OSEMSAMO LIMPHOSA EMNYANGO

Sisaraga ngeeqephu zakade. Namhlanje siphinda isiqephu sesihlanu. Khesizwe uMtambara  noSalamina

Namhlanje sisabuyelela isiqephu sakade ekusiqephu sesine. Akhe sizwe Umtambara noSalamina bona baphethe yiphi noSbhidla banoMandla ngokubanga ikhuwa.

Umlaleli sisamkhumbuza kade lapho kwathoma khona Osemsamo. Kanti abomma ngesikhatheso bebayazi Valentines kodwana abobaba abazwisisi begodu abayazi. Akhe silalele.

Mlaleli sithi akhe sikukhumbuze lapho sathoma khona ngeenqephu zethu zosemsamo. Namhlanje sibuyelela isiqephu sesibili somdlalo werhu. Sikhumbula iSalamina okungu Cynthia Nkosi, Ruben okungu Johan Niemandt, Sbhidla okungu David Nkosi, Nakotheni okungu Joyce Thugwana, Mtambara okungubaba uMathebula. Sithi imoya yabo ilale iphumule ngokuthula.

Maye uMasilela uyatlhaga, kodwana uyokubona enzeni uyokubhaqa kube kunini? UNaGembe sekasola abogadi ngeendakanizwa ezitholakale ekoloyinakhe

Ithuna litjhabalele, kazi liyephi, lenjiwe kgani?  Asazi khesizwe. Napa abafazi ababili baneenhliziyo ezimbi ebantwaneni babo, bazwana ngento embi bababelethi!

Kodwana izokulunga into ka Fuduka noStapura le ngoba ngathi uSmangele sekabona bona kwenzakalani. kanti kubayini uPhephe ufuna uBikwaphi abe ngumama's baby, akamboni bona sekangazijamela yindoda! UMasilela uyazibona kwamambala, uthi  akakazubhubha nje!

 Kwanje khona uHlengiwe lo ngathi uthanda iindaba zabantu, wezwa indaba uyagijima , hayi akathuli. Isukile godu phakathi kukaMtsweni noFridah kazi bayokuphelelaphi ngokulwa. Kubayini uFridah angatjheji iqhegwana lakheli uMtshweni.

Kanti ngubani ongemva koSmangele kangaka, ngubani owenze into embi kangaka kuye. Hey uMasilela lo ngekhe abanjwa bulelwe behliziyo ngokuhlukunyezwa kangaka ngethuna likaLindeni.

Kodwana ikhona into ezokulunga efunwa nguFuduka lo, akazibangeli amapholosa nje? Kgani uPhephelaphi lo banoFriedah basemtlhaleni owodwa ngokuhlukanisa abantwana? Akhe siyilandelele indababo le. UNesta wawuphula madekhethu umoya kamasiela,  Kanti uMasilela wadlani kabaniq akhe sizwe.

UNamalobola lo uzoyikghona into ayenzako le yokuhlanganisa uKanabo noDzubhana. UTables ngiyiphi ihlonipho ayifunako kuNdabezitha. Tables! injalo ke into yokungena emzini ongasi ngewakho. USmangele lo kwangathi  urhatjha isiphila kuKanabo, akhe siyilandelele indaba yabo le.

Kanti kubayini uMasango angafuni ukuzwa litho elivela kuStapura aswabisa   uMasilela kabuhlungu kangaka ekubeni ingasikade bekamthokoza ngokuthembeka njengendoda yekosini. Kubayini uFredah angafuni ukwakhisa kodwana afuna ukubhuruza umtjhado kaTjhudu. Kanti kubayini abiza umkhwenyanakhe ngebizo. UMtshweni ukhombisa ukuba yindoda la. Ngapha ngumma kaBikwaphi ufuna ukudosa uBikwaphi ngepumulo.

uHlengiwe lo kubayini kwangathi yihlanganisa nje, ungenaphi endabeni yomrhatjho nendabeni yomtjhado kaSluma? Kuhle kuhle uFuduka lo umfunani uSmangele, uFuduka kubayini ahloye uSmangele kangaka?  Kuyokuphela nini ukunghwarana phakathi kukaToploss noThabisile, uToploss sekafuna umzakhe, ufuna ukuphuma emzini kaThabisile, kanti kubayini?

Awa uBikwaphi ngasuthi akana bubalekelo! Nokho umma uPhephe naye akazwani nokuthula. Kanti uNesta ulindele bona uStapura uzokutjhuguluka angasaba ngutsotsi na? Umma uFrieda naye ufana nomkhozakhe umma uPhephe! Abazwani nokuthula.

UNamalobola nakathi usebenze budisi utjho ngokweba umrhatjho ka Kanabo? Uqinisile uNesta, uFuduka kufuze kube nguye umsolwa wokuthoma, nanyana aphika nje. UDlambili lo usathemba uStapura?

UNamalobola nakathi usebenze budisi utjho ngokweba umrhatjho ka Kanabo? Uqinisile uNesta, uFuduka kufuze kube nguye umsolwa wokuthoma, nanyana aphika nje. UDlambili lo usathemba uStapura?

Uqinisile uBikwaphi. Akakhambe ayokulungisa zakhe nomkakhe. UKanabo ufuna uMandla kangaka nje, uzomenzani? Uqinisile uMtshweni, unina lika Tjhudu no Phephe bayafana!

Kazi uDzubhana ukuphi uKanabo nakafuna ukuhlala noSmangele nje? Mbala unesibindi umntazana wakwa Gembe lo! Bekhabomkhulu kaLindeni, yimbi into abafuna ukuyenza le.

Mbala uNesta ngasuthi ufuna ukubalekela uMasilela no Dumako. Kazi ngubani obegade adumuza uBikwaphi no Smangele? Kanti umma uPhephe kubayini afuna ukufihlela uTjhudu indaba engaka? Mbala uFuduka ngasuthi ubambekile.

UDlambili angavuma bona kwenjiwe ithuna lomntwana wakhe. UFuduka uyisakude indaba yomsebenzi le. Ipilo kaSmangele ihlala isengozini akhuzi na!!

UFuduka ukwatisa ubabethu akhuzi na. Wenzani afuna ukufumbathisa uDumako! Mbala uphathisa iinhloni. Umma uPhephe ufuna ukwenzisa uSmangele izinto eziphume endleleni. Maye uMasilela uzokubona atheni ngendaba engaka.

Maye uFuduka uze nenye kwanjesi. Akamukele bona uSmangele usithethe isikhundla. Abo Toploss namhlanje ngibo abafuna isizo lika Kanabo. Maye, uSmangele usazozibona KwaMasipala akhuzi na! Zakwa Masilela azipheli.

UBikwaphi nakathi akusibo boke abantu utjho uFuduka na? UFuduka kanti ufuna incwadi yokubamba umtjhagalo nje, utjhagalela ini? Uqinisile umma uFrieda, munye wabo kufuze ehle. UToploss noBakwateleni nabo kancani kancani bayanghwarana.

Umoya kaLindeni awulale ngokuthula. Mbala sidephile isikhethu. Uqinisile uBikwaphi!! Ukunghwarana okukhona phakathi kuka nina nomkhwekazakhe kufuze kuphele. Nokho kuhle ukubona UStapura asekela uyise.

Kazi sizokwamukelwa isibawo sika Stapura sokuyokubeka umnakwabo uLindeni? Uqinisile uToploss! Utjhaphele uKanabo. UFuduka lo kuyatjho bona uzokukwatela woke umuntu osekela uSmangele.

UNamalobola usebenze budisi njani ukufumana umrhatjho ngombana bawebile?  Asithembe bona uKanabo uzozifumana zoke izinto athathelwe zona. Zakwa Masilela zibuhlungu.

Maye uFuduka unomona. Nangu umuntu akwatela isikhundla ngasuthi bekungesakhe. Nokho uyatlhuwisa uMasilela. Ababuyisele umrhatjho kumnikazi.

Mbala athini amahlelo ka Namalobola no Toploss ngomrhatjho ku Kanabo? Ncancabe ngalezi ezimbi ezikwehlakaleleko Dlambili. Kanti umma uHlengiwe sele amkhozi ka Stapura na?

UNamalobola ngasuthi ipilwakhe isengozini. Kuzomsiza bona babhadele uMandla. UFuduka bamthathele muphi umsebenzi ngombana bekangakaqatjhwa? Maye! Kanti kwenzekani ngo Masilela?

UToploss nokho uyazibona ukuthi utjhaphele uKanabo. UNamalobola akabhadele uMandla nakafuna into ehle. Maye uFuduka ngasuthi uyabhudanga! UNesta wancenga uStapura kangaka nje, azikho ezinye iindlela angafumana ngazo uGumbagumba na?

Kazi uNamalobola uthunjwe ngubani njengombana kusolelwa uKanabo nje? Mbuzo omuhle obuzwa nguKosabo lo, buphi ubufakazi Toploss? Mbala uFrieda ngasuthi unomona.

UToploss lo unesiqiniseko esingangani bona uKanabo nguye othumbe uNamalobola? Uqinisile umma uPhephe, uFuduka uzozikhakhazisa khulu nakangasifumana isikhundla sokubamphathi. Nango ke, afuna ukuthenga umsebenzi.

Kanti uToploss wenzani asahlela abantu ngesigidi? UMasilela kanti naye kubayini bekasebenza no Gumbagumba amazi nje bona ngutsotsi omkhulu. Maye uFuduka ukhuluma khulu ngasuthi sele asifumene isikhundla.

Kazi uNamalobola ukuphi nakafunwa ngapha nangapha nje? USmangele kanti yena kubayini anekareko kangaka ngendaba ka Kanabo no Dzubhana? Maye uMtshweni uyadelelwa kwakhe.

Kanti uKanabo usafuna ukulungisa umtjhadwakhe no Dzubhana? Iye buyela kwenu Smangele. Nokho uFrieda akalibalele uMasilela njekhona. Nango ke uToploss akasafuni ukuthi babhadele uMandla.

UToploss uqinisile ngoKanabo noSmangele. Napa nje bahlela ukukhamba boke eSun City. UFuduka lo uphezukwani nakasele afuna uMandla kangaka nje? Kazi ngubani otlhagisa uSmangele kangaka lo?

UKanabo lo uzifuna anoSmangele akhuzi na, uthome ngokuthi bahlale boke, nje sele afuna ukumkhuphela eSun City? UKosabo akhe alalele uyise. UBikwaphi uyezwakala bona imudinile ipi ehlangana nonina nomkhwekazakhe.

Kuhle ukuzwa bona uKosabo akathuswa nguStapura. Mkhozi wamambala kuNcema! Asithembe bona uNamalobola uzokwenza njengokuthembisa kwakhe. Kanti umma uPhephe ufuna uBikwaphi enzeni, ngombana umbawile umkhwekazi wakhe bona asule icala?

UFrieda uthanda ukulwa akhuzi na! UStapura lo uhlathulula ukuthi, namhlanje ngutsotsi omkhulu nje, ngombana uyise akakamkhulisi? Umma uHlengiwe unabo ubufakazi bokuthi wetjelwe ngu Gumbagumba ifuyo na?

UMasilela liqhegu kodwana uzibandakanya ezintweni eziphambene nomthetho bese alile nakaqedako. Kazi umaFriedos uzowusula na umlandu awuvulele umma uPhephe? UKanabo lo ngasuthi ufuna ukubuyela emarubhini.

Uqinisile uDumako,uStapura kade afaka uMasilela emrarweni. UNamalobola naye wafuna uToploss ngasuthi ufuna ifuyo elahlekileko nje. Nangu uStapura afuna ukusebenzisa umntwana.

UStapura ufuna ini kuKosabo nakamthusela kangaka nje? UmaFriedos ubabona msinya khulu abadelelako kodwana yena akaziboni adelela. Yikulu into abayibangako.

Kazi kubayini uDumako akhambisa umma wesitjhaba? Kanti kunepi ezako na? Asithembe bona ukuba ngufakazi wombuso angeze kwafaka uSmangele, emrarweni omkhulu. UDzubhana ubaleke watjhiya umonakalo awenze epilweni ka Kanabo?

Maye iqhegwana labantu uMasilela! Naye akalise ukusebenza nabo Gumbagumba. UStapura nguye ofuna isizo kuHlengiwe namhlanje? Baqinisile nabathi umenzi uyakhohlwa.

Asithembe bona uSmangele uyokuphepha lapha ayakhona. UMandla amalanga la khona ukhuluma ngokufuna ukubulala abantu. Nokho uFrieda lo ukhwela azehlele ehloko ka Mtshweni. Nokho uDzubhana ulemuke sekulada bona uMandla ngusathana.

Kuhle ukuzwa bona uSmangele uphephile. Kazi ngubani obegade alinga ukumusahlela lo? UmaFriedos akakazimiseli ukulibalela uMasilela akhuzi na begodu nangu athusela bemtjhade. UDzubhana waphosa ipama madoda.

Beyaphuma indaba ka Gumbagumba. UKosabo wabatjela gade bona akakalungi umuntu lo. UToploss ucabanga bona uMandla uzobalisa nabangamnikeli imali ayifunako le? USmangele ngasuthi akakaphephi nakahlala ayedwa nje.