Podcast Martin Kitto eta Euskal Irratiak

Istripua izan da Biriatun. Lau zauritu. Euskal Irratietako "Hitz eta Putz" irratsaiokoek Martin Kitto bidali dute Biriatura istripuaren berri ematera. Zorionez, zaurituek ez dute zauri larririk. Zerk eragin du istripua? Bi zaurituk esan dute euskarazko kartel batengatik izan dela.

Lapurdiko Aetze herri mugimendu berri baten sorlekua da. Munduko beste toki askotan bezala, plazak okupatzera deitu dute, baina ez sistema kapitalistaren aurka, sistema kapitalistaren alde baizik. Deialdia ez da oso arrakastatsua izan... Edo bai? "Hitz eta Putz" irratsaioan, Martin Kittok "desekintzaile" batekin hitz egin du.

Espainiako Gobernuaren aginduz ezin da Euskal Telebista ikusi Nafarroa Garaian... "ofizialki". Baina euskaldunok kontrabandoaren bidez lortu dugu ETB Nafarroa Garaiko herritarrei helaraztea. Nola? Martin Kittok Euskal Irratietako "Hitz eta Putz" irratsaioan kontatu digu den-dena.

Ipar Euskal Herrian bederatzi lagun atxilotu dituzte, eta inork ez daki zergatik, harik eta "Hitz eta Putz" irratsaioak polizia operazioa zergatik gertatu den argitu duen arte. Atxiloketek zakurrei buruzko panel batzuekin dute lotura. Martin Kitto atxilotuen abokatuaren izan da, eta informazioa argitu digu.

Askotan hitz egin dugu "Euskaraz bizi nahi dut" leloaz. Eta "Ez dut euskaraz bizi nahi" leloa, zer? Euskaldun batzuek bigarrenarekin bat egin dute. "Hitz eta Putz" irratsaioan beraiekin egon gara.

Kasualitate baten ondorioz, bi euskaldunek Uzupisko Errepublikako ikasle bat ezagutu dute, eta hara! Konturatu dira euskara eta uzupiera oso antzeko hizkuntzak direla. Euskara uzupieratik ote dator? Edo alderantziz, uzupiera euskaratik? Euskal Irratietako "Hitz eta Putz" saioan hirurekin hitz egin dugu.

Ziburuko biltegi batean 17 milioi galtzerdi aurkitu dituzte. Interpolek adierazi duenez, lapurtutakoak dira galtzerdiak. Nazioarteko lapur talde bat da lapurretaren erantzule. Datu guztiak Euskal Irratietako "Hitz eta Putz" irratsaioan eman ditugu.

Iruñean euskarazko bi haur eskola irekiko direla iragartzeak polemika handia piztu du. Zer dio haur eskola horietako bateko zuzendariak? "Hitz eta putz" irratsaioan egin ditu adierazpenak. Adierazpen harrigarriak!

Ipar Euskal Herria eta Hego Euskal Herria bereizi egingo dira geografikoki. Gezur hau esan diegu kalean zebiltzatenei, eta zer uste duzue erantzun digutela. "Hitz eta Putz" irratsaioan azaldu ditugu erantzunak.

ETB1en programazioa erabat aldatuko dute. Sexua izango da gai nagusia. Martin Kitto programazio berriaren aukezpenean izan da, eta "Hitz eta Pitz" irratsaioan saio berriak zein izango diren aurreratu du.

Lekarozen sekulako aldaketak datoz: hotela, etxebizitzak... Polemika handia sortu da herrian. Errekarotzen, berriz, ez da poelmikarik sortu, eta aldaketak handiagoak dira: 550 etxebizitza, luxuzko hotela, zezen plaza... "Hitz eta Putz" irratasioan bertan egon gara, eta herritarren iritzia jaso dugu.

Euskal Selekzioaren futbol partidek ez dute interesik sortzen aspalditik. Horren aurrean, ESA plataformak proposamen hau egin du: sortu ditzagun bi euskal selekzio! Proposamenaren argibideak Euskal Irratietako "Hitz eta Putz" irratsaioan eman ditu Martin Kittok.

Gizonezkoa, larruazal ilunekoa, bizarduna, itxura arriskutsua... Armak al ditu? Talibana da? Jendarmeak gizonezko hori atxilotzen saiatu dira, baina gizonezkoa ihesi joan da, eta etxebizitza batean omen dago. Euskal Irratietako "Hitz eta Putz" saiokoek Martin Kitto bidali dute Angelura, alb istea bertatik kontatzera.

Ipar Euskal Herriaren eta Hego Euskal Herriaren arteko mugan, ehunka errefuxiatu daude Hego Euskal Herrira joan nahian. Poliziek ez diete muga pasatzen uzten. Nor dira errefuxiatuak? Zer nahi dute? Euskal Irratietako "Hitz eta Putz" saioak Martin Kitto bidali du errefuxiatuen artera, egoera zein den jakitera.

Hainbat herritarren presioagatik, mediku euskalduna jartzea lortu dute Ezpeletan. Euskal Irratietako "Hitz eta Putz" irratsaioak eskatuta, Ezpeletako Osasun Etxean izan gara, eta pazienteei galdetu diegu zer iruditzen zaien mediku berria euskalduna izatea.

Zailak al dira euskarazko aditzak? Bai? Ez? Euskal Iratietako "Hitz eta Putz" irratsaioan, Martin Kittok erronka bota dio Arantxa Idiederri: Baietz kalean harrapatzen duen lehenengo euskaldunak ZAKIZKIT aditzarekin esaldi zuzena bota? Arantxak dio ezetz. Nork irabaziko du apustua?

Asko eta asko kezkatuta gaude gazteek telefono mugikorrak ez dituztelako behar bezala erabiltzen. Hori dela eta, praktika onen gida aurkeztu dute. Euskal Irratietako "Hitz eta Putz" irratsaioan gidaren berri eman dugu.

Konturatu zarete Fred Berruetek "Hitz eta Putz" irratsaioan hitz egiten duenean ahots arraro bat entzuten dela atzetik? Zer dio ahotsak? Martin Kittok misterioa argitu digu, eta beldurrak airean utzi gaitu.

Datorren urtean Hondarribian hiru alarde izango dira. Batean, ez dute emakumerik onartuko, ezta kantinera izateko ere. Martin Kittok eman du esklusiba, "Hitz eta Putz" saioan.

Baionako IKEAren ondoan, Baiona Crossfit Center ireki dute. Crossfita entrenamendu militarretan oinarritutako jarduera fisikoa da, eta horrek kritika sutsuak eragin ditu. "Hitz eta Putz" saioan, gunearen inaugurazio ekitaldian egon gara.

Euskaltzaindioak agindu du zenbakiak euskaraz beste modu batean esaten hasi beharko dugula. "Hitz eta Putz" saioan argibide guztiak, Martin Kittoren eskutik.

Peru Iparragirre adituak dio sexua dela euskal kantu tradizionalen gai nagusia. Martin Kittok tesiafren berri eman du Euskal Irratietako "Hitz eta Putz" saioan.

Biarritz Olympique eta Aviron Bayonnais errugbi taldeen arteko tentsioa itzela da. Talde bateko jokalariak iragarri du beste taldeko jokalari batekin ezkondu behar duela. Zaleak kontra daude. Martin Kittok "Hitz eta Putz" saioan eman du berria.

Hego Euskal Herrian, sekta arriskutsu bateko kideak atxilotu dituzte: noentiendotarrak. Martin Kittok "Hitz eta Putz" saioan eman ditu argibide guztiak.

Eguenroko bizitzan, euskaldun asko atzerritar sentitzen dira Euskal Herrian. Horregatik, Atzerri Eguna antolatu dute. Martin Kittok Atzeri Egunaren gaineko xehetasunak eman ditu "Hitz eta Putz" saioan.

Frantxua Lassale munduko errekor berria jartzen saiatuko da: 55 ordu pasa nahi ditu etenik gabe hitz egiten. Martin Kittok Lassale jaunaren ondo-ondotik egin du errekor ahaleginaren kronika.

Baionako jatetxe batean istilu larriak izan dira. Senideen arteko liskar batengatik hasi zen dena. Martin Kittok "Hitz eta Putz" saioan eman ditu liskarraren xehetasun guztiak

Euskal Herrriko Slow Mugimenduak Korrikari boikota egiteko deia egin du bigarren urtez jarraian. Boikota egiteko deia prentsaurrekoan egin dute. Bertan izan da Martin Kitto, eta "Hitz eta Putz" saiorako kronika prestatu du.

Aurrerantzean, alkoholemia kontroletan, jendarmeak musu bidez neurtuko dute gidarien alkohol tasa. Martin Kitto Baionako errepide bazter batean egon da, gidariek araudi berria nola hartzen duten jakiteko.

Euskal Herriko Alderdi Fatxak lehenengo urratsak eman ditu Euskal Herriko politikagintzanparte hartzeko. Zer helburu ditu alderdi berriak?

Euskal Herriko Alderdi Fatxa hauteskundeetan izango da. Alñderdiaren bozeramaleak alderdiaren opinarri politikoen berri eman digu.

Nork ez du irri egin euskaraz gaizki idatzitako kartelekin? Nor ez da minduta sentitu euskara petralean idatzitako lerroak irakurtzean? "Hitz eta Putz" saioan halakoak izan ditugu hizpide.

Mohamed Goibel Hasan umore aditu egiptoarra da, eta min egiten ez duen umorea aldarrikatzen du. Martin Kitto Mohamed elkarrizketatu du "Hitz eta Putz" saioan, Euskal Irratietan.

ETBk "Goenkale" telesaila kenduko zuela iragarri zuenetik, erreakzio ugari izan dira Euskal Herrian. Mobilizazio jendetsuena Bilboko manifestazio nazionala izan da. "Goenkalerik gabe, bakerik ez!" lelopean milaka lagun elkartu dira. Martin Kitto manifestazioan sartu da eta bertako lekukotasunak jaso ditu, "Hitz eta Putz" saiorako.

Durangoko Azokan argitaratu nahi ez dituzten disko, liburu eta bestelakoak non eros daitezke? Durangoko Azoka klandestinoan! Martin Kitto han izan da, eta nola funtzionatzen duen azaldu digu

Euskaldunek "Aski da!" esan dute: ez dute madarikazioak esateko erdararik erabili nahi. "Madarikazioak eta irainak" manifestua aurkeztu dute, halakoetan euskara erabiltzeko.

Bi ingeniarik errobot bertsolaria sortu dute, bat-bateko bertsoak egiteko gaitasuna duen errobota. Botako diogu gaia? Botako digu bertsoa?

Frantziako Gobernuak Matignon Legea betearazi nahi du. Hartara, Baionako eta Ziburuko herriko etxeak eta Zuberoako Herri Elkargoa salatu ditu, toki-izenetan euskara erabiltzen dutelako eta legez frantsesa bakarrik erabili behar delako. Zer erabakiko du Paueko auzitegiak? Arrazoia emango al dio Frantziako Gobernuari? Martin Kittok zuzenean eman du epaiketafren berri "Hitz eta Putz" saioan.

Euskaraz Azkar Hitz Egiteko I. Txapelketa jokatu da, eta Martxelo Otamendik irabazi du. Nolanahi ere, kalapita handia sortu duena ez da hori izan, baizik eta Kanboko partaideari gertatutakoa. Entzuleak txistuka hasi dira. Zergatik?