Podcast en forma sacabera

Pierdensenos ente los vericuetos de la memoria el numberu d'ediciones d' "En Forma Sacabera". Ye igual, nunca importo'l númberu, si non el conteniu. Esta ye la edición final, el momentu de poner un puntu y aparte a la banda sonora del planeta azul nel que sobrevivimos. Cola intención única de que lo disfrutaseis, salú ya dixebra.

Lo bono de que les fiestes de San Mateo n'Uvieu duren tantu tiempu, ye que les sacaberes pueden dedicar un par de sesiones a tal eventu. Lo malo, ye que nun esista un cartel acorde col gustu del maximu de persones. Ye igual, nos a lo nueso y ver que hai.

Ya sabeis, sobre too les incondicionales, que cualquier escusa ye bona pa les sacaberes; asina que como nun divemos aprovechar, agora qu'entama San Mateo a facer un repasu musical a lo que nestes fiestes aconteza. Cuatru escenarios, ún d'ellos dedicao a la escena llectronica; otru al concursu de rock ciudá d'Uvieu, unu mas pal jazz y les musiques del mundu; y el caberu, el de mas alcurnia, pa los nomes própios. Ente too esto, dalgo tendrá qu'haber ¿non?

Con sindrome postvacacional vuelven les sacaberes al trabayu cotidianu y ininterrumpiu. depues d'un mes d'agostu de variavilidá programatica, retomamos cola banda sonora del planeta azul. Pa esta ocasión facemonos ecu d'eses canciones que pululen pola nuesa discoteca y que faen referencia al mes de depues, setiembre. Nesta nueva edición d' "En forma Sacabera" acompañennos Los Enemigos, Frank Zappa, Maga, Marta Baisan, Carlos Berlanga, earth wind & fire, Marianne Faithfull y unes cuantes illustres mas de la canción melodica y moderna.

Hai vegades nes que lo meyor, sedria tar tiraes a la bartola en cualesquier llugar, menos sentaes delantre un microfonu. Esta ye una d'elles y esti el rellatu d'una salida de tiestu, nel que les uniques culpables pue ser que seyan la desidia y la galbana. Cola escusa de nun tener escusa nin filu conductor, facemos un repasu a delles músiques que nós creemos que tienen daque que ver unes con otres. Na mas lloñe de la realidá.

Pa esta edición d'"En Forma Sacabera" optamos pol formatu 2X1. Un grupu, dos canciones, aprovechando dalguna recomendación y que la canicula agosteña impide que les sacaberes se muevan de forma natural. Con una voz asemeyada a la d'un Tom Waits resacosu, atacamos un llunes mas el requexu sonoru de Radio Sele.

Esti añu, cellebrabase la decimu septima edición del festival Contempopranea n'Alburquerque, Estremadura y les sacaberes teniemos oportunida de dir, asina que porque non aprovechalo. Venti grupos en tres dies de festival, cuarenta grados a la solombra de dia y unos trenta de nueche, ozus por doquier y cerveza, muncha cerveza regada por cantidaes inxentes de pop, que mas podiemos pedir. Pues esto....

Una nueva edición del requexu sonoru de Radio Sele, onde se vuelve apostar pol formatu del corta y pega. Siguen siendo tiempos convulsos, sigue siendo momentu de llucha, sigue habiendo oportunidá de tener toles claves pa entender tolo que mos pasa. La musica, nesti casu nuevamente, nun ye na mas que banda sonora d'acompañamientu.

Pa esta edición d'"En Forma Sacabera" contratamos los servicios d'un tipu duru de verdá. Non los d'un d'esos de pacotilla, de los de equi toi yo y si pueo salgo corriendo, non. Contratamos al tipu duru por escelencia, la situación requierlo. Clint Eastwood nel papel de productor, direutor, musicu, padre y facha reconociu, pa poner banda sonora a esti programa d'"En Forma Sacabera"

Ante la insistencia popular y viendo'l trabayu de recopilación tan guapu que fizo l'equipu de documentación del programa, retomamos la idega de facer d'altavoz a eses reflesiones, escritos, albertencies y conseyos que vamos atopando na rede, concretamente en blogues y llibroscaras varios. La banda sonora pa esta edición d'En Forma Sacabera" ponenla dellos canta/chapautores modernos, los vieyos nun quisieron venir.

Nesta edición d'"En Forma Sacabera" recuperamos, copiamos y compartimos dellos testos que fuimos atopando al travies de les redes sociales, facebú y blogues sobretoo. La banda sonora pa esti programa ponla Xera, que col so nuevu trabayu, entitulau "Llume", traspasa la frontera de lo imaxinativo encuantes a la produción musical, aportando un trabayu, qu'ensin escaecer l'espiritu Xera, afondase nes nueves esperiencies sonores.

"Nueches de Radio" ta dirixio y presentao por Xuanxose Mariño y Mely Fernandez, na nueche de los martes (ente les 20 y les 21 hores), na sintonia de Radio Sele. Nesta ocasión, y acompañaes por Dañel Vallina, del programa "En Forma Sacabera" y Fernando, un collaciu de Radio L.lena, presenten el nuevu trabayu del grupu de ¿nu folk? "Llume" con Flavia y Verval como veceres y protagonistes d'esi nuevu proyeutu. "Llume" lleva la firma preciosista y reconocida de la banda de San Andres, que aprovecha les caberes tendencies en tecnoloxia y asoleya un discu, que presentara en direutu, con soniu 5.1, el futuru, un soniu envolvente y que mos fae apreciar la música en tres dimensiones. La sorpresa d'esti programa, ye la escucha en primicia pal universu sideral, de tres de les once canciones que contendrá'l discu y qu'entobia naide conoz.

Nesta edición d'"En Forma Sacabera" conseguimos, ensin pretendelo, un viaxe al travies del rap mas gamberru de Arma X, al hip hop mas cool de "Ghostpoet" y too metiendonos en praos de los qu'habitualmente fuximos por imperativu racional. Tamien ensin pretendelo salionos una edición reducida. Disfrutailo.

Alcuerdome, sudorosu y descompuestu depues de baillar el Stayin' alive como un posesu, cuando-y dicia a quien quisiese escuchar: pues los Bee Gees tuvieron unos años doraos ensin floritures vocales, faciendo na mas que pop sesenteru d'alta prestación. Yeren otros tiempos, agora ya nun baillo como un posesu, aunque sigo descomponiendome.

Nesta edición d'"En Forma Sacabera" surcamos los procelosos mares de la homerica obra "La Odisea". La escuca donosla en nuevu trabayu de Vinicio Capossela, onde entre otres referencies, atopamos les de los viaxes d'Ulises. Penelopes, sirenes, Itaques, Calipsos y muncha musica pa esta edición d'"En Forma Sacabera"

Añu de 1974, Portugal. Suena una canción eurovisiva, ye'l primer avisu. al día siguiente quien canta ye un perseguiu pola dictadura. La canción conviertese nun clasicu y entama una revolución. Ye mayu y neses feches el clavel ye lo mas barato y la flor de moda.

Ta claro, vamos dexando p'atras el fechu de ser moces, y aunque lo seguimos pasando teta, nun podemos escaecer que cada dia que pasa mas claros y duraderos son los sintomes postgayoleros. N'esta edición de güei d'"En Forma Sacabera" intentamos acordanos de lo que asocedio nel XXIV conciertu pola oficialida.

Esti añu toca la XXIV edición del conciertu pola oficialidá de la llingua asturiana, argumentu qu'"En Forma Sacabera" aprovecha pa facer la so ellección musical. Tuenda, Macadamia, Alfredo Gonzalez, La Bandina, De Miguel, Wolf y Quintana, Dixebra y Fala nun Caduca son el filu argumental del programa de güei.

"Llugar pla placer", programa miticu de Radio Sele, dirixiu y produciu por Roberto Bernabeu "Burma". Un espaciu amediau de ballorios, ritmos y melengreres, siempre fuera del cauce de la sensibilidá mayoritaria y al que "En Forma Sacabera" rinde, n'esta edición, homenaxe tardiu. "Lo que mas mos presto del 2011" ye'l discu añal y compilatoriu que "Burma" mos ufierta cada nuevu añu y que güei queremos conpartir con vosotres.

A vegades, nos mesmes mos sorprendemos ante tantu enfotu por llamar l'atención. Y quiciaves, n'esta edición del programa, hallamos llegao a un puntu onde lo mesmo nos de ocho que ochenta. Programar hora y media de copla en Radio Sele tien munchos bemoles, pero que quereis, tamos falando de Doña Concha Piquer...

"Tuya, mia, patadina y canción" ye l'afamada estaya d'"En Forma Sacabera" onde se ponen a prueba los gustos musicales de les elli reunides. N'esti casu, Saul Corral decatase pol motivu únicu de "The Smiths", mientres qu'el direutor del programa, ataca colos referentes smithianos y cargues fonderes de los ochenta. ¿Gustenvos los clasicos? Esto podria se una de submarinos.

Terminando'l mes de marzu y ye agora cuandu mos acordamos de echai una güeyada a lo que asocedia musicalmente nel añu 2011. De la mano de les llistes aparecies nun revista especializada y col sofitu de los discos d'acompañamientu de la publicación, repasamos dalgunos hits creaos nel añu pasau. ¿Realmente lo meyor?

Benjamin Escoriza foi la voz del grupu Radio Tarifa y mos dexo pa dir a dalgun sitiu mas cuerdu el pasau 9 de marzu. Con estos razonamientos y pensando que Radio Tarifa ye un grupu que mos presta de va muncho, afondamonos na so hestoria y damos un xiru de 360º programando dende rock progresivu a ritmos mediterraneosy inclusu flamenco. Somos la hostia.

"La vida secreta de las palabras" ye una pelicula d'Isabel Coixet, onde mas o menos, cunta la hestoria de varios personaxes nuna plataforma petrolifera. Ye un dramon, si, que vamos facer, pero un dramon bien musicau. N'esta edición d'"En Forma Sacabera" aprovechamos la banda sonora de "La vida secreta de las palabras" pa terminar col xuegu entamau col rap cantau n'arabe y la esperiencia polipoetica ¿Nun atalantais nada? nel programa tan les soluciones.

Ensin querer pretendelo, facemos d'esta edición, la segunda parte d'una triloxia que tien comu nexu comun la pallabra. Nun primer momentu, y depues de haber sentio un corte d'audio so'l rap y los grupos de rap que prautiquen esti estilu musical en llingua arabe, quisimos afondanos un puquiñin mas n'esi arte. Y agora, cola escucha reiterada y posesiva del discu "Lliteratura de baille" de Mansilla y los espias, afondamonos nos estilis del "spoken word", la pallabra falada o la polipoesia. La tercera pata d'esti bancu tendremosla na siguiente edición del programa fixandonos na banda sonora de "La vida secreta de las palabras".

Edición especial de Radio sele con motivu de la sexta edición del premiu al meyor cantar n'asturianu, correspondiente al añu 2012. el premiu al meyor cantar crease nel añu 2007 cola intención de premiar por parte del principau, los meyores cantares fechos en llingua asturiana y espublizaos nel añu anteriór. El premiu consiste nuna pieza artistica, valorada nel circuitu con unos 2000 euros y la participación del grupu ganador nel festival de llingues minorizaes Liet-Internacional. Esta ye la primer vegada que Radio Sele fae la retransmisión de dichu eventu.

Que en "En forma Sacabera" sabemos poco de música, ye bien sabio. Que prauticamente nun sabemos na de rap, hip-hop o como quiera que lo querais llamar, ye cierto. Pues imaxina-y que queremos falar de música moderna en formatu rap, pero col handicap, de querer facelo metiendomos nel mundu arabe. ¡Mamina! Que guapo ye facer programes como esti.

Aprovechando l'antroxu, les sacaberes disfracense de pirates y abordan nesti programa, la sesta edición del premiu al meyor cantar n'asturianu, repasando les ya galardonaes y echando-y una güeyada a les cinco finalistes d'esti añu 2012, que como sabeis ye la escoyeta de la meyor canción fecha n'asturianu y asoleyada dientro de un discu espublizau l'añu anterior.

Con motivu d'una "recomendación" musical por parte d'una bona amiga, aprovechamos pa dar un voltiu sonoru pol Africa negra, rescatando y conociendo una pequenisima parte de lo qu'elli se ta cocinando musicalmente. Modernidá y tradición danse la mano nesta nueva edición d'"En Forma Sacabera"

Nesta edición d'"En Forma Sacabera" abordamos la ingrata tarea de poner la música a esi momentu enguedellosu de prender toles lluces del garitu de turnu y amenizar la despedia etilica de les parroquianes trasnochadores. Una música que a vegades resulta ostensiblemente chirriante pa les orelles y otres azicate pa insistir na nuesa firme renuncia al abandonu del local.

Con motivu del 25 cumpleaños de los miticos Dixebra "En Forma Sacabera" aprovecha pa echa-y una güeyada a parte de los temes clasicos de la banda, asoleyaos nun discu compilatoriu que cellebra dichu eventu. Venti canciones revisitades polos de Corvera que mos dexen dalguna que otra sorpresa.

Esti putu mundu va tan rapido, que les noticies pasen per delantre de nos, como los postes que hai al llau de les vies cuando vas nel rapidu d'Irun. Nesta edición d'"En Forma Sacabera" decicimos paramos y echamos-y una güeyada a un proyeutu musical y comunitariu na onda del 15M, la "Fundación Robo".

Una edición mas d'"En Forma Sacabera", onde la polémica, bien entendida, ye'l leit motiv y el filu conductor del segundu programa del añu en cursu 2012. Llorones, hevys, contestataries, gafes de pasta y música, muncha musica de la bona, esto nun lo digo yo, que si lo dixera diria que de la meyor.

A esto llamo yo entamar bien l'añu. Primera edición d'"En Forma Sacabera" y echamos mano del "Tuya, mia, patadina y canción" onde xunto a Xulio Vixil vamos compartiendo musica y esperiencies, y siempre baxo l'atenta mirada dun convidau de piedra que mos visita dende Mallorca, Rafel Bestard.

Si-y ficiesemos casu al titulu del programa, podriemos pensar qu'el güelu Cebolleta ta dispuestu a cuntar les sos hestories de mocedá, cuando de chigre en chigre, nun facia otra cosa que buscar el dia. ¡Pues non! Lloñe tais toles que pensais eso, aunque acuerdome yo d'un dia que sali de folixa y nun llegue hasta...

Nun arranque impetuosu, tiramos del filo que dexavemos colingando na edición pasada d'"En Forma Sacabera": discos aburridos d'interpretes con canciones reseñables, llibros cara y cuentos clasicos y non tan clasicos que mos lleven por derroteros musicales ente princeses, principes y reinos multicolor.

Nesta edición d'"En Forma Sacabera" ponemos-y banda sonora al cuartu añu de cellebración del Outono cultura qu'entama l'asociación xuvenil Mezá. Tamien intentamos la exploración esperimental so la base de dir a buscar les canciones que les oyentes del programa cuelguen nes redes sociales.

Nesta edición d"En Forma Sacabera" damos-y un repasu a les doce canciones nes correspondientes llingues que van tar representaes nel festival de llingues minorizaes Liet-Internacional, qu'esti añu 2011 va cellebrase n'Udin, Friûl, y onde Radio Sele va mandar un equipu fa conseguir traenos el nerviu del direutu.

Edición previa de la previa enantes de colar pa Udin, a la retransmisión del festival Liet 2011, que como esti añu va llevanos al Friûl (Italia), nos aprovechamos pa sacar a la lluz una serie de musiques qu'ensalcen les correries de la ‘Ndrangheta, que ye como se noma a la mafia calabresa, que a la postre ta pal sitiu contrariu al que vamos, pero a nos danos lo mesmo. A estes altures...

Pa esta edición d'"En Forma Sacabera" tiramos de respetu y cariñu y dedicamos-y el programa al direutor de telecomunicaciones p'Asturies JOSE ANTONIO DIEZ MENENDEZ, que mos obliga a escaecenos "de momentu" de la frecuencia modulada. Insistimos, con respetu y cariñu.

"En Forma Sacabera" averase al estante de "pendientes" y recupera dellos discos de recomendaciones pasaes, lo que-y trae a la memoria aquellos campamentos estivales onde quien sabia tocar la guitarra y entonar canciones del Silvio Rodriguez yera'l que triunfaba. Menos mal que tamos nel sieglu XXI.

Venti años de la consagración de Nirvana como cabezaleres del movimientu grunge gracies al asoleyamientu, en 1991, del discu "Nevermind". Y hora y media d'"En Forma Sacabera", pa descubrir que hai vida tantu depues como enantes de Nirvana na escena grunge.

Tres aniversarios n'una mesma edición d'"En Forma Sacabera", dos muertes y un nacimientu. 20 años ensin Tino Casal y Miles Davis. 20 años del asoleyamientu mundial del grunge, aparez nos mercaos "Nevermind" de Nirvana. Nun sabemos cuantu yeba programandose "En Forma Sacabera", pero dexuru que nun son 20 años.

Por muncho que mos empeñemos y insistamos en decir qu'esta edición ye un bucle constante, nun facemos otra cosa que mentir. Un bucle sedria si volviesemos al mesmu puntu d'entamu, pero non. Nesta edición d'"En Forma Sacabera" siguese una llinia trazada d'antemano que mos fae avanzar ensin tropezones, ensin paranos a mirar p'atras, el futuru, si ye qu'esiste, tenemoslu ehi delantre.

A esta edición d'"En Forma Sacabera" subtitulamosla "que cada cual piense lo que quiera" y ocurriosenos depues de pensar en como casaben Mongolia y S. Mateo ¿Hai que decir mas? Pues si. Nesta edición, prestamos-y atención a dellos de los conciertos "fuertes" d'esti añu en S. Mateo.

La intención yera pasar de desapercivies col tema San Mateo, pero cual ye la nuesa sorpresa que polo menos un par de conciertos, pa nos, son d'obligau usu y disfrute. Con too ello, afondamonos nel programa conciertil y una edición, esta, pa lo que pasa pasa nel escenariu de psicoloxia y la plaza'l paragües y otra pa los concieros "grandes". Y pa grandes, nos.

Termina'l mes d'agostu y con elli el viaxe radiofónicu al travies del planeta Rumania. Pesllamos el circulu recomendando la so visita y el placer que da sentir les sos músiques. Manele, l?utari, gansta rap, pop, llectrónica; too tien cabida na esfera sonica rumana. Y por supuestu, "En Forma Sacabera" existe, como non, pa enseñatelo y que disfrutes.

Terminau ya el intervalu vacacional "En Forma Sacabera" solo piensa en volver a descansar; y pa ello saca de la manga parte de los grupos que van participar nel festival de llingues minorizaes y sueña con viaxar, xunto a un equipu de Radio Sele pa Udine, Italia.

Cuando Bram Stoker escribio "Dracula" nel 1897, enxamas penso que munchu tiempu depues, l'equipu d'"En Forma Sacabera" aprovecharia la so revisión de la vida del siniestru Vlad Tepes, Vlad el empalador, pa dar envidia a toles oyentes del programa. Rumania mos espera.

"En Forma Sacabera" complazse en confirmar que la falta de cultura xeografica, impide el ordenau desenvolvimientu musical pa la parte de los balcanes. Un conglomerau de paises totalmente ordenau nos mapes y completamente caoticu nes oreyes del equipu enteru, forma la tercera pata de una serie d'ediciones dedicaes al malsanu afan de dar envidia a quien nun pue dir de vacaciones. Nos, vamos pa Rumania.