Moiesstudio

D'Renovéierung vun der Rotonde 1 ass ofgeschloss. De Marc Clement erkläert, wéi eng Evenementer an den nächste Méint do geplangt sinn.

Zweemol Gold, eemol Sëlwer an eemol Bronze - mat deem beandrockende Medailespigel sinn d’Lëtzebuerger vun der Weltmeeschterschaft am Sportkeelen zu Langenfeld an Däitschland heemkomm. Wéi e Stellewäert huet d'Keelen haut hei am Land a wat ass den Ënnerscheed tëschent Keelen a Sportkeelen? Ënner anerem doriwwer schwätze mir mat de Goldmedailegewënner an der Disziplin Tandem Mixte: Martine Keller a Christian Junck.

Eisen Israel-Korrespondent Leonardo Kahn erkläert, firwat den Accord tëschent den USA an dem Iran an Israel ganz kritesch gesi gëtt.

Mir froen den David Angel vum OGBL, wéi d'Gewerkschaften d'Livreure wëllen ënnerstëtzen.

Bei enger Fussball Weltmeeschterschaft dobäi ze sinn ass fir vill Natiounen näischt aussergewéinleches méi. Et ginn awer Länner, fir déi ass et e besonneschen Ament. Bei dëser Editioun sinn dat ënner anerem den Irak, Haiti an déi Demokratesch Republik Kongo. Well wann hir Nationalekippen bei der WM um Terrain stinn, da léisst dat d’Awunner aus deene Länner fir op d’mannst 90 Minutte vill Suerge vergiessen. Wéi wichteg de Fussball fir eng ganz Natioun an hir Bevëlkerung ka sinn, dat weist eis de Jo Diseviscourt an engem klenge Bäitrag.

Nodeems hien d'lescht Joer beim bekannten Tomorrowland-Festival opgetratt ass, mécht dee jonke Lëtzebuerger DJ sech ëmmer méi en Numm an der internationaler Elektrozeen.

Et ass nach ee Mount bis zur Summervakanz. An eisem Fräie Mikro hei geheie mir schonn e Bléck no vir op d’Rentrée. Vun Hierscht u mussen d'Schüler:innen zu Lëtzebuerg nämlech méi laang an d’Schoul goen. D'Schoulflicht gëtt vu 16 op 18 Joer erhéicht. D'Zil wier, d'Zuel vun de Schoulofbriecher ze reduzéieren, huet den Educatiounsminister Claude Meisch am Hierscht 2021 annoncéiert. D‘Iddi ass gutt, mee d’Schoulen hunn elo e grousse Problem, seet d’Judith Reicherzer, fréier Journalistin a Responsabel fir mediepedagogesch Projeten am Lycée Aline Mayrisch.

D'Rousenzuucht war laang Zäit e wichtege Wirtschaftszweig hei am Land. Eng Expo am Kierchbierger Central Park kuckt op déi Episod zeréck. Mir waren eis se zesumme mat der Céline Coubray vum Fonds Kirchberg ukucken.

Eise Korrespondent Philip Crowther huet deen éischte Match vum Iran mat verfollegt.

Mir froen de President vun der nationaler Euthanasie-Kommissioun, de François Prüm, ob hie sech nach Ännerungen um Gesetz iwwer d'Stierfhëllef wënscht.

Mir froen den Eric Bleyer, hien ass President vum Groupement Energies Mobilité, dem Branchëverband vun den Uelegkonzerner hei am Land.

Méi däitlech wéi erwaart hunn d'Schwäizer sech gëschter géint eng Begrenzung vun der Awunnerzuel ausgeschwat. Explikatioune vum SRF-Journalist Philipp Schrämmli

Bei Geleeënheet vum Internationalen Dag vum Bluttspenden, dee gëschter war: En Interview mat der Direktesch vum Centre de transfusion sanguine Anne Schuhmacher

D’Raupe gesinn harmlos aus, mee si kënne fir Mënsch an Déier awer duerchaus geféierlech ginn. Dowéinst ginn d’Näschter am Fréijoer an am fréie Summer preventiv ewechgeholl. Mir ware bei esou enger Interventioun dobäi.

D‘Verlagshaiser zu Lëtzebuerg bräichten eng änlech strukturell Hëllef wéi d‘Pressehëllef. Dat war ee vun den Erkenntnisser bei enger 100,7 Table ronde zum Theema. Dat am Kontext vum annoncéierten Enn vum Verlagshaus Op der Lay.

Zesumme mat Usbekistan Jordanien a Curaçao gehéieren d’Kapverden zu deene Länner, déi déi éischte Kéier bei enger Weltmeeschterschaft am Fussball vun den Häre mat derbäi sinn. Mam fréiere kapverdianeschen Nationalspiller Ronny Souto hu mir eis driwwer ënnerhalen, wat dat fir d’Land bedeit a wat d’Chancë beim Turnéier sinn.

De Jo Welfringer ass där Fro fir eis nogaangen.

D'Lëtzebuerger Autoritéiten hu sech an de leschten Deeg un engem groussen europäesche Cybersecurity-Test bedeelegt. Mir kucken, wéi eng Léieren doraus gezu ginn.

Déi Europäesch Zentralbank huet fir d‘éischte Kéier zanter bal dräi Joer hir wichtegst Zënstauxen nees eropgesat. Den Haapttaux fir d‘Banken a Spuerer klëmmt vun 2 Prozent op 2,25 Prozent. De Pierre Reyland huet mam Chef vun der Lëtzebuerger Gaston Reinesch iwwer déi Decisioun geschwat.

Muer am Nomëtteg ass eppes méi lass um Kierchbierg: Special Olympics Luxembourg lued de breede Public an zesumme mat Leit déi eng intellektuell Aschränkung hu Sport ze maachen. Vun zwou bis fënnef bidden eng ganz Rei Sportfederatiounen zesumme mat Associatiounen Atelieren un. De Message: jidderee kann op seng Manéier Sport maachen. Detailer vum Luca Di Santolo

Den Interessi bei de Bierger:inne war grouss, wéi déi béid Buergermeeschtere Jeff Gangler a Marco Koeune gëschter, respektiv e Mëttwoch op Informatiounsowender an hir jeeweileg Gemengen invitéiert haten, fir iwwer Chancen a méiglech Bedenken zu enger Fusioun ze diskutéieren. Nach ass näischt decidéiert – d’nächst Joer sollen d’Bierger:innen hir Meenung per Referendum ausdrécken. Mee en éischte Stëmmungsbarometer waren d’Informatiounsowender duerchaus - an dee kéint een als virsiichteg optimistesch bezeechnen.

Bei iwwer 30 Grad wiere gäre mol 8.000 Visiteuren um Stauséi am Nordweste vum Land, wuel gemierkt den Dag, esou den Tom Schmit, Ranger vum Naturpark Uewersauer. Mëttlerweil ass vu Massentourismus rieds, dee seng Problemer mat sech bréngt.

Méi wéi 150 Sänger:innen aus iwwer 40 Natioune stinn e Samschdeg op der Bün vun der Philharmonie. De Marc Reding, ee vu wéinege Lëtzebuerger, ass zënter 2 Joer derbäi.

Déi Fro stelle mir dem techneschen Direkter vun der Fussballfederatioun Manuel Cardoni, 12 Stonne virum Ouverturesmatch tëschent Mexiko a Südafrika.

Deen neien LSAP-Deputéierte Ben Streff reagéiert op de Sträit ëm d'Positioun zum Asyl- a Migratiounspak - ausgerechent op sengem 1. Dag an der Chamber ...

De President vum Daachverband vun den Altersheemer, de Pierre Jaeger, erkläert firwat hie sech méi kloer Krittäre bei de Kontrolle wënscht.

Ass Mexiko, dat Land vun deenen 3, dat am dackste bei enger WM dobäi war, och dat mam gréisste Succès bis elo? Huet Kanada iwwerhaapt schonn e Goal op enger WM geschoss? A sinn d'USA am mannste wäit komm, am Verglach mat den zwee Noperen?

Ëmmer méi dacks gi Gesetzer mat immensem Zäitdrock am Parlament gestëmmt. Woubäi richteg Debatten an Analysen op der Streck bleiwen. Dat ass net nëmme problematesch fir d’Roll vun eisem Parlament, mee och allgemeng fir d’Glafwierdegkeet vun den demokrateschen Instanzen, mengt de Frank Wies a sengem Fräie Mikro.

Leonora ass e Projet, deen zesumme mat Lycée-Schüler:innen entwéckelt gouf. Op eng spilleresch Manéier solle Jonker léieren, wat mat hiren Date geschitt a wéi si sech an hir Privatsphär schützen. Dëst iwwer sougenannte Webtoons – also interaktiv Bande-dessinéeën, Spiller a Quizfroen.

Haut (10.6.) hätt d'Elisabeth Kox-Risch 100 Joer kritt. Hirem Asaz ass et zu engem gudden Deel ze verdanken, datt keen Atomkraaftwierk op d'Musel stoe koum. Den Owend gëtt zu Peppeng eng Strooss no hir benannt. Den Henri Kox, dat 10. vun hiren 11 Kanner, erënnert (sech) u seng Mamm.

De Lex Delles ass fir béid Ressorten zoustänneg. Mee fënnt hien als Energieminister all d'Mesüre gutt, mat deenen d'Inflatioun gebremst soll ginn?

Mir froen d'Presidentin vun der zoustänneger Chamberkommissioun, d'Corinne Cahen (DP), firwat de Marc Giorgetti als Proprietär vum GridX net un de Käschte vum Bau bedeelegt gëtt.

Mir froen de Statec-Direkter Tom Haas a wéi wäit den Impakt vun de verschiddene Mesuren ausgerechent gouf.

Deen neie Film vun der Marie-Elsa Sgualdo zeechent de Portrait vun enger staarker Fra an engem Ëmfeld, dat vun Hypokrisie gepräägt ass.

An der Chamber gëtt haut um Dënschdeg iwwer verschidde Gesetzesprojeten ofgestëmmt, déi dofir suergen, datt den europäesche Pakt fir d’Migratioun an den Asyl zu Lëtzebuerg ëmgesat ginn. Dee Vott kënnt kuerz éier dee Pak soll den 12. Juni, also dëse Freideg, an alle 27 Länner vun der Europäescher Unioun a Kraaft trieden. Den EU-Kommissär fir d’Migratioun, de Markus Brunner, huet vun där komplexster Asylreform an der Geschicht geschwat. Wat genee ännert sech konkreet duerch dësen EU-Migratiouns- an Asylpak? A wéi realistesch ass et, datt d’Reform wierklech Enn der Woch ëmgesat gëtt? Explikatioune vun eiser EU-Korrespondentin Danièle Weber

D’Loyeren hei zu Lëtzebuerg si staark heterogen: et gëtt grouss Ënnerscheeder queesch duerch d’Land, Typ vu Wunneng a Surface. Zu där Conclusioun kënnt den Observatoire de l’habitat an enger neier Analys iwwer d’Loyerspräisser. Den Observatoire hat dofir 2025 eng Ëmfro u ronn 28.000 sougenannte “Multiproprietären” erausgeschéckt, knapp e Fënneftel dovun hate geäntwert. De Julien Licheron, Fuerscher beim Liser a beim Observatoire de l’habitat, gëtt Explikatiounen zu de Conclusiounen.

Nom Doud vum 11 Joer ale Lyhanna gëtt et vill Kritik un der franséischer Justiz. Eise Korrespondent Max Tholl erkläert d'Hannergrënn.

Vun elo u proposéiert de Barreau och zu Esch e Service d’accueil et d’information juridique, wéi et e schonn an der Stad gëtt a geschwënn och nach op 4 anere Plaze gi soll. Explikatioune vum Bâtonnier Albert Moro

U wat denkt Dir als éischt, wann Dir un de leschte grousse Fussball-Tournoi, nämlech d’EM virun 2 Joer an Däitschland, zeréckdenkt? D’Chancë si grouss, datt et dem Spuenier Cucurella säin “Hands” an der Véierelsfinall géint Däitschland war. E perfekt Beispill dofir, wéi Arbitterdecisiounen an d’Reegele selwer an de sportleche Mëttelpunkt réckelen. Wéi eng Reegelen dëst Joer bei der WM dobäikommen, erkläert eis de Jo Diseviscourt, dee mam Chef vun de Lëtzebuerger Arbitteren, dem Alex Krüger, geschwat huet. Och doriwwer, wéi een iwwerhaapt WM-Arbitter gëtt.

Geschwë geet an Nordamerika d'Fussball-Weltmeeschterschaft 2026 vun de Männer un - mat engem neie Rekord vun 48 Ekippen. Mee d'FIFA denkt scho weider. Fir 2030 kéinten et esouguer 64 Natioune ginn. Eng Kéier am Bléck: D'Geschicht vun der WM an hir kontinuéierlech Erweiderung.

No der Tripartite an dem Landwirtschaftsdësch de leschte Freideg an der Annonce, datt d’EKABE keng Mëllech méi vu Lëtzebuerger Bauere wäert unhuelen, maache mir de Point mam President vun der Landwirtschaftskammer, dem Christian Hahn.

Et ass d’Geschicht vun engem Bild, dat an den 1930er Joere vun den Nazie geklaut gouf, deem säi rechtméissege Proprietär nom Krich net direkt konnt identifizéiert ginn, dat du wärend laange Jore verschwonne war, éier et nees opgetaucht ass, dat awer ëmmer nach a friemen Hänn ass. Eng verwuerelt Geschicht, déi och e Lien mat Lëtzebuerg huet, well d’Bild dem Grousspapp vum Gerd Klestadt gehéiert huet. An dee Gerd Klestadt, deen zu Bergen-Belsen am KZ war, huet eng laang Zäit zu Lëtzebuerg gelieft, an hien ass och vill doruechter a Schoulen iwwer seng Zäit am Konzentratiounslager schwätze gaangen. E Buch iwwer hien, dat hei am Land erauskoum, spillt och eng net onwesentlech Roll an der Geschicht, déi de Maurice Molitor verzielt.

De Fong mam Numm Tropical Forest Forever Facility, kuerz TFFF, wäert zu Lëtzebuerg ugesidelt sinn. Dat huet de brasilianeschen Ausseminister d’lescht Woch op de sougenannte Klima-Finanz-Deeg an der Philharmonie um Kierchbierg annoncéiert. Den internationale Fong huet zum Zil Länner, déi hire Reebësch erhalen, dofir ze remuneréieren. Wéi dat genee fonctionéiere soll, erkläert den CSV-Ëmweltminister Serge Wilmes.

Dräi Deeg laang war de portugisesche President António José Seguro fir eng offiziell Visitt zu Lëtzebuerg, wou hien op gläich 3 Plazen d’Geleeënheet hat a Kontakt ze komme mat der portugisescher Communautéit. Ee Samschdeg gouf et zu Diddeleng een Empfang, an der Philharmonie stoung e Concert a Presenz vun der groussherzoglecher Koppel um Programm an am Artikuss zu Zolwer gouf et méi eng waarmhäerzeg Renconter mat de Kanner, déi zu Lëtzebuerg portugisesch Coursë suivéieren.

Am Lycée Michel Rodange an der Stad gouf gëschter deen éischte Premièresexamen am Lëtzebuergesche geschriwwen. 150 Minutten haten d’Schüler:innen Zäit fir eng literaresch Dissertatioun ze schreiwen. Um Programm stoungen dat ganzt Joer iwwer zwee Theaterstécker an e Buch. Wéi et de Schüler:innen nom Exame gaangen ass a wéi et mam Pilotprojet weidergeet huet d’Sté Bisenius am Lycée um Geesseknäppchen nogefrot.

Mam Programm "Jugendwunnen“ zu Uewerglabech stellt d'Croix Rouge Jonken a prekäre Situatioune Wunnengen zu abordabele Präisser zur Verfügung.

Am Numm vun der Gewerkschafts-Unioun kommentéiert d'OGBL-Presidentin Nora Back den Accord, op deen d'Sozialpartner sech gëschter mat der Regierung gëeenegt hunn.

An der Mobilitéitskommissioun vun der Chamber gouf z. B. vum LSAP-Deputéierten Yves Cruchten kritiséiert, datt speziell den Arrêt beim GridX d'Dauer vum Trajet onnëtz verlängert.

De Premier Luc Frieden kommentéiert den Accord, op deen d'Regierung sech gëschter zu Senneng mat de Sozialpartner gëeenegt huet.

De Michel Reckinger, President vum Patronatsverband UEL, kommentéiert den Accord, op deen d'Sozialpartner sech gëschter mat der Regierung gëeenegt hunn.