MittSchnitt z'dritt

Ih de allerletste Sendig vo MittSchnitt z'dritt mached d Caro, d Lisa und de Moritz en grosse Recap vo de vergangene anderthalb Jahr und lönd ihri Radioshow Revue passiere. Chlini Ihblick hinter d Kulisse vo de Radioshow und s Schwelge in Erinnerige dörf debi natürli nöd fehle.

I de zweitletschte Sendig vo MittSchnitt z'dritt gads rund ums Thema Fraue im Sport. Was eusi Meinig dezue isch und wie viel mir zu dem Thema wüssed, ghöört mer i dere Folg.

I de drittletschte Sendig redet d Caro und d Lisa über nervigi Chlinigkeite, rätsled über Erfindige und philosophiered über Richtum. All das und no meh gits i dere Folg.

Gräbe i de Gsellschaft werded i dere Folg zum Thema vo eusne Hosts. Em Ursprung vo dene Gräbe uf de Grund gah isch aber gar nöd eso eifach, genau wie d Dialektwörter vo dere Wuche usefinde.

Die Wuche gahts bi MittSchnitt z'dritt um Sagene. Für das isch sogar e Gästin mit Expertise im Studio. Mer chan aber au wieder mitrötle und dasmal nid nur bi de Dialektwörter...

Was es für komischi Gsetz i de Schwiiz gid und was mir für Idee für neui Gsetz hend, erfahrsch i dere Folg. Es gids das Mal aber au no spannendi Fake-Gschichte vo de Caro und en Dialektwörterüberraschig vo de Lisa.

Endlich wieder vollzählig reded d Caro, d Lisa und de Moritz über Brüef us de Vergangeheit und de Zuekunft und es wird über e potenzielli Karriere im Aawaltsbusiness diskutiert.

In dere Wuche reded d Caro und de Moritz über Social Media. Sie tauched tüüf id Online-Welt ihh und reded über ihri eigene Erfahrige mit de verschiedene Plattforme, aber au über d Gfahre und d Möglichkeite wo sie büüted.

I dere Folg dreht sich alles ums Thema Sprache, Jugendwörter und euses Schwiizerdütsch mit sinere Entstehig. D Lisa und de Moritz hend einiges Neus chönne dezuelerne.

Die Wuche hend d Caro und d Lisa z zweite über verschideni Themene gredet. Sie erinnered sich zrugg wo sie z letst uf en Baum klettered sind, reded über ihri eigeni Motivation und diskutiered witeri interessanti Sache.

Wieder in voller Bsetzig und sogar mit emene Special Guest wageds die drüü Hosts in en neui Folg. En Profi Biathlet verzellt vo sine Erfahrige mit Leistigssport, es gid aber au neui Sportarte z entdecke und Dialektwörter zum lerne.

Ih dere Folg redet d Caro und de Moritz vor allem über d Fasnacht und werdet nach dere Folg villicht au canclet. Und obwohl d Lisa nöd debi isch, het sie trotzdem en chline Uftritt in de Sendig.

Mir sind zrugg us de Sendepause und startet top motiviert ih die dritti Staffle. Das mal gids nöd nur es spannend Interview mit emene Iihblick id Produktion vomene ESC Event, sondern au bi eusne altbekannte Format gits öppis z'lerne, philosphiere und rätsle.

Ih de letste Folg vo de zweite Staffle vo Mittschnitt z'dritt gits es entweder/oder, ethischi Frage und mir redet über üsi Erwartige vo Chur und Graubünde. Natürli dörfet au s Good to know und d Dialektwörter nöd fehle.

Die Wuche ohni d Caro reded d Lisa und de Moritz überi ihri Akunft im Neue Jahr und anderi Theme wo sie aktuell beschäftiged.

I de letschte Folg vo dem Jahr redet mir über Gschenkli, de Konsum a Wiehnachte und Neujahrsvorsätz. D Caro git sogar no Tipps für Last-Minute Wiehnachtsgschänkli.

I dere Folg redemer über ganz e huufe Verschwörigstheorie. De Paul McCartney isch tot? Was heds mit em Film Frozen uf sich? Und was hed d Beyoncé aagstellt?

D Adventszit het ahgfange und mir sin au scho ih wiehnachtlicher Stimmig. Mir redet über eusi Wiehnachtsmärtbsüech, Grittibänze und de ganz neu erschieneni Spotify Wrapped. Aber au vieli spannendi Frage findet Platz in dere Folg...

Die Wuche gids nöd nur eis, sondern grad zwei Interviews wo mer euch spannendi Projektarbeite vorstelled.

Das Mal redemer über diversi Szenarie wie eusi Zuekunft aber au wie d Welt generell usgsee chönnti, d Caro erratet es Dialektwort und de Moritz lernt nöd nur 3 sondern sogar 4 neui Wörter kenne.

I dere Folg staht d Sprach und Sprache im Fokus. Aber näbem Fremdsprache lerne und d Verbindig vo Kultur und Sprach, rätsled mir au a Sprichwörter ume und natürlich a de Dialektwörter. Es gaht aber au no um d Zwüschemenschlichkeit.

Die Wuche gads um Liebessprache und anderi psychologischi Konzept. Nebem philosophiere über de Sinn vo dene hemmer au eusi übliche Format und zumindest bim Dialektwort vo de Wuche hemmer Erfolg z fiire.

Mir sind zrugg us Berlin und bringed spannendi Gschichte mit. Mir bespreched aber au s neue Jugendwort und rätsled wieder a de Dialektwörter ume, das mal sogar teils erfolgriich.

D Natalie Fritz verzellt ihri Perspektive als Dozentin zum Thema Ufmerksamkeit im Unterricht, d Caro und d Lisa bechömed vom Moritz es kniffligs Rätsel und mir lerned meh über d Brüch vo eusne Nachbere us Dütschland.

In dere Sendig sin mir wieder z dritt und rede über Herbstwanderweg und s ahstehende Big Air. Es werde aber au sehr vieli Entscheidige troffe, au wenn mir nid alli Froge beantworte chönne.

Die Wuche dreiht sich alles um Entscheidige rund um d Bruefswahl und um d Usbildig. Mir redet aber au über de ahfangendi Herbst und die demit verbundeni Marronizit.

Mir sind zrugg us de Summerpause, juhuii! Zum erste Mal hed mer eus nöd nur uf radiocalanda.ch sondern au uf rso.ch ghöört. Es isch einiges neu, aber mir sind immerno di Gliiche.

Ih de letschte Sendig vo de erste Staffle sind alli drü Hosts nomal debi. Mir rätsled über Bündner Dialektwörter, rekapituliered eusi Highlights vo MittSchnitt z'dritt und gebed no en chline Usblick uf de kommendi Summer.

Die Wuche diskutiered und plaudered die drü vo MittSchnitt z'dritt über d Zuekunft vo eusere Gsellschaft und inwiefern Lüge moralisch vertrettbar sind. Ih de zweitletschte Sendig chunnt sogar na chli EM-Stimmig uf, aber nöd für alli.

D'Lisa und de Moritz startet ideal erholt id Sendig und verzelled was sie glücklich macht, was sie a sich würed ändere und wie sie zu Spontanität stönd. De Moritz stellt au no ganz kniffligi entwerder/oder-Frage - au zum diheii beantworte ;)

In eusere 10. Sendig redet eusi Hosts über es richtigs Radiothema nämlich Musig! Hend sie en Lieblingsmusigrichtig? Was isch eigentlich e Quätschkomode? Und isch euch schomal ufgfalle wie viel "T"s MittSchnitt z'dritt hed?

Das mal gids en chli längere Wucherückblick. Wie mir zum Betrüge inere Beziehig stönd, was en Zingge und wer de Emilio isch, verzellemer i dere Folg.

Die Wuche hend d Lisa und de Moritz leider ohni d Caro "mitgschnitte". Trotzdem hend sie über viel spannendi Theme wie soziali Umfelder oder Meinigsüsserig gredet. Was für Lebens-Updates die zwei suscht no hend erfahret ihr in dere Folg.

Endlich wieder vollzählig bi MittSchnitt z'dritt und trotzdem z'vierte im Studio. Hüt hemmer de Lukas z'Bsuech ghaa wo eus Bad Ragartz vorgstellt hed. Mir hend viel über Kunst gredet und philosophiert, aber au einiges Neus glernt.

Die Wuche fehlt d Lisa, was eus aber nöd devo abhaltet trotzdem sogar z vierte im Studio z si. Wer genau z Gast isch, erfahret ihr i dere Folg. Mir hend über Hobbies, d Verallgemeinerig i de Gsellschaft und no vieles meh gredet.

MittSchnitt z'dritt hüt leider nume zweite z'ghöre und denn au grad no mit dene beide Stimme, wo am ähnlichste töned, de Lisa und de Caro. Sie verzelled vo ihrem Bsuech binere Musikshow, wie sie ihres Studenteläbe chli in Griff wennd becho und gebed euch zwei tolli Znachtrezept mit uf de Weg.

Obwohl d Caro das Mal nöd debii gsii isch, sind d Lisa und de Moritz nöd elei im Studio gsii. Di ehemalige Hosts vo Radio Calanda sind uf Bsuech gsii und hend mit ihne über alles mögliche philosophiert.

D Caro und d Lisa hend für e Wuche d Schwiiz inklusive Moritz hinter sich glah und sind ab uf Belgie. Was sie dööt so alles erlebt und glernt hend erfahreder i dere Folg.

Die Folg reded eusi Hosts nöd nur über s Lebe in Chur, sondern lerned au viel über Traditione us anderne Länder.

D Caro, d Lisa und de Moritz hend ihri ersti Sendig uf Radio Calanda erfolgrich überstande. Sie stelled sich nöd nur vor, mer bechunnt au en erste Iiblick i ihri Format Mo-mente der Philosophie, Caro's Good to know und s Dialektwort vo de Wuche.