwar Ässä (inkl. däm ewige und leidige Chrütli Koriander). Ohni subere Übergang slide mer is nächste Thema und rede überä Granit Xhaka, Elon Musk wie ou über d’Frida Kahlo. Mä chas fasch nid gloube, aber hie gits ä gmeinsame Nenner. Zum Abschluss gits no eine...

Wunder passierä, das passt grad im doppleter Hinsicht: 1. Dr Oli het dütlich meh Redeateil aus d‘Steiner. 2. Ä Amerikaner het gseit, dass es Aliens git. Das beschäftigt zersch dr Oli sehr fescht und de gly ou mau d’Steiner. Wüu Aliens si verglichbar mit Corona oder aber ou mit Strüss. Wie ou immer; Dr Oli brichtet no chly über sini Pfadfinder-Erfahrig im Militär, was tatsächlich no interessant isch (egau, öb mä pro oder kontra Militär isch).

Im Rahme vorä Bierdegu het d‘Steiner usegfunge, dass eis vo ihrne Lieblingsbier gar nid eis vo ihrne Lieblingsbier isch - enttüschend. Was drfür Freud macht, isch die emotionali Achterbahnfahrt wo mä düremacht, wenn mä too hot to handle luegt (egau, öb allei ufm Sofa oder im Militär mit 15 angerä Buebä). Nachdäm mr chly über Trash TV gschwätzt hei, rede mr no über Reportage und Dokus vo coole Youtube-Channels. Das füehrt när suber witer zu de klassische kontroversä Themä, wo mr natürlich ou n...

I dere Foug vo „Radio Sex“ chnüpfe mr chly a oberflächlich besprocheni Themä a: Es git Näme, da muess mä eifach inewachsä. Alexandra isch bispiuswys ke Namä fürne Säuglig und auti Männer heissä eifach gopf nid Nino. Ah ja - dasmau chamä sogar no öppis lerä i däm huerä Podcast. Wie isch z‘Vorgehä, wenn mä d‘ID erneueret und was si d‘Fouge drvo? Ja, ä Quarterlife Crisis. Aber wenigstens gits öppis, wo eim mindestens i de erstä zwöi Dekade vom Läbe a s‘Limit bringt: Schriftlich dividierä (egau, ...

Grüessech. Nach emnä haube Jahr mäude mir üs wieder (mir nennä dä Zytrum liebevou "Saisonpouse")! Mir gniessä zersch üses länge und gstabige Intro und slide när direkt i üsi Costa Rica Ferie. Mir aus chlyni Reise-Blogger chöi euch scho mau öppis verrate: Dert gits Koriander! Was üs süsch no prägt het, si unger angerem Frösch, Affä wo Slushies löffele und natürlich dr Kollegah. Tatsächlich isch dr Übergang vo Ferie zu ehrleche Wixxer no rächt guet gluge, dir wärdet stuune. Ahja zum Schluss wür...

Statt mit emnä Bier stossä mer i derä Foug mitemnä Kaffi ah (es isch aber es schumigs Kaffi).Mir steue üs wiedermau es paar spannendi Frage, bispiuswys, öb es Autersheim wie ä Landschueuwuchä isch - eifach für sehr auti Lüt oder öb ästhetischi Zahle Brüscht hei oder nid. Und natürlech rede mer ou überä Spotify Jahresrückblick, wobi mr ou churz die KIZ-Schlager-Buebä behandlä. Gägä Schluss wird no über öppis gschwätzt, wo d'Steiner ähnlech liebt wie frömdi Lümpä: Schuttä.

Wieso schaffet mä aus das wo mä schaffet? Wahrschinlech wüu mä im BIZ mit Flyer isch penetriert worde, wo drin steit, wie stressfrei dä und dä Job isch. I derä Foug si mir aber ou pragmatisch ungerwägs; wär ä Zug chouft, muess kes GA finanziere - bitte für dä Lifehack! Aschliessend diskutiere mer drüber, öb "du bisch überraschend intellgient" es Kompliment oder ä Beleidigung isch und was hupendi Fuessgänger usmacht.

Villech füuht sech ä Kater ah wie aut si (ds chönnt mä auti Lüt wo ä Nissan Micra fahre eigentlich mau frage). Evtl. chönnt mä da - oder spätistens, wenn sech Schlägli und Morphium dHand gäbe - ou grad ä Kniestuhl isetzä. Irgendwie wärde da Gedanke witergspunne und schwupps wird ä Verglich vo Velo und Rollstuehl zoge. Mir würde unger Umständ Cornflakes mit Bier ässä, aber eigentlich liegts arä Teigtäschä, wieso mer mit dere Foug es bitzeli früecher hörä.

Mir hei es Dilemma mit und ohni Alkohol. Ohni Übergang geits witer zur Benennig vo de einzelne Zähie, Spoiler: Digitus Minimus ghört ab sofort zu üsem Vokabular. Ja item, i derä Foug erfahret dr ou, wie eim dTastatur vomne Sony Ericsson cha häufe, nid zgränne oder weniger Angst zha im Dunklä. Ahja und für öpper vo üs drüne gseht es Jahr us wiene Ring und ä Wuche wienes Lineau.

Die Foug hei mer ohni Chopfhörer müessä ufnäh – evtl. wüu dr Claudio si Traktor-Ohrstecker nid het wöue usenäh – mä weiss es nid. Uf jedä Fau düe mer zum Start unverhäutnismässig viu Slogans vorläsä (teilwis si sie aber würk luschtig, schwöre) und aber ou unagnähm lang über Berlin schwätzä. Drfür chunnt i dere Foug ou ä Büppilade vor :-)

I die 10. Foug vo üsem Qualitätspodcast starte mer mit Rääfeni, Chüttenä und Häpperä. Aschliessend tusche mer üs drüber us, wie und öb mä es Zimmer inkl. 90er Bett sött usräuke, damit mä nid vo Geodrüegg-Chöpf träumt. Äbefaus erkläre mer euch, wieso Füess i Form vo Händ nid nur ungäbig wäre… Und wüus bis dahäre no nid gnueg weird isch, schwätze mer no chly über Stärnzeichä. Voila.

Da scho gnueg über Ueli Murers Pension gschwätzt wird, thematisiere mer eifach numä sini Veneers und Grillz. Apropos Pension und aut: Versicherigsmannä düe eim vor Ouge füehre, dass dChöste ab 25i bärguf göh, während dGsamtsituation aber bärgab geit. Und wüu mr vom Fach si, düe mer uf aus ufä ou no über zSchueusystem redä. Diese und weitere spannende Themen erwarten Sie in dieser Ausgabe des „Mäntigsschum“ - viu Freud!

Dasmau gits ä Deeptalk – ohni d’Steiner :-) Es geit unger angerem um d’Vergänglechkeit vo Momänte, wo me sech wiederum viu zviu Gedanke drüber macht. Und drum, dass dr Stärnehimmu damisalami unändlech isch – hie und da sogar mit emnä mathematische Touch.

Die Foug isch prägt vo rassigä Pornotitlä, sitzend Bier trinkä, Celebrity Crushes und gäbige / ungäbige Umarmige. Ds Wort „geil“ chunnt unagnähm oft vor - eigentlech ä Steilvorlag fürnes Trinkspiu, aber wär lost scho im Kollektiv Podcasts…

Die Foug beinhautet ke Clödä, drfür ä müedä Recap vo de letschte 2-3 Wuchä. Dr Oli isch im Militär gsi (und betitlet Bernd das Brot übrigens aus „bester Mann“) und dSteiner isch gah bierwandere und het meh oder weniger ribigslos züglet.

Zämäfassend cha mä sägä: Es isch ke Gueti Idee, wenn mä schlächti Verlürer mit unfähige Mitspieler kombiniert. Und wenn mä glich zämä wot Halli Galli spielä, söt d‘Gloggä zersch mit Mayonnaise igriebä wärde. Isch das klar so wyt?

Mir redä über Farbfiumä, chömmä mängisch ufä glich Nenner und glich wird bi jedem Punkt öpper vo üs drünä usgschlossä. Zum Schluss machä mr üs när no sehr unbeliebt: Mir biichtä, weli Serie wo vo aune gliebt und vo üs ghasst wärde. Bitte brächet jz nid gad dr Kontakt ab...PS: Die nächsti Foug isch de wieder sehr dumm :-)

I derä Foug löh mer d’Hosä abä und redä offä über üsi komischä Agwohnheitä: Wieso söt mä mit Pischi pfusä? Was hei mer gnau für Problem mit Farmer und Müuchprodukt – und chönnt ä Bigmacschärehauterig d’Lösig für üsi Struggles si? Und wenn mer scho drbi si... Seifähänd und nassi Rügge finge mer grusig und ou tschäggeti Stäge machä üs fertig. Mir hoffä ganz fescht, dass die Informationä nie gägä üs verwändet wärde. Es grosses Merci scho im Vorus!

Ir Zwöite Folg geits grad genau so witer wi bir Erste. Wär irgendwenn üse Polterabe darf organisiere sött inelose. Mir gäbe paar Gheimtipps und teile üsi 3 grösste Wünsch. Usserdäm isch e Beamer im Rollstuel zmontiere öppe so schwierig wie es Jugendfreis Wort mit F zfinde.

Nachdäm d‘Steiner die ersti Foug „#1 BestOfPilot“ mit ihrer wunderbarä Radiostimm igleitet het, erwartet euch ä Trialog: Mir redä drüber, was üs pinlech isch und eklet, was üs zum Grännä bringt und was üsi Stärchine si.