Maroela Media

Vasgebind in die teater besef Jano en Annabel hoe naby die gevaar werklik is en wat Keith beplan. Maar wanneer Chester voor ʼn keuse te staan kom, begin alles skuif. Dis soms een besluit wat nie net jou lewe red nie, maar ook bepaal wie jy is.

Wanneer Mila, Petronel en Hunter die waarheid oor Keith se plan ontrafel, besef hulle die gevaar is reeds aan die ontvou en die teater is die teiken. Met tyd wat min word, moet hulle vinnig optree om almal te waarsku. Nie elke plan kan gekeer word nie, maar soms kan jy dit betyds ontwrig.

Wanneer die waarheid oor Keith se plan uiteindelik aan die lig kom, besef Mila, Kobus en Tant Ella die gevaar is reeds aan die ontvou, en tyd raak min. Maar tussen die paniek en planne vind pa en dogter mekaar weer. Sommige nagte vra nie vir meer tyd nie … hulle vra vir moed én daadkrag.

By die dam deel Mila en Tant Ella eerlike waarhede oor verlies, liefde en alles wat nog seer is. Net toe dit voel of iets begin heel word, ruk ʼn vreemde ontdekking ou wonde egter weer oop. Nie alles wat verbydryf is bedoel om verby te gaan nie.

Net nog enetjie | Weg met wittes | Ep. 92 In dié episode van Net nog enetjie gesels Connie Mulder, Tania Heyns en Nico Strydom oor Amazon se vereistes rondom swart eienaarskap en die maatskappy se verduideliking dat sy beleid eintlik inklusief is – ons verstaan die woorde net verkeerd. Hulle vra ook waarom dit belangrik is om teen onredelike vereistes en norme terug te druk, eerder as om bloot te aanvaar dat “dit nou maar die wet is”.

Terwyl Petronel op ʼn stil plek skuil, dwing ʼn eerlike gesprek met Annabel haar om haar vrese in die oë te kyk. Maar in die skaduwees hoor iemand alles, en niks sal ooit weer dieselfde wees nie. Die waarheid vind jou soms, selfs wanneer jy probeer wegkruip.

In die donker breek alles oop tussen Mila en Kobus. Oor haar ma, oor die waarheid en oor alles wat weggesteek is. Wat as ʼn soektog begin, word iets veel dieper, en niks bly dieselfde nie. Sommige waarhede bring jou nader en ander dwing jou om los te breek.

Terwyl hulle na Petronel soek, dryf die spanning tussen Mila, Hunter en Jano hulle uitmekaar – elkeen kies sy eie rigting in die donker. Maar sonder mekaar raak die pad gevaarlik, en niemand weet meer wie om te volg nie. Nie elke pad vat jou vorentoe nie … party lei jou weg van mekaar.

Terwyl die spanning tussen Mila en Hunter oorkook, word alles onderbreek deur ʼn skok: Petronel is weg. Met vrae waarop niemand antwoorde het nie en tyd wat begin min raak, besef die groep iets is ernstig verkeerd. Sommige verdwynings gebeur nie sommer net nie, hulle laat ʼn spoor.

By ʼn braaivuur word Kobus se vermoedens bevestig: Iets is verkeerd by Sonskynoord, en dit is nie per ongeluk nie. Terwyl Keith sy ware plan onthul, besef Kobus die gevaar is reeds aan die ontvou. Party vure begin nie per ongeluk nie, hulle word beplan.

Net nog enetjie | ANC se wiele val af | Ep. 91 In hierdie week se episode van Net nog enetjie gesels Tania Heyns, Nico Strydom en Connie Mulder oor alles ANC. Gaan hulle hierdie verkiesing oorleef of maak hulle net mooipraatjies terwyl die gebou agter hulle aan die brand is? 00:00 Welkom terug 02:12 Alles ANC 05:28 Hoekom die rusbank wen 08:28 ANC mis die bus 12:58 Mega-metro, mega-gemors

Terwyl Tant Ella die restaurant laat herleef, vertel Annabel waarom sy geloop het. Nie omdat sy nie lief was nie, maar omdat sy nie kon bly nie. Soos die aand aanbreek, begin iets egter skuif. Party waarhede bring rus en party bly by jou.

Om die regte skool vir ʼn kind op die outismespektrum te kry, kan ʼn reuse-uitdaging wees as ʼn ouer nie weet waar om te begin nie, sê prof. Suzanne Bester.

Terwyl chaos by ontvangs uitbreek, deel Petronel en Chester eerlike waarhede oor vrees, skuld en die dinge wat hulle stilhou. Te midde van alles begin ʼn groter twyfel groei – oor Keith, oor die oord en oor wat regtig aan die gang is. Party waarhede bevry jou nie, hulle dwing jou om te kies.

By ontvangs hou Petronel die wiele aan die rol, terwyl Sonskynoord voller raak as ooit. Maar tussen die besprekings en glimlagte begin Kobus twyfel aan wat hy sien, en of alles werklik so onskuldig is. Party plekke lyk besig net, sodat jy nie sien wat voor jou gebeur nie.

Wanneer Kobus sy hart teenoor Annabel oopmaak, bots twee wêrelde by Sonskynoord – liefde teenoor beheer, waarheid teenoor mag. Terwyl woorde sny, begin Kobus ook besef dat nie alles op die oord is soos dit lyk nie. Party mense kyk na jou en ander besluit wat jy mag sien.

Net nog enetjie | ANC hou mej. Munisipaliteit | Ep. 90 Met die munisipale verkiesing minder as drie maande weg, het die ANC uiteindelik ook hulle manifes en “kandidate” vir burgermeestersposte bekendgestel. Met al hulle varkies wat egter nog nie mooi op hok is nie, het hulle vanjaar besluit om ʼn mej. Munisipaliteit te hou en die finaliste, eerder as kandidate, vir al die metro’s aangewys. In hierdie week se aflewering van Net nog enetjie gesels Connie Mulder, Nico Strydom en Tania Heyns oor hierdie en ander politieke verwikkelinge.

By die ontvangs van Sonskynoord probeer Petronel kop bo water hou tussen oproepe, lêers en haar eie onsekerheid. Maar hoe meer sy aanpas, hoe meer begin iets onder die oppervlak skuif – iets wat nie heeltemal reg voel nie. Party plekke verwelkom jou sodat jy nie agterkom wat hulle van jou maak nie.

Terwyl Tant Ella ʼn kombuisredding aanpak en Chester probeer byhou, lyk dit of dinge by Sonskynoord uiteindelik begin uitwerk. Maar agter die skerms begin alles nét te mooi in plek val. Party planne lyk toevallig ... totdat jy sien wie dit stil-stil stuur.

In die stilte van die nag neem Kobus vir Mila na die teater: ʼn plek vol herinneringe, liefde en dinge wat nooit heeltemal verdwyn nie. Maar wanneer die verlede onverwags begin saampraat, raak die hede skielik broos. Party stories eindig nie, hulle wag net vir die regte oomblik om weer gehoor te word.

By Sonskynoord probeer Keith die pad vorentoe vir Jano uitlê vol planne, projekte en beloftes. Hoe meer hy aanbied, hoe meer begin dit voel asof elke keuse reeds gemaak is. Soms lyk die toekoms belowend, totdat jy besef dit was nooit joune nie.

Terwyl Sonskynoord skielik meer gasvry begin voel, raak Petronel se vrae al hoe meer spesifiek en haar redes al hoe minder duidelik. Wat soos ʼn toevlug lyk, begin stadig iets anders word. Party plekke gee vir jou alles en maak dit moeilik om weer weg te gaan.

By Sonskynoord dwing ʼn toevallige ontmoeting Kobus en Annabel om weer voor mekaar te staan. Terwyl ou vrae begin antwoorde kry, bly ander dinge gevaarlik ongesê. Party verledes is nie verby nie. Hulle wag net dat jy weer daarin instap.

By Sonskynoord begin die span die werklikheid van hul nuwe omgewing raaksien – verwaarloos, ongemaklik en vol dinge wat nie heeltemal reg voel nie. Terwyl Hunter vlug en Tant Ella inspring, begin Petronel voel hoe die plek stil-stil aan haar vat … asof dit wag dat sy moet opgee. Party plekke hou jou nie vas nie. Hulle wag net dat jy ophou probeer.

By Sonskynoord kry Mila uiteindelik haar kans op antwoorde, maar die waarheid wat op haar wag, is groter as wat sy ooit sou kon verwag. Wat as ʼn ontmoeting begin, eindig in ʼn onthulling wat alles verander. Party waarhede maak nie sin nie, en hulle breek jou eers.

By ʼn wynplaas bring lag en herinneringe vir Mila en Kobus nader aan mekaar – totdat ʼn waarheid alles verander. Met Sonskynoord op die horison kom die verlede skielik gevaarlik naby. Party antwoorde bring nie rus nie, maar die begin van iets moeiliker.

In vandeesweek se aflewering van Wêreldwys kyk Jaco Kleynhans na die groot internasionale vraagstukke wat die Amerikaanse en Europese politiek tans vorm. Iran se invloed op die komende Amerikaanse middeltermynverkiesing, interne verdeeldheid onder die Demokrate, hibriede oorlogvoering in Europa en belangrike Europese verkiesings word onder die loep geneem.

Hierdie week gaan ry Wiele2Wiele met die pragtige, splinternuwe Kia Seltos, wat met drie enjins aangebied word – onder andere ’n 1.5-liter-turbodiesel. Hulle vat jou dan saam op die pad in die Lexus RZ 550e F-Sport en die Land Cruiser FJ. Wiele2Wiele op Facebook · Wiele2Wiele op Maroela Media

By die see leer Hunter vinnig dat nie alles wat oulik lyk, veilig is nie – veral nie pikkewyne nie. Tussen die lag en die soutwind begin ou herinneringe en nuwe gevoelens stadig vorm aanneem. Party liefdes begin met ʼn klippie en hou langer as wat jy dink.

In dié week se aflewering van Net nog enetjie gesels Nico Strydom, Connie Mulder en gasaanbieder Tania Heyns oor die DA se pas bekendgestelde 2026-verkiesingsmanifes. Dié nuwe verkiesingsmanifes erken ʼn ongemaklike werklikheid: wat tans in die meeste munisipaliteite gebeur, werk eenvoudig nie. As die huidige antwoord nie werk nie, is die vraag wat die beste antwoord dan op ons probleme gáán wees?

Langs die pad moet Kobus, Hunter en Jano hulle hande vuil maak om Saartjie weer aan die gang te kry. Tussen los boute en skewe planne leer hulle dat nie alles met brute krag reggemaak word nie. Party dinge werk eers wanneer jy ophou stoei en begin luister.

Mahatma Gandhi word danksy sy dapperheid en toewyding tot niegewelddadige verset as van die grootste leiers van die twintigste eeu beskou.

Martin Luther het ʼn geweldige invloed op die moderne kerk gehad; inteendeel, dit was dié Duitse leraar wat in 1517 met die Hervorming begin het.

Voedsel en voeding is die manier waarop ons hierdie brandstof wat ons liggame van energie voorsien, inneem.

Die Voortrekker-leier Andries Hendrik Potgieter (gewoonlik net Hendrik Potgieter genoem) is op 19 Desember 1792 in Graaff-Reinet gebore.

In die stilte ná die storm probeer Mila, Tant Ella en Petronel die stukkies weer bymekaarsit – van Saartjie én van hulself. Tussen pleisters en gesprekke word dit egter duidelik: Nie alles wat breek, word weer dieselfde nie. Jy kan regmaak, maar jy kan nie altyd teruggaan nie.

In die derde episode van dié podsendingreeks verduidelik die Müllers hoe die samelewing steeds kinders met outisme misverstaan en deel raad met ouers wat wonder of hul kinders op die spektrum is of nie.

Langs ʼn warm Karoo-pad staan Mila en Jano en wag vir ʼn saamrygeleentheid met tyd om te dink oor keuses, mense en dit wat bly. Maar wanneer hulle by Saartjie uitkom, is niks meer dieselfde nie, en iemand anders se foute het duidelike merke gelaat. Party skade tref nie jou hande nie, maar wel jou hart.

Met koeëls wat vlieg en paniek wat oorneem, lyk dit of alles uitmekaar gaan val. Maar wanneer Petronel uiteindelik haar stem vind, verander die hele spel, en geweld maak plek vir iets onverwags. Die hardste stem is nie altyd die een wat skree nie, maar die een wat kies om te keer.

ʼn Sterk skool word nie net deur goeie uitslae en sportprestasies gebou nie. In dié episode van "SkoolSlim" gesels Pieter Rademeyer oor die redes waarom verhoudings, waardes en belegging in kinders se menswees ʼn skool se grootste nalatenskap kan wees. Maroela Media

Hierdie week is dit bussie-bonaza op Wiele2Wiele. Hulle gesels oor die Volkswagen Caravelle eHybrid en die Renault Trafic Passenger. Hulle gaan ry ook met die Honda Elevate, gee raad oor tekens wat jou kar vir jou gee dat daar fout is en waarsku jou waarna jy moet kyk as jy ’n motorfiets wil koop wat ’n spesiale uitgawe in sy tyd was. Wiele2Wiele op Facebook · Wiele2Wiele op Maroela Media

Wat as ʼn vlug om hul lewe begin, eindig in ʼn gevaarlike konfrontasie wanneer Hunter se verlede hom inhaal. Met woorde wat sny en ʼn geweer wat praat, raak die pad skielik dodelik ernstig. Party foute hardloop nie agter jou aan nie. Hulle wag dat jy stil staan.

In dié week se episode van Wêreldwys besoek Jaco Kleynhans Turning Point USA se hoofkantoor en staan stil by die nalatenskap van die stigter Charlie Kirk, wat hom vir meer as ’n dekade beywer het om konserwatiewe idees op Amerikaanse universiteitskampusse te bevorder. Hy kyk ook na Phoenix, Arizona, een van Amerika se snelgroeiende stede en ’n toenemend invloedryke politieke spilpunt, en bespreek hoe demografiese en beleidsveranderinge dié staat se rol in die Amerikaanse politiek hervorm

Terwyl Kobus en Petronel spelenderwys deur hul vrese werk, klop die werklikheid onverwags aan die deur. ʼn Vreemdeling bring meer vrae as antwoorde, en wanneer skote die stilte skeur, raak die pad skielik gevaarlik. Party maskers help jou praat, maar nie almal kan jou beskerm nie.

“Ek het net gedink: Dit kan nie toeval wees nie.” Facebook · Toetentaal op Maroela Media

Kom elke week saam vir 'n bier na werk en nuuspraatjies saam met Christel, Connie en Nico. Aanbieders: Christel Cornelissen, Connie Mulder en Nico Strydom. "Net nog enetjie" word vervaardig deur Maroela Media.

ʼn Rustige uitstappie verander vinnig wanneer Mila en Jano iets opmerk wat nie daar hoort nie. Wat as ʼn speelse klimtog begin, word ʼn jaagtog terug na die bussie – en moontlike moeilikheid. Party dinge kom vinnig, en nie alles wat nader jaag, bring goeie nuus nie.

Vir die meeste mense is die geluide van iemand wat kou, sluk of met ʼn pen tik bloot deel van die alledaagse lewe. Vir mense met misofonie kan dieselfde geluide egter intense woede, angs of ongemak ontlok en ʼn groot invloed op hul daaglikse lewe hê. Maroela Media

ʼn Ete ontspoor wanneer Hunter se verlede hom inhaal – met klappe, chaos en ʼn vinnige ontsnapping deur die Karoo. Tussen die drama en die stof wag daar ʼn les wat hy nie kan ontduik nie. Nie elke soen is betekenisloos nie; party leer jou hoe om reg te voel.

Terwyl Petronel haar plek in die bussie vind, raak sy stadig deel van die span se chaos én warmte. Die pad vorentoe hou meer as net nuwe beginne in, en nie alles wat wag, voel veilig nie. Party paaie roep jou vorentoe, al wil iets in jou terugdraai.