Oqalliffik, KNR

Meeqqat atuarfianni atuartut aasaanerani qaammatini pingasuni feeriartalernissaat Inatsisartuni ilaasortap Kuno Fenckerip siunnersuutigaa. Siunnersuut piviusunngortinneqassappat kingunissai oqallisigitippavut. Aaqqissuisoq: Lis Lindenhann Jokumsen.

Sapaatip akunnera qaangiutilersoq pisoqarfioqaaq. Pisut annertuut tusagassiuinermik suliallit peqatigalugit nalilersussavagut. Aallakaatitassiortoq: Thora M. Hansen.

Nunarput nunarsuarmioqatititsinnit arajusisimaneqarunnaarpoq. Nunatsinni innuttaasut ukiuni aggersuni ikiliartorusaarumaartut naatsorsuutigineqarpoq. Pissutsit taamaannerini nunatsinni naalakkersuinikkut suliat killifffii Ulluni makkunani oqalliffimmi sammineqassapput. Aaqqissuisoq Frederik Lund.

Meeqqat akornanni sinilluarsimalluni qasuersimallunilu atuariartortarnissaq qanoq pingaaruteqartigaa? Attaveqaqatigeeriaasiat qanoq inissisimava? Mobiilinik ipadinillu atuinerat inuunerannut qanoq sunniuteqarpa? Apeqqutit tamakku Oqalliffimmi ilaatigut sammineqassapput. Aallakaatitassiortoq Daana Reimer Geisler

Folketingimut qinersinissap killiffia tusagassiuinermik suliallit peqatigalugit oqalliffimmi sammineqassaaq. Aallakaatitassiortoq: Aminnguaq Dahl Petrussen.

Folketingimut marsip ulluisa 24-anni qinersisoqassaaq. Nunatsinninngaanniit suut suliassaassappat, qinersinissaq ukiut siuliinut naleqqiullugu qanoq allaanerutigiva, apeqqutit ilaatigut taama ittut sammissallugit immikkut ilisimasalinnik pulaartoqarluni Oqalliffimmi naliliisitsisoqassaaq. Aaqqissuisoq: Thora Monrad Hansen.

Folketingimut marsip ulluisa 24-anni qinersisoqartussanngorpoq. Naalagaaffeqatigiinneq, namminersulivinnissaq aamma nuna allanut politikki oqalliffimmi sammineqartussat ilagaat. Tassunga atatillugu Inatsisartuni partiit siulittaasuinik aggersaavugut. Aaqqissuisoq Thora Monrad Hansen

"Nunatta killiffiani inuusuttut politikkikkut nipaat sumiippa?" Ulluni makkunani nunatta killiffia tunngavigalugu Oqalliffimmi inuusuttunik inuiaqatigiinni sullissisunik pulaartoqarluta isummersortitsissaagut. Aallakaatitassiortoq Aminnguaq Dahl Petrussen.

"Nunatta killiffiani inuusuttut politikkikkut nipaat sumiippa?" Ulluni makkunani Nunatta killiffia tunngavigalugu Oqalliffimmi partiit inuusuttaannik pulaartoqarluta isummersortitsissaagut. Aallakaatitassiortoq: Aminnguaq Dahl Petrussen

Nunatsinni inunnik isumaginninnermi siunnersortit kommunini atorfillit - pingasuugaangata marluk inuttaqarneq ajorput, taamaammat iliuuseqartoqarnissaa pisariaqarsorineqarpoq. Iliuusissat suusinnaappat - taanna apeqqut aallaavigalugu oqallitsitsivugut. Aallakaatitami aqutsisoq: Lis Lindenhann Jokumsen.

Nunarput nunarsuarmi naalagaaffiit pissaanillit akornanni inissisimalluni ukiuni makkunani pileritsaasimaneqarpoq. Pissutit sungiusimasatoqqavut ilarpassui allanngorluinnartussanngorput. Allanngorneq qanoq ittuussanersoq ukiuni makkkunani inuusugut aqutseqataaffigissagusigu sussaagut? Aallakaatitsivimmi oqarasuaatikkullu peqataasoqarluni oqaloqatigiissitsinermi Frederik Lund aqutsisuussaaq.

Nunarput USA-mit soqutigineqarpoq, allaallu tigujumaneqartarluni. Nunarput nunarsuatsinni tusagassiorfinnit soqutigineqaqaluni malittarineqarpoq. Naalakkersuisunut ilaasortat qitiusumik inissisimasut peqatigalugit suliat pisimasullu killiffissiorpavut. Aaqqissuisoq: Thora Monrad Hansen.

Ulluni makkunani pisut killiffii, partiit siuttui peqatigalugit oqalligisineqassapput. Aaqqissuisut: Frederik Lund aamma Aminnguaq Dahl Petrussen

Oqalliffik Ulluni makkunani nunatsinni nunarsuatsinnilu pisut tunngavigalugit, tusarnaartut apeqqutigerusutaat apeqqutillu inooqatigiinnitsinnut tunngasut Oqalliffimmi sammineqassapput. Ilaatigut pisut nutaarsiassallu sakkortusigaangata meeqqat inuusuttullu oqaloqatiginissaannut inooqatigiinnermilu akunnitsinni eqqartueqatigiinnermi sakkussat, kiisalu inuit attaveqaqatigiiffiini pissutsit sillimaniarnissamullu tunngasut tikinneqassapput. Aallakaatitassiortoq: Aminnguaq Dahl Petrussen.

Meeqqat ineriartorneranni avatangiisit sunniisinnaanerat inersimasunngornermilu inooriaatsimut sunniuteqarsinnaanerat Oqalliffimmi sammineqassapput. Inersimasunngornermi pitsaanngitsumik atornerluiffiusumillu inooriaaseqarsinnaanerup nassatarisinnaasai kiisalu pitsaanerusumik inooriaaseqarusulerluni aalajangeraanni qanoq iliortoqarsinnaanera eqqartorneqassapput. Ilisimatitsissutigissavarput Oqalliffik radiokkuinnaq aallakaatinneqassammat, peqataasussat tamarmik sineriammi najugaqarmata. Aaqqissuisoq: Thora Monrad Hansen.

USA-mit qallunaat nunaanniillu aallartitat nunatsinni tikeraaqqammerput, siunertaalluni USA-p nunattalu akornanni suleqatigiinnerup politikikkut nukittorsarneqarnissaa. Massakkut killiffimmi, USA-p nunattalu akornanni pissutsit Oqalliffimmi nalilersortinneqassapput. Aallakaatitassiortoq: Aminnguaq Dahl Petrussen

Sapaatip-akunnerata naanerani ataasinngornikkullu nutaarsiassat ammaraanni politiit pingaartuisa saaffiginnissutit tigusimasaat 40-t sinneqartartut atuarneqarsinnaasarput. Pisimasut amerlanerpaartaat aalakoornartortalimmik imigassartorsimanermit peqquteqartarput, saaffiginnissutit ilaat aamma meerartaqartarput. Saaffiginnissutit ikilisinneqassappata qanoq iliortoqarsinnaava? Apeqqutit ilaatigut taama ittut Oqalliffimmi pulaartoqarluni sammineqassapput. Aaqqissuisoq Thora Monrad Hansen.

Oqalliffik Ukiuni kingulliunerusuni peqatigiiffiit suaarutigisarpaat nammineq kajumissuseq tunngavigalugu sulisunik amigaateqartarneq. Oqalliffimmi nammineq kajumissuseq tunngavigalugu sulinermik misilittagallit tamanna pillugu oqallitsinneqassapput. Aaqqissuisoq: Aminnguaq Dahl Petrussen.

Inuiaqatigiittut killiffik aamma inuit akunnerminni pissusilersuutigisartagaat Oqalliffimmi sammineqassapput. Aaqqissuisoq: Thora Monrad Hansen.

Nunaqarfiit ineriartortinneqarnissaannut pilersaarummik Naalakkersuisut suliaqartussanngorput. Pilersaarutissaq 2050-ip tungaanut atuutsinniarneqartoq pillugu oqallitsitsivugut. Oqalliffimmi aqutsisoq: Lis Lindenhann Jokumsen.

Inuit inoqatiminnik appisaluussisarnerat sakkortuumillu pissusilersortarnerat Oqalliffimmi sammineqassaaq. Pissusilersuutit taama ittut pineqartunut kingunerlussinnaasarput aammali qanigisaasut eqqorneqarsinnaasarput. Killissaa sumiippa, apeqqutit ilaatigut taama ittut Oqalliffimmi pulaartoqarluta sammissavavut. Aaqqissuisoq Thora Monrad Hansen

Neriuffiit Kattuffiat KNR-TV-kkut toqqaannartumik aallakaatinneqartumik katersuiniassaaq. Katersuiniarnermi aningaasat isertinneqartartut sumut aamma qanoq atorneqartarpat? Taama apeqqusiilluta Neriuffiit Kattuffianni siulersuisuni ilaasortat oqallitsissavagut.

Ulluni makkunani sinerissatsinni meeqqat atuarfiisa aqutsisui Nuummi isumasioqatigiisinneqarput, atuarfinni nalilersueriaaseq qulequtaralugu. Peqataasunik peqateqarluta oqalliffik ingerlatissavarput.

Oqalliffimmi sammineqassaaq "Issittumi isumaqatigiissut 2", taanna saqqummiunneqaqqammerpoq, Inatsisartunilu politikerit oqallitsinneqassapput.  Aallakaatitassiortoq: Thora M. Hansen.

"Naalakkersuisut Ilulissani GUX-imik tassungalu atatillugu ilinniartut inaannik kingusinnerpaamik ukioq 2027 naatinnagu pilersitsinissaannut peqquneqarnissaannik Inatsisartunut aalajangiiffigisassatut siunnersuut." Ilulissani GUX-itaarsinnaanermut tunngasoq Oqalliffimmi sammissavarput. Aaqqissuisoq: Thora M. Hansen.  

Imigassaq aalakoornartortalik pillugu ukiunut arlalinnut politikkissamut, ilisimatusarnermit tunngavilimmut, inassuteqaatit Naalakkersuisunit saqqummiunneqartut Oqalliffimmi sammineqassapput.  Aallakaaitassiortoq: Aminnguaq Dahl Petrussen. (Aallakaateqqissavarput aqagu ualikkut tallimat qeqqanut)

Meeqqat pillugit oqaaseqartartoq Naalakkersuisunut Inatsisartunullu ammasumik allagaqarpoq, ilaatigut kajumissaaraluni imminut toquttarnermi nunatsinni atukkat pillugit ajornaartooqqanermik nassuerutiginnittoqartariaqartoq. Tamanna Oqalliffimmi sammineqassaaq, ilisimatitsissutigissavarpullu sammisaq oqimaassinnaammat.  Aallakaatitassiortut: Lis Lindenhann Jokumsen aamma Aminnguaq Dahl Petrussen

Oqalliffimmi sammineqartoq tassaavoq Naalakkersuisut siulittaasuata Danmarkimut apriilimi angalasimanera, tassungalu atatillugu Danmarkimi ministeriunermik Mette Frederiksenimik ataatsimeeqateqarsimanerata inernera. Tamanna nunatsinni partiinit ataasiinnaanngitsumit apeqqutinik pilersitsivoq, ilaatigullu Namminersorneq pillugu inatsit qanoq allanngortinneqarsinnaanersoq pillugu oqaloqatigiittoqarsimaneranik oqaluttoqarnera isumakulunnartutut nalilerneqarluni. Partiit tallimat aallartitaat oqallitsippavut. Aaqqissuisoq Thora M. Hansen

Suliffeqarfinnik aallarnissaasut. Tassunga atatillugu Inatsisartut Inuussutissarsiornermut Aatsitassanullu Ataatsimiititaliaani ilaasortat oqallinnissamut qaaqqunikuuavut, eqqartugassaasalu ilagaat Naalakkersuisut isumaqatigiissutaanni allassimasut, apeqqutillu ilaatigut tikinneqartussat tassaapput; nunarput suup tungaanut ingerlassava? Aamma suut suliniarfiusariaqarpat?. Aqqissuisoq Thora M. Hansen."

Oqalliffimmi sammineqartussaq tassaavoq: "Suliffeqarneq siunissarlu". Ukiuni makkunani oqallisaangaatsiartut ilagaat suliffissaaleqisut, sulisussaaleqisut kiisalu siunissamut piareersarnissaq. Nunarput nutaanik naalakkersuisortaarsimalerpoq, Naalakkersuisoqatigiillu isumaqatigiissutaanni suliffeqarneq piginnaanngorsaanerlu aamma mininneqarsimanngillat. Inuiaqatigiit killiffiat pillugu kattuffiit oqallitsissavavut. Aaqqissuisoq Thora M. Hansen."

De næste to timer sender vi en dansksproget debat i forbindelse med det kommende Inatsisartut-valg, som afholdes 11. marts. Med i studiet er repræsentanter for partierne, og der vil blive debatteret forskellige emner blandt andet, sundhedsvæsenet, selvstændighed og økonomi. Debat værten er Mads Malik Fulgsang Holm.

Naalakkersuisunikkut sulinermi killiffik aamma Inatsisartunut qinersinissaq Oqalliffimmi sammineqarput. Peqataasut tassaapput Inuit Ataqatigiit siulittaasuat Múte Bourup Egede, Siumup siulittaasua Erik Jensen, Naleqqap siulittaasua, Pele Broberg, Atassutip siulittaasua Aqqalu C. Jerimiassen aamma Demokraatit siulittaasuat Jens-Frederik Nielsen. Aaqqissuisoq Thora Monrad Hansen.

Nunatsinni angerlarsimaffeqanngitsutut nalunaarsorneqarsimasut nuna tamakkerlugu 2022-mi kisinneqarmata 491-iupput. Kisitsisit appartinniarlugit qanoq iliortoqartariaqarpa? Apeqqutit ilaatigut taama ittut akissutissarsiniarlugit partiit Inatsisartuni ilaasortaatitaqartut pulaartoralugit oqallitsippavut. Aaqqissuisoq Thora Monrad Hansen

USA-mi præsidentitut januaarip 20-ani ivertinneqartussap Donald Trumpip ernera Donald Trump Jr.-ip Nuummut marlunngormat tikeraarnera innuttaasunit amerlaqisunit arajutsineqarsimagunanngilaq. Tusagassiorfiit nunanit allaninngaanneersut nunatsinneersullu malinnaasut ulloq unnuarlu allaaserinnillutillu aallakaatitassiaraat. Oqaluuserineqangaatsiartorlu tassaavoq tikeraarnera nunatsinnut qanoq kinguneqassanersoq kiisalu nunatta nunanut allanut politikkianut qanoq sunniuteqartigissanersoq. Inatsisartuni partiit aallartitaat Oqalliffimmi pulaartorineqarput. Aaqqissuisoq Thora Monrad Hansen

Aappaagumut aningaasanut inatsisissatut siunnersuut Inatsisartunit amerlanerussuteqartunit novembarip 22-ani akuersissutigineqarpoq. Kattuffiit aningaasanut inatsisissaq pillugu isummersortippavut. Aaqqissuisoq Thora Monrad Hansen.

Inatsisartut ukiakkut ataatsimiinnerat immikkoortunut marlunnut avinneqarsimasoq immikkoortuisa siulliat tallimanngormat naammassivoq, aatsaallu februaarimi naapeqqissapput. Inatsisartut 2025-mut Aningaasanut Inatsit ataatsiinnerminni ullormi kingullermi naammassillugu oqaluuseraat, amerlanerussuteqartunillu akuerineqarluni. Partiit siuttui oqallitsinneqarput, tassaappullu: Inuit Ataqatigiit siulittaasuat Múte Bourup Egede, Atassummi siulittaasup tullia Bentiaraq Ottosen, Demokraatit siulittaasuat Jens Frederik Nielsen, Siumup siulittaasua Erik Jensen aamma Naleqqap siulittaasua Pele Broberg. Aaqqissuisoq Thora Monrad Hansen

Kommuuninut apriilimi qinersissaagut. Kommuunit siunissaat qanoq isikkoqarpa, aappaagu qinersinerup kingornatigut qanoq suleriaaseqassappat, kommuunit aggulunneqarnissaannik kissaateqartoqartarmat agguluinissap tungaanut sullissineq pitsaanerpaaq qanoq anguneqarsinnaava? Apeqqutit ilaatigut taama ittut pillugit borgmesterit Oqalliffimmi isummersortitsissaavut. Aaqqissuisoq Thora Monrad Hansen

Takornarialerineq qanoq ilusilersorneqassavara, tamanna pillugu Naalakkersuisut inatsisissanik nutaanik marlunnik suliaqarput, Inatsisartunit novembarip 15-iani aappassaaneerlugit oqaluuserineqartussanik. Takornarianit ornigarneqarluartartoq tassaavoq Ilulissat. Ilulissani takornarianik sullissisut inatsisissat pillugit Oqalliffimmi isummersortissavavut. Aaqqissuisoq Thora Monrad Hansen.

Nunarput Nunat Avannarliit Siunnersuisoqatigiivini qanoq siunissaqartigiva? Apeqqut tamanna akissutissarsiniarlugu partiit Inatsisartuni ilaasortaatitaannik Oqalliffimmi peqataajumaasinnaasunik qaaqqusinikuuvugut, peqataasullu tassaapput: Inuit Ataqatigiinninngaanniit Pipaluk Lynge, Naleqqaminngaanniit Pele Broberg, Atassumminngaanniit Bentiaraq Ottosen, Demokraatininngaanniit Nivi Olsen aamma Siumuminngaanniit Kuno Fencker. Aaqqissuisoq Thora Monrad Hansen.

Inuiaqatigiinni ingerlaaserput eqqarsaatigalugu sumut killippugut? Apeqqutit ilaatigut taama ittut Oqalliffimmi sammissavavut. Inatsisartuni oqallinnerit sakkortuut kingullertigut pipput, allaallu naalakkersuisumik ataasiinnaanngitsumik tatiginnikkunnaarnermik taasisitsisoqartarsimalluni. Oqalliffimmi peqataasut tassaapput: Naleqqap siulittaasua Pele Broberg, Siumup siulittaasua Erik Jensen, Inuit Ataqatigiit siulittaasuat Múte B. Egede, Demokraatit siulittaasuat Jens Frederik Nielsen aamma Atassutip siulittaasua Aqqalu C. Jerimiassen. Aaqqissuisoq Thora M. Hansen.

Sapaatip-akunneranut sulisarneq 40 tiimit 35 tiiminut appartinneqassappat inuiaqatigiinnut qanoq kinguneqassanersoq Naalakkersuisut misissueqqullugit Inatsisartuni ilaasortap Demokraatinneersup Anna Wangenheimip siunnersuutaa Inatsisartuni oqaluuserineqartussat ilagaat. Tassunga tunngatillugu kattuffiit qanormita isumaqarpat? Nunatsinni kattuffiit ilaasa aallartitaannik oqallitsitsivugut, peqataasullu tassapput: Sulinermik Inuussutissarsiuteqartut Kattuffianni siulittaasoq Jess G. Berthelsen, Atorfillit Kattuffianni, siulittaasoq Dina Olsen, Nunatsinni Perorsaasut Kattuffianni siulittaasoq Arnaq Brønlund aamma Sulisitsisuninngaanniit Bent Sørensen. Aaqqissuisoq Thora Monrad Hansen.

Nunatsinni sapaatip akunneranut sulisarneq 40 tiimiuvoq, tamanna 35 tiiminut appartinneqarpat inuiaqatigiinnut qanoq sunniuteqassanersoq Naalakkersuisut misissueqqullugit Inatsisartuni ilaasortaq Anna Wangenheim siunnersuuteqarpoq. Partiit Inatsisartuni ilaasortaatitaqartut oqallinnissamut periarfissinnikuuavut, Oqalliffimmilu peqataasut tassaapput Demokraatininngaanniit Anna Wangenheim, Siumuminngaaniit Mala Høy Kúko, Inuit Ataqatigiinninngaanniit Lars Salik Henningsen, Atassuminngaanniit Aqqalu C. Jerimiassen aamma Naleqqaminngaanniit Pele Broberg. Aaqqissuisoq Thora Monrad Hansen.

Sulisinnaasut sulinngitsut illuatungaanilu suliffeqarfiit sulisussaaleqisut Oqalliffimmi sammineqarput. Inatsisartuni ilaasortat peqataasut tassaapput Atassumminngaanniit Aqqalu C. Jerimiassen, Naleqqaminngaanniit Jens Napaattooq, Inuit Ataqatigiinninngaanniit Kristian Jerimiassen, Siumuminngaanniit Mala Høy Kúko aamma Demokraatininngaanniit Jens Frederik Nielsen. Aaqqissuisoq Thora Monrad Hansen

Naalakkersuisut siulittaasuat Inatsisartut ukiaanerani ataatsimiinnerat aallarnerlugu tallimanngormat kingullermik oqalugiarpoq, taannalu Inatsisartunit ataasinngormat oqaluuserineqarpoq. Partiit Inatsisartuni ilaasortaatitaqartut siulittaasuisa oqalugiaat tunngavigalugu oqallitsippavut. Peqataasut tassaapput: Demokraatit siulittaasuat Jens Frederik Nielsen, Naleqqap siulittaasua Pele Broberg, Siumup siulittaasua Erik Jensen, Inuit Ataqatigiit siulittaasuat Múte Bourup Egede aamma Atassutip siulittaasua Aqqalu C. Jerimiassen. Aaqqissuisoq Thora Monrad Hansen

Ataatsimoorluta inissiat peqqissuutitsigit. Naalakkersuisut Namminersorlutik Oqartussat inissiaataannik iluarsartuussinissamut pilersaarutaat" saqqummiunneqaqqammerpoq. Partiit Inatsisartuni ilaasortaatitaqartut Oqalliffimmi peqataapput, tassaappullu: Naleqqaminngaanniit Pele Broberg, Siumuminngaanniit Kuno Fencker, Atassumminngaanniit Bentiaraq Ottosen, Inuit Ataqatigiinninngaanniit Kristian Jerimiassen aamma Demokraatininngaanniit Jens-Frederik Nielsen. Aaqqissuisoq Thora Monrad Hansen.

Inatsisartuni ilaasortat maannamut 31-upput, taama amerlassuseqartuaannassappat? Kisitseriaaseq allanngortinneqassava? Nuna tamakkerlugu qinersivik ataasiinnaasoq allanngortinneqartariaqarpa, kommuunitoqqat qinersiviit uterfigineqassappat? Apeqqutit ilaatigut taama ittut Inatsisartuni ilaasortap Naleqqaminngaanneersup Jens Napaattuup Inatsisartunut oqallisissiarisimavai. Taakku akissutissarsiniarlugit Inatsisartuni partiit aallartitaat oqallitsippavut, tassaappullu: Inuit Ataqatigiinninngaanniit Aqqaluaq B. Egede, Siumuminngaanniit Kuno Fencker, Demokraatininngaanniit Nivi Olsen, Atassumminngaanniit Aqqalu C. Jerimiassen aamma Naleqqaminngaanneersoq Jens Napaattooq. Aaqqissuisoq Thora Monrad Hansen.

Arctic Umiaq Linemut kiffartuussinissamut isumaqatigiissut aappaagu ukiup naanerani naassaaq, taassuma kingorna angallassinikkut aaqqissuussaaneq qanoq iluseqassava? Arctic Umiaq Linemik isumaqatigiissut nanginneqassava imaluunniit taamaatinneqassava? Oqalliffimmi peqataasut tassaapput: Naleqqaminngaanniit Pele Broberg, Demokraatininngaanniit Jens Frederik Nielsen, Atassumminngaanniit Aqqalu C. Jerimiassen aamma Siumuminngaanniit Anders Olsen. Aaqqissuisoq Thora Monrad Hansen.

Oqalliffimmi qulequtarineqartoq tassaavoq Naalakkersuisut 2025-mut Aningaasanut Inatsisissatut Siunnersuutaat. Oqallinnermi peqataasut tassaapput Demokraatit siulittaasuat Jens Frederik Nielsen, Siumup siulittaasua Erik Jensen, Inuit Ataqatigiinninngaanniit Asii Chemnitz Narup, Naleqqap siulittaasua Pele Broberg aamma Atassutip siulittaasua Aqqalu C. Jerimiassen. Oqalliffimmi aqutsisuuvoq Thora Monrad Hansen.

Avannaata Kommuniata siunissaa qanoq isikkoqarpa? Aaqqissuisoq Thora Monrad Hansen.