Monde - Voix de l'Amérique

Ukraine jera ni Amerique ka laɲini ye, n’o ye ka tile 30 kὲlɛ dabila, wa a sɔnna teliya la, ka kumaɲɔgɔnya kɛ ni Russie jamana ye, kumaɲɔgɔnya nafamaw la Jeddah, tarata don, sàn sàba kὲlɛ jugu kɔfɛ.

Philippine jamanakuntigi kɔrɔ Rodrigo Duterte bilala diɲɛ kiritigɛsoba la CPI araba don.

Cameroun dolow kɔrɔ Samuel Eto'o sugandilen dòn CAF ɲɛmɔgɔyaso la ni tanuli ye Caire araba don, hali n'a kelenpe de ye cebo ye ka bɔ Afrique Centrale mara la.

Côte d’Ivoire jamana na, fangaɲini-tɔn mugan ni duuru y’a jira nin dɔgɔkun nin na k’u ye jɛkulu dɔ sigi senkan walasa ka kalataw labɛnni ni politiki kumaɲɔgɔnya ɲini ka kɔn Ɔctɔbre kalo jamanatigisigi ka kalata ɲ

Bobo Dioulasso dugu kɔnɔ, abada sɛnɛfɛnw sɔngɔ ma deli ka wuli kosɛbɛ ten, ka se 70.000 franc ma kilo 100 bɔrɔ kelen na. A kɛra dɔnkili ye duw kɔnɔ "an tɛ se ka foyi san tugun" Bobo Dioulasso

Niger bɛ ka gɛlɛya sɔrɔ kabini kalo daminɛ tadji ko (Super gazoline) dɛsɛ min ɲɔgɔn ma deli ka kɛ fɔlɔ, o ye tadji ye min bɛ kɛ ka caya Nigɛr. Nin Ramadan kalo nin na ani funteni jugumanba nin na, o bɛ dɔ fara, Niger jamanadenw ka gɛlɛya.

Kὲlɛcɛw ka tɔnba dɔw ye minnu donin Côte d'Ivoire ye laseli ke ko a bɛna jɛkulu dɔ sigi senkan min bɛna a ɲini falen ka ke kalata ladilanni ka kɔn jamanatigisigi kalata ɲɛ ɔctɔbre kalo nata la.

Ukraine jamanakuntigi Volodymyr Zelensky ni Amerique cidenyaso nyemaa Marco Rubio sera tenin don Arabie Saoudite ka kɔn marifaci dabila kumaɲɔgɔnya ɲɛ taratadon.

AES jamanaw be se ka lasegin CEDEAO kɔnɔ cogo di? Nin ye Ghana jamanakuntigi kura, John Dramani Mahama ka cidenyabaara ye, min bɛna jira tenin don sɔgɔma Ouagadougou, a ka taama kɔfɛ nin dɔgɔkun laban nin na Bamakɔ.

Mɔgɔ minnu tun bɛna gɛn ka bɔ Mauritanie - tungaladenw, olu ye "binkanni" kɛ ka polisiso dɔ jeni Gogui worodugu-kɔrɔn fɛ- Mali dankan na sibiridon

Syrie Gɛlɛya: Syrie jamana donateme jamanakuntigi, Ahmad al-Shareh, ye wele bila jamana ka kelenya ni hɛrɛ ma, siwiliw fagali kɔfɛ, fariyako la, min ma deli ka kɛ fɔlɔ kabini Bashar al-Assad binna. O fariyako nin ye diɲɛ jamanaw haminankow ni jalakiw lawuli.

Cote D'Ivoire jamanakuntigi Alassane Ouattara n’a ka tonyogon, Ghana nyemaa John Dramani Mahama ye wele bila Mali, Burkina Faso ani Niger ka segin Farafinai tilebinyanfan jamanaw ka sɔrɔko jɛkulu (CEDEAO) la.

Gabon jamana kan, general Brice Oligui Ngueme y'a ka ceboya laseli ke jamanatigisigi ka kalata la. A bɛ jamana kuntigiya la kabini avril kalo tile 30 san 2023 fanga tiɲɛni min ye Ali Bongo fanga wuli

Côte d’Ivoire, segebatow kinw la, Abidjan dugu kɔnɔ, mɔgɔ ba caman y’a ye k’u ka sow n’u ka jagokɛyɔrɔw tiɲɛna ni sokarila bolimafen baw ye -Buldozer- ye, k’a kɛ fanga ka fɛɛrɛ dɔ ye min laɲini ye ka dugubaw kɔnɔ ɲagami ban.

Bana dadonbali minnu bɛ tugu ɲɔgɔn na Congo jamana na, tiɲɛ na, olu bɛ se ka kɛ baga ye, diɲɛ kɛnɛyatɔnba OMS y’o fɔ.

Fespaco 29nan labanna sibiridon Ouagadougou ni foli ye Mali filimu dilabaga Souleymane Cissé ma, min fatora fevrier kalo tile 19. Burkinabe ɲɛmaa Dani Kouyaté de ye Sanuman Sɔrɔ n’a ka filimu ye min tɔgɔ ye ko Katanga walima Dance des Scorpions

Erɔpu jamanaw ɲɛmɔgɔw ye ɲɔgɔn sɔrɔ karidon Londres, Royaume Uni. U b’a ɲini ka hɛrɛ fɛɛrɛ dɔ sɔrɔ Ukraine jamana na

Ramadan kalo nin kɔnɔ, muso, ka fara a ka baara kɛcogo kɔrɔw kɛli kan, a ka kan sisan ka wuli su cɛmancɛ la walasa ka sohour (sundumuni) labɛn, ka sɔrɔ ka to dumunikɛyɔrɔ la Muso dɔw ka waleyaw ka bo Bobo-Dioulasso

Volodymyr Zelensky bɛna kuma a ka jamana lakanani kan ni Donald Trump ye. A jirala ko ɲɛmaa fla ninnu bɛna u bolonɔ bila bɛnkan dɔ la Ukraine ka minɛnw nafabɔli kan.

Mɔgɔ 46 fagara, sɔrɔdasi-don ka teme-pankuru dɔ binna sigiyɔrɔ dɔ la, Khartum kɛrɛfɛ, tarata sufɛ.

Congo, jamanaden 7000 ni kɔ fagara kabini janvier kalo jamana kɔrɔnyanfan fɛ. O fɔra kunun Geneve, fanga ɲɛmɔgɔ Judith Suminwa Tuluka fɛ, k’a jira ko: ko mɔgɔ minnu tɔɔrɔla, olu fanba ye siwiliw ye.

Allemagne laadala kɔrɔsigiw ye se sɔrɔ wasaden kalataw la a jamana ka kalataw kɛra karidon na ani kininfɛ-jamanaw ka kalataw ye jaabi sɔrɔ min ma deli ka kɛ fɔlɔ. VOABAMBARA ye jɛkafɔ kɛ ni Sidiki Keita ye, Karamɔgɔ ani Malidenw ka tɔnba min be Allemagne , o ɲɛmɔgɔ, walasa ka kunnafoni wɛrɛw sɔrɔ

Daŋaniyabaliya bɛ Amerique ni Ukraine cɛsiraw kan i n’a fɔ Ukraine bɛ don a ka kɛlɛ san naaninan na ni Russie jamana ye.

Sigikafo min bɛ Nigɛr, o b’a ɲini aka baara laban na, “san 5sarati waati min be lakuraya” walasa ka furance fanga ɲɛminɛ min bɛ senna kabini fanga tiɲɛni kɛra san 2023. Lajɛba nin fana bɛ “se” di sɔrɔdasi fanga ɲɛmɔgɔw ma u ka jɔ kalata nataw la. VOABAMBARA faseribaga, Mohamɛd Toure be a lakali

Congo jamana sɔrɔdasikulu ye alamisa don, sigida arajow la, sɔrɔdasi minnu bɛ boli Nord-Kivu mara la, olu ka fara u ka kuluw kan kokura, ka t’a fɛ kɛlɛ la walasa ka M23 murutilenw ka ɲɛtaa kɛlɛ.

Tchad kὲlɛcɛw y’a jira k’u y’u ka kὲlɛcɛw dabɔ Boko Haram kan Tchad baji mara la kunun, taratadon. Tchad jamana na. A b’a fɔ ko Boko Haram tɛ ni yɔrɔ senuma si ye tugun Tchad jamana kɔnɔ.

Duniya kelenyatɔnba ye jalaki da taratadon M23 marifatigiw ka kulu , min ka kɛlɛcɛw jɛɲɔgɔnya min kɛra ni Rwanda sɔrɔdasiw ye Bukavu mine

Eurɔpe jamana jɔnjɔnw ɲɛmɔgɔw ye ɲɔgɔn sɔrɔ teliya la tenin don Paris walasa ka ɲɛmaaya kelen jira. Nka u ka kuluw fana tila hɛrɛ sabatili sɔrɔdasiw cili kan ko la.

Binkanni kura do kɛra jihadikɛlaw fe Benin kenyekayanfan fɛ. Sɔrɔdasi wɔɔrɔ fagara cɛw fɛ minnu tɔgɔ ma dɔn, jamana nakɔsɛnɛyɔrɔ dɔ la, Burkina dancɛ fan fɛ

Gɛlɛya min bɛ Kongo jamana kɔrɔnyanfan fɛ, o ɲɛfɔra farafina kelenyatɔn ka lajɛba la nin dɔgɔkun laban in na Addis Abeba. Farafinna tɔn min ye Mahamoud Ali Youssouf sugandi ka kɛ Farafina Kelenya tɔnba jamakulu ɲɛmɔgɔ ye.

Nigɛr , jamana ka lajɛba daminɛna sibiridon. Tile duuru kɔnɔ, Niger jamanadenw bɛna sigikafo kɛ ko dɔw kan minnu ɲɛsinnen bɛ jamana ka kow ma. Kamasoroi sɔrɔdasiw ka furance fanga sariti Laɲini fanga la, o dan bɛ ka surunya cogo min na

Israel lafasali minisiri ye bagabagali Kɛ arabadon na, k'a bɛ segin kὲlɛ la ni Hamas ma mɔgɔ minɛlenw labɔ minnu minɛna Israɛl jamana na, n'u minɛna Gaza mara na sibiridon na.

, jamanakuntigi kɔrɔ Macky Sall ka fanga kɔrɔ, Senegal jamana ka jatebɔ kiritigɛso y’o kɔlɔsi araba don, a ka kunnafoni dɔ kɔnɔ, min laɲini ye ka jɛɲɔgɔnya nataw latigɛ Dakar ni jɛɲɔgɔnw cɛ, FMI fana sen bɛ o la.

Pape François ye jamanakuntigi Donald Trump ka fe ta jalaki tarata don noye tungaladenw gɛnni ka bɔ Amerique fɛ.

Kὲlɛw daminɛna kokura Congo kɔrɔnyanfan fɛ, tile fla lafiyalen kɔfɛ. M23 kɛlɛcɛw ni Rwanda sɔrɔdasiw ye binkanni kɛ Congo ka sigiyɔrɔw kan Sud-Kivu mara la sɔgɔmada fɛ, ka kɛɲɛ ni lakana ni sigida mɔgɔw ka fɔ ye

Gambie, Bakau duugudenw, sigida min sigilen be Atlantique kogojida la, Banjul jamana faaba tilebi fe, o denseniw sifinw farala nyogon kan wilikakajola walasa k'u sen don donateme tungalataa baara siratigela, Espagne jamana na

ONU bɛ Mohamed Bazoum, Niger jamanakuntigi min fanga tiɲɛ sɔrɔdasiw ka fanga tiɲɛni fɛ san 2023 juillet kalo la, n'a muso minɛni "kunbaliya" jalaki. ONU ye ladilikan dɔ bɔ k'a nyiini k'a horonya. Bazoum ka lafasalibagaw bɛ ka wele bila siɲɛ wɛrɛ ko a ka bila.

Aga Khan, min kera san 20 Ismaili silamɛ miliyɔn caman ka ɲɛmɔgɔ ye diɲɛ kɔnɔ, ka dɔrɔmɛ miliyari caman bila taasibila la walasa ka sow, dɔgɔtɔrɔsow ani lakɔlisow jɔ jamana yiriwalenw na, o sara taratadon a si bɛ san 88 la. Cheick Omar Sissoko, n’o ye Cɛsiri minisiri kɔrɔ , bɛ kuma a kan

Côte d’Ivoire , jalakiden naani minnu jalakilen don u ka ɲɛnamaya bɛɛ kɔnɔ, jihadiw binkanni nin na Grand-Bassam, olu ka segeni kiritigɛ daminɛna kokura tenin don Abidjan, kalo damadɔ kɔfɛ. Nin binkanni nin, min kɛra san 2016 , a tùn ye mɔgɔ 19 bone u niw la.

Guinee a bɛ kalo fila bɔ kabini kunnafonidila Habib Marouane Camara ye tununna. Jɛkulu dɔ ka hɔrɔnya kama Gine jamana kunnafonidilaw y’a jira k’u ka “juguba”. "kɔnɔnafilila" kunnafonidila in tununni ko la sɛgɛsɛgɛli kɛli. Ka kuma o kan an bɛ bɛ wele bila Sekou Keita ma.

Tanzanie sɔrɔdasi fila fagara binkanniw senfɛ kɔsa nin na min kɛra fanga kɛlɛli jɛkulu M23 fɛ Congo kɔrɔnyanfan fɛ. A kɛlen kɔ ka se sɔrɔ goma dugu ba kan ( RDC kɔrɔnyanfan ), M23 ani Rwanda sɔrɔdasiw bɛ ka taa ɲɛ u sigiɲɔgɔn mara la ka taa Bukavu dugu fan fɛ.

Senegal, mɔgɔ 79 minnu sara NAMA DIARRA ka lajɛw senfɛ, ka ɲɛsin sisan fanga ɲɛmɔgɔ Ousmane Sonko dɛmɛni ma san 2021 ni san 2024 cɛ, olu ka denbaya kelen-kelen bɛɛ bɛna CFA wari miliyɔn 10 sɔrɔ. O laseli nin kɛra karidon fanga la Pastef ka politiki kulu ɲɛmaa Ayib Daffé fɛ.

France y’a ka sɔrɔdasi-yɔrɔ laban di Tchad jamana na , alamisa don, ni da datugulen nyeneje la, min kɛra tariku kɔnɔ, a ka kɛlɛbolow bɔli ye cin cin ninma yoro ani Sahel mara la, a bɛ san 65 bɔ walifaso marali bɔli kɔfɛ.

RDC la, getere sarala sɔrɔdasi 300 ni kɔ dunan minnu bɛ baara kɛ walasa ka sɔrɔdasi dɛmɛ Congokaw y'u yɛrɛ di Rwanda finitigiw ma. O kunnafoni kunbabaw be lakali VOABAMBARA faseribaga, Georges Attino fe

Mɔgɔ 300.000 ɲɔgɔnna minnu bɔra u ka yɔrɔw la, olu Seginna Gaza woroduguyanfan fɛ. Yɔrɔ min tiɲɛna ni kalo 15 ni kɔ kɛlɛ ye Palestine marakɔnɔ, miniti laban na, bɛnkan min kɛra Israɛl ni Hamas cɛ walasa ka mɔgɔ wɔɔrɔ wɛrɛw bila ka bɔ kaso la. O kunnafoni kunbabaw ni Georges Attino ye

Amerique ye Rwanda ni M23 marifatigiw ka binkanni in "jalaki" Congo Democratique jamana kɔrɔnyanfan fɛ. Amerique jamana ka lasigiden ka kuma karidon na ONU la, n’o ye lasɔmini kɛ ko Washinton bɛna baara kɛ ni “minɛn bɛɛ” ye min bɛ sɔrɔ, ka ɲɛsin mɔgɔ minnu ma, minnu bɛ kɛlɛ nin lawuli

Tile damadɔ sani u ka bɔ CEDEAO la, Mali, Nigɛr ani Burkina jamana kɔkankow minisiriw tun bɛ lajɛba la kunun Ouagadougou. Batakiw cilenw Kader Traore

Sudan sɔrɔdasi ɲɛmaa general Abdel Fattah al-Burhan seginna karidon na a ka sigiyɔrɔba la Khartum, a tun wajibiyalen don k’o bila awirilikalo san 2023 a ka sɔrɔdasi-jɛkuluw ma minnu bɛ dɛmɛn teliya la (RSF). Details ni Mariam Traore ye

Burkina Faso na, Me Guy Hervé Kam minɛni ye ŋaniya juguya ye. Dantigeli min fɔra alamisa don, lafasalibaga tan ni duuru ɲɔgɔn ka jɛkulu dɔ fɛ ka bɔ jamana duuru la.